|
في قلبي غصة زوجي يخونني و أنا عروس
السلام عليكم في قلبي غصة و مسببة لي أزمة في حياتي .. أبيكم تساعدوني الله يخليكم بدخل في الموضوع على طول أنا متزوجة ما صار لي 3 شهور ... في الأسبوع الأول بعد الزواج صار لي موقف ما عرفت له تفسير أبدا و هو اللي مسبب لي أزمة نفسية إلى الآن! زوجي كان نايم و أنا ما كان عندي رصيد و كنت محتاجة أكلم أمي بشغلة سريعة و أخذت جوال زوجي بإذنه طبعا و طلب مني ما أطول و أرجعه بسرعة بعد ما كلمت خطر في بالي إني أتفرج على رسايلي اللي كنت أرسلها لزوجي أيام الخطوبة << نيتي بريئة تفرجت و ليتني ما تفرجت! لقيت 3 أو 4 رسايل صيغتهم من بنت .. الكلام باين من بنت (حبيبي اشتقت لك و مدري ايش و كلمني و مدري ايش... الخ) لكن الرقم مسجل باسم رجال! أنا انصعقت انصدمت انهرت كلللل شي تبونه .. انصدمتتتتت بزوجي بجنوون خاصة انه كان يمثل لي انه ملتزم يخاف الله ما يغتاب ما يتكلم في أحد .. الخ اللي أكد ظنوني و خلا ذاكرتي ترجع لورا شيئين .. الأول كان في أيام الخطوبة .. كان دايما لما يجي عندي يقفل جوالاته (كان عنده 2) .. و مرة طلبت منه اشوف رسايله و كان اهو اللي يوريني بنفسه و رفض انا اشوف بنفسي و لما كان يغير جات عيني على مسج وااضح من بنت قلت افتحه رفض رفض مو طبيعي و زعل و قفل الجوال ... حاولت فيه و زعلت شوي و مصر ع الرفض و مشت الأيام و نسيت ما أخذت بالي >>1 الشي الثاني أن زوجي فيه حساسية زايدة جدا جدا و شديدة و بدرحة مبالغ فيها من ناحية الشرف! يرفض أشياء تافهة جدا بحجة يخاف على شرفه! و هالشي يخليني أتهاوش معاه مرات في انو ليش بس هو يفكر بالشرف! يعني ابوي و اخواني ما يعرفون الشرف بس حضرته هو >> 2 نرجع لسالفة المسجات اللي شفتهم .. توني فتحت أشوف الرقم اللي مسجل باسم رجال و بنقله إلا أشوفه وراي فز من نومه وش تسوييين؟؟ أنا لمحت الرقم دولي! لما قال لي كذا و شفته مثل اللي صحى من نومه مرتبك وش أسوي << انهرت انفجرت بكاء و قلت له يا خاين و قمت أصرخ مفزوعة مو مصدقة اللي أشوفه وو << ما قدرت أمسك نفسي و هو قعد يسكتني بالقوة لدرجة خنقني خايف أحد يسمعني و ياخذ فكرة شينة عنه! بالبداية أنكر أنها من بنت بعدين قعد يبكي و يترجاني أرضى و ما أقول لأحد و انه برئ و انه واحد يلعب و يرسل له بنات يلعبون عليه وو الخ الموال .. << غير كلامه طلبت منه يعطيني الرقم أو يدق عليه لو كان صادق في كلامه .. رفض .. و رجع يبكي و يترجاني و قعد يحوس بجواله و يقول لي شوفي شوفي الرقم! <<<< غيره و سجل رقم داخلي! << علينا هالحركات أنا كنت منهارة و كأني بحلم باللي صار .. بعد يوم كامل من التعب النفسي و الجسدي .. أشوفه يبكي مثل المجنون يبيني أهدأ و أرضى و لا كأن شي صار! إلى هذا اليوم و أنا بقلبي غصة ما قدرت أثق فيه! ملاحظة: زوجي رقمه صار له 7 او 8 سنوات أو يمكن أكثر ما غيره >> 1 كان لما ينام أو يدخل دورة المياه الله يكرمكم يخبي جوالاته عني يشيلها << 2 إلى لما وصلت لمرحلة أحس اني تايهة تهاوشت معاه كثير على هالحركة .. و ترك هالعادة لكن أيش؟؟ بعد كل مكالمة او مسج او اي شي يمسح السجل ع الأخير! بالأخير نبذة عن زوجي: نمط شخصيته شمالي شرقي وسواسي لحد الجنون يبغاني في كللللل حاجة أطيعه و ما أعترض أبدا من ناحية الأكل كريم من ناحية مصروف .. ما يعطيني على طول يمثل لي أنه برئ و شريف و ماشي سيدة و ما عنده حركات كذا و إلا كذا جاف و دفش في تعامله << كأني من أخوياه في مزحه و تريقته علي << بعكسي أنا حساسة و قلبي ما يتحمل ما أقدر آخذ منه لا حق و لا باطل - غامض يجيد اللف و الدوران يقول (حطوا خط تحت يقول) انه يحبني!! أرجوكم ساعدوني على تجاوز الوضع اللي أنا فيه ... صرت مضطربة غير مستقرة أبدا في حياتي معاه .. مرات كثيرة يمر علي هالموقف و أكره زوجي و لا أثق فيه أبدا و لا أحس بالأمان معه.. ساعدوني أجد تفسير للي حصل .. هل زوجي كان يحب وحدة من قبل؟ و كيف أتأكد؟ و أي سؤال أنا حاضرة. |
اكثر المتزوجين ولا اريد التعميم هيك
ادخلي وشوفي كم موضوع مثل موضوعك هنا في المنتدى طنش تعش تنتعش ثم ليه يحتفظو بالمسجات في تلفوناتهم والله انا استغرب ثم كلمة حبيبي ومشتاقه لك لم تعد تعطي معناها الاصلي اصبحت هذه الكلمات تتداول كثير وتتردد بين الناس اصبحت كلمات عاديه كثل صباح الخير ,صباح النور ثم اصبح الزوج يطلب عكس ما يفعل ,ويقولون ما لا يفعلون يقولون في الامثال :الحرامي يخاف على بيته والازعر يخاف على بيتو انتي انتبهي لنفسك وعيشي معاه دقه دقه وخليكي حريصه في الحياة اللي حاصل انو وقت الوحده تتزوج انو خلاص الزوج هو الامان والضمان والراحه النفسيه وان تنام وهي مرتاحه هناك من يعشقها ويموت فيها ووووووووووو وهذا الغلط بحد ذاته العدل بالمشاعر ,العدل بالمعامله .العدل بالكلام اصبحنا في زمن لا يعلم به غير الله سبحانه وتعالى |
حبيبتي انتي تقولين انه يبكي ويترجاك لما تصيدين عليه شي دليل انه يحبك
بس مشكلته يحب يلعب حاولي تغيرين من شخصيتك خليك قويه مب حساسه ترى الشخصيه الضعيفه الرجال يقولون لها باي باي في هالوقت وحتى لو شفتي عليه شي لمحيله تلميح بس عشان يستحي من اللي يسويه يعني مثلا ذكريله سالفة وحده من صديقاتك وكيف زوجها خانها وانهم الحين على وشك الطلاق حزتها بينحرج وبيصك على نفسه هالباب |
آه آه آه آه آه آه من الرجال دول
عموما الرجال ما يملي عينهم غير التراب الله يعينك اختي و يكون معاكي :( |
اقتباس:
مشكورة خالتي قرين الله يخليك يا رب نفسيتي ما يعلم بها إلا الله لما صار يبكي و يترجاني بالبداية رفضت أسامحه و صار يقول عني قاسية و مااعرف ايش و صار يحاول يبين لي دموعه << يعني شوفيني رجال و أبكي لك عشان يرق قلبي له!! بصراحة أنا كنت أسمع ان دموع الرجال دموع تماسيح يعني كذب في كذب ياليت الرجال يفيدوووني |
اقتباس:
لكن هل فعلا بكاءه دليل على كذبه أيضا حتى ما يخسرني مثلا؟ طيب وين أخلاقه اللي يدعيها وو ؟؟؟ فعلا أنا كنت و لا زلت مذهولة على طاري الطلاق .. وقت الموقف الأليم قلت له طلقني و غضب عشانه مثل المجنون مو عشاني << عشان الناس ما تتكلم عليه و يعرفون السبب! و .. الله إلى الآن كل ما تذكرت الموقف يطري ببالي الطلاق لاني مصدومة أستغفر الله بس صدقيني حبيبتي شخصيتي مو ضعيفة أبدا بدليل يقول يبيني أرجع بشخصيتي مثل ما كان يعرفها (بداية) الخطوبة <<< يعني كنت خجلانة و ما أعترض و كذا |
اقتباس:
صدقتي:( |
وينكم يالرجاال أرجوكم أفيدوني |
بسم الله
اختي الفاضلـه لا يخفى عليك 80 % من الرجال يكلمون بنات قبل الزواج الا من خاف الله انا رأيت اناس على وشك باب زواج وقصة حب وووو وقلت لاتزوجت قال بعدين لها حل؟! لانه طاح بهالطريق وماعليه رقابه بس الان لازم يتغير لازم تجلسون جلسة مصارحه اذا انت بتجلس على هالطريق وبتكلم بنات انا ماابي امشي معاك بالطريق لان بيجينا بنات مانبي يصير لهن مايسوي ابوهن ووو خلي قلبه يرق وكيف تتكلم عن الشرف وانت تقرب شرف الناس بالكلام معهن ماتخاف الله وعي الوازع الديني اللي فيه و دامه بيحلف انه مراح يرجع للمكالمات اختي الطريقـه الوحيده اولاً تغيير الجوال لكي لايوسوس الشيطان عندما يأتيه رقم من اللاتي تعرف عليهن سابقاً ويتحدث معهن هذا اولا الشي الثاني حتى لو انه جلف انتي حسسيه حبيبي قلبي الكلمات الي تجذب بيييت على الطاير خليه يعيش معك حب ترا البنات الدشير مايكسبن الرجال الا بالكلام العســـل ليه بنات الحلال مايقولونه؟؟!! حسسيه بالاهتمام الزايد انسسسسسي طبعا الي صااااار حتى تعيشووون موب في كل شي تذكرينه انسسسي بالمره ماكن صار شي في اليوم حبيبي بغيت شي مقصره عليك بشي؟ والله ان البنات مايكسبن الرجال الا بالكلام ثالثا البسي اللبس الي مايخلي عينه لاتروح لاهناك ولا هناك وانتم اعرف رابعا قوي شخصيتك بكيتي مره خلاص قوي قلبك وحركات جوالين وشهي له؟؟ لازم يكنسل والا مراح يتررك المكالمات الله يهدي زوجك ويصخره لك |
اقتباس:
أخوي عجزت أحاول فيه يغير جواله .. رافض رفضا قاطعا أصلا ما ييغى يتناقش بالأمر هذا و عن سالفة تدينه .. فهو حسب الظاهر للناس انه ملتزم و ماله يهالخرابيط عشان كذا أنا انصدمت و ما توقعت أبدا! تايهة و نفسي أرسي على بر مع هالإنسان .. تكفون ساعدوني أجتاز هالاحساس المؤلم اللي أحس فيه |
كم عمر زوجك ؟
|
اقتباس:
28 سنة |
ايش الفايده من تغير الرقم إذا ما أقتنع هو بترك هي الحركات
إذا ما دقوا عليه البنات هو راح يدق عليهم ,,, حاولي انك تهدديه بترك البيت إذا ما بطل من حركاته أو انك تدخلين احد كبير في الموضوع الله يوفقك يااااااااااارب ويبعده عن بنات الحرااااااااااااااام |
وعليكم السلام
والله زي ماقلت الرجال ما يخبي جواله ويحرص عليه الا ووراه بلاااااوي وقصت الاخت اكبر دليييل،،،،،،، كان الله في عونك يالغاليه لاااااااتسكتين ادبيه ووريه العين الحمرا وخليه يحسبلك الف حساب الين يتتوب اللي ماخاف الله وش ترجين منه الله يعينك على بلواك |
الله يكون بعونك
عيشي حياتك لاتدمرين نفسك بتفكير في بلاويه الهدايه بيد الله ما الك الا الدعاء ان الله يصرف قلبه وسمعه وبصره عن الحرام وبنات الحرام |
استغفرالله العظيم
بهالزمن .. الواحد صار يشك بهدومه !! ياررب ارحمنا من الصدمات .. قوي قلبج وقوليييله ترضا احط لي خط ثاني واكلم شاب ثاني ونتبادل مسجات احبك واشتفت لك وماشتقت لك !!! وانت ماتدري... اذا ترضا علمني عشان اعذرك !!! واسوي نفسك!!! |
لا تكبرى الموضوع والله يغفر الذنوب جميعا حاولى انت تغفرى له ذنبه وبشوية راح ينساها خاصة انكم لسهو عرسان
راح يتعود عليك صدقينى |
بعض الرجال اذا تزوج .. تبقى حياته مستمره كما كانت قبل الزواج ..
وهذه مشكله !~ >><< يعني لما كان في بيت اهله ، في غرفته .. عادي معاه جوالين ويكلم ويرسل .. محد مراقبه من اهله .. لما تزووج ( توقع انه يقدر يستمر الحال كما كان ) .. لكن صار اللي صار .. موقفك الان : لازم توصلي له رسالة مهمة ( انك الان زوج وبكره اب ) .. .. اول خطوه : موضوع الثقه والجوالين .. اساليه سوال مباشر وانتظري جوابه : انت ليش عندك جوالين ؟ ... ثاني خطوه : انت ليش تقفل جوالك عني وتخبيه لما تدخل الحمام ؟؟؟ .. ثالثا : لازم تفهميه انك معاه مو ضده .. انك خايفه عليه وانه يهمك لانك زوجك وبكرة النهار راح يصير ابو عيالك .. بمعنى : لاتخليه يحس انه خسر ثقتك ، وانه الحياة مستحيله مع بعض .. يمكن تكون المسئوليه كبيره عليكي ، بس حياتكم مع بعض ومستقبلكم يستاهلك انك تتعبي مع زوجك .. .. وربنا يهدي سركم .. هذا رأي كرجل ، اسال الله ان ينفع به .. |
هلا اختي.. خذي العلم مني وانا اختك لاتسكرين هالموضوع الا لين تلقين حل لهذي المشكله ! المشكله مو بسيطة هذي فيها خيانة لبيت الزوجية .. قولي له شوف لاتخاف مني انا زوجتك خف من اللي فوقك قولي ( كما تدين تدان ) بكرة رب العالمين يعاقبك ببنتك مثل ماسويت فيني وبعدين قولي له (الدنيا تبي والاخرة تبي ) انت اللحين متزوج !!!! طيب وش تبي بالحرام وشولة تحوم حوله زي الذباب ارتقي باافعالك تراك مو مراهق وخليك جديه معاه واذا حاول يبكي قدامك ومن هالخرابيط ... خليك قوية وطالعية بنص عين ولاتقربين منه خليه يدري انك قوية وان اللي يسوية ماينسكت عنه واذا صارحك وقال انها كانت نزوة من خرابيط هالرجال وقالك سامحيني قول بسامحك بشرط !! انك تتوب لرب خلقك وتوعدني انك ماتخوني مره ثانية وذكريه بهالايه عسى ربي يلين قلبه لك ويهديه : {إنَّما التَّوبة على الله للَّذين يعملونَ السُّوءَ بجهالةٍ ثمَّ يتوبونَ من قريبٍ فأولئكَ يتوبُ الله عليهِمْ وكان الله عليماً حكيماً(17) وليستِ التَّوبة للَّذين يعملونَ السَّيِّئاتِ حتَّى إذا حَضَرَ أحدَهُمُ الموتُ قال إنِّي تُبْتُ الآن ولا الَّذين يموتون وهمْ كُفَّارٌ أولئكَ أعتدْنا لهمْ عذاباً أليماً(18) النساء المشكلة ان هالازواج عندهم درر بالبيت ويروحون يدورون الحرام ومايغضب رب العالمين استغفر الله الله يعينك ويصلح حالك ويسخره لك ويبعده عن بنات الحرام |
نفسي احصل رجل مو خاين
|
اقتباس:
أبوك واخوك عمك وخالك وزوجك !!!!!!!!! مستحيييييل الله يثبتهم على الدين ويصلح الضاااااااال منهم عزيزتي صاحبة الموضوع : لعلك تستفيدين من أراء الرجال أكثر منا بس غالبا الشمالي الشرقي يبغى الحزم والقوة في التعامل معه ويكره الحساسيه الزايده وأبداااااا مو حل عنده ولا راح تحركين فيه شئ لكن بما انه حاول يظهر دموعه حتى يستعطف مشاعرك إذن فهو أعلم بشخصيتك لكن قولي في نفسك لالالا لست المرأة التي ينضحك عليها بدمعات وفكري في حل الموضوع بشدة وحزم فانا لم اتزوج الرجل الخائن الذي يتحدث مع هذه وتلك بل تزوجت رجل يعرف الله قبل كل شئ ويحرص على شرف غيره كحفظه لشرفه فإذا الدنيا أكبر همك إستمر على طريقك وانا سأرى طريقي مع من هو أخيُر منك .. بخصوص الشمالي حريص على سمعته بشدددده واهم شئ نظرة الناس له لا تنكسر ويعشق المدح فامسكيه مع يده( الي توجعه) وأسأل الله ان يوفقكم ويهدي زوجك ويصلح شأنه وأكثري من الدعاء له وانتبهي من ان تضعفي وتنهاري أمامه كوني قويه وثابته وبحدود الادب .. وبالتوفيق |
هالدموع هذي دموع تماسيح لاتخليها تأثر بقرارك
انا بقول لك شي ان زوجك يبطل مكالمات وغزل بين ليله وضحاها انسيها يبي لك تتعبين معه ويجيك ضغط وسكر ويمكن احباط واكتئاب بسلامة ابو الشباب فعندك واحد من اثنين يااما تصبرين وتتحملين مايجيك او تطلقي او بالاصح تظاهري انك تبين الطلاق وخليكي حازمه واتفقي مع اهلك انو تلعبون هالملعوب عليه خليه يحس بكبر غلطه لا تخلين هالسالفه تمر مرور الكرام من البدايه وقفيه عند حده او تحملي مايجيك والله يكون بعونك |
ياعمري خوذي رقم البنت ودقي على الهيئه خليهم يأدبونها ولا من شاف ولا من دري
ادعي عليها بقيام الليل حسبي الله ونعم الوكيل على هالبنات اللي مايعجبهم الا اللي متزوج |
اقتباس:
صدقوني ما يتقبل مني و لا كلمة و لا نصيحة و لا شي ... لما أفتح الموضوع معاه .. يقلبها علي إني نكدية و ما أتعاشر و إني أظن فيه و أنه برئ و أنا اللي سيئة التفكير و النية..الخ احترت و الله احترت و ضعت أصدقه و لا كيييف؟؟ مشكلته ما يقبل النقاش بشي ما يعجبه أبداا أبداا لو تدرون بس سألته بأسلوب جدا لطيف .. ايش الرقم الدولي هذاك .. تدرون وش جاوبني؟؟؟؟ أقسم بالله صرخ صراخ مو طبيعي كأنه مجنووون و الله كأنه مجنون أنا قلبي طاح بالأرض خفت منه ارتعبت ... قصده بالصراخ بعدك تسألين و ما صدقتيني؟؟ مدري وش تفسير جنونه بهاللحظة1 صدقوني من حر ما فيني و ربي هالأيام متضايقة مووت .. أتمنى الموت و لا أعيش هالعيشة بالأخير صارحت أمي بالمسجات بس .. مع إني مو من عادتي أقول لأمي أي شي بس لاني كنت مكتئبة و بنفجر و لقيت أمي و قلت لها ما أخبي عليكم .. لما تكلمني أمي تطمن علي تسألني .. ها رضى يغير جواله؟ ... هالسؤال يحرق لي قلبي و يحسسني إني تعيسة جدا جدا جدا |
ياربيـــــــــه كنك تتكلمين عن زوجي وقسم بالله كل الكلام الي قلتيه طبق الأصل من زوجي بس غير المشكله
شوفي موضوعي كاتبته هنا الله يفرج همنا ويفتحها بوجيهنا انا مثلك زوجي شمالي شرقي ومدري وش اسوي فيه زي زوجك اسلوبه وتعامله وكل شي بس نصيحتي لك مع اني انا الي ابي نصيحه .. عطيه بس على خفيف حققي الي يبيه بس امنعيه من شي واحد يحبه والزمي الكلام الحلو وبينيله انك الرجال بس هذا الي اقدر اقولك عليه اذا حليت مشكلتي اكيد بجي اساعدك بمشكلتك الله يهديهم |
سالفة البجي والصراخ ترى أكبر دليل على الإدانه البريء ابسط شي بيقوله لج _ أنا تبت بتصدقين صدقي ما بتصدقين كيفج _
حطي له حد خليه يوقف عنده لازم مايستمر بخياناته الله يهديه لج |
اقتباس:
صدقوني ما يتقبل مني و لا كلمة و لا نصيحة و لا شي ... لما أفتح الموضوع معاه .. يقلبها علي إني نكدية و ما أتعاشر و إني أظن فيه و أنه برئ و أنا اللي سيئة التفكير و النية..الخ احترت و الله احترت و ضعت أصدقه و لا كيييف؟؟ مشكلته ما يقبل النقاش بشي ما يعجبه أبداا أبداا لو تدرون بس سألته بأسلوب جدا لطيف .. ايش الرقم الدولي هذاك .. تدرون وش جاوبني؟؟؟؟ أقسم بالله صرخ صراخ مو طبيعي كأنه مجنووون و الله كأنه مجنون أنا قلبي طاح بالأرض خفت منه ارتعبت ... قصده بالصراخ بعدك تسألين و ما صدقتيني؟؟ مدري وش تفسير جنونه بهاللحظة1 صدقوني من حر ما فيني و ربي هالأيام متضايقة مووت .. أتمنى الموت و لا أعيش هالعيشة بالأخير صارحت أمي بالمسجات بس .. مع إني مو من عادتي أقول لأمي أي شي بس لاني كنت مكتئبة و بنفجر و لقيت أمي و قلت لها ما أخبي عليكم .. لما تكلمني أمي تطمن علي تسألني .. ها رضى يغير جواله؟ ... هالسؤال يحرق لي قلبي و يحسسني إني تعيسة جدا جدا جدا |
اقتباس:
تكفووون علموني .. أنا أنهار يوم بعد يوم و أقول ليتني ما تزوجت زوجي من النوع الهجوومي و ينقلب إلى شرس جدا عند دفاعه عن نفسه و اظهار برائته.. يعني توقعي يسوي أي شي حتى يبرئ نفسه و يطلعني أنا المريضة بالوسواس و اللي أظن فيه ظن السوء وو الخ غير كذا .. عمره ما طاعني في شي نفسي فيه أو أبغاه .. مجنني مررة كل شي يتدخل فيه و يتحكم به تكفوون علموني أبي طريقة تخليه يغير رقمه أنا ما عدت أصدقه و ما تصدقون قد إيش أتعذب بهالشعور و أنا ببداية حياتي معاه :( تكفون ادعوا لي بظهر الغيب ان الله يصلح أمري .. |
اقتباس:
هو كل ماصارخ هدي الوضع وارجعي اساله بهدون ليه كذا وفسرلي ذي انتهي يقص عليك بالصراخ كذا يسوي معي زوجي ترى من كشفته |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©