|
هل اتحمل مصروف زوجتي ؟
السلام عليكم ورحمة الله وبركاته وكل عام وانتم جميعاً بخير واعاد الله عليكم العيد وانتم في احسن حال اللهم صلي وسلم على سيدنا محمد وعلى آله وصحبه وسلم الى يوم الدين ,, اخواني اعضاء المنتدى , انا من اشد المعجبين بهذا المنتدى ولي سنتين ادخل واتصفح واقرى مشاكل الاخوان والاخوات واستفدت كثير , مالنا بالطويله وادخل بالموضوع على طول انا متزوج والحمد لله من سنتين ورزقت بطلفه عمرها الان سنه الله يحفظها , وزوجتي انسانه عنيده جداً , طويلة اللسان , متذمره , لامباليه , وعقلها جداً جداً صغير , ومن بداية رمضان والعلاقه بينا مشدودة جداً لكن انا اتجنب المشاكل واحاول ان ابعد قدر المستطاع وآخر مشكله كانت يوم 28 رمضان صار بيني وبينها مشادة كلاميه في العصر وكنت معزوم فطور وكانت النيه اني اوديها بيت اهلها تفطر عندهم واروح افطر انا عند صاحبي وهي في السياره قاعد اتكلم معها في موضوع الا صوتها ارتفع وقمت قلت لها ليش صوتك يرتفع قعدت تغلط وتقول كلام ماينقال و وصلنا بيت اهلها وقلت في نفسي ان نزلتها وهذا حالنا عز الله بيحطون الغلط علي والله رجعت من عند باب بيتهم ورديتها البيت ورحت العزومه ومن العزومه رحت على عملي ولا رجعت الا الساعه 4 الفجر وبعد مادخلت البيت كالعاده سلمت ورحت لغرفة النوم اغير ملابسي عشان الحق اتسحر مابقى وقت الا 40 دقيقه واتفاجئ با اتصال من عمي ( ابو حرمتي ) ويقولي ترى اذا انت ماتقدر تصرف على بنتي جيبها انا اصرف عليها قلت له انت رجال كبير وفي مقام والدي وعيب اللي تقوله قال جيب بنتي ولا ترى بجيب لك الشرطه قلت تبي تجيب الشرطه حياك الله انت وياهم انا ماتهدد تبي بنتك تعال خذها , سكر ورجع دق ويقولي ياحبيبي يالغالي يامدري ايش قلت هيه كلمه وحده والله لو ايش مايصير اني ماجيبها تبي بنتك تعرف طريق بيتي . جا ابوها وراح بيت الوالد لاننا ساكنين بنفس العماره وجلس مع ابوي وجلست انا وقلت له انت كل شوي تهددني الشرطه الشرطه , ترى عيب عليك ويقول انت ما تأكل بنتي قلت اطلع شوف البيت كله مليان خير الله قال انا ما اعرف مليان ولا فاضي بنتي اشتكت خلاص مايحتاج اشوف , قلت له خير ان شاء الله واخذ بنته معه , طبعاً الموضوع ذا كله مايهمني الله لايردها انا اصلاً غاسل يدي منها من زمان بس اقول وش ذنب بنتي وما ابي ابعد عنها ,, ومن يوم 28 الى اليوم انا لارحت ولا اتصلت ولا كلمة احد فيهم وماخذ مقاضي العيد لها ولبنتها بحدود 3 الاف وكلها مثل ما اهي في الدواليب اللي يهمني وابي اعرفه , 1 / هل انا ملزوم اني اصرف عليها وهي في بيت اهلها الحين , وانا ما حبيت انها تروح واهلها اخذوها ؟ لانه من يوم راحو ما فكرت حتى اروح عندهم او اشوف بنتي لا في عيد ولا في غيره ولا افكر اروح لهم 2 / هل لو وصل الموضوع للقضاء الغلط بيكون علي ولا عليهم وترى هذي ماهي اول مشكله تهاوشنا اكثر من 50 مره وكل مره يتدخلون اهلها واتنازل انا وأهدي المسائل عشان خاطر بنتي , وانا انسان ميسور الحال الحمد لله واقسم بالله ماعمرها طلبت شي الا قلت لها سم وع امرك سامحوني طولت عليكم بس ياليت كل اللي يمر ع موضوعي لايبخل علي وجزاكم الله كل خير |
الله يهديها
اخوي الحريم ناقصات عقل ودين لا تفكر انكاذا تزوجت وحده هو الاصل بالعكس الاصل هو ان تتزوج اقل شي 2 واللي تعترض علي هذا كانها اعترضت علي قول الله. الله اللي اباح للرجال التعدد ورمي القران اللي يخشون التعدد بالخوف ولو كان هو جريمه كبيره والعدل مشكله كان الصحابه معضمهم وكبار الصحابه ما عددوا وهم اللي كانت حياتهم كلها جهاد في سبيل الله ويعانون من الفقر فهذه هي السنه انصحك ما دام انت ميسور الحال تزوج عليها الزوجه اذا صحيح تحب زوجها ما تعانده وتركب راسها وتصيح في وجه زوجها فاذا كان رفع الصوت من اكبر الذنوب فما بالك عدم الطاعه معظم المشاكل من الحريم الله يهديهن الزوجه اذا خرجت عند اهلها معانده لزوجها هذا ليس الحل شوف نفسك وريح نفسك دع ابوها يصرف عليها ما دام هو يريدها عنده الاب مفروض يفهم بنته وينصحها ما يروح يمشي عند رايها دائما والا ليش يزوجها وانت دور لك غيرها هذا النوع صدقني بيكدر عليك حياتك دائما وسوف تكون دائما هكذا اذا ابوها ما عرف يربيها توكل علي الله وتزوج اربع
|
اقتباس:
|
اقتباس:
بس برضه مو حل اني اتزوج الثانيه قبل ما انهي مشكلتي الاولى تماماً . شاكر مرورك |
الله يكون في عونك يابو حمزه
الله يفرج همك وييسر امرك ويرضي خاطرك ويعطي كلٌ على نيته انصحك طنشها او كلمها وفهمها ان اللي تسويه غلط وانك ماتتقدر تتحمل اكثر من كذا امكن تتعدل الله يحفظك ويستر عليك |
اقتباس:
جزاك الله خير اخوي ابو حكيم لكن انا ماخذ لبنتي مقاضي تكفيها شهر كامل وانا قلت لك انا ماحبيت انها تروح وهي ركبت راسها وابوها اخذها وانا متعمد اني ما اروح عشان يعرفون ان الموضوع عادي شفتها ماشفتها زي بعضه بس يشهد الله اني انحرق من داخلي بس ابي ابوها يحس لانه انسان الله يصلحه بس شاكر مرورك اخوي |
اقتباس:
جزاك الله كل الخير |
ركز على بنتك واستمر بالصرف عليها , لكي لا يقولوا " بخيل " لم يصرف على زوجته عندما كانت ببيته , والآن لا يصرف على طفلته , ثم يصدق ابو زوجتك كذبتهم بأنك لا تصرف على البيت .
استمر برؤية ابنتك وخذ لها من ملابسها التي في البيت وارسلهم لوالدتها , أما زوجتك فلا تسأل عنها ولا عن ملابسها , واذا ارادت أن تأخذ ملابسها فلتطلبهم هي بنفسها أو تأتي الى البيت مع أحد من أهلها لتأخذ ما يلزمها , ولا تقم أنت بهذا الدور ولا تبادر أي مبادره اطلاقا بهذا الخصوص , لكي لا يقولوا انك انت من احضرت ملابسها وليست هي من طلبتها , ثم ينعكس الموضوع ضدك وتصبح كأنك أنت من طردتها من البيت والدليل - بنظرهم - أنك احضرت ملابسها بدون طلب منها , لأنها قد تقول فيما بعد أنني كنت أنوي الرجعه ولكنك عندما أحضرت ملابسي كان هذا دليلا على عدم رغبتك بي . انتبه بارك الله فيك بكل خطوة تخطوها |
والله صح كلامك اخوي ابو حكيم بس في مره من المرات تهاوشنا وقعدت عند اهلها ثلاثه اسابيع كنت لما اروح ابي اعطيهم مصاريف ابوها يرفض رفض قاطع فا أقول من باب اني ما انحرج خليه دام هذي رغبته |
أخوي
هل هي موظفة ؟ هل هي تصرف على نفسها ؟ هل حالتهم المادية عند أهلها أعلى منكم ؟ يمكن هي متعودة على مستوى و عشان كذا تشوف إنك مقصر و تشتكي لأهلها ؟ أنا ما أبرر لها تصرفاتها ، لإني ضد الحركات هذه لكن مجرد استفسار ، لإنه أعرف وحدة من بيت - أهل كرم على قولتهم - تزوجت واحد عاش طول عمره مع أب بخيل و ما يشتري لهم شئ فزوجها يوم يجيب شئ للبيت ، مقارنة بينه و ببين أهله و أبوه فهو كريم لكن مقارنةة مع الناس العاديين يعتبر أكثر من الإقتصادي ؟ و الله يوفق بينكم |
اقتباس:
والله مستواهم المعيشي متوسط , على قد الحال يعني وانا مستحيل ادخل بيتي ويدي فاضيه الا امر السوبر ماركت اخذ حلويات وجلكسيات واكل للبنت بالعربي مو مقصر الحمد لله |
اقتباس:
|
اقتباس:
صراحه حياة نكد لو انك ماتزوجت احسن لك ... بس انا مستغرب اذا قلت ان الزواج مافيه الا غثاء قالو لي لا استقرار مافيه اب الا ويبي الستر لبناته ومافيه ومافيه يلا يالموحد يلا ياندى يلا ياطيووف الامل عطوني اجابات تقنعني هذا خسر على زوجته وفوق كذا ابوها يبيها تتطلق هذا مثال من ملايين الامثله اتركو المثالييات حلو مشكلة ابو حمزة وش ذنبه هل يعلقها الى ان تسدد قيمتها وبعدين يطلق وبنته تتيتم ... او او او هاتو الحلول خلوني انا وابو حمزه نقتنع .....بنات لايهمهن الا انفسهن وانا اراهن عند شي تافه متهاوشين ياخدامه ياشي والسلام عليكم |
اقتباس:
|
اقتباس:
وين الاستقرار بالزواج والله حياة نكديه عندنا وعندك خير يوميا نتهاوش ويوميا نتزاعل |
اقتباس:
وربي انك صادق وين الاستقرار لو الرجال يلاقي راحته في بيته والله انه مايقضي ساعه يكون فاضي فيها الا عند حرمته وعياله بس والله اني لما اشوف وقت الدوام قرب ينتهي انها نفسي تنسد واتمنى انه دوامي يكون اطول حياه نكد , الله يعوضنا خير يادكتور شاكر مرورك اخوي |
اقتباس:
الواحد يتمنى يرجع بسرعة من الدوام لكي يلاقي الزوجة المبتسمة الحنونة اللطيفة الي تخفف عنه تعب اليوم كله لا أن تزيده شقاء وتعب ؟! |
النساء = مشاكل
يا اخوان هذه مشكله التربيه علي المسلسلات والدلع الزائد الزوجه لازم تفهم من اول يوم ان الزواج معناه طاعه وصبر واحترام للزوج واهله اذا كسرت هذه الامور ما تنفع زوجه بتظل تتعامل مع طفل طول حياتك ولن يسمع كلامك الا اذا الله هداها واطاعت زوجها واذا انت تريد تصبر عليها ولكن اهتم بصحتك لا عد ييشيب راسك ويجيك الضغط والسكري والهم والغم ووزنك ينقص كل يوم تري بنات الحلال كثير واذا هذه اول تجربه لا تحسب انها نهايه النساء ياما ناس ما توفقوا من اول زواج وتزوجوا مره ثانيه
|
اقتباس:
فال الله ولا فالك وش ظغط وسكري الله يسعد قلبك يا اخوي وربي اني قلبي ميت , بارد بشكل ماتتوقعه بس اذا قفلت تقفل والله يافيني برود رهيب عكس اخواني كلهم وبالنسبه للتجربه الثانيه انا لو ابي والله مايجي عيد الاضحى الا وانا متزوج بس الزواج بالثانيه مو حل اخوي عادل حسبي الله على اللي حرمني من بنتي يوم العيد , الله لايسامحه |
1/ هل انا ملزوم اني اصرف عليها وهي في بيت اهلها الحين , وانا ما حبيت انها تروح واهلها اخذوها ؟
لا تصرف عليها ابدا و هي في بيت اهلها .. تاديبا لها 2 / هل لو وصل الموضوع للقضاء الغلط بيكون علي ولا عليهم وترى هذي ماهي اول مشكله تهاوشنا اكثر طلقها .. سواء وصل الموضوع للقضاء ام لم يصل .. عذرا زوجتك اصلا اهلها دون المستوي .. طلقها و ارتاح .. و تزوج غيرها و انجب .. و لكن احسن الاختيار هذه المرة |
أخاف أرد على مواضيع زي كذا ، أخاف أغلط بكلمة و أكسب ذنب الطفلة المسكينة
بس بأحاول اختصر شوف ، دام أبوها يهددك بالشرطة و راح يشتكي لأبوك عنك و أخد بنته عنده و هي ما قصرت لإنها سبب كل اللي صار خذ بنتك عندك و عيد معها عند أهلك و أقاربك و خلي أمك أو أختك يلبسوها من الملابس اللي إنت جبتها لها زوجتك يبغالها ( تربية من جديد للأسف ) و ماعرف كيف راح تربي بنتك ؟ الحل : 1 - لازم تعرف هي إنه حياتها = زوجها + بيتها + بنتها و الشئ هذا ما راح يصير إلا إذا عرفت قيمتك و قيمة بيتها و إنه أهلها ما راح ينفعوها بشئ 2 - هي تتبلى عليك إنك ما تصرف عليها و تشتكي لأبوها طيب كيف علاقتك مع أمها أو أخوانها ؟ واحد منهم لازم يعرف بأفعال بنتهم لا تدفع و لاقرش لها ، لإنك إذا دفعت دحين راح يحسب أبوها إنه قدر يلوي ذراعك و دام إنها خرجت من غير رضاك و هو أخذها ، فاعتقد و الله أعلم ما عليك إثم 3 - شوف أي وحدة من حريم أخوانك قريبة من زوجتك ، علشان تروح إنت و تكلم أخوك إنك لقيت وحدة و ما تقول لأخوك إنه ( بس كلام ) ، خلي أخوك يقول لحرمته عشان حرمته توصل لزوجتك 4 - اللي مثل زوجتك الحل الوحيد معها ، التأديب .. يعني دام تصرف والدها همجي و هي تدخله في كل شئ ، خلاص أدبها بالطريقة هذه أخوي دكتور المنتدى مو كل الحريم كذا .. :) بس كل ما دخلت للمنتدى و أقرى عن النوعية هذه من الحريم أقول الحمد لله إنه أمي كانت شديدة في تربيتها لنا أختي لسى عروسة و دلوعة و من تاني شهر حملت ماشاء الله ، و ماعمرها عملت شئ في بيت أهلي و لا طبخت دحين مع وحامها و دراستها ، ماشاء الله كل يوم تطبخ لزوجها و بيتها يلمع ، مع إنها ما تقدر تاكل شئ و مرة بأقولها ليه تطبخي و إنت حملك صعب ؟ تقولي أحزن على زوجي ما يحب ياكل أكل السوق قلت لها و الله إذا مو مقصر معاك ، فلا تقصري معاه .. و حتى أمي أقولها مسكينة أختي تطبخ كل يوم و حملها متعبها ؟ أمي تقولي خليها تطبخ مافيها شئ و أيام زمان كيف كنا ؟ و دحين كل شئ عندها .. الطبخ ما ياخد شئ غير ساعتين بالكثير قلت في داخلي ، الحمد لله إنه أمي مو حماتي :D |
اقتباس:
والله يا اخت رازان اني شلة فكرة الروحه من راسي مره وحده حتى اول شي سويته رحت غيرت كيلون الباب حق بيتي اول ماصحيت عشان زوجتي معها نسخه والله انه قلبي مره مليان ومعبي ع الاخر والله ماتذكر لها شي حلو سوته معاي خليها عند اهلها لين تطفش واللي شالها يرجعها اما انا بعيد عن عيونهم اروح عندهم حتى شاكر مرورك الله يعطيك العافيه اختي |
انا ابغي اعرف انت ما سئلت عنها وعن اخلاقها و عن معاملتها والمهم عن اهلها قبل الزواج
اذا ما سئلت هذي غلطتك ولازم انت تحلها بدون طلاق او زواج بثانية لان بنتك راح تكون الضحية يعني انت تحمل وش ما كان الوضع اذا احد غشك فيها مع ان الفكره بعيدة لانك لو ما عرفت اسلوبها يكيفك اسلوب ابوها حاول تصلحها علشان خاطر بنتك واذا ما اتعدلت طلقها طلقة اولى خلها تحس اشوي انك جاد و بنتك مالها دخل بالموضوع لازم تزورها وتمشي فيها بالسيارة حرام يمر العيد وانت ما شفتها |
اسأل الله ان يهديها ويصلحها ويسخركم لبعض
|
يا ليت تحاول تذكر بعض الحسنات
معقولة ما فيها أي حسنة ؟؟ |
عجزت افهم وش مشكلتها بعض المتزوجات عايشه بنعمه وتجيب المشاكل لنفسها
|
الوالده راحت البارح تزور عندهم وشافت البنت وقالت لي البنت طيبه وماعليها الحمد لله بس اللي وصلني انهم حاطين الغلط علي ويقولون انا اللي غلطت على بنتهم .. والله عائله غبيه لا وداقين علي يقولون في عزيمه اليوم وتعذرت انا بيتهم كله مايهمني دام انها عارفه اني ماغلطت عليها ماحد راح يندم غيرها الله كريم |
حاول تحل المشكلة بهدوء
اتفق معاها على تخصيص مبلغ شهري للاكل الي تحبه زوجتك عطها مبلغ معلوم ودعها تشتري الي يعجبها من الاكل والحلويات |
سيدى الكريم :
ما ارتشفت من كتابتك على ما يبدوا ان زوجتك بعمر صغير بحيث انها لا تفهم امور الحياة الزوجيه ردة فعلها تأتى من حياز عدم المسؤليه تجاه بيتها واسرتها على ما يبدو ان المشكله قائمة منذ فتره بينكما لكن لا تضع اللوم عليك وان تبتعد عن الظلم فأعطها الفرصه الاخيرة اتركها عند اهلها فترة بحيث تمعن التفكير لعل وعسى من يكون هناك من ينور لها عقلها ويرشدها بالنسبه للمصاريف فهو حق لها ان تقوم بالمصاريف عليها وعلى ابنتك ما دامت تحت رعايتك اى ان الطلاق لم يقع وهو ما يسمى النفقه ولها حق ان تطالب فيه بعد مرور فترة قم بطلبها وعدوتها الى بيتها ان تستجيب انصحك بالتزوج عليها وان تقدم طلب فى المحكمة لرؤية ابنتك ويحق لك رؤيتها يومان على حسب تقدير القاضى لكن انتبه من نقطه مهمة وهى ان امرها ان تكون عندها اهلها لفترة طويله فوق خمس شهور لا ينفعك بحيث ان الطلاق بعد هذه الفتره يكون لك بأنك لم تكون انت الجانى ولا تكون ظالما لها والله المستعان |
الشرهه ماهي على الزوجة .. دام عقلها صغير
الشرهة على ابوها ... لا قالت ... آه .. جاك يركض االشرهة على الزوج اللي يدلع المرة حتى تنسى نفسها وتركب عليه وادودل رجليها ههههه .... احم... احم |
اقتباس:
لكني أعرف اثنين من صحابي مثلي واحد منهم طلق واتزوج ثانية والله يابو حمزة إنه لما زارني ووصف لي كيف هو مرتاح مع الثانية وأنها ما تقصر معاه يقول أنا والله ما حسيت إني متزوج ومبسوط إلا مع الثانية وأخذ يعدد لي مناقبها ويذكرها بالخير ويقول والله ما ودي حتى أخرج للدوام من حبي لها. وأما الثاني مقتدر ماديا وشغال في أرامكوا قعد مع الأولى كم شهر طلعت عيونه من كثرة المشاكل وكل شوي رايحة بيت أهلها ويرجعها بتنازلات وهو والله أعرفه وأعرف أخلاقه وطيبته ، آخر شيئ رح اتزوج الثانية ورجع الأولى وصار عنده زوجتين لكن الأولى أخلاقها كما هي ودائما مشاكل والثانية يقول والله مرتااااااااااااااااح معاها ما يدخل البيت إلا وهي في انتظاره والحمدلله على سلامتك وترحب فيه . آخخخخخخخخخخخخخخخخخخخخخخخخخخخ يالقهر صار عمري 40 سنة وما ارتحت ولا لقيت غير النكد والزعل والعبوس وكل شوي مشكلة على أتفه الأسباب ، لا وكمان تقصير في أعظم الأشياء بين الزوجين. أقول لحق عمرك مادامك مقتدر مادياً وابحث عن بنت حلال يكون قلبها طيب واسأل عنها وعن أخلاقها مع أهلها وأهم شيئ ما تكون عنيدة وطويلة لسان. الله يوفقك يا بو حمزة . |
اذا حاس انك ماظلمتها روح جيب زوجتك لاجل خاطر بنتك لان الاطفال مالهم ذنب بهالتفاهات
واذا هي فعلا تبي بس الزعل خلها عند ابوها وخلي ابوها ينفعها هذا حال الدنيا في حريم يخافون من خراب بيوتهم وفي حريم مايهمهم شى سبحان الله |
اقتباس:
ياخي والله إن بعض الناس فيهم رحمة ما يحب يظلم زوجته مع إنه إنسان حازم لكن لما تقابله هي بهمجية وتصرفات رعناء ممكن إنها تحرجه مع جيرانه بكثرة صياحها ورفع صوتها ، تجده أحيانا يتنازل حتى تهدء الأمور ويقعد يفهمها في وقت الصفاء أن هذي التصرفات غلط وأن وراهم بيت ومسؤولية وتكوين أسرة وتربية أطفال ، وبعد كذا ترجع كما كانت وكأنك يابو زيد ما غزيت. والله يابو حمزة غالباً مثل هذي النفسيات صعب إنها تتعدل ورح تنتظر سنة سنتين إذا ما اتعدلت في تعاملها معاك من احترام وطاعة أقول لك لا تنتظر ألحق عمرك وخذها من أخوك ( أسأل مجرب ) . يمكن أحد يقول طيب ليش انت ما تزوجت أقول أنا ينقصي فقط المادة ولو عند قيمة المهر والله العظيم إني ما أنتظر لحظة ، لكن هو يقول إنه مقتدر مادياً . |
اقتباس:
جزاك الله كل خير اخوي |
اقتباس:
والله صح كلامك ,, انا لحد الان ماتكلمت ولا قلت شي خليها عند اهلها وانا في بيتي ومبسوط والحمد لله الوالد والوالده مو مقصرين واخواني كل شوي واحد منهم طالع ولا ناقصني شي الا شوفة بنتي بس داعس على قلبي يا يتعدلون ولا والله العظيم ومن خلقك الخطبه بعد العيد بس ما ابي بنتي تحس انها يتيمه وابوها عايش وابي امها تتربى لانه ابوها اصلاً ماعرف يربي , لو عرف يربي وانسان عاقل وحكيم في بيته كان يعرف شلون تنحل الامور مو يجي بهمجيه وياخذ بنته حتى مايعرف شسالفه خلها عنده لعل وعسى يحس بالذنب مع اني احس انه انسان زي كذا ماعنده احساس من اساسه يعطيك الف عافيه اخوي |
اقتباس:
اختي صابره هذي ماهي اول مره تروح عند اهلها واتنازل انا عشان خاطر بنتي قد سبق وراحت مرتين ويدقون علي خالتها ومدري من يدق واتنازل عشان خاطر بنتي حياه مليانه مشاكل وهم ومحافر واستفزاز الحمد لله على كل حال , شاكر مرورك يا اخت صابره |
اقتباس:
هذي اختيار الوالده الله يحفظها وترى عمرها ماهو صغير عمرها الان 27 سنه بس الواحد ماتعرف طبعه الا وقت تعاشره ما تقدر تحكم عليه بالظاهر اسال الله ان اللي حرمني من شوفة بنتي ان الله يحرمه نور عيونه يارب انا قادر اروح اشوفها بس مابيهم يقولون هذا مايقدر يصبر وبدا يحن خليها عندهم قد مايبون لين هم بنفسهم يحلون الموضوع وبعدين انا بحط شروطي وان ما فكرو اصلاً انهم يحلونه بنات الحلال كثير والله يرزقني ويرزقها كل خير شاكر مرورك يا اختي |
اقتباس:
وهناك بنات تهمهن مصلحة ازواجهن واطفالهن العالم اطباعهم تختلف منهم يحمدون الله على النعمه ,,,,ومنهم من يزول على النعمه ولا يحمد ربي على ماعطاه الله يعينك يابو حمزة وييسر امرك ويجمعك بالبنوته ويخليها لك ياااارب |
اقتباس:
الله يجزاك كل خير الله كريم |
| الساعة الآن 07:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©