|
أريد مشورتكم في خطيب أختي
عندي مشكلة خلتني في وضع نفسي سئ جدا عادتن لاافضل طرح مشكله تخصني في منتدى
لكن ضاقت بي السبل واحترت جداااا ولا مانع من راي حكيم ورشيد دايم قلقانه وما انام وافكر بأختي اختي تملكت على شخص بسيط في الكلام والتفكير ماكمل الثانووي وكان يرسب في الابتدائي كثيير لما تسأله عن اي شي مايعرف ماعنده خبرة بالحيااة ابدااااااا لدرجة مايعرف ايش سمول او ميديم ماسافر ابدا لحاله متخووف من السفرر وشهر العسل هذا الي حست فيه اختي لكن صراااحه معدنه نضيف وطيييييييب جدا وحنون ويغرق عليها الكلام الحلو يعني هو طيب جدا وحنون وتعلق في اختي وحبها كثييير وهي تحاول تنسجم بس لما تسكر التلفون تجلس تبكي تقول غريب في كل شي ما افهمه ابدن لاكلام ولاردود بسيط جدا وعلى سجيته وطبيعته مايتصنع ابد وهذا شي حلو والشئ الثاني يقول انا ما افهم في العلاقة الزوجية لكن اذا تزوجنا ربي بيسهل كل شئ واتعلم !!!!!!!!! متكل اتكال كلي على امه واخووه هو من عاااائلة غنيه جدا جدا جدا وضعه الماادي كوووويس وفوق الكويس غني جدا وهذا مش مهم بس احطكم في الصوورة لما تكلمه في موضوع جاد يجيب رد ماينااسب الكلام ابدددد مثلا يقول جيتي من صلاة التراويح تقوله اختي ايه يقوول ,, اييه الله يهديكم الله يهديكم هذا مثال انو ردوده ماتناسب الكلام ابد مثلا هو دخل معهد تسأله اختي وشو هالمعهد يقول مدري مدري واختي بس تبكي وقطعت قلبي والي نخاف منه يصير عنده قصوور في التفكيرر وعلى فكرة سألنا عنه كثيييييييييير قبل مانوافق وسألنا وسألنا وكان الكلام مطمئن اختي تقول ابدا ما انسجمت معاه بالتفكير ولا بالكلام تكفون شيروا علي وش نسوي وش نتصررف هي من زمان حاسه كذا بس تحاول تنسجم وتفهمه بس ماحصل ابدا ودايم تستخير وتبكي امي قلقانه وخايفه على اختي والوالد حكيم جدا ويقول انتي ماتقدرين تحكمين عليه الا لما تعيشين معاه وتقررين انتو وش رايكم اريد اراء من اهل الخبرة والحكمه رجاااااااااء ارجوكم انا بأمس الحاجه عادتن لا اخذ اراء المنتديات لاني لااعلم مين اللي يعطيني الراي هل هو مراهق او شخص مش فاهم ,, القصد انهم ليسو اهل خبره واهلا للسؤال لكن لمست منكم الحكمة واتمنى الراي الحكيم الله يجزاكم كل خير ويفرج لكم . |
والله مشكله
التوافق الفكري مهم جدا وزوج اختك غريب جدا والله مدري وش اقووولك بس اهم شيء لاترتبط فيه الا اذا اقتنعت فيه اما اذا تمت كذا فالانفصال من الحيين احسن الله يفرج همك وهمها |
ابوج واخوانج مالاحظوا شي على الولد!! عادة والد البنت يتكلم مع الخاطب حتى يعرف شنو منطقه وشنو تفكيره !!
عادة اللي تغليمهم بسيط يفتقرون للكثير من الكلمات والمصطلحات وهاذي نتيجه طبيعيه للتعليم البسيط او قد يكون غير مختلط بالناس وخبراته بسيطه |
حبيبتي ناني ابوي واخواني ما لاحظو شئ ابدا
بالعكس يقولو طيب وعلى نياته وعلى طبيعته جدا وتعرفين كل واحد نظرته تختلف عن الثاني ودايم الحريم هم اللي يدققون اكثر من الرجال وخصوصا اختي هي اللي بتعيش معاه جزاكم ربي خيرا |
شاكرة ردك قلبي طفل
جزاك الله خير |
بالعكس يقولو طيب وعلى نياته وعلى طبيعته جدا
بما ان الوالد مثل ماوصفتيه بــ الحكيم . مالاحظ هالشي فهذا شي طيب لان كبار السن ماتطوفهم هالاشيا .. يلقطونها وهي طايره . .. اتوقع ان اختج ماخذتها الوساوس .. كلنا قبل الارتباط نحاتي ونفكر ..ونخاف من اشياء مجهوله.... وبالنسبه لردوده الغير مناسبه يمكن يكون خجول ومايعرف يعبر!! الله يوفق الجميع |
والله الحمد لله انو العريس قلبو ابيض
خليها ترفعه معها وهي تعلمو يتعلمو مع بعض افضل ما يكون مقطع موصل ولكن خليها تستخير وتدعي رب العالمين ان كان زواجها منه خيرا لها |
ياقلبي تاخذ واحد طيب وعلى نياته احسن من واحد لعوب وملكع وفاهم الكفت راح تتعود عليه وراح تعلمه كل شي تجاربه في الحياه واضح انها شبه معدومه بس الحياه تجارب بعد الزواج راح يتغير هي راح تعرف تتصرف معه وراح ترتاح كثير باذن الله بس لاتدقق كثير لانه صار شبه مستحيل ان ياتي الوحده زوجها زي ماتحلم
|
اقتباس:
اما عن راي والدك الحكيم .. فرأيه عذرا غريب جدا جدا .. فلم اسمع عن شخص يجعل ابنته تجربه للرجل .. اذا كانت لم تعيش معاه بعد و تبكي منه فما بالك عندما تعيش معه ؟؟ و لماذا يضغط والدك عليها و هو يراها تبكي منه ؟؟ هلي يريد ان يتخلص من ابنته بالزواج لاي شخص حتي لو كانت تعيسه معه .. ؟ هل يريد ان تحصل ابنته علي لقب مطلقه لانه يريدها ان تجرب عيشتها معه ؟؟ الزواج ليس فيه تجارب اخي الموضوع منته و لا يحتمل الانتظار اكثر من ذلك .. هذا الشاب لديه قصور في القدرات العقليه و هذا امر لا شك فيه .. و بفرض انه سليم تماما .. اختك تبكي و هي في مرحلة الخطوبه .. فاي دليل اقوي من ذلك ليثبت لكم انه لا يصلح لها ؟؟ |
[COLOR="Purple"]نصيــــــــحه لاختـــك تشتري رااحتها من الحين وتفسخ الخطبه وقبل لايتعلق فيها اكثـــر..لانو اختك نزلت دموعها من الحيـــن وماتصبرت فما بالك بعد مااتتزوجـــه وتجلس معه وش رااح يصير فيها وخصوصـــااذا كانت متعلمه تبي من يوافقها بالفكـــر/COLOR]
|
عزيزتي..
ما دام متكلاً اتكالاً كلياً على أمه وأخيه فهذه وحدها لا تريح ولا تبشر بالخير .. فكيف إن اقترن ذلك بقلق أختكِ من كونه يعاني قصوراً ما في التفكير. شوفي عزيزتي .. المسألة قد لا تكون مرضاً بالمعنى الحقيقي .. ولكن ربما هي قلة الخبرة وقلة الاحتكاك بالناس .. وربما أشياء أخرى لا نعرفها .. ولكن المحصلة هي أنه ربما لا يكون قادراً على إدارة الحياة الزوجية كما يجب. على كل حال .. فترة الخطوبة وعقد القران هي لاختبار مثل هذه الأمور .. ويمكن لأختكِ ـ إن استطاعت ووجدت في نفسها الاستعداد ـ أن تستخير وتصبر عليه بضعة أسابيع لتتأكد من نفسها ومن وجهة نظرها في الرجل .. فإن تأكد لها أنه لا يلائمها فلتتوكل على الله وتنهي هذا الارتباط .. وبإذن الله يعوضها الله ويعوضه .. ولكنني بالطبع لا أتفق مع والدكم ـ هداه الله ـ في الانتظار لما بعد الزواج. |
عفوا اختي هدوء مزعج
رائيي انا شخصيا وانا قست وضعها علي يعني لو انا بمكانها والله ماراح استمر معه لان الطلاق موب سهل خلاص البنت اذا تطلقت ياتاخذ شايب والا رجل معوه درزن بزارين حاولو تلحقون عليها احس ان الرجال مو مضبوط هذي بنتكم اغلى من اي شي ثاني
|
QUOTE=هدوء مزعج;2477139]عندي مشكلة خلتني في وضع نفسي سئ جدا عادتن لاافضل طرح مشكله تخصني في منتدى
لكن ضاقت بي السبل واحترت جداااا ولا مانع من راي حكيم ورشيد دايم قلقانه وما انام وافكر بأختي اختي تملكت على شخص بسيط في الكلام والتفكير ماكمل الثانووي وكان يرسب في الابتدائي كثيير
ايش سمول او ميديم ماسافر ابدا لحاله متخووف من السفرر وشهر العسل هذا الي حست فيه اختي
لكن صراااحه معدنه نضيف وطيييييييب جدا وحنون ويغرق عليها الكلام الحلو يعني هو طيب جدا وحنون
تقول غريب في كل شي ما افهمه ابدن لاكلام ولاردود بسيط جدا وعلى سجيته وطبيعته مايتصنع ابد وهذا شي حلو
ربي بيسهل كل شئ واتعلم !!!!!!!!!
متكل اتكال كلي على امه واخووه هو من عاااائلة غنيه جدا جدا جدا
وضعه الماادي كوووويس وفوق الكويس غني جدا وهذا مش مهم بس احطكم في الصوورة
مثلا يقول جيتي من صلاة التراويح تقوله اختي ايه يقوول ,, اييه الله يهديكم الله يهديكم
مثلا هو دخل معهد تسأله اختي وشو هالمعهد يقول مدري مدري
والي نخاف منه يصير عنده قصوور في التفكيرر وعلى فكرة سألنا عنه كثيييييييييير قبل مانوافق وسألنا وسألنا وكان الكلام مطمئن
اختي تقول ابدا ما انسجمت معاه بالتفكير ولا بالكلام
تنسجم وتفهمه بس ماحصل ابدا ودايم تستخير وتبكي امي قلقانه وخايفه على اختي والوالد حكيم جدا ويقول انتي ماتقدرين تحكمين عليه الا لما تعيشين معاه وتقررين انتو وش رايكم اريد اراء من اهل الخبرة والحكمه رجاااااااااء
ارجوكم انا بأمس الحاجه عادتن لا اخذ اراء المنتديات لاني لااعلم مين اللي يعطيني الراي هل هو مراهق او شخص مش فاهم ,, القصد انهم ليسو اهل خبره واهلا للسؤال لكن لمست منكم الحكمة واتمنى الراي الحكيم الله يجزاكم كل خير ويفرج لكم .[/QUOTE] |
اقتباس:
أما ان حسمت أمرها الآن فهي مفسوخ عقدها وما زالت بكرا .... خصوصا ... وأن مشاعرها اتجاهه وااااااضحة .... وهذا حالها الآن وهي ما عاشت معه فما بالك بعد الزواج ...هنا الطامة الكبرى ... لو ان الكلام هذا ما بين معها الا بعد الزواج لكان لي رد آخر .... ولكن وحال الولد واضح قبل الزواج فسيكون وضوحه أفظع بعد الزواج .... ولكن في ذلك الحين سيقال لها اصبري وتحملي وهذا زوجك ...أما الآن فالوضع أسهل ان شاء الله تكوني فهمتي علي والله يقدم لها اللي فيه الخير والصالح ،،، |
الله يجزاكم خيير شخص شخص
اختي متخرجه من الجامعه بتقدير عالي و احنا ماقلنا لازم يصير جامعي ادري ان الدراسة ماتعيب لكن انا اعطيكم صورة كامله عن الشخص والدي لايريد لابنته الا الخير والزيييين وابوووي الكل يستشيرره ويسأله واقاربنا كلها تاخذ برايه هذا من باب لكنه يقول لاختي,, الولد فقط ماله خبرة بالحياه وانتي راح تطورينه وتعليمنه كل شي ,, وعلى فكرة ابوي ماراح يزوج بنته عشان مال او شي ابدن ابدن لكن الوالد لايحب الاستعجال / جزاكم الله الف خييير والله يفرج لنا وكل مسلم |
عسى أن تكرهوا شيئا و هو خيرا لكم
|
أختي هدوء مزعج
أنا اتفق مع الأخت هضاب نجد ، الولد مرتبك لإن ماله خبرة في البنات و العلاقات و هذه ميزة بعد الزواج راح تتعب معاه أول سنة ، بس بعد كذا راح ترتاح معاه لإنه راح يكون أب حنون لأطفالهم و زوج حنون و معتمد على أمه و أخوه لإنه لسى ما صارت له مملكة خاصة به زوجي أول ما تزوجنا ، أمي قالت مثل ما إنت ماعمرك طبختي في بيت أهلك و دحين تبدأي تعتمدي على نفسك ، فنفس الشئ الشاب لسىى توه بيبدأ حياته فخليها تبدأ حياتها مع شخص قلبه طاهر و نظيف و يحطها فوق راسه و داخل عيونه و لا تاخد لها واحد يكسر لها راسها مو كل يوم نلقى أحد يحبنا و يغلينا هذا رأيي و أنا وقت ملكتي كمان ، كنت يوميا أبكي :D |
اقتباس:
|
انا من راي انها تقلوا
عن شو هي حاسه وتساله عن هذه الاشياء ولكن حذار من الكلام قبل ما يصير مشاكل يا سمح الله انا هذا راي ولكن كلو بيرجع لاختك الله يوفقهم |
يا اختي الكريمة يجب التأكد من ان قدراته العقلية سليمة , فبعض الناس يكون عندهم تأخر عقلي خفيف لا يبين الا بالمعاشرة اليومية ,,
اما ابيك فلا اعتقد انه سيكون ادق في الحكم من اختك التي تكلمه بشكل مستمر ,,, لذلك يجب ان يأخذ كلام اختك على محمل الجد و تسئلوا عن هذا الرجل جيداً عن طريق اقاربه و معارفه , و يفضل ان تطلبي من اخوانك ان يلتقوا به بشكل مستمر في مكان ودي كمقهى او مطعم للتأكد من قدراته العقلية ! ايضاً اختلف مع وجهة نظر ابيك فاختك ليست فأراً للتجارب ترمى على هذا الرجل لنعرف هل هو عنده مشاكل عقلية ام لا !! هي الآن على البر و بامكانها ان تفسخ الملكة و هي ((بكر)) , و ذلك افضل مليون مرة من ان تتطلق بعد الدخول و تصبح ((ثيب)) ناهيك عن ما سيصيبها من حزن و اسى و انكسار بل ربما ندم !!! |
الشهادة مو مقياس ،، يعني الدكتورة ما تتزوج غير دكتور أو بروفيسور ؟
سمعت مرة إنه هناك طبيبة كبيرة تقول خذوا شهاداتي كلها ، و اعطوني طفل مني تبغى ظل رجل و تقول خذوا كل شهاداتي المرأة في الأخير تبغى اللي يشعر بها ، اللي يحس بها و يحبها و اللي ما يعرف لغة انجليزية مو شرط أبدا إنها ما تدل على ثقافته يا كثر اللي يتكلموا ، هاي و باي و مامي دادي و هو صفر أخلاق و دين |
اقتباس:
مع احترامي لوالدكِ يا عزيزتي .. ولكن ليس مطلوباً من أختكِ أن تعلمه شيئاً أو تطوره كما يقول الوالد ... فالرجل المقبل على الزواج يفترض أن يكون مؤهلاً للحياة الزوجية وقيادتها بشكل جيد .. وما دام هو القائد فليس مقبولاً أن آخذ رجلاً أقوده أنا بأي شكل من الأشكال. |
اقتباس:
ليت المشكلة في الشهادة او اللغة , بل المشكلة ادهى و امر , حيث ان خطيبته لديها شكوك في قدراته العقلية ! يجب التأكد جيداً من قدراته العقلية و دحض هذه الشكوك تماماً |
أخوي الفاضل صقر الشرقية
أتفق معك في رأيك و لكن إن كان هناك قصور فرضا في قدراته العقلية .. فأتوقع الوالد يكون أول واحد لاحظ الشئ هذا و لا يوم سألوا عنه .. كان قالولهم ؟ بس خليها تستخير و يسألوا أكثر .. توقعي و الله أعلم إنه يكون خجل ؟ و حياء ؟ لإني مريت بمواقف شبيهة مع زوجي في أيام الملكة ، و دحين نجلس نضحك عليها يقولي كنت منحرج و ماعرفت إيش أقول لإنه أول مرة يتعامل مع امرأة في حياته و زوجي يكره الدراااااااااااااااااااااسة و يمكن كان أكسل طالب في الفصل :D و أول مرة سافرنا للخارج عشان الغربة و كذا ، كان زوجي متوتر و مو عارف كيف يتصرف بس ماشاء االله دحين إذا سألته عن أي شئ هنا ، فاهم كل شئ ماشاء الله و خليها تستخير و الله يوفقهم |
انا اشوف ان المدة بين الملكة والزواج تكون بأطول وقت ممكن حتى تتمكن من التعرف عليه اكثر ، ولايكون تعارفهم بالتهاتف بس، لابد الخروج سويا للمطاعم والاسواق طلعات خفيفة تتعرف عليه اكثر يمكن هو ماتعود على التعامل مع البنات و عشان كذا مايعرف يرد بردود مناسبة، وبعد فترة تقدر تقرر تستمر معاه ولا تفك الملكة.
|
اسألوا عنه رجل من عائلتكم
عمك خالك شخص واعي وكبير وفاهم خليه يجلس معاه او يطلب منه يروح معاه لأي شغله ويشوف تصرفاته الحقيقه من وصفك اشعر ان عنده قصور في التفكير واعرف حاله بنت مرت علي الله يشفيها ولا يبلانا وما نجحت من ثالث ابتدائي بس هذا أهله اغنياء ممكن مشوه بالمدارس الأهليه لازم تعرف حالته بشكل واضح وبعدين تستخير وتقرر المهم لابد من أحد يجلس معاه ويفصفصه وشكل أختك انصدمت فيه فعلا والا ماكان بكت من كلامه الله المستعان |
عليها بالاستخارة
|
المفروض ان اختك من الاول عرفت فرق المتسوى التعليمى
|
ياجماعة وش فيكم تركتو كل شي وركزتو عالتعليم بس!!
انا لا اتكلم عن الفرق التعليمي فقط هذا مو مقيااس ابدا ياما فيه ناس مامعاهم الا المتوسط وعرف كيف يدير حياتة لكن انا اعطيكم صورة عن وضعه واختي قفلت جوالها وماتبي تكلمة وتقول بقرر بعد العشر بصلي واستخيير لما ارسلت له عن اللي مضايقها بالضبط وكتبت كل شي من انها ماتفهم ردوده وكل شي بخاطرها رد عليها بمسج احبك اختي جلست تبكي تقول مو قادرة اوصله اي معلومه دقت عليه وقالها طيب انا احبك ,, وخلاص بتغير بس انا مابيك تزعلين وانا ماحب اي شخص عزيز علي يزعل مني لاتسكرين وانتي زعلانه رحمته صراحه جدا وهو مو فاهم بالضبط انا عن نفسي مو فاهمه شي صراحة \ بعدين شايبنا يامخي فاصل ماوده يكبّر الموضووع ويطير بالعجه الركاده زينه .. يقوولها لاتستعجلين بالقرار فكري زين عمر الرجال 28 سنة الله يجزاكم كل خيييير |
السلام عليكم
أولا عليها بالاستخارة ثانيا عليها ان تتكلم معه اكثر و تساله فى الاشياء الهامة لحياتهم المستقبلية معا و تتفهم ما هى افكاره و طموحاته و اهدافه و هل يتفق معها او لا ثالثا ليس عليها ان تاخذ خطوة الزواج الا و هى متاكدة انه الشخص المناسب و انها مرتاحه له |
أختي
موقف خطيب اختك الأخير من جددددد فكرني بزوجي حتى جلست أضحك هههه كان كل ثانية يقولي ( أحبك ) ، أقوله إيش الأشياء اللي تحبها و اللي ما تحبها عشان أعرف ؟ قال يرد علي و يقول ( أنا أحبك إنت و بس ) ،، قلت له إنت ما عندك غير أحبك ؟؟؟ بعدين أمي من حالها من غير ما أقولها شئ ، قالت لي ترى الرجال وقت الملكة يقول كلام حب بس بعد الزواج ، الحرمة تتمنى يقول لها كلممممممممممممة بس و قلت بداخلي مو معقولة ؟ كان كل مكالمة ما عنده شئ يقول غير ( أحبك ) :D دحيييييين ، ألا ليت أيام الملكة تعود يوما فأخبره ماذا فعل الزواجووو :p دحين أنا اللي أقولها له و هو ما يقول أبدا ، أسأله ؟ يقول طيب أفعالي و اهتمامي فيك مو كافي ؟ قلت له فيييين أيام الملكة ؟ يجلس يضحك و يقول ماكنت أعرف إيش أقول و أخاف اغلط أقول كلمة و تزعلي و أول مرة أتعامل مع ( أنثى ) :) و كنت أبكي ، مين قالك ؟ تحسبيني كنت أنبسط ، لإني كنت خايفة من المستقبل ؟ و كنت استخير يوميا و نفس الوقت ما كنت أبغى أكسر خاطره و لا أجرح مشاعره ،. و الحمد لله ، من يوم تزوجنا عمره ما قال لي كلمة تجرحني .. |
صح عليك الركادة زينة ولكن ليس لدرجة أن تحكم عليه بعد الزواج وتصبح مطلقة وهي الآن فاهمة نفسها وواضحة مشاعرها اتجاهه
عندها هذه ليست ركادة بل مصيبة |
الله يعطيكم الف عافية
والله يكتب اللي فية خير |
واضح أنه اتكالي ولذلك نظرة فاحصة على سبب عدم تقدمه الدارسي لعل يوضح لكم على من كان يعتمد الشاب بشكل كبير ولذلك أخشى أن أختك تتضرر مستقبلاً وتصبح مطلقة ولننظر أبعد من ذلك خاصة في تربية الأبناء والقيام بحقوق وواجبات الحياة الزوجية الأخت رزان أو روح الطير :25: زوجك لا يشابه هذا الشاب فزوجك من النوع وسيع صدر وباله طويل ويهمل من حوله لكن لا يصل لوضع هذا الشاب بل يختلف عنه تماماً !!!! الخجل شيء و بعض الطباع التي تظهر الإتكالية شيء مختلف تماماً وأمر أخر ممكن إذا كان له أخوة أنكم تعملوت مقارنة بينه وبين أخوته وتشوفون ما الفروق بينهم وما السبب هل هو من ذات الشاب كمرض أو عاهة أو معاملة خاصة تلقاها من صغره وحتى كبر . والله يكتب لها الخير عزوبي بس رجل |
. . صـآاحب القلب الأبيـض ., والإنسـآان الطيب .’ نـآادر بهــآالزمـآان ..!! ولكــن كل شي بحــدوده ’ هل علاقتـه بأهلـه هي العلاقـة الطيبـة وفي نفــس الووقت عنده الاستقــلآليـة الي تسمـح له فتـح بيت والاعتمـآاد عليه في تحمل المســئوليـة ’ فــ هنـآا الطيبـة محمودة .’ وعليهـآ بـ صلآة الاستخـآارة والدعــآاء والإلحـآاح بـه ,’ علهــآ أن تفرج عـآجلآ غير آجل ! , |
قبل كل شي اسأل الله يوفقك اختك للي فيه خير لها ولأهلها الشي الثاني اللي ابيك تفهميه زين هو ان " المشكله باختك مو بالعريس" >>>> هذا رأي وبنيته ع كلامك اللي فهمته انها كان راسمه صوره من ذهب لفارس احلامها وهذا شي طيب وما فيه مشكله بس المشكله لما تتصادم هالصوره مع الواقع اللي هي تعايشه الحين بمعنى آخر انها كانت تفكر بأنو هيكون متعلم لبق معتمد ع نفسه ....الخ هذي المواصفات اي بنت تتمناها في زوجها بس لو مالقيتها ما اجلس ابكي وهنا لي عتب ع اختك بحكم انها متعلمه زي ماتقولي مافي احد يولد من بطن امه يعرف كل شي ويفهم كل شي >>>>>>>عندي بعض زملاء مايعرفوا يوصلوا لو جزء فكره ليه ماتستغل طيبته وتعلمه وتفهمه بكل شي وتسغل حبه لها وتخليه يسوي اللي تبغاه والحياة تجارب واحلى شي لما يجربوها مع بعض بكرا هيكون معاها في بيت لحاله وهيتعلم يعتمدع نفسه وهيسافر ويجرب وتتوسع مداركه نصيحة لك ولأختك تذكري العبارة اللي تقول "الله يعطي شي مقابل شي" خليها تحمد ربها ان الله رزقها بواحد طيوب ويحبها ومقتدر والباقي كلوا بيجي مع الأيام والدنيا الله يكفينا شرها تعلم اللي مايتعلم |
سلامي للجميع
الاخت العزيزة بالنسبة للدراسة فمثل ما نحكى مش كثير مهم ايش المستوى التعليمي اللي وصلو لانو في كثير من حالتو ما كملو تعليمهم او ما نجحوا فيه بس نجحو بمجالات ثانية، بس طبعا بيكون في سبب مقنع لهالحالة مثلا المستوى المادي او مشاكل عائلية (وهاد اشي مش وارد في حالته)، وهيك يمكن يكون المشكلة بشخصه من ناحية كسل او قصور تفكيري بجد وبهالحالة ما بتفيد الطيبة ولا الحنية لانها بتكون سطحية وعفوية وبدون قناعة وتفكير، لهيك بيجي دور اختك كونها متعلمة انها تكتشف هالانسان وتعرف ان كان مناسب او لا وبالنسبة للسمول والميديوم.. ما عليه يمكن يكون كبير بطبعه وما بيفكر اللا باللارج بالنسبة لغناه ووضعو المادي المريح فهاد اشي لازم نخاف منه شوي لانو الارزاق بيد الله، اليوم معو فلوس بس تفكيره بسيط .. يمكن بكرة تروح فلوسو وشو بيبقى ؟!؟.. الرجل لازم يكونلو هويته ويصنع مستقبلو بايدو بالنسبة لراي الوالد فكل الاحترام الو لو شو ما كان لانو لو ما بيفيد ما بيضر .. بس بردو لازم يكونلو دوره بهيك حالة .. يعني لو حكينا انو العريس بيخجل من النسوان وعمرو ما حكا مع بنت ، بهالحالة بيقدر الوالد يختبره بمواضيع الرجال هالفترة نكتبت علينا ليعرفو الخاطبين بعض عن قرب والمفروض يتفاهمو على كل صغيرة وكبيرة وللا شو فايدتها اذا وطبعا الاستخارة من رب العالمين هي الحكم الاول والاخير وربنا يقدملهم اللي فيه الخير |
قريت كلامكم مرة واثنين وثلاث
جزاااااااااكم ربي خيييييييرا الى الان واختي تدعي وتسخير والله يكتب اللي فيه خيير |
| الساعة الآن 06:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
