|
انا العبد السقيم من الخطايا وقد اقبلت اللتمس الطبيب
اول شي السلام عليكم مشكلتي هذي ماقدرت اعرضها لزملائي و لا اخواني ولا اي احد لانها كارثه ودي تسمحولي اطرح موضوعي قصتي كنت امكث بمنزل مكون من .. الى اخره وفي يوم من الايام تزوج والدي امراه بعد مرور سنتين من زواجها كان عمري ساعتها 15 سنه بدات المراه تسوي حركات الله يكرمك تحط رجلها برجلي علشان لا اظلمها انا ماادري عن نيتها زينه ولا شينه استمرت على هذه الحاله فتره وهي كل ماتشوفني جالس جلست جنبي وصلحت الحركه مره ثانيه بعد فتره فكرت فيها تفكير مراهقه قلت خلني اتقرب منها قمت اصلح معها حركات غير لائقه وقمت اقبلها على خذودها وعلى واناظر الى صدرها بصراحه مدري هي راضيها ولا لا وبعد ثلاثه شهور او اكثر قامت واخبرت والدي والدي انصدم ماتوقع ان ابنه يصلح كذا ولا توقع ان زوجته تصلح كذا مع ابنه المهم بعد مرور سنتين توفى والدي وبعد ماتوفى ماحصل بينا اي شي من الي كان يحصل اول لكن تقول انا السبب في وفات ابوي انا عمري الان 21 سنه وحطت كل اللوم علي لاكنها ادمرت سمعتي عند اهلي وهي الحين متنقله من عند اهلها شهرين وعندنا اسبوعين وانا بصراحه كل ما اشوفها اتهيض جنسيا لكن اتعوذ من الشيطان واقول حرام هذي مرت ابوك وعندها اطفال من ابوي لبسها بصراحه بعض الاحيان يلفت للنظر ويغري وانا بصراحه انقهرت ورب الكعبه زينت سمعتها عند ابوي وانا حطتني مجرم على الرغم انها لو ردعتني انا بخليها الحين تروح معي وتجي اوديها واجيبها علشان كلام الناس لكن اشوف فيها بعض الحركات مثل لبسها كيف اتصرف تكفون مساعدتي انا مقهور ايش الحل ولا تزيدونها علي لان الي فيني مكفيني اسف على طرح الموضوع لكن مالقيت احد اقوله غير ربي |
اللهم صلي على محمد وآل محمد
: السلام عليكم ورحمة الله وبركاته ، / قرأت موضوعك ب تمعن .. لكني لم أفهم المطلوب منه ؟ - هل تريد طريقة تبعدك عن النظرات الحرام ؟ - أم تريد طريقة ل إصلاح سمعك بين أهلك ؟ - أم هل تريد طريقة حيث تغير زوجة أبيك من لبسها ؟ ! أي ما هدفك من الموضوع ؟ - ام هو مجرد فضفضه ؟ |
وعليكم السلام ورحمة الله وبركاته
لما تكون موجودة في بيتكم..ابتعد ولاتجلس عندها ابدا حتى لاترجع لك المشاعر المحرمة اكثر من الصيام فهو بقلل من شهوتك وايتعد عن كل ما هو يثيرك من صور وافلام اللي سويته يعتبر ذنب عظيم..فاطلب المغفرة من الله والعفو وهي دعها لله فكل شيء عنده بقدار الحل اللي بيرجع ثقة اهلك فيك ويريحك هو الزواااج..فأنصحك اذا كنت قادر عليه فأقدم بالتوفيق |
مشكورين على المرور
يترتب على ذلك عدة اسئله
1_ حركتها اعزكم الله يوم تشبك اصابع رجلي باصابع رجلها ويش كانت تقصد 2_ هل انا ظالم ام مظلوم 3_ بصراحه انا لي 7 سنوات وانا افكر فيها (جنسيا) بعد ماكنت اقبلها 4_ لبسها المغري 5_ ابغى طريقه استعيد بها شرفي واظهرها على حقيقتها 6_ شكوكي فيها وغيرتي الزايده هل هو مرض نفسي ام حقد |
انت عايش معاهم وحيد؟
هل لك أم وأخوات في البيت أم لا؟ |
يا اخى اتقى الله فيها وفى نفسك هى زوجة ابيك ولا تجوز لك كزوجة اذن الحل انك تتزوج وتعف نفسك وعندما تجد الحلال سينصرف ذهنك عما يغضب الله عز وجل والى ان يحين هذا حاول ان تبعد عنها بكل الطرق ولا تخلوا بها ابدا يعنى اذا استيقظت ولم تجد فى البيت الا هى اخرج فورا ولا ترجع الا اذا عاد اخوتك والا ستقع الفأس فى الرأس وتقع فيما لا يحمد عقباه ولن تستطيع الفرار ووقتها ربما تكون الفضيحة على الملىء ولن يقبل احد ان يزوجك ابنته |
وعليكم السلام ورحمة الله وبركاته
شوف اخي انت وسوسة لك نفسك وشيطان هي معتبرتك ولدها وهي مجرد تضع رجلها عل رجلك فكرة في شئ ثاني ليش ما قلت تبي تكسر الحاجز بيني وبينها وتودد لي ومعتبرتني ولدها ولكن انت لاسف انت نضريتك شيطانيه ولو انها عل ما تضن لبادرة لك بما انت تطمح له واعوذ بالله من الشيطان ولن تخبر ابيك ولكن انت لم تعتربها بثابت امك ومن محارمك استهواك الشيطان لو البست شئ من الاغراء انت ولدها كيف يثير غريزتك ولماذ تناظرها غض من بصرك انت في داخلك شيطان فتعوذ منه ودلال عليه تقبيلك لها بنفس خبيثه ودها وجيبها واخدمها هاذي في مثابت امك ونت اصلح نفسك وابعد وساوس الشيطان وحافظ عل الصلاه ان الصلاه تنهى عن الفحشاء والمنكر اتقي الله اتقي الله اتقي الله في نفسك وبها هداك الله واصلح نيتك وثبتك الله عل الطريق المستقيم |
اقتباس:
يااختي مجروحه انا ماقلت شي في كلامك هو صحيح 100% لكن انا سئلت اسئله في ردي الرابع وبعدين كان عمري 15 في وقتها انسان مراهق وانا مافتحت مجال لها لكن انا مقهور ان ابوي يمكن مات وهو غضبان علي وبعدين انا اشك انها تسوي حركات ماهي زينه ابغى اعطيها كلام اما بالنسبه للبس حرام عليها تلبس لبس غير لائق فنحن مهما كان عيال زوجها صح في مقام الوالده على الرغم ان والدتي حيه لكن ابغى نصيحه لها وانا ماقلت اني ماصلحت شي محرم بل انا في مخيلتي اقول انا كافر بعد ماوعيت وصار عندي عقل افكر فيه لكن سمعتي راحت الكل ينظر الي نظره مجنونه من العائله ابغى كل شي يرجع وشكرا اختي على الرد الرائع تقبلي مروري |
بصراحه انا ارى انها زوجه غير صالحه الله يعينكم عليها
اولا : ان كانت تضع اصبعها على اصبعك ففي الاسلام لا يجوز لزوجه الأب ان تظهر مفاتنها لأبن زوجها فهي ليست امك فهو حرام , فهي من اثارت لك الغريزه الشهوانيه فأنت برئ من تصرفاتها وشعورك الشهواني طبيعي ثانيا: كان يجب عليها ان تكون كأم قدوه فهي المثل الأعلى للأبناء فأن كانت تصرفاتها سيئه سيأثر بأنحراف الأبناء طبعا ثالثا: ان كانت امرأءه صالحه فيجب عليها ان تحفظ عورات الناس وان لا تكون الفتنه والتشهير بك امام الأهل والناس. انت من يجب ان تحكم ان كنت متهم ام هي المتهمه فلا احد يعلم بالحقيقه سوى انت وهي والله الشاهد فنصيحه ارجوا ان تبتعد عنها لأنها تفتح باب الشيطان بينكم من خلال تبرجها امامكم وتصرفاتها الشهوانيه . |
لا تشغل ذهنك فيها...اذا كنت صادقاً في توبتك فسيعينك الله لأن الله لا يغير ما بقوم حتى يغيروا ما بأنفسهم
لاتفكر بالماضي وماذا كانت تقصد..و...و...والخ لايختلف اثنان في انك مخطئ..حتى لو كنت في الخامسة عشرة..فالحلال بين والحرام بين هي الان ارملة ابيك وام اخوتك..ردد تلك العبارة مئات المرات في عقلك واكثر من الاستغفااار والذكر احرص دائماً على عدم الوجود في مكان هي فيه..لتستطع نسيانها بالتدرج وتخف تلك الأفكار المحرمة عنها سؤلي هل تستطيع الزواااج؟ |
الحمدلله إن الأمور ما وصلت لـأبعد من ذلك
وإن كنت أرى أن الخطأ في البداية عليها مو عليك الآن حاول تتجنبها قدر الإمكان وحاول ما ترفع عينك عليها إطلاقاً وتصدق عن أبيك وادعو له في كل سجده وادعو ربك إن ينجيك من كيد زوجة أبيك |
الله سبحانه غفور رحيم يقبل التوبه ياخي انت مخطئ وزوجة ابوك بعد نصيحه وانا اختك انت تحاشاها وابتعد عنها وغض بصرك وقاوم الخطرات بذكر الله الشي الثاني اصلح مابينك وبين الله يصلح الله مابينك وبين الخلق الله يهدي الجميع لما يحب ويرضى |
ابعد عنها تماما وهى لها اهل
بمعنى انها لا تنتظر مساعدتك فى شىء توب الى الله وسيعينك وينسى الناس ما فات |
عليك ان تعزم على التوبة أولا
ثانيا : الابتعاد عنها وهن المكان الذي تتواجد فيه .. ثالثا : المسارعة بالزواج واعفاف نفسك والعزم على ان تتق الله في زوجتك مستقبلا ... حتى يرزقك الله بر أبنائك الله يفرج همك ،،، |
15 سنه
كانت تلاعبك انك ولد ضغير ما فيها شي اصابع رجلها باصابع رجليك وان كنت قبلتها على خدها وهي ايضا فهذا عادي هي محرمه عليك بمقام والدتك والام تقبل ولدها وتغمره بين يديها واحيانا تصع رأس ابنها على رجليها ومساج ناعم على راس ولدها هي اعتبرت نفسها في بيتها وانت ابنها وكانت حابه تتقرب منك عن التعري هناك كثر من النساء يتعرون للاسف امام اولادهم من غير ما يفكرو ان لولدهم عرائز جنسيه انت الشيطان وسوس لك الحل وقت تراها تخيل امك مكانها عاملها انها امك غير ملامح وجهها بمخيلتك ضع ملامح والدتك اما عن سمعتك اما الاهل وقت يجدوك تصلي الفروض وتصوم النوافل وتكثر من الاستغفار ويلاقوك من العمل للبيت ومن البيت للعمل رح ينسو كل شي اهتم بنفسك جيدا روحانيا والله سبحانه وتعالى رح ينسي الناس تفكريهم بك لا تفكر بالناس وموت ابوك هذا اجله رحمه الله سبحانه وتعالى وليس لاحد يد بموته ولا تفكر بكلام الناس لانك رح تفضل كل حياتك تعمل وما يرضو عليك انما عليك بان ترضي من يرضى عليك وهو رب العالمين ارضيه بالطاعه يرضيك بالفرج من اوسع ابوابه لا تفكر باحد الا بنفسك كيف تجاهدها عن المعاصي ان النفس لامارة بالسوء ترا الجهاد صعب وطريق الجنه اصعب الله يثبتك ويثبتنا جميعا لا تنسى القرآن الكريم اقرأ كثيرا لتغسل قلبك وسوف تتعلق بحب الله سبحانه وتعالى |
مشكورين اخواني الي ردو الله يعطيكم العافيه لكن لين الحين ماتوصلت لحل معين مافيه توضيح
افيدوني الله يجزاكم خير انا شايف ان عدد الزيارات كثير لكن مافيه ردود ساعدوووووني وربي انبلشت |
الأغلب قالوا لك ابعد عنها وخل العلاقه رسمية بس هذا الي بيدك
والأفضل ما تدخل عليها لحالك يعني الحل منك إنت المهم ادع لنفسك بالعفاف والتقى وادع لوالدك بالرحمة وتصدق عنه علشان ترتاح نفسيتك من جهة والدك |
طيب انا شاك فيها انها تغازل ادعت الشرف قدام ابوي وبعد موته صرت انا الضحيه لا فعالها |
افيدوني بالرد
|
افيدك انك لاتقعد ادور عليها ازلات وتقعد تشك فيها انها اتغازل ادع الخلق للخالق
وتجعلها هاجسك الدايم اصرف نظرك عنها لا تنسا انها من محارمك وام لخوانك كيف اتدور وتحوم حوليها وهي ام اخوانك يا حيف عليك والله لو هي مسويه مصايب الدنياء ان تستر عليها لانها ارملة ابوك وام اخوانك كيف ترضى عل نفسك انك تدمر سمعة اخوانك ومن يدمرها اخوهم لاحول ولا قوة الا بالله زمن العجائب انت ونوياك خبيثه تعوذ من الشطيان هاذي مثل امك ترضى احد يدور عل امك او يتهمها او يترصد لها بنوايا خبيثه ياخي اترك الحرمه في حالها حتى بيتها لا تدخله ابعد عنها الله بينك وبينها اذا كانت ظالمتك فرمك لا ينسى عبيده |
أنتبه أخي الكريم ..زي ماقالوا لك الإخوان أبتعد عنها
وصلي..وأستغفر الله كتييير وأدعي الله أن يصرفك عن أي شئ محرم والله يوفقك |
الاحظ في ردود الاخت مجروحه
نوع من الاستفزاز |
اقتباس:
لاحول ولاقوة إلآبالله |
اقتباس:
كلام سليم وموشايفه اي استفزاز في الاسلوب اسلوب عادي جدا لكنها صريحه ووضحت الامور وماعجبكم سبحان الله |
اقتباس:
اقتباس:
اقراء ردك هذا لو فرضنى شكك في محله ماذا تفعل انا اقول لك اخي اتركها ولا تشغل تفكير بها استقم وحافظ على صلواتك ونظرة من حولك ستغير اذا شافو صلاحك وستقامتك اخي انت امش على ما يرضي ربك وربك يحلها اللهم ثبت الدين في قلبه وبعد عنه الحرام وفك كربه وارزقه البطانه الصلحه |
مشكورين اخواني واخواتي على الردود الله يكتب اجركم ويجزاكم خير وانا اسسف اخت مجروحه اذا كان الموضوع سخيف لكن والله العظيم ماطرحت الموضوع الا وانا مشطب عليه يعني خلاص منتهي بس انا انسان في داخلى قهر ومافي احد يعرف المصيبه ويقدرها الا اللي وقع بها |
الله يعييينك يارب ويوفقك
مثل ماقالولك .,, واكثر من الاستغفار وشوف كيف راح يصير حالكَ وطمنااا ,, |
| الساعة الآن 04:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©