|
هدايا العيد...
السلام عليكم ورحمه الله وبركاته
كل عام وانتم بخير جميعا... حبيت اشاركم فرحة العيد...من خلال سؤال.... انا لاحظت ان البعض يسأل ويقول محتار او محتاره شنو اهدي خطيبتي او خطيبي... خلونا نتشارك... اخي شنو قدمت لخطيبتك بيوم العيد؟؟؟:25: اختي شنو قدمتي لخطيبك بيوم العيد؟؟:25: مومشكله اذا شاركونا المتزوجات والمتزوجين بالجواب....:d اقصد هديه او عيديه.... وانا انتظر التفاعل وبجاوب على الاسئله بمشاركه اخرى....:22: |
و لا شي عدى حبي و اخلاصي
|
جاب لي زوجي عطر وجبت له مبخره للسياره:d
وكل عااام وانت بخير |
اقتباس:
ان شاءالله السنه الجايه يكون احلا مشكوره |
اقتباس:
ياسلام حلو....عطيتيني فكره لهديه...:22::22: وانتي بخير وصحه وسلامه...:d:d |
والله اهديتها ســاعة الماس
وصارت مفاجأه رهيبه بالذات انهم مسافرين واعطيتها اخوها يقدمها عني بيوم العيد ... |
اقتباس:
والله انك غلطان ماله داعي .... كذا تعودها الحين يعني بكرا لازم طقم ذهب تجيب اقل من مستوى الهديه السابقه ... السبب... راح ماتخلي وحده بدنيا الا تقولها خطيبي جاب لي هديه ساعه الماس السنه الجايه راح يسالونها يقولون لها وش جاب لك زوجك ؟؟؟؟؟؟؟؟؟؟؟ اتوقع تنزل راسها ماراح تجاوب ..لكن انت جديد الحريم مايعطون وجه والنساء عموما جوعها راح تجي وراك تلهث لهثا ...... |
بصراحه ماأهديت زوجي شي...
بعدالعيد بشتريله...خخخخخ |
اقتباس:
ماشاءالله تبارك الله والله عيديه ومفاجأه حلوووه الله لايحرمكم من بعض وتعيش وتجيب لها ان شاءالله الله يسعدكم.. |
اقتباس:
ليه كذا بالعكس البنت منا تفرح بالهديه مو ضروري الغلا اهم شي انه ذكرها الحريم مايتشابهون كل وحده لها شخصيتها المستقله... الله يسعدك |
اقتباس:
خلاص ننتظرك اشتري وقولي لنا شنو الهديه ومنكم نستفيد:d:d الله يسعدك نورتي... |
حان وقت اني اجاوب على الاسئله....
انا خطيبي عمل لي مفاجأه يوم العيد الصباح وهداني قلب ذهب مكتوب عليه اسمي واسمه ومن الخلف مكتوب فيه كلام والتاريخ..:d مع سلسال وبصراحه رائـــــــــــــــــــــــــــــــــــــــع ولبسته على طووول... اما انا اهديته Iphone :d:d والحمدلله ان عجبه وفرح فيه.. :d:d |
انا السنة هذي اشترت له لبس العيد من الشماغ لحد الجزمة و انتم بكرامة
وهو ما اهداني الا ثاني العيد علبة حلاو استحى دايما اهديه وهو لا |
اقتباس:
ماشاءالله الهديه حلووه عجبتني :d:d الحمدلله انه ذكرك يالغاليه ومدام انه حس واستحى ان شاءالله يجيب لك... الله يسعدكم مشكوره |
اقتباس:
اول شي قويه كلمتك تلهث لهثا (( ماصارت آدميه معيشه في بيت اهلها مكرمه عشان تلهث عندي )) بيشفونها الحريم ياويلك ههه المهم يالغالي انت لمن تقدم الهديه وتدري البيت كله اقاربها بما انهم مسافرين وطبعا هي اول هديه تبي تسوي شي عليه الكلام بس اهم شي يكون الشي معجبك مو عشانه الماس بس الشكل تتمنى زوجتك تلبسها ولا تغلى عليها ومثل ماقالت الاخت البنات مو كلهم سوا بس اول هديه لازم تكون راقيه ولا تحسب سعرها غالي بالحيل تراها اقل من طقم الذهب |
اقتباس:
الله يسعدك مشكور |
السلام عليكم
كل عام وانتم بخير :22:اشكر الاخت الحائره على موضوعها الشيق:22: اما بالنسبه لي اهديت لخطيبتي يوم العيد طقم شنطه مكياج من مكياجي +طقم صبايا عطر وكريمه مرطبه نفس العطر+ طقم ادوات نظافه بريحة التوت جل ولوشن ومرطب شفابف وكذلك مرطب جسم طبعا من ماركة مكياجي وهدولي مكياجي شنطه حلوه فيها كحل ومدري وشو واعطيتها زوجتي وكذلك جبت ترته على شكل قلب وكتبت عليه عيدك سعيد ياحياتي وهي ما اهدت لي شي وهو اول عيد في حياتنا حتى البوسه والله اني بصيح لكن عاااااااااادي :14: بالتوفيق للجميع |
اقتباس:
انتي صادقة والا تمزحين ؟؟!! اول شي : شلون تهدينه وانتي مخطوبة " ملابس " هههههههه يعني حتى السروال والجرابات والطاقية وكل شي معقولة والشي الثاني : معقولة ماجاب لك غير علبة حلاوة ههههه وش ذا ! المفروض ايام الخطوبة الزوج بس هو اللي يهدي .. وهدايا تبيض الوجه مو اي كلام اما البنت ... تخلي الهدايا بعد الزواج احسن .. |
اقتباس:
وانت بخير وصحه وسلامه يارب ماشاءالله حلوة الهديه ورومانسيه الله يسعدكم ان شاءالله تهديك خطيبتك الاحسن في اقرب وقت... لاتلومها يمكن ماقدرت تشتري لك ولا عندها احد يشتري بدل عنها .. الله لايحرمكم من بعض.. مشكور |
اقتباس:
اسمحي لي على المداخله.. ليه بس الزوج الي يهدي بالعكس حلو انك تهدينه مثل ماانتي تتمني هديه من خطيبك حتى الخطيب عنده نفس المشاعر .. الهديه مو قيمتها الماديه بالعكس بقيمتها المعنويه.. الله يسعدك |
اقتباس:
مادري ليش كل هالعصبية والتحامل ! للعلم فقط : اللي يقولون عنه يلهث هو [ الكلب ] فـ عيب من باب الأخلاق والذوق وحتى الاتكيت .. إن نقوله حق الانسان [ ولقد كرمنا بني آدم ] هذا كلام الله ... الله اللي نعصيه أحياناً ونتذلل بين ايديه ونشكيه همومنا ويعرف بكل خلجات انفسنا يقول [ كرمنا بني آدم ] الله .. الله مالك السماوات والأرض .. وانت اللي ماتملك لـ نفسك لا نفعها ولا ضرها ولا أي شي فيها تقول تلهث لهث ! [ وقل الحمد لله الذي لم يتخذ ولدا ولم يكن له شريك في الملك ] فعلاً الحمدلله الحمدلله .. لأن لو فيه لـ الله شريك في الملك كان فعلاً يمكن [ نلهث ] بس الحمدلله رب العالمين كرمنا .. الحمدلله الحمدلله وبعدين الرجال المفروض يعامل زوجته بالحسنى [ رفقاً بالقوارير ] { ما قالوا خلهم [ يلهثون ] [ لو كنت فظاً غليظ القلب لإنفضوا من حولك ] ياليت .. ياليت .. ياليت لو نتحلى بـ أخلاق الاسلام .. والله والله ، أغلب بناتنا إذا اهديتهم وتوددت لهم وعاملتهم بالحسنى يعيشونك بنعيم اشنبي غير ريال يحن علينا ويحبنا .. والهدية وسيلة للتقرب وللتحابب وللتودد مو مهم قيمتها وحجمها وغلاها وشكلها ولا أي شي .... المهم قيمتها المعنوية لووو عساها ورقة من أي دفتررررر .. كاتب عليها [ أحبج ] والله هذي جم تسوى بالدنيا ؟ والله تساوي الألماس والذهب والدنيا كلها بس وين اللي يقدر ؟ البنت أمانه ماخذها من بيت أهلها " أماااااااااااااااااااااااانه " عندك ببيتك بدال ماتحفظها وتصونها تبيها تلهث وراك ؟؟ اشدعووووه ! ماخذنها من بييييت مو من حديقة حيوان - يُكرم القارئ الله يهديك ويهدينا ياخوي |
وعليكم السلام ورحمة الله وبركاته بالنسبة لي أهديت لخطيبي عطر وفواحة من نكتار للسيارة وسجادة صلاة واشترطت عليه يروح يصلي العيد بسجادتي وهو أهداني ساعة وأعطاني عيدية الله يعطيه العافية ويتمم لنا على خير |
اقتباس:
ماشاءالله هديه حلوه.. الله يسعدكم ولايحرمكم من بعض.. مشكوره |
الحمد الله واخيرا اشتريت لزوجي هديه....
اهديته كبك وجزمه الله يكرمكم وفرح فيها حسيت بعيونه وانا كثييييييييييييير انبسطت لأني كنت محتاره... |
اقتباس:
لا والله بقيمتها المادية فرق بين اهديك علبة حلويات عن ان اهديك ساعة ذهب |
والله انا متزوجه بس ايام الخطوبه بجد يعني انا وهو ماقصرنا على بعض بشئ طول السنه نتهادى مافي شئ ماجابلي هوه وانا نفس الشئ لدرجه انا اشتريله اطقم جنزات واقمصه وكذا وهو يشتريلي بعد اخر هديه في العيد هذا جابلي هيه ساعه الماااس بتاخذ العقل وهذ الساعه الثالثه000
|
وداني الملاهي :) و لعبت لما شبعت .. هذه كانت هديته :)
و هديتي كانت ثاني العيد وهي فحص الحمل الموجب :) الله لا يحرمني منه ... |
| الساعة الآن 01:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©