|
مستحيل ارجع له
السلام عليكم ورحمه الله وبركاته اما بعد الافاضله اتمنى الرد على موضوعي وافادتي وان كان فيه احراج لي ولكم ..ولكن لما اعلم لمن الجأ انا تزوجت من سنة من شاب بنفس عمري 22 سنة..ولما اعلم بشخصيته الا بعد الزواج وبالاصل ليس لديه شخصية لا يشك الخيط بالابرة الا بأذن امه حتى في المعاشرة الزوجيه،وكل شي يخصنا،حاولت ان اغيره لكن تعبت ،غير هذا كله مغازلجي وراعي بنات ويدخن وراعي سويكه ،ودايما يدخل في شرفي ،وحتى شرف اهلى ،وحاولت ارد بس في من يزيده ، وكانت امه صديقة امي وكاتمت اسرار امي ولكنه كانت تقول له كل شي من والى،عن بيت ابوي ومشاكلهم ،وكان مرااات كثيره ياتي ويعايرني بما سمع من امه ،وغير اصدقاء السوء حتى انه مرةاتورط بقضية سرقة وقضية مخدرات، حتى قضية زنى والعياذ بالله ،من هذا كله انا متحمله وادريه وانا طالبة جامعية في سنة رابعه تخصص شريعه فرع فقة/اصول دين ،و اكون بين الاثنين زوجي واهله وجامعتي واهلي مسحتهم من قائمتي بسببه ،كان يرفض ان يوصلني لهم وحتى اذا ذهبت بعد ترجي وبكى اوصل لبيت ابوي ، ابوس رجل ابوي ورجل امي وهم مستغربين من وضعي ،من كثر شوق لهم ،اما اهل زوجي كانو يخلوني اغسل واكنس واطبخ وانفخ ووممنوعه من استخدام الخادمه وحتى بوجود 3 من الخدم ،بناتهم منهن 8 بنات منهن سبع متزوجات كل وااحده فيهم معها شغالة خاصة فيها ،انا المهم عندي ارضي زوجي وماهموني الباقي، غير البنات اللي يطلعون معاه وانا مسوي طاف للموضوع حتى حزات يتصلون فيني لما يفتشون جواله . في شهر 3 بالضبط بدت مأساتي رحت اريح ببيت ابوي اسبوع عشان اختبارتي النصفيه بدات وسبحان الله صار مؤتمر للدكاترة فقعدت يومين او ثلاث واحنا اصلى متفقين يمرني بعد اسبوع بالضبط بس انا حسيت بتأنيب الضمير واتصلت له مارد ،شفت اخوي طالع رحت معه ،لما وصلت محد كان ببيت الا الشغالة تحت وطلعت غرفتي ولان عندي مفتاح ففتحت عشان اسوي له مفاجأة قبل وصوله لقيته مع الشغاله بالغرفه نايم حاولت استوعب اللي اشوفه ،قلت لاتظلمين تأكدي صرت اتنافض رحت جنب السرير ونفضت البطانية من فوقهم ،،.....ويالتني ماتأكدت ياليت ... صرخت وطلعت ركض اتصلت في اخوي وقلت له يرجع ورديت البيت ،ماعرفت اتصرف سألني اخوي اشفيج مارديت كملت اسبوع ببيت ابوي ماقلت لاحد ولا كنت ارد ع تلفونه الا بمسج واااحد وهو "طلقني احسن لي ولك" الصورة للحين ببالي ماراحت وكل ماتذكر احس اني ابي استفرغ اعزكم الله ،وهو ياليته يعتذر لا كل اللي يقوله ردي بيتج احسن لج والا والله مايصير معاج خير "تهديدات بس " وتمين على هالحال اسبوعين واهلي يسألوني شصاير مااقول ،وفجأة بدون سابق انذار ارسل مسج يوم الجمعه نص شهر 4 الصبح انه بجيب كل اغراضي وصوري وورقة طلاقي بتوصلني الاحد قلت له الله كريم فرد وقال والله اني مجبور بس ،على العصر اخواني طالعين مع ابوي للمسجد لصلاة العصر شافو اغراض عند الشارع قبال بابناوجنب الزبالة بالضبط اكياس وبطانية فيه ملابس ووللاسف ايه كانت اغراضي وحتى اصوري من بينهم لا دق جرس ولا حتى اتصل ولا حتى مسج ،كان لاسمح الله جى حد خذ صوري وانا بكامل زينتي بالخطوبة والعرس ونشرهم ، تحاملو اخواني وعمامي وابوي راحو عندهم البيت واضربوه اخواني ضرب وقالهم روح بنتكم طالق وانا حاط الاغراض من الساعه 1 الظهر بس اخواني وابوي مااسمعوه لما قال بنتكم طالق،واسمعو من 1 الظهر لعنو خيره زياده وبعدها باسبوعين وهو يتصل فيني وانا ماارد ، فسكرته فترة، اخر شي طلق بالمحكمه بنص شهر 5 واستلمت ورقة طلاقي والناس درت من امه كانت ادور بمجالس الحريم واتقول لهم ولد طلق زوجته. وفتحت جوالي ولقيت مسجات واااايد منه مسج واااحد لفتني انه قايل ان "عدتج بدت بوم جبت اصورج واغراضج وملابسج اصلى مو من المحكمه ..ويقول بمسج لاتفرحين تريها طلقه واااحده رجعيه بالمحكمه يعني بس ثبت اللي طلقتج هذاك اليوم بس..والله لوتروحين لغيري ذبحتج وغيرها طنشت كلامه وحرقت الشريحه كلهاا ،وطلعت لي جديده انا حسبت عدتي من نص شهر 4 وخلصته بالطهرات في شهر 7 ماادري شنو اللي خلاني اطلع شهادة اثبات عدم زواج من عند القاضي يمكن الله الهمني اما بالمحكمه توني ماخلصتها لازم لنص شهر 8 عشان استلم مؤخري ،الاخ الغبي راح رجعني ببداية شهر 8 وانا مااعرف وهو مايعرف اني خلصت بالطهرات ، واخذ المؤخر ،لما مالقيت المؤخر خلاني ابوي ارفع قضية من اسبوع انه يجيب كل شي المؤخر والنفقة العدة والمتعه ، وانا موعااارفه شسوي حددت الجلسة تاريخ 20 /10 /2010م وانا مستحيل ارجع له مستحيل والله خايفه وتوني قبل يومين عرفت انه مرجعني ..شسوي ؟؟؟ |
ادعي ربج بالايام هذي ما تردين له
دامه زاني قولي لاهلج خليهم يآخذون حقج منه بالغصب كثري استغفار لي عوده |
كل ماقلتيه عنه لايجعل له ميزة واحد لنغفر له
اكملي اجراءاتك واحمدي الله أنك لم ترزقي منه بأولاد ضحايا فكري جيدآ بمستقبلك معه كيف يكون لو رجعتي وهل هو صالح لأن يكون أب !! فرج الله همك في هذا الشهر الفضيل |
عوضك الله خيرا وأبدل همك فرحا و سرورا
|
الله يكون بعونج حبيبيتي
وييسر لج ويعوضج بواحد ولد حلال يحفظج ويصونج ويعزج ويعز اهلج بس لا لالالالالالالالالالالالالالالالالالالا ترجعينه له هذا من البداية زنا وخدم وبلاوي اشلون بتكون النهاية وهو خايف لا يطلع بالشينة وخايف لا تفضحينه بانج شفتيه مع الخدامة بس اهم شي قوي قلبج بالله وثبتي على موقفج من الرفض وربنا سبحانه نصير المستضعفين |
اكثري من قول لا حول ولا قوة الا بالله -اللهم اجرني في مصيبتي واخلف لي خيرا منها -
اسأل الله العلي القدير ان يبدلك خيرا منه سبحان الله لعل في الامر خيره لك |
الله يعوووووووووضك خيييير
|
حسبي الله عليه ونعم الوكييييييل
الله يوفقك ويريح بااااالك |
طيب عدة اسئله اذا ممكن
هل اخبرتي اهلك انه زنا هل اخبرتي القاضي انك وجدتيه في الفراش مع الخدامه ومن ثم مثل ما اخوتك ضربوه اول مره يضربوه الثانيه مع انه يستاهل الجلد وخليه يكتب تعهد انو ما رح يرجعك انتي طالبة شريعه وفرق شاسع بين علمك وتفكيرك وطليقك اخوتك يتصرفو معه واللي مثله تليق عليهم الخدم مش متعلمين شريعه الله يعوضك العوض الصالح |
انا لا اقصد التحقير بالخدم لا سمح الله ولكن قصدي الخدم اللي تزني
الله يهدينا جميعا |
اقتباس:
الله يسمع منج..والله يعوضني خير |
اقتباس:
وانا خايفه ان القاضي يخليني ارجع له بحكم عدة اللي بالمحكمه مو بحكم عدة الطهرات والله يستر منه .. |
اقتباس:
|
اقتباس:
بحتسبه عند ربي ..وصرت اتحسب عليه بكل ركعه عند ربي..حسبي الله عليه ونعم الوكيل |
اقتباس:
حسبي الله عليه ونعم الوكيل |
اقتباس:
بارك الله في عمرك وعملك ورزقك من حيث لاتعلمين ولاتحتسبين ..اللهم آآمين |
اقتباس:
صج دنيا خربانه:rolleyes: |
عزيزتي .. إن كنتِ لا تزالين تحتفظين بالمسج الذي يخبركِ فيه بوقوع الطلاق وبدء العدة فأظهريه للقاضي .. كما أعتقد أن إخوانكِ شهوداً على وقوع الطلاق الذي نطق به أمامهم.
الأمر الآخر .. أتفق معكِ أن الستر زين .. ولكن يا عزيزتي إن كان ستركِ عليه سيؤدي إلى إرغامكِ على الرجوع إليه فبصراحة لا أرى هنا أنه يستحق منكِ أن تستري عليه .. وإن كنت لا ترغبين في العودة إليه فيفترض أن تبيني للقاضي دوافعكِ لذلك حتى تكون الأمور واضحة وحكمه صحيحاً .. خاصةً أنكِ لن تكذبي ولن تتهميه زوراً. |
حسبي الله عليه ونعم الوكيل ..
أبدا لا ترجعين له .. وبالنسبة للقاضي انا أشوف تراوينه الرسالة اللي فيها انه طلقك بوقت ماجاب اغراضك اذا كان تاريخها مثل تاريخ طلاقك الصحيح مو اللي بالمحكمة واذا كنتي حرقتي الشريحة روحي للاتصالات واطلبيهم كشوفات الرسائل حقت شريحتك الأولى اذا كان فيه واثبتها للقاضي.. انا طليقي رجعني بعد طلاقي بسنة وزور انه رجعي بآخر يوم بالعدة وجاب شهود بس وقت ماقال الوالد للشيخ عن تاريخ الطهر وانها انتهت العدة وليست مشروطة ب3 شهور وانما بآخر طهر الحمدلله لما أرجع له وكسبنا القضية وغرمته النفقة لانه لمارجعني كان على أساس مصالح له وليس حباً فيني وحتى اثبت له ان بنااات الناس مو لعبة ... ومأحد يلومك ماتنسين منظره بالفعل منظر يقهر ويدمي القلب .. |
اقتباس:
|
اقتباس:
وااحد من خواني اللي سمع واعتقد انه حلف بس بالوقت نفسه .. انا قلت كذا بعد بس مو قدام حد اني اكتب ورقة واقدمه للقاضي بدون مااقول ..بس بعد ماادري الله يرزقك ويوسع لكي في رزقك انه خير الرازقين ويرزقكي من حيث تعلمين ومن حيث لاتعلمين ..اللهم آآمين |
اقتباس:
|
اقتباس:
الله يرزقك من حلاله دونن عن حرامه ويوسع لك في رزقك انه خير الرازقين ويرزقك من حيث تعلم ومن حيث لاتعلم..اللهم آآآمييين |
ولا تنسين يالغالية الدعاء والاستغفااار
وبإذن الواحد الأحد تبشرينا قريب جدا بفرج الله عليك.. وترا ممكن الموضوع يأخذ أكثر من جلسة ويشد القاضي عليك بس لا تستسلمين لان اصلا رجوعك بعد العدة مايجوز وهو رجل اجنبي وأصرارك على رفضك اياه وان عدتك انتهت قبل الرجعة سوف تثبت باذن الله للقاضي صدقك .. موفقة غاليتي .. |
اقتباس:
تسلمين ياقلبي والله يسمع منج ..وبارك الله في عمرك وعملك ورزقك من حيث تعلمين ومن حيث لاتعلمين ولاتحتسبين ..اللهم آآآمين |
اختي شكله زوجك حاب ينتقم منك ويذلك ويرجعك بالغصب خاصة انه ما احاول حتى الاعتذار
ابعثي له رسالة تقولين فيها انك لم تخبري احد بموضوع الخادمة لكن اذا اصر على طلب الطاعة ستقولين ذلك للقاضي والقاضي سيطلب منه ان يحلف بعدم ممارسته الزنا |
اعانك الله وسدد خطاكي ودلكي على الصالح اخيتي اكثري الاستغفار ولا تنسي الدعاء بان يدلكي على الصالح اخيتي الدنيا اختبار لا استطيع ان اقول لكي افضحيه بل استشيري هيئة الامر بلمعروف والنهي عن المنكر والله يوفقك
|
الله يفرج همج ويبعده عنج ويعوضج بالرجال الصالح الطيب
|
غاليتي انا سألت لأحاول مساااعدتك
فقالوا ان القاضي يصدق الزوج بالطلاق ولا يكذبه او يناااقشه ويصدق المراءة بالعدة ولا يناااقشها ايضا لكن حاولي ان تبحثي عما يثبت طلاقك الأول ........ وبالتوفيق يااارب |
| الساعة الآن 01:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©