|
شوفو زوجي بعد اول مولود
السلام عليكم
انضميت لهذا المنتدى الرائع بعد رؤيتي لتجاوب ومعاونة الاعضاء مع بعضهم البعض في مشاكلهم حسيت بالارتياح لاتكلم عن مشكلتي واتمنى اشوف ردود تريح القلب وتطمن الخاطر خاصه من الرجال لان مايعرفلكم الا انتم مشكلتي باختصار هي بعد ولادتي لاحظت زوجي تغيييير كثير وانا نفاس عند اهلي مايدق دايم مايزورني يوميا ماحسه متحمس للبيبي والي ذبحني اكثر ماحس متحمس لرجعتي بيتي زي اغلب الازواج ابي افهم ليه لاحد يقول مني انا حتى وانا نفاس وربي ماعمره زارني الا وانا باحلى منظر وبنظافه وريحه حلوه والبيبي مرتب ونظيف وجسمي مثل اول لاكرش ولاشي ينفر المهم هليومين كنت افكر ارجع بيتي مابي الفجوه تكبر بس لما كلمت عمتي اسحب منها الكلام عن راي زوجي برجعتي قالتلي انه قال ماله داعي ترجع وانتو مسافرين والشغاله معكم ومافي من يخدمها ويساعدها عالبيبي والفله كبيره كيف اخليها االليل وانا مداوم والخ اعذار اعذار لها حلول= رحت كلمته انا بالفكره ابي اسمع منه وش يقول الا نفس كلام عمتي بس موبالتصريح عشان مايجرحني اخر شي قلتله يا الله محببببط قال ليه قلت ابد ماحسك متحمس لرجعتي قال لاموكذا بس انتي فكري فيها بعقل ومنطق _ وربي من ساعتها وانا دمعتي على خدي وقلبي منحرق مو كفايه اني مانسيته بعد الولاده مثل الحريم وكنت اراسله كلام حلو واذكره بمواقف حلوه وكذا ولالقى رد مثل دايم كان يرد ولما ناقشته قال طبعي كذا مارد الا اذا في سؤال قلت وش غير قال خلاص عشان ترتاحين ماني راد ابدا قلت اوكي لاترد<وانا منقهررره بعدها سحب علي يومين وكان بااارد فارسلت بررت له ان الي سار عتب من شوقي وانا نفاس ونفسيتي شوي ومحتاجتك اكثر بس شكلي ضغطت عليك ولافهمتني عالعموم معليش وحبيت اوصح الصوره وبعدها رجع طبيعي بس نفس البرود كل هذا ماهمني بقد ماجرحني عدم رغبته برجعتي |
الله ايهون عليك
متزعليش الله اعلم بظروفه و لكن انصحك انك ترجعى بيتك الموضوع مش على كيفه و لكن بعد ان تكونى بصحة جيدة حتى تسطيعى ان تخدمى نفسك هده البدايه بعد ان ترجعى اتقلى عليه شويه و لا اتلوميه خليه على راحته و انشوفوا شنو بيصير
ان شاء الله كل خير |
ودي ارجع بيتي بس احس بكون ثقيله
مدري اكره هالشعور |
انا لما ولدت - طبعا ماتت طفلتي ولم يكن بيبي -
كان مثلك ما يتصل ولا يسال وباليوم يمرني مرور الكرام بو خمس دقايق ويمشي وكنت احس ان وراه شي واحساسي طلع في محله كان يبي يبدي مشوار الخرابيط واللعب بالنات الى ان طلقت منه بس اعتقد ان الريال اللي يهد زوجته وقت النفاس اكيد وراه شي والله اعلم |
اولا : الحمد لله على سلامتك وعلى سلامة البيبي .. والله يجعله من الذرية الصالحه يارب ثانيا : وسعي الصدر عزيزتي ... غالبا المرأة تمر بحالة اكتئاب ما بعد الولادة لأسباب منها : وجود المولود يعني مسئولية جديده ...الى جانب مسئولية الزوج .. معاناة الحمل والاولادة فتحتاج لمن يخفف عنها ويتعاطف معها وتفضل ان يكون الزوج غالبا .. لخبطة في الهرمونات بالتالي تصبح حساسه جدا جدا جدا .. حبيبتي مستحيل زوجك ما يحب المولود ... بس احيانا الزوج يحتاج وقت ليتكيف مع الوضع او التغيير الجديد .. احيانا الزوج يفكر يمكن زوجتي تنشغل بالطفل وبالتالي تتغير حياتنا الزوجيه .... ممكن يفكر بالمسئولية الجديده والصرف وتأمين المستقبل ... زوجك اذا قال انه يبيك تجلسين في بيت اهلك ... لا يعني انه كارهك او مو مشتاق لك او لا يرغب برجوعك للبيت ... بس هو يفكر في شيء انتي ما تفكرين فيه ... يفكر انه اهلك ممكن يساعدونك اذا احتجتي شيء ويعتنون فيك لكن اذا رحتي بيتك مين اللي بيقوم فيك ويساعدك ... فحاولي تحسنين الظن يالغاليه و لا تقعدين تحنين عليه وتكررين عليه انك متغير ... لانه بيبدأ يمل ويتهرب من اللوم والعتاب المستمر .. هو مو مطنشك يا غاليه فانتي زوجته وام ولده .. نصيحتي لك حبيبتي : حسسي زوجك ان ما تغير شيء ... ما دام انك في فترة نفاس ارتاحي وريحي اعصابك لانها ايام وبتعدي ... واعتبري زوجك طفل ثاني لان في من الازواج يغارون من المولود الجديد خاصة اذا شافوا الزوجه منشغله بالمولود وهاملتنه ... في من الازواج يكون سعيد جدا جدا بالمولود بس ما يعرف يعبر عن فرحته ... واذا رجعتي بيتك بالسلامة حاولي تفاجئينه بحركات يعني حسسيه ان المولود مستحيل يغير شي في حياتكم .. خليه يشاركك في تحميم البيبي وتلبيسه والاعتناء فيه ...واكثري الدعاء يالغاليه .. والله يسعدكم ويحفظكم يارب |
اقسم بالله نفس حاله زوجي ونفس الكلام تقريباا ..
بس احس ان هالتصرف من الزوج ان وراه شغله ولا يريد زوجته تكون معاه |
موهبة الكويت
يسلمو عالرد بس زوجي ماظن راعي بنات مدري بس ردك محطم جدددن وخوفني كثير لمني بشوق يسلمووو عالرد بصراحه كلامك ريحني كثير وهو نفس كلام امي الي موراضيه اقتنع فيه من كثر ماتاثرت من موقفه حرم المرزوقي ربي يعييييني ويعييينك ويرد لنا ازواجنا رد جميل يااارب احسن من واقرب من اول نصيبنا رزقنا بازواج غامضييين ربنا يعين بالنتظار البقيه وينكم يا رجال |
انتظري اختي الى ان يكون الظرف مناسب لرجوعك بيتك ...أشوف كلام زوجك منطقي ..
ولما ترجعي وترجع حياتكم طبيعية يذوب الثلج وينكشف المرج ونقدر نعرف حقيقة الوضع .. ممكن انه التغير صعب عليه هو كمان وتاثر من حساسيتك وتوترك ..وتوتر معاكي |
معقول ,,,,,,,,,,,,,,,,,,,
طيب حتى انا تغير علي الوضع بس لازلت متمسكه فيه واحبه واشتاق له اخاف ارجع بعد مايتدمر كثير اخاف عدم وجودي يكون فرصه له يرجع لاصحاب السوء وانا ماصدقت يبعد شوووي ,,,,,,,,,,,, مرات اقول الرجال لو براسه شي بيسويه سواء انا جمبه او بعيده ومرات اقول لا وجودي ببيته بيحسسه بالمسؤوليه وبيخليه يفكر بحياته وعايلته خاصه انه يغلبه عقله على دجته باوقات كثيره انتو وش رايكم |
انا مع رأي اختي لمني بشوق
فعلا هو وضع جديد يحتاج لوقت للتكيف فيه لكن نصيحتي ارجعي لبيتك |
شكلي خلاص برجع وبدوس على كرامتي
ياربييي الله يعين بس لسى للحين ابي اعرف راي الشباب المتزوجين المخلفين عيال ليه يتغيرون على الزوجه بعد اول مولود بالرغم من اهتمامها بنفسها واهتمامها فيه |
اخت دندانه
خايفه ترجعى بيتك ليه هو انت عامله جريمه ، اولا ده بيتك ومملكتك دافعى عنها ولاتنهارى ثانيا انت حاضنه يعنى حقك بتواجدك بمنزل الزوجيه حق لك اوعى تتنازلى عنه فترة الولاده وحضور ضيف جديد شئ جديد عيكم يمكن هو يرى انك محتاجه خدمه نسائيه لايقدر عليها او لايحب كثرة الزائرين من اهلك ويحب الهدوء والعزله يجب ان تشريحى ظروفك والخلفيات اكثر واطرحى هواجسك حتى نضع يدينا على بيت الداء لكن دلوقت قومى ارجعى بيتك |
انتي قليتيها بنفسج
ان زوجج كان له اصحاب سوء وابتعادج عنه فترة النفاس يمكن خلته يرجع لهم نصيحتي رجعي بيتج بابرق وقت ولا تقولين يمكن يتذمر هذا مثل ماهو بيته بيتج انتي وعذريني ان حبطتج بس والله هذا اللي جرى لي انا الله يكون بعونج |
اقتباس:
هداكِ الله ياموهبة الكويت... المرء يقل خيرا.. أو يصمت. لمني بشوق... زادك الله من الخير وأضم صوتي إلى صوتك. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ عزيزتي دندانة.. .. كل تجربة ولها أناسها وأدواتها التي بالتأكيد تتحكم في نتائجها.. وتمرين أنت بالمرحلة التي جاءت في رد "لمني بشوق". ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ وزوجك أيضا.. يمر بمرحلة انتقالية هو الآن أكثر مسئولية.. تشتاقين أنتِ للبيت.. ويتوق هو لحمايتك انتِ والمولود.. تأكدي إنه يرحمك وأنت في فترة ما بعد النفاس.. ويخاف عليكي من الجلوس وحدك بالبيت.. أيضا لا يوجد من يخدمك..وهو يستوعب تدريجيا أنه أصبح أبا.. ولديه أسرة.. شعورك أنك ثقيلة .. أستغربه, هذا بيتك, لاتنتظري أن تتم دعوتك إليه.. اختاري أن تذهبي إليه وإذهبي,, بالاتفاق مع زوجك الذي يعلم تماما الوضع والوقت الأكثر أمانا لتذهبي للبيت.. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ فكرة ولا تعتمدي عليها كثيرا: لماذا لم تتوقعي إنه ربما يجري بعض التغييرات ع المنزل,, أو يقوم بتجهيز غرفة للضيف الجديد.. أو حتى أنه يقوم بتزيين المنزل لكم.. لو كان الأمر كذلك فخير.. وإن لم يكن كذلك فخذي الأمور على محمل الخير.. ولا تخسري زوجك وبيتك.. ولا تسقطي نتائج تجارب الأخرين على حياتك. وفقكِ الله وحمدا على سلامتك.. |
مشكورين كلكم عالردود
انا مستعجلع الحين بس تعليق سريع على حكاية يفاجئني هههه امااا عاد هذا اخر شي اتوقعه ضحكتيني ربي يسعدك عالعموم لي عودة وعندي امل القى رد من الجنس الخشن سلاااام |
[QUOTE=يارب يرجعلي زوج;2482736]
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ عزيزتي دندانة.. .. كل تجربة ولها أناسها وأدواتها التي بالتأكيد تتحكم في نتائجها.. هالكلام صحيح 100% انا تكلمت من واقع تجربتي يمكن انتي غير عني الله يكتب لج كل خير ويبعد عنج كل شر |
اقتباس:
تطمني مافيه شي يدعوا لهذا القلق انا رجل وزوجتي نفاس الان ولا اهتميت لرجعتها والله اني ما ادري ليش نفس زوجك لاكن مو كره لاسمح الله لا اتوقع لاني تعودت على الجلوس برا البيت وجمعت شباب وحسيتها اونس لان زوجتي بيتوتية ترفع الضغط ماتطلع ولاتسهر مقابله الحيطان ولما كانت بالنفاس كنت اروح واجي على كيفي وزياراتي قليله لهاشوي .. هذا اللي حبيت اقوله لك |
بما أني من الجنس الخشن
ومتزوج وعندي أطفال أقول لك باختصار الاشخاص يختلفون في طرق تفكيرهم وطبيعة تعاملهم بس انصحك نصيحة محب لاتزرعي الشك بينك وبين زوجك إذا دخل الشك بينكما فاعتبري خروج الاستقرار من منزلكم يمكن له وجهة نظر مادية او عائلية او صحية احسني الظن واتمنى انك ماترجعين الا لما يطلب منك اغلب الرجال وانا منهم لا استيطع التعبير عن مشاعري للطرف الاخر فيكون مصير المشاعر الحبس داخل القلب |
الله يفرج همك
اتوقع مجرد ماترجعي البيت تبدأ تنتهي الحالة وتسير امورك للافضل |
شكلي خلاص برجع وبدوس على كرامتي
ليش ان شاءالله تدوسين على كرامتج! البيت بيتج والمكان مكانج... حبيبتي لا خلصتي اربعينج روحي بيتج!! لا يسوينها مشكله .. يمكن زوجك من النوع الثقيل جدا !! او انه يستحي من نظرة بعض الرجال المتخلفين اللي يعلقون على الزوج اللي كثيره زوحاته وجياته على زوجته النفاس!!! |
اقتباس:
انا اكره هذه العباره ادوس على كرامتي مابين الازواج دوسات كرم بينهم مودة ورحمه اتمنى تصححي مصطلحاتك الله يهديك |
حبيبتي مبروك المولود الجديد جعله الله من مواليد السعادة واقر به عيني والديه
لا تفكرين مجرد تفكير انك ترجعي لبيتك راح تتعبي نفسيا و صحيا وجسديا انت بيت اهلك عندك الوالدة الله يحفظها تساعدك في البيبي وتقوم فيكم واذا عندك خوات بعد اكيد بيساعدوها ولا تنسي لمت اهلك الي تشرح الصدر تخيلي اذا رحتي لبيتك وجلست لوحدك تضمني زوجك واهله يجلسوا عندك وحتى لو جلسوا راح تعتبرين نفسك مثقله عليهم يا حبيبتي انتي نفسيا تعبانه علشان كذا توسوسين ترا النفاس يطري عليها الف طاري اذكري الله و ادعي لزوجك و عوذيه كل صباح ومساء و توكلي على الله لا تشيلين هم شيء ولا ترجعين لبيتك لين تنهين الاربعين واذا فيه زود زيدي عادي المهم تكوني مستعده تدخلي بيتك و كانك عروس . |
موهبة الكويت .....
فعلا كل شخص يختلف عن الاخر وانتي ذكرتي تجربتك والله يستر على زوجي:29: امير الشوق ,,, اممم ممكن يكون تفكيره مثلك ليه لا بس زوجي بيتوتي نوعااااااا ما يطلع ايه ماقول لا بس مو اكبر همه الطلعات و ماحس اني مسببه له عاااائق :( ولما قلت بدوس على كرامتي لان مايبيني ارجع وانا ابي ارجع ,,,, لو رجعت مثل الي وجهي لوح يعني جايه غصب مدري بس ماقلت العباره من فراغ سديد الراي موقفه خلاني اشك غصب والا انا احاول بقدر الامكان اضبط نفسي وجزاك الله خير عالنصيحه تتمنى ما ارجع الا لما يطلب مني (طيب ليه ؟) يوووو بديت احتااار مبادئ ربي يسمع منــــــــــــــك ناني فعلا البيت بيتي بس وضحت ليه قلت الكلمه اخلص ارببعيني احسها طوييييييييييييييييييييييييييييييييييييله خلاص ابي بيتي وزوجي اشتقتله مدري كيف بعض الحريم يسحبون على ازواجهم الاربعين وزياده بعد وسبحان الله يكونو ازواجهم مشتطين على رجعتهم من قبل الاربعين والعكس العكس دنيا غريبه:25: مميزه جدا اذا انتي تقولي لاترجعي عشان التعب ومالتعب انا الحمدلله مافيني الا العافيه مر على ولادتي خمس وعشرين يوم وبسم الله علي اقدر اخدم نفسي بس على حكاية الطفش يمكن صادقه بطفش بس اهم شي في بيتي ودي ارجع بببس كارهه ردة فعله ولو كانت في باله ولابيطلعها قدامي قولو اميييين يااااااااااااااااااااااااااااااااااااااااااااااااا ااااااااااااارب يدق علي ويقللي اشرايك تجين مابقول يقول تعالي لاني مستبعدتها بس يقللي اشرايك تجين امانه ادعولي يمكن يستجيب ربي بدعوة حد منكم لاتلوميني لو تعلمون الشوق الي في قلبي لزوجي ماقلتم ليه تشتطين للرجعه |
يا اختي ان رجل وعندي نفس التجربه بس الفرق ان زوجتي حامل وانا دايم اوديها بيت اهلها مب عشان شي نفس الضروف مع زوجك وبعدين دليل كلامج ان بدوس على كرمتي يعني انتي متغيره عليه شوي وحياه الزوجيه فيها تسامح وتنازلات وهذي كلها وساوس الشيطان لا تكبرين الموضوع اكثر وما عليج من اي وحده تقولج انا نفسج وبعدين صار الطلاق هذا كلام فاضي ولما تخلصين الفتره بترجعين لزوج ان اراد الله وكل الامور بتنتهي
|
طيب توديها بيت اهلها برغبتها هي والا كيف
يعني ابي اعرف منك وش احساسك وانت توديها لاهلها عشان اوصل لاحساس زوجي لو اقرب منه بس |
والله اوديها بيت اهلها وانا كلي شوق لها البيت من بعدها ولا شي واصبر وما احاول احسسها بالشوق لان بترفض تروح الله يصبرني بس
|
لو كان اتصل عليك و يا فلانة اهلي سافروا وانا لحالي
تعالي اخدميني اطبخي و امسحي و نظفي و اكنسي و اطبخي و اهتمي باليببي و فيني كنتي كتبتي موضوع وتشتكي انه مو مقدر تعبك و اناني و انه يحب مصلحته بس ووده من يخدمه الخ ..:) حبيبتي الف مبروك البيبي و االحمدلله على قومتك و البيبي بالسلامة حبيبتي كلام لمني بشوق عين العقل كلام زوجك جدا منطقي ... كيف بتروحي تقعدي لحالك هناك و انتي بكرية و ما تعرفي تهتمي بالبيبي و لا هو كمان و بيضل قلقان عليك وهو بدوامه حبيبتي اعتقد زوجك يحبك بجد و لو كان اناني كان بيقول لك تعالي عندي اخدميني و مالي دخل دبري عمرك مع البيبي و بدون شغالة و انتي توك طالعة من ولادة لكنه يحبك و يقدرك و فضل يضحي و يقعد لحاله و يخدم عمره بعمره مقابل انك ترتاحي انتي و البيبي فترة بدل ما تسيبي نفسك للوساوس ... زيدي من جرعة الشوق و لا تنتظري مقابل و استغلي وجودك عنجد اهلك و اهتمي باكلك و تغذيتك عشان البيبي هذه اهم فترة لو استغليتيها صح راح يكثر حليبك باذن الله ولو طنشتي بسرعة بينشف اهتمي بالبيبي وخلي اهتمامك كله فيه غيري من شكلك شوي و ارجعي له عروووس و افرحي انه زوجك يحبك و يقدرك و يقدر تعبك الله يسعدكم |
امير لندن
زوجي ماظن مثلك ماشفت منه شي كذا او عالاقل حسيت مو قبل الولاده اتكلم عن حاليا يارب يبان لي شي من شوقه لو بالغلط لاني انسانه حاره درجه اولى ولو اني رجال ولله ماتحمل هالبرود ولاتزوج عليه نورا لاولله من عيوني ويبشرلادق وطلبني اجيه اونسه واخدمه الا هذا الي اتمناه كذا بحس بحاجته لوجودي وانا الحمدللله اشوف اني بخير وهو بعد شافني وقاله خلاص اهتميت15يوم اهئ والشوق ماعاد اقدر ازيده ياخوفي يموته بيده ياااااااااارب اهدني للقرار الصحيح الي يرضيني ويرضيه رجعت او مارجعت مشكورين عالردود وعالمعاونه الله يخليكم لي واذا في حد له وجهة نظر في مسالة رجعتي او قعدتي واسباب عدم حماس زوجي يدلي بدلوه كلي اذان صاغيه |
مثل ما قيل : البعيد عن العين بعيد عن القلب .. وقيل البعد جفا ..
وقد يكون هناك ترسبات ماضيه في قلبه عالقه في ذهنه |
علو النفس
ترسبات ماضيه في قلبه علي انا والا وش تقصد ردك قلقني وضحلي بليييز |
قد يكون .... وليس يقينا .. بعض الرجال يجمع في قلبه
أنت أدرى بنفسك وبزوجك .. |
علو النفس
ترسبات ماضيه في قلبه علي انا والا وش تقصد ردك قلقني وضحلي بليييز |
كيف اعرف مابقلبه
وحنا كانت خطبتنا تقليديه وزواجنا تقليدي هو يحبني هذا شي واثقه منه له ماضي اعتقد تسعين بالميه اغلب الرجال لهم بس اذا بيرجعه للماضي بعدي رح اقرب منه انا اولى به بديت افكر بالرجعه بس بعد مااهيئه واقنعه من تحت لتحت وكل كلامكم باخذه بعين الاعتبار يااللي طمنو خاطري وقالو مافي شي وطبيعي وعادي اقعد ببيت اهلي لان كلامكم جدا ريحني يعطيكم الف عافيه |
ياحياتي لاتخافين اذا كان زوجك يحبك :23:مستحييييييييييييييييييييل يخونك
حتى لو انشغل شوي عنك (مو معناته انه كرهك) انتي حطي في رأسك مليون سبب وأرجعي لبيتك وحاولي تتقربي من قلبه و عقله لمن تشوفي شو كان شاغله |
اخت دندانه
حمدلله على سلامتك من الولاده سبق وان قلتلك ارجعى بيتك ان كنت مستثقله العوده وحدك ممكن تتصلى به وتبلغيه انه وحشك وشوقك لرؤياه زاد ابلغيه انك زهقانه من الجلوس بدونه وترغبين فى لقاؤه حسسيه انك لست سعيده وانت بعيدة عنه حسسيه باهميته بحياتك وان الطفل كله ابوه ويريد ان يراه حركى فيه مشاعر الشوق وانك بصحه جيده وانك لاترغبين بالانتظار للاربعين وناكدى انه سيسارع باحضارك وتسعدوا سويا بابنكم الجميل وتمنياتى لك بالسعاده |
مبروك على البيبي
لاتسيئين الظن فيه يمكن عنده ضغوطات في العمل او شي مضيق خلقه .. موقفه انه مايبيك ترجعين البيت لان مافي احد احسه موقف صحيح كلامه معاه حق الله يجمع بينكم بالخير |
خوخه
اعرف ازواج يموتون بظلال زوجاتهم ويخونونهم (محد يامن الرجاااااال):23: وانا ان شالله راح ارجع بس ابي طريقه اوصل له ترى برجع مابيها صريحه رؤوف هههههه تعبت وانا اقول له مشتاقه ولالقى منه رد مايجي بهالاسلوب يجي بالعقل والمنطق على قوله:30: لو زوجي من النوع الي يجي بالكلام الرومنسي كان من اول اسبوع ماخذني ببيته يسلمو عالرد وعالامنيه شامخه بعز ابوها ماعنده لاضغوطات ولاشي دايم يقللي العمل هاليومين عال العال ومريح ومسالة قعدتي لحالي بالبيت بقلله بقعد بقسمي وعندي التلفزيون وعندي كل شي وماني من النوع الخواف عالطفش اهلي كلها خمس دقايق ونا عندهم :11: تنحل بس يتعذر انا اظن والله اعلم بعد ماشفت اراء الكل واراء ناس حولي انه مستثقل جيتي عشان البيبي والبكا والخ :15: لانه من النوع الي مايستحمل وبرضو يمكن مثل ماقال الاخ الي يقول عشان روحاته وجياته (لو ادري ن روحاته وجياته ماترجعه او تشجعه على الغلط الي يسويه ووعدني انه يتوب عنه كان ولله مافكر انشب كذا بالرجعه )كان بصبر على شوقي وبكون مرتاحه في نفسي وقلبي بس خايفه عليه وادري وجودي رح اذا مامنعه نهائي رح يخليه تدريجي يمتنع ادعوله بالهدايه ويترك البلا الي ابتلابه ربي ويتوب عليه ويهديه يااااااااااااااااارب |
ارجعي بسرعة
اولا الحمد لله ع السلامة
ثانيا انا من تجربة اقول لش ان السالفة فيها انة و لازم ترجعين في اسرع وقت حتى لو ما وافق ما اعتقد ان في ظرف في الدنيا يمنع الرجل من الاطمئنان على زوجتهو طفله بعدين لازم هالفترة تكون فترة تجديد العلاقة بما انش بعيدة عنه |
بدا قلبي يعورني
لدرجة حلمت اني اصارخ بوجهه قلت بقعد هنا مو راجعه لاهلي طيييب ههههه ابو القلق |
اقتباس:
الله يريح بالك حاولي تطمنينا.. |
| الساعة الآن 04:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©