|
إكتشفت خيانة خطيبتي (مستجدات بالرد 16)
السلام عليكم ورحمة الله وبركاته ..
انا توي مملك قبل شهرين تقريباً .. وانا على المسرح .. قالت زوجتي انها اخذت علي بسرعه وانها حبتني .. وانه انا اول واحد امر عليها بحياتها لانها تكره الرجال .. فمرت الايام وجات الصدفة انه جات مشكله لبريدها .. وحاولت احله لها .. جاني الفضول انه اقرأ الرسايل .. لكن اكتشفت انها تحب واحد او اثنين .. واخر رساله بينهم كانت قبل ملكتنا بشهر .. ووحده من الرسائل .. كاتب لها خاطره .. بعد ماشغلت الكام .. يعني شافها .. والمشكلة قالت لي بعد ملكتنا انه وافقت علي لقرب اهلي منهم .. ولو غيري كان ماوافقت .. ماني عارف ايش اتصرف .. لانه انا اللي يكذب علي مرررره .. اتجنبه الف مررره .. لكن ماأقدر اتجنب زوجتي .. مع العلم انه انا وهيا حياتنا خلال الفترة دي .. زي العسل .. ياليت احد يساعدني .. والله العظيم انصدت نفسيتي .. استشارتكم الله يخليكم .. |
ياغالي انا اشوف ان تصارحها بهذا الشي وخلك واضح معاها وقولها اذا هذي لك الرسايل خلنا نعرف وش عليها من حال قبل ادخل عليك وتكون صارم معاها طبعا .. لاتخلي الشكوك تلعب فيك يمكن احد من اخواتها او صاحباتها فاتح البريد لانه كان فيه مشكله او كان منسرق وانت رجعته..
وبصراحه احس لو زوجتك مسويه هالشي ماراح تعطيك انت بالذات الايميل عشان تفتحه الا اذا كانت ناسيه .. |
اولاً مبروك والله يهنيك إن شاء الله
اتفق مع اخوي وليد تماما كل شي جائز ممكن غيرها من صديقاتها او كان منسرق الايميل مثل ما قال الاخ صارحها اخوي بالتوفيق |
اخي ,,,
عشان الشكوك ما توديك لبعيد زورهم في البيت واطلب منها الجهاز عشان بتوريها شي مهم على النت وافتح الايميل ووريها اللي شفته واجهها فيه وشوف ايش ردة فعلها ,,,, كذا افضل لك عشان انته ترتاح من التفكير .... والله يكتب لك اللي فيه الخير |
في قانون دايم البنات يوصن بعضهن فيه
لا تذكرين حياتك وسوابق لخطيبك ورجلك طبعا بتقول ليش اكيد ما تبي الشك ياكلك ما تبيك تحس انها عرف وحبت ووووو صدقني روح للبيت وياها وكثر عليها قصص الاعتراف مثلا : صديقي زوجته قالت له عن سوابقها يقول صرت اثق فيها اكثر وانا احب مثله الاعتراف والتوبه والصدق واهم شئ الصدق اظن لو سويت مثل الاخوة تقول لها وتصارحها فجأه بتتأت بالحك ي وتقوم تبك ي ووو ولا استفدت شئ بيكون اعتراف ناقص ونصه بجي وو وخلها تحس انك ثقه اكثر وان الصراحه عندك سواء بالغلط او الصح احسسن فكر عدل ولا تستعيل ع القرار وطريقه مصارحتها |
انا مع لحن المعاني ووليد
انما انا مش فاهمه ليه الاحتفاظ بالرسائل ان كان رجل او امرأه ثم اصلا ما خافو من رب العالمين فهل يخافون من الناس الشك رح يدخل قلبك وافضل حل المواجهه وشوف ردة الفعل لان مش رح تفضل كل حياتك تشك فيها هذه عشرة عمر والله هالمواضيع او ه1ه الافعال اصبحت مثل الخبز والمي والملح حسبي الله ونعم الوكيل اصبحنا نشك باصابعنا من كثر ما نسمع ونقرأ |
اول شي أشكركم اخواني على الردود وتفاعلكم معي ..
الشي الثاني .. ايميلها لا انسرق ولاشي .. ولااخواتها ولاصحباتها .. الردود اللي انا شفتها في الايميل نفس اسلوب كلامها .. يعني في كلمات اسمعها منها .. لقيتها في ايميلاتها .. ومو معقول انه في اسم غيرها ينطق اسمها الشخص .. انا مايهمني انها تعرفه .. لو انه شايف منها تصرف مو تمام او شايفها مشغوله عني راح اعرف وقتها انها لازالت معاه .. لكن اكثر وقتها معاي .. اللي يهمني .. ليه كذبت علي من البداية وقالت انت اول واحد وانا ماعمري حبيت غيرك .. وانا اكره الرجال كلهم ماعدا اهلي او زوجي .. وانا كمان خايف لو انسألت .. ليه تفتش في رسايل الايميل ؟؟ لانها وثقت في واعطتني رقم السري للايميل .. بس في شي لاحظته بعد مااعطتني الرقم السري .. انه قالت لي بعد خمس دقايق .. سيبك منه ولاتسوي شي.. واصرت على كذا .. بس سويت اللي في راسي .. والحين فاتحه ايميل جديد .. وقالت لي .. خلاص ماعاد تبغا ذاك الايميل .. لانه في ناس ماعاد تبغاهم وراح تاخذ اللي تبيهم بعدين .. انا ماني عارف كيف افتح لها الموضوع .. لانه مالنا شهرين .. وماابغا توصل لشي سيء .. ماأبغا تكون نقطة سوده في حياتي لو صار شي لو كلمتها على الموضوع هذا .. كفاية انهم عائله محافظة جدا.. واهلي يعرفوهم من اكثر من خمس سنوات .. |
اقتباس:
اخوي كيف ماتبغى تكون نقطه سودا بحياتك ولا تصارحها انت الحين من كلامك كأنك متأكد انها هي سوت كذا والنقطه السودا صارت فيك وبتدور في راسك اخي الكريم من رأيي صارحها بكل شي خلك تكون معاها واضح سواء متملك شهرين او يومين وبعدين مالك شغل بالاهل انت حياتك الحين غير راح تستقر فيها وتعيش مع البنت خلك صريح بالبدايه وتعرفك ان مايمشي عليك اي شي ...و اسألها ليه ماتبي هذاك الايميل ؟ والبنت اظن لو حصل هذاك الشي منها مجرد وقت فراغ .. والله يوفقك |
الامر بسيط طالما بتفتح ايميلها عاود افتحه مرة تانيه وان كان هناك من يغازلها او مضاف عندها سوف تعرف وبالتاكيد لا لانه لو فيه ما كانت جعلتك فتحت ايميلها مهما كان كانت غيرته وقالت انه اتسرق لكن هي اعطتك دليل برائتها فلا تظلمها |
واجهها .. فان لم تقتنع بمبرراتها فطلقها ..
|
عفا الله عما سلف ومافى احد مايغلط اهم شى حياتها معك
|
واجب عليك تواجهها وتوريها الي شفته وماتخليها تستغفلك وكأنك ماتدري
اذا ماسويت كذا راح تعيش حياتك كلها شك وخوف وغيره وتحسب لك الف حساب اذا تبي حياتك تبتدي على بينه وصلاح ورضا |
مكانه الصحيح ؛
|
اياك ثم اياك أن تتم معها قبل أن تنهي هذه المشكلة , صاااااااااااااااارحها ( مع أنك تجرأت وتجسست عليها ولا يجوز ذلك )
لكن ما دام الأمر اتضح لك , فلا تتجاوزه الا بعد النقاش .. |
صارحها وريح راسك
|
أشكر كل من ساعدني وتجاوب معي ..
سأحكي لكم ماحصل معي .. تكلمت معها بشكل غير مباشر.. وقلت لها .. لو اكتشفتي انه قبل لا أملك عليكي بكم يوم عرفتي انه كانت لي علاقه مع انسانه غيرك ومع العلم اني قلت لك لااعرف الا انتي .. فماذا ستفعلين .. قالت لي القديم راح انساه دامك تركتها وهي تصير قبل لا نملك.. لكن اتناقش معاك في الامر .. وسبب عدم علمي بها .. فقالت لو كنت مستمر راح اترك البيت وارجع لأهلي .. وماراح اثق فيك .. ولافي كلمة منك .. قلت لها لو اكتشفت انا فيكي الامر قبل ملكتنا .. انه كنتي تحبي واحد وكذبتي علي انك ماتعرفي احد قبلي .. قالت لي .. انها راح تخاف شوي لانه تعتبر حياتها راح تنتهي لو ماقالت الصدق .. وأيضاً قالت لي انه يعتمد على الشي اللي شفته .. هذا اللي صار معاي .. قالت لي كلام كثير .. بس استنبط منه هذا الكلام .. حاولت اجس النبض .. لكن.. ايضاً اكتشفت انها رسلت لشخص ثاني في وسط رمضان الماضي .. رسلت له خاطرة عنوانها قوي وكاتبه عليه اهداء .. يعني كنت معاها وليا شهر تقريباً .. يعني لازالت تحب هذاك الشخص .. بالاضافة للشخص الاخر .. ووين مشاعرها اللي تقولها معي .. بدأت لا أثق في كلمة تقولها لي .. بدأت أمل من كلامها .. لذلك وان شاء الله بعد ماتنتهي من مناسبتها القادمه اللي راح تكون غدا ويوم 17 راح اروح لبيتها واكلمها بالموضوع .. وراح استعين بإيميلها علشان لاتقولي كلمة من هنا والا من هنا .. ولو عندكم نصيحه لي قبل لا أكلمها تكفون .. انصحوني .. عسى ربنا يجعل هذا في موازين حسناتكم .. ولكم جزيل الشكر والعرفان .. |
اخوي بدايه جيده انها بدت تصارحك شوي ولو عن طريق غير مباشر
اتوقع مافي بنت ماتحب وتقدر تمثل دائما للشخص الي امامها انها تحبه حاول تكلمها بالمضووع بهدوء مو كأنك توجه لها اتهام وان شاء الله بصير خير ولاتنسى تخبرنا ايش يصير الله يوفقك |
اقتباس:
ان شاء الله راح اعطيكي الخبر .. ويش يصير معي .. و ح تلاقي الرد هنا .. ومشكور على الرد والنصيحة .. |
وانا كمان خايف لو انسألت .. ليه تفتش في رسايل الايميل ؟؟
لانها وثقت في واعطتني رقم السري للايميل .. من حقك تغرف الحقيقه الامور هاذي مافيها احتمالات .. يا ابيض يا اسود!! |
الله يفرج عنك ..
وأسأل الله إن كانت خير لك ،، أن يبارك لكم ويتمم لكم على خير وإن كانت شر عليك يصرفها عنك ويعوضك بخير منها .. اللهم آمين |
أتمنى تطبق اللي تراه انت مناسب وليس الاعضاء !!!!!!!!!!!!!!!!
|
اكثر ما اخشاه هو ان يكون التبس عليك الموضوع ,,
فلو كانت صاحبة علاقات لما اعطتك ايميلها , كما ان فتحك للايميلات يوحي الى انك كنت تشك فيها بشكل او بآخر !! مثل هذه المواضيع يجب التحري عنها و التأكد منها 100% قبل الاقدام على اي خطوة , و يبدو لي انك لم تصل مرحلة اليقين و الا لما تركتها على ذمتك دقيقة .. كما ان مصارحتك لها ستكون نتيجتها كارثية في كلتا الحالتين , فان كانت بريئة ستكون كارثية عليك حيث قد تطلب الطلاق منك و في افضل الاحوال ستتغير نظرتها اليك و ستنزل من عينها !! و اذا كانت مذنبة ستطلقها و في احسن الاحوال ستظل تشك فيها طول العمر ! لذلك ارى ان تستخدم حيلة و هي ان تقول لها انك تحب الشفافية و ترى ان تبدأ حياتكما الزوجية بوضوح و شفافية بحيث يعطي كل واحد ايميله للثاني حتى لا يخفي اي شيء عن الآخر , و اعطيها ايميلك , و هي راح تعطيك ايميلها , انتظر كم يوم (حتى لا تشك انك فتحته في الماضي) ثم كلمها عن تلك الايميلات التي ذكرتها و استفسر منها .. |
اخي ..
انصحك ان تطلقها و تطلب من المشرفين غلق الموضوع .. فالرجل منا يخشي ان يفز قلب زوجته لغيره .. اما انت فقلب زوجتك يفز بالفعل لغيرك .. فماذا تنتظر ؟؟ حب المراة لغير زوجها بداية الطريق للوقوع في الكبائر |
انا مع موضوع الطلاق أفضل حل!
|
أنت لا زلت على البَر كما يقولون .. تأكد جيداً أنها هي من قامت بإرسال الرسالة ، وعندما فالإنفصال الآن أفضل بكثير من حياة الشك التي لن تجعلك في راحة معها أبداً . |
حراااااااااااااام نازلين كلكم طلاق طلاق طلاق
عنا عشرات المواضيع لخطيبات يشكين خيانة خطيبهم ونقول لهم اصبرو ووقت يصير الموضوع لرجل ننصح بالطلاق خليه ياخذ فيها ثواب ويصلح حالها وينجدها من الضياع بالحكمه والموعظه الحسنه |
اقتباس:
الراجل اللي بصباص و عينه فارغه .. راجل مش محترم و لكن نقول انه عليه ضغوط لان النساء في الشارع كاسيات عاريات .. اما المراة البصباصه .. فتستحق قطع رقبتها .. لسببين الاول .. انه لا يوجد رجال كاسيات عاريات في الشارع الثاني .. ان المراة البصباصه تفضح عائلتها و ابنائها و تذلهم .. بينما الراجل البصباص لا يذل عائلته |
الي يقول طلقها اقله
فلتقل خيرا او لتصمت الاولى انك تنصحه يجلس ويتفاهم معها مش يطلقها . |
ولكن لم تلاحظ اى ارتباك عليها وانت تقول لها هذا الكلام وهى ترد عليك لانها تعلم انك فتحت الميل الخاص بها وطريقة اسئلتك توحى انك عرفت شىء من هذه الميلات فالطبيعى انها اذا كانت فعلا قامت بهذه الاشياء ان ترتبك ويتغير وجهها لانها اكيد ستشعر انك ربما وجدت ما يشكك فيها بعدما اطلعت على الميلات الخاصة بها وكما قال اخ كريم اعتقد انك يجب ان تتحرى وبكل دقه لكى تتأكد قبل ان تشرع فى الحديث معها والا ستكون العاقبة وخيمة ولا تنسى كثرة استخارة الله فى آمر زواجك منها وهو بأذن الله الذى سينير دربك ويرشدك لما تفعل ويقدر لك الخير اما فى الاستمرار معها او الانفصال عنها |
الله المستعان ضياع بضياع الله يصلح الأحوال اذا ثبت لك أنها تكلم غيرك بعد ملكتك عليها فهذا يعني انها لم تتب بعد الخطبة ولا أعتقد رجل يرضى بزوجة مثل هذه الله يصلح الأحوال نساء أخر زمن مررت على المروءة وهي تبكي **** فقلت علام تنتحب الفتاة فقالت كيف لا أبكى وأهلي **** جميعاً دون خلق الله ماتوا وأفضل منه قول خير الأنام : إن لم تستحي فاصنع ماشئت |
حلو انك تصارحها بهالامور حتى تعرف انت شنو عليه اذا قادر تستحمل هالشي زين
اذا لالا بس لماتصارحها ماتكون جدي معها كون مستمع لها اكثر حتى تقدر تصارحك بكل شي دون خوف وتردد ولاتجيب سيرة الانفصال حتى تقدر تصارحك بوضوح |
أخي الكريم ان تأكدت انها تتحدث مع غيرك بعد الخطوبة فاعتقد انها لن تتغير وستستمر بهذا الطريق اما ان كانت تركت الماضي فتستحق ان تستمع لها وتفهم مبرراتها لعلها نادمة على الماضي من منا لايخطئ...!! كل السعادة أتمناها لك ,,, |
هذي حياتها السابقة وانت في ذيك الفترة لا خطبتها ولا شي
المهم بعد ماخطبتها كيف ؟ وبرضو المفروض تسأل لانو انت اعتبرتها والعياذ بالله خائنة وانا صراحه مااشوفها خائنة وحده غلطت وتعرفت على واحد ويآمكثر البنات الي يكلمو ويراسلو شاب لكن الصالحه هي الي تتوب وخطيبتك تابت والدليل وافقت عليك اختارت الحلال ومايمنع انك تخليها توضحكلك اكثر اقتنعت حلو ماقتنعت بكلامها وشفت بينك وبين نفسك انو مستحيل تكمل معاها او مع الايام حتشك فيها صراحه انصحك بالانفصال اريح لك ولها وثانيا انا اعرف بنات شخصيا كلمو شباب كثير لدرجة انو إي واحد يرقمها تاخذ رقمه وتكلمه من الجوال وتطلع معاه لكن ماتغلط وبالنهاية البنات تزوجو عن طريق الأهل والحين زوجها يشوفها ماشاء الله تبارك الرحمن ويحبها وتحبه ومخلفين والبنات هذولا مخلصين مع ازواجهم يعني لو طلقتها بتضمن انك تلاقي وحده مالها علاقة مع شاب وإن وثقت في بنت انو مالها علاقة بشاب بتضمن بعد بكره لو تزوجتها بتصونك وتصون بيتك طبعا مافي ضمانات الضمان الوحيد أوالحل الوحيد انك تدعي انو ربي يرزقك بالزوجة الصالحه إلي تصونك وتصون بيتك ويمكن خطيبتك هالزوجه الصالحة ادعي كل يوم وربي حيوفقك إن شاء الله ولا تظلمها تأكد أكثر ممكن اخواتها يستخدمو إيميلها ترآ عادي تصير هذي |
اقتباس:
اقتباس:
ريح بالك انا بنت واعرف تفكير البنات البنت لو تحب واحد مستحيل تفكر ترتبط بغيرة وان اجبرت بيبان عليها انها ماتبغى خطيبها وحتنشغل عنه ويمكن تصارحه بقول صريح او غير مباشر انها ماتبغاه او هو مو رجل احلامها لكن مبين من تصرفات خطيبتك إلي ذكرتها انها جد تحبك هو صحيح يمكن يمكن مو اكيد علشان مااخذ ذنبها كانت تعرف واحد من النت زي كثييير بنات وتسولف معاه على الماسن بس كذا استهبال لكن وقت الجد ماتفكر فيه ولا راح ترتبط فيه ولا تخرب حياتها علشانه |
اولاً ,, هل أنت متأكد أن الرسائل مرسلة إلى شاب أم فتاة ..؟؟؟
ثانياً ,, هل هناك من يشاركها الإيميل أم هو خاص بها ..؟؟؟ حاول أن تتأكد من إجابة هذه الاسئلة قبل أن تتهمها أو تشك بها .. اقولها لك بكل صراحة سبق لي الزواج وحصل الإنفصال بعد شهر تقريباً , وليته حصل قبل الزواج .. وللأمانة كانت علاقتها مع فتاة وليس شاب .. ولم يكن الإنفصال بطلبي بل بطلبها هي .. |
اقتباس:
هل اصبح من المستحيل خطبة بنت لم تتعرف على الشبا ب أنت تقولين اقتباس:
لاتهوني بارك الله فيك من هذه الأمور |
اقتباس:
وثانيا إي وحده تتعرف على شاب وتكلمه غلطانه وستين غلطانه لكن لما توب وتبعدعن هالاشياء وتفضل انها ترتبط بالشخص إلي تقدم لها هنا نقول انها مو غلطانه ولا نقدر نحاسبها على الماضي إلي تابت منه غير رب العالمين |
اقتباس:
تهوين للمعصية وتهوين لفعل هؤلاء الساقطات بشكل مقزز من خانت والدها وإخوانها ودنست شرفهم لن تكون أحرص على عرض زوجها المسكين ومن كانت صاحبة علاقات ولها أخدان وأصحاب فمن الصعب جدا أن تتركهم حتى بعد الزواج إلا أن يمن الله عليها بتوبة وإنابة صادقة. وحتى من تترك علاقاتها في بداية زواجها فإنها سرعان ما تعود إلى ما كانت عليه عند أول مشكلة مع زوجها. تخيروا لنطفكم فإن العرق دساس |
ياخوي كل البناات قبل الخطوبه والملكه يتونسو اياام المرااهقه والكلااام الفااضي بس بعد ما تتزوج
حتتغير بذن الله مع الشغل والمسؤليه حتنساء كل شي انتا كمان صارحها بهذاء الشي لان احتماالي يكون هذاء الشخص قاصد انو يسوي كذاء عشاان يخرب بيتها لو هيا مو اثقه فيك وتحبك ما كانت خلتك تفتح البريد حقها مع انو شي خاااص بيها الله يوفقك ويسعدك بتوفيق |
اقتباس:
وهناك البنات المحترمات العفيفات التي لم تنزل الى مستوى الكلام الفاضي |
| الساعة الآن 09:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©