|
خاطري مكسور
السلام عليكم ورحمة الله وبركاته الله يسعدكم دنيا وآخره اسمحولي محتاجه احد يسمع لي ابي ابوح الي بداخلي احس مكتومه مرررره يعني بكتب الي يطلع بخاطري سواء عامي بحت اوغيره <الله يجزاكم الجنه> انا فتاة عمري33 سنه غير متزوجه جامعيه وكنت متفوقه غير موظفه بس اعمل بمؤسسه خيريه يعني متطوعه واهتم بالمخيمات الدعويه وآماكن الدعوه مع اخوات من اهل الخير كل عملهم خالص لوجه الله واجد سعادتي بأماكن الخيروالحمدلله اخواني وخواتي متزو جين الي اكبر مني واصغر برجع شوي لأيام الطفوله كنت هاديه مالي صوت ابد كانت هناك مشاكل بين امي ابوي احيانا قد تصل للطلاق لولا ستر الله سبحانه تلك الفترة اشغلت نفسي بالدراسه والتفوق موعشان ذاتي لأ عشان الوالد لأني احس بنقص داخل نفسي فارضي ابوي بتفوقي المهم ماحسيت بفترة المراهقه الي مروا فيها اخواني وخواتي انا مثل انا بالعكس ماعندي اي ر أي في البيت حتى التخصص الجامعي ولم اطالب بجوال وغيره من متطلبات البنات الى ان تخرجت في ذاك الوقت مافكرت بالزو اج ابدا حتى مع صديقاتي مجرد نرسم صوره خياليه لزوج المستقبل كنت اسمعهم واضحك معاهم ومع خيال كل وحده وانا لأ كنت استحي مرررة ويمكن السبب البيت والأهل ويمكن من مشاكل الوالدين والله اعلم مر على التخرج سنوات قليله مافكرت بالزواج بسبب انشغالي بالمؤسسه الخيريه ولم اخطب الى ان فتحت عيوني على عمر30سنه وقبله زواج الأخوان والأخوات الي اصغر مني وصار العائله عندها احفاد حبيتهم مررررررررررة مااستغنى عنهم احس ارجع للطفوله معاهم واشوف أفلام الكرتون اضحك والعب وانطط مثلهم احس بسعادة يمكن اعوض عن طفولتي الكئيبه بس احب الماضي ودي انه يرجع ببساطته وسعة صدور الناس لاخدم ولا سواقين ولاجوالات ولا مجمعات واثاث بسيط وغيره وغيره واكيد بتايدوني انا اتكلم عن مجتمعي السعودي المهم انخطبت من رجل رفض الوالد والسبب ماهو قبيلي الى ان وصلت هذا العمر33 انخطبت من رجل متزوج وعنده أولاد انا وافقت لأني كنت اتمنى متزوج عشان العمر وانا اعرف نفسي مو مثل متطلبات البنات مأحب السفر ولا الزواجات وغيره لأنهاتشغل الواحد وتجيب مشاكل وانا مأحب المشاكل لأني تعقدت من أهلي وربي صارت عندي عقدنفسيه حتى المهر مو مهم وعشان العمر قلت بنفسي بتنازل واحمد ربي ابي استقر وابي اصير ام وبعوض عن الأستقرار الي ادور عليه لأني محتاجه استقرار داخلي محتاجه لأسره وابنائها مثل احمد بن حنبل ومصعب وعبدالله بن رواحه ابي طفل سليم التربيه سليم البيئه له هدف بالحياة ابي اعوض الي انا فقدته من الأهل سامحهم الله المهم كل شي تمام وصارت النظرة الشرعيه والفحص وتحديد الملكه فررررررررررحت مررررررررررررة ونزلت دموعي قلت واخيرا على طول تخيلت نفس عندي اطفال ااكلهم ونوم الثاني واطبخ وانظف ياألله ياألله على هالشعور والحلم الي حلمته لما اروح السوق مع الأهل اروح عنهم وادخل ملابس المواليد واجلس اشم ريحتها واضمها على صدري واتخيل طفلي وهو لابس بيج بعدين اقول لألأ بشتري كحلي ياحلو هالحلم <ياااااااااااارب يرزق كل من يتمنى طفل ذريه صالحه وربي انهم زينة الحياة الدنيا> كان راعي المحل احس يقول بقلبه شبلاها ذا الخبله تروح من مكان للثاني بعدين قعدت اسوم السراير والعربيات احساس غررررررررررريب ياناس حلمت وحلمت وحلمت وحلمت وحلمت الى ان قمت برفض الوالد والسبب مافيه راحه من هالخاطب . لأن اخلاق الخاطب لم يثنو عليه...ليتني ماقمت حسيت ان خاطري انكسر وحسيت بالفشيله من نفسي لأني حلمت حلم وانا ادرك من انه حلم واقول عساه يتحقق وربي صدمه قويه بقلبي ابي ابكي ابي اصارخ بقوة للحين ماحس بالي يدور حولي يعني حتى صلاة التراويح اطلع من البيت اروح للمسجد امشي وامشي وامشي من غير شعور وادراك بالخارج الى ان ادخل المسجد من غير تفكير وبعدين ؟؟؟؟؟؟؟؟ ماقول ألا...... لحكمه ربي يعلمها وانا لا أعلمها..... الحمدالله الذي لايحمد على مكروه سواه الحمدلله الحمدلله الحمدلله ولعل ولعل ولعلها من عقد الأمور يحلها آآآآآسفه طولت عليكم الله يحقق آآآآآآآآآآآمانيكم ياااارب ويقضي ربي حوائجكم ياااارب |
عزيزتي .. الله يفرج همك ويأجرك أجر عظيم على همك .. واستغلي هذي الايام وادعي ان ربي يفرج همك ويرزقك الزوج الصالح.. وترا اعرف كثير ماتزوجو الا بعمر متاخر وجابو اطفال وهم كبار وعاشو احلى حياه مع ازواجهم .. لا تيأسين يا حبيبتي سبحان الله ماتدرين وش تخبي لك الايام في المستقبل القريب .. واستغفري وبتشوفين النتيجه .. |
حبيبتى انت تحمدين ربك الف مرة فى اليوم
قولى ليش لانه الله كاتب لك نصيب احسن من هذا بالف مرة وراح تصدقين كلامى عما قريب بس ارجوك بشرينا دعائى لك الحار بالزواج العاجل المهم استغلى بكرة ليلة القدر ان شاء الله وراح ادعى لك ان شاء الله |
يــــــــــــااعمر ي عليــــك حبيبتي الله يــــــــــــــــــــــرزقك الزوج اللي يسعدك كلن ياخذنصيبه من الدنيــــاوخليك متفاائله داائماااوثقي بربك انه رااح يجي يوم وتاخذين نصيبك ..اقووولك بنت قريبه لي من العاائله والله والله انووتزووجوخواتها الصغااار وهي ماتزووجة وطــــول عمررهاقامت بأبوالدهاووالدتهاااوالله جاء عمرها41وتقدم لهارجـــــــل اربعيني وتزووجتــــــه والحييين سعيييده ..والكل ماصدق انهاتزوجت ..وانابصــــــــراحه من بعدها عرفت ان كل انســـــــاان رااح يجيه يوم يااخذنصيبه..عليــــــك بالدعـــــــاء والاستغفـــــار ..واسفـــه عالاطـــاله..
|
اقتباس:
فدييتس اختي ابشري ..... |
محبة الأستغفار ,,,يالغاليه الله يسعدتس يااااااارب |
اقتباس:
اختي وحبيبتي ادري وعارفه فيه بنات تزوجوا بهاالسن الله يوفقهم يارب وهذه ارزاق من ربي سبحانه بس احس كأن احد عطاني كف بوجهي :29: احتجت احد يسمع لي بس وانا مريت بظروف ومشاكل كبيره بس ماتكلمت ومرت بسلام صح مانتهت لأن مالها حل ولازم اتأقلم معاها<<سمعتها مرة من الشيخ سلمان العودة>> والطيحات ياااااكثرها بس ليت ابوي اشكيله ويسمع لي<<كان اول واحد بقول منك ياوالدي العزيز>>كان تسمعون:30: الله يسعدتس يارب |
أختي طيووف الأمل
ذكرتيني بجملتك هاذي (ماقول ألا...... لحكمه ربي يعلمها وانا لا أعلمها..... الحمدالله الذي لايحمد على مكروه سواه الحمدلله الحمدلله الحمدلله) بنفسي لما مريت بظروف ومايعلم مدى قسوتها علي غير ربي الا خلقني، تألمت تعبت حسيت إن الدنيا انتهت خلاص وإن الموت أحسن من هالحياة، بس كنت دائما أكرر حكمتك يا ربي إنت تعلم ما لا يعلمه العبد، فأكيد هالألم والمصاعب فيها الخير الي ما أعرفه وأحمده وأشكره على كل حال...بس صدقيني صدقيني يا اختي إن الله فرجها لي بعد طول ألم سبحانه وطلع في كل الي مريت فيه حكمة سبحان الله غريبة ما توقعتها.. الخلاصة يا الغالية لا تيأسي واحمدي الله وتمسكي بالمبادئ الحلوة والأعمال الخيرية الي انت تسوينها وان شاء الله رب العالمين ما راح ايخيب أملج، والله يرزقج من أوسع ابوابه يارب |
اشكرك من قلبي اختي ellya فعلا هذا الشعور حسيت فيه الله يفرجها يارب لكل من مر هنا |
الحمد لله
أنتِ على خير عظيم , واصلي في الأعمال التطوعية فهي من خير ما أشغل المرء به نفسه أسأل الله أن يزيدك من فضله وتأكدي أن الخيرة فيما اختاره الله وكلا سينال نصيبه في الدنيا وفي الآخرة وصحيح حلم الأمومة شيء فظيع لا يحس به إلا من فقده وكذلك لا تنسوا حلم الأبوة , فهو أفظع وفقك الله ورزقك من حيث لا تحتسبين وفيه ناس تزوجوا وأعمراهم فوق الأربعين وفيها بنات تزوجن فوق الأربعين برجال أصغر منهن (إن الله هو الرزاق ذو القوة المتين) وصدقتِ يا زين حياة أول البسيطة الي ما به نكد ولا مشوشات لا حسد ولا تعقيد عندهم كنز كبير وهو القناعة الحياة هادئة وجميلة الأب والأم يجلسون مع ابنائهم ويأكلون جميعا ويعرفون أحوال بعض |
الله يجزاك خير أخي الموحد لله وحلم الأبوة اكيد لأن الأب المثالي هو الأساسأسأل الله ان يحقق امنيتك ياااااااااااارب القناعه واليقين والتوكل امور نبحث عنها؟؟؟ |
بس ودي اقول شي ؟؟؟؟ الخاطب يمر طيفه امامي ؟؟؟؟؟ عشان كذا ندمت اني شفته |
اقتباس:
علشان كذا معرفتس (طيوف الأمل) :) إن شاء الله مع الوقت تنسينه وبيعوضك الله خيرا وادعي الله بذلك , وما انتي خسرانة شيء , إما الاستجابة أو الادخار في الآخرة أو دفع البلاء , مع اكتساب الأجر |
نفس حالة رفيجتي تماما
بس هي اصغر شوي كل خواتها الصغار والكبار تزوجوا وما بقت الا هي ومرة تقدم لها واحد من فئة غير محديي الجنسية وتخيلي كانت راح توافق الا ان الله ستر والرفض جا منهم الحين ماشاء الله تبارك الرحمن تزوجت واحد اعزب وبعمرها تقريبا وصاحب دين وخلق عسى الله يفرج لج مثل ما فرج لها |
اعدكـ أن أقف معكـ !!!
لكن لدي بعض الأسئلة !!! وضعكـ الحالي .. موظفة أم لا ؟ والبقيةتأتي ...... أنتظركـ .. |
[ 33 سنه .. متفوقة دراسياَ .. متطوعه .. تهتم بالمخيمات الدعوية ..سعادتها بأماكن الخير] [ أيام الطفولة .. هادئة .. مشاكل .. شعور بنقص .. تنازل عن كامل الحقوق ] [ تم رفض الخطيب لأنه ..!! .. قبيلي .. خطبت من متزوج ] هل هذه المعلومات 100% |
اخي الموحدلله لأ ماله دخل ذكرى الخاطب لكن ؟؟؟ اسال الله ان ينسى اني سوف اكون له صدقت ماراح اخسر مع الدعاء بارك الله فيك |
اختي وحبيبتي بنت الكويت اشكرك من اعماق قلبي على دعوتك واسال ان يفرج عنك يااااارب وحقق ربي مطلبك |
اقتباس:
اشكرك نعم في مؤسسه خيريه |
اقتباس:
وحالتهم الماديه ممتازة رفض بسبب مشاكله |
الله يوفقك واكثرى من الاستغفارررررررررررررررررررررررررررررررر
|
ياحبيبتي الله يجبر بخاطرك ويعوضك بزوج يخاف الله فيك ويحنن قلب ابوك عليك يارب اختي ادعي بالليل واكثري استغفار والله يرزقك يارب
|
الله يعوضك بالزوج التقي والذرية الصالحة
بس اهم شي الصبر و الاحتساب والله يرزقنا |
اخواتي الغالياااااااااااااااات محبة الأستغفار شوكه بين ورد بسمه رفع الله قدركم دنيا وآآآآآخرة وجعل الله لكم من كل هم فرجا يااااارب |
ياعمري عليك الله يخلف عليك بابرك منه حسييييييييييت
وربي بشعورك فعلا مايحس بالنار الا واطيها شعوووووووور فضيييييييييع ومؤلم لما ينكسر خاطرك وينجرح احساااااااااسك الله يرزقك بالزوج الصالح التقي النقي ولاتخجلين من احساسك من حقك تفضفضين وتقولين الي بخاطرك وفيه كثيييييييييييييير زيك الله يعوضنا بخييييييييييير |
يا قلبي انتي..اسم الله عليج ربي يحفظج ويجبر كسرج ويعوضج باللي جاي يااارب
راح ادعو الله لكِ في الغيب..ودعوة المسلم لأخيه المسلم في ظهر الغيب مستجابة بإذنه تعالى..فأبشري بالدعااء أخيتي |
اللهم صل على محمد و آل محمد و عجل فرجهم يا كريم السلام عليكم و رحمة الله ، الهي يجبر هذا الخـــــاطر المكسور بالعكس فضفضي يا أخية و نتمنى لك كل التوفيق في حياتك و يأتيكِ بالرزق من حيث تحتسبين و من حيث لا تحتسبين ...دعواتي لا تنسونا من دعاءكم بالمغفرة و الرحمة و الهداية و قضاء الحوائج و لكم مثل ذلك و أكثر . كان الله معكِ و في عونك تقبلي تحياتي . |
اقتباس:
الله يسعدك يااااااااااارب واشكرك حبيبتي ويااااااااارب يرزقك الزوج الصالح والذريه الصالحه الي يملون عليك حياتك وربي كريم سبحانه الله يفرح قلبك |
اقتباس:
اشكرك من كل قلبي وعلى دعواتك اختي الغاليه الله لايحرمك الأجر الله يبشرك بما يسرك في الدنيا والأخرة |
اقتباس:
الله يجزاك خير ياااارب اسال الله الواحد الأحد ان يقضي حوائجكم يااارب اشكرك على هالدعوات والله يتقبل منك دعواتك |
اوكل لله اموري كلها ان لم يكن ربي لها فمن لها الشاعر ابو العتاهيه |
فقلت للفكر لماصار مضطرب ,,,,, وخانني الصبر والتفريط والجلد دعها سماويه تجري على قدر ,,,,, لا تعترضهابأمر منك تنفسد فحفني بخفي اللطف خالقنا ,,,,,, نعم الوكيل ونعم العون والمدد |
حبيبتي الله يعوضك بأحسن منه وانا مره قالت لي معلمه كل ما يصيبنا من خير او شر فان لله فيه حكمه وقالت كل ما يكتبه الله لنا فكله خير ان شاءالله قلبي معك والله يوفقك بالزوج الي تحلمي فيه
|
دَعْوَةٌ فِي ظُلْمَةِ الليلِ بِهَا *** تَطْلبينَ اللهَ ذِي الفَضْلِ الأَجَلّ
يجبر الخاطر من كَسْرٍ بِهِ *** وستُجْزَيْ يا طيووفاً للأمَل الموحد لله |
اقتباس:
حبيبتي اختي اشكرك من كل قلبي\ الله يجزاك خير ويسعدك في الدنيا والآخرة ويرزقك انتي وزوجك بر ابنائكم وصلاحهم كلامك بلسم لجرح في القلب وكل الاخوات والاخوة |
اقتباس:
اشكرك من كل قلبي ياخوي الموحد لله أسأل الله الواحد الأحد بأن يرزقك الذريه الصالحه التي تقر اعينكم وان يقضي الله حوائجك في الدنيا والآخرة وبحفظ هالبيت عندي :22: لانه اثر فيني |
أذا أسديت جميلا" الى انسان فحذار ان تذكرة وان أسدى أنسان اليك جميلا" فحذار ان تنساه,,,,,,,,,,,,,,,,,,,,,, عبدالله بن المقفع |
أرجو من المشرف تعديل هذه المشاركة من :
اقتباس:
تَطْلبينَ اللهَ ذَا الفَضْلِ الأَجَلّ لأنها من الأسماء الستة التي تنصب بالألف :) , وسبحان الله سهوت وجزيتِ خيراً يا أخت طيووف على الدعوة |
بسم الله الرحمن الرحيم
قال الله تعالى " قل لن يصيبنا إلا ما كتب الله لنا " وقال تعالى على لسان يونس عليه السلام " لا إله إلا أنت سبحانك إني كنت من الظالمين " داومي أختي على هذا الدعاء , فهو من أدعية دفع الكرب والبلاء بفضل الله . أعانك الله , ورفع عنك معاناتك وشدتك , وعوض صبرك خيرا , إنه سميع مجيب . وهذا الدعاء أيضا من أدعية الكرب والحزن : لا إله إلا الله العظيم الحليم , لا إله إلا الله رب الأرض ورب السماوات ورب العرش العظيم . |
ذكرتيني بنفسي يا أختي
دائما أول ما أروح مجمع أذهب على طول إلى قسم الاطفال ادور بينهن واختار الموديلات والاللوان وبعد كذا اتركهن واقاول ان شاء الله قريب أجي وأشريهن لبنتي فلانه الأيام مضت وما وجدت غير نفسي وحيدة صديقاتي كلن راح لنصيبه وأنا ليسا أنتظر الفرج من عند رب العالمين فهو أعلم بما في القلوب ليت المجتمع يخلينا كنا والله راضيين وقانعيين وصابريين والامل مازال بالله وان شاء الله عن قريب ربك يفرجها ويرزقنا ما نتمنى ان شاء الله |
| الساعة الآن 08:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©