|
تعبت من مراهقة اختي
السلام عليكم
بأعرض مشكلتي بإختصار انا تعبت من اختي إلي عمرها 15 سنة كشفتها تكلم من جوالي وانصدمت صراحه ماتوقعت هالطفلة تكلم شاب صارحتها وانكرت جيتها بالأدلة سجلت بموقع الاتصالات وشفت كشف الحساب ولقيت رقمه بنفس الوقت الي كان جوالي فيه مختفي وصارحتني من هو وكيف اخذت الرقم وقالت خلاص توبة نصحتها بكل ذوق واحترام لسنها وسكتت وسترت عليها مع الايام شفتها تدخل منتديات شباب وتوزع رقم امي ورقمي بالرسائل الخاصة هنا بغيت انجن تكلمت معها بكل ذوق واحترام وحاولت اتمالك نفسي مع انو كان ودي اضربها وقلت لها قصص بنات تعرفو على شباب وكيف كانت نهايتهم تعيسه نزلت لها مقاطع من اليوتيوب تبين نهاية البنت الي تكلم شباب سواء كانت بنصيحه او مسلسل او او او كتبت لها كلام كثير وقصص بملف الوورد جلست وتكلمت معها عن عوقبة هالشي بالدنيا والاخرة ذكرتها بربي جلست معاها وسولفت وشرحت لها أمور كثيرة وقلت لها قصص بنات انفضحو وجبت لها ادلة من ناس من جماعتنا بنتهم غلطت مع جارهم واهلها فكرو يذبحوها لكن ربي ماأراد وهربو من ديرتنا لديرة ثانية بسبب فضيحة بنتهم وقالت لا خلاص ماعاد أعيدها وهكذا ( ترجع حليمة لعادتها القديمة ) ترجع تكلم وانا اكشف وهي تقولي لا خلاص توبه ماحعيدها ويبان عليها الندم وانا استر وهي ترجع للغلط بعد ايام وهكذا كل يوم اشوف شي العن من إلي قبله اكتشفت اخيرا انها تكلم واحد بالماسن وصدت المحادثة بسجل المحادثات وسويت لي أيميل جديد واضفته عندي ومن حسن حظي طلع الولد غبي قلي كل شي عنه وعطاني رقمه هنا الصدمة طلع ولد من جماعتنا والرقم هو الرقم الي كانت زمان تدق عليه ماقدرت اتحمل رحت قلت لأخواتي الكبار وهم طبعا زي امي مايعرفو يواجوهها لانهم جبانين ومو قد المسؤولية فيرمو الحمل علي وانا صراحه خلاص مافيه حيل المشكلة بعد كل مشكلة استر عليها وبعض الاحيان اخاصمها وبعض الاحيان اهددها بأني اخبر امي واختي الكبيرة عن حركاتها وهي تخجل من نفسها وتقول لا لا خلاص ماحعيدها استري علي واستر وانسى كل شي وارجع علاقتي فيها احسن من اول علشان ماابغاها تشوف الفرق لها شهر طاخه البنت لدرجة انو انا ارتحت وصرت انام زي خلق الله من دون مراقبة ولا هم يحزنون وقلت بنفسي اسلوبي وتقربي منها جاب نتيجة ولله الحمد لكن الطامة الكبرى وإلي زلزلت كياني انو اليوم الصبح الساعة 9 كانت جالسه على النت وقالت تبغيني اقفله ولا بتجلسي عليه ومن حسن حظي قلت لا خليه إلا واسمع امي تقول يالله تجهزو عرفت انو فيه طلعه وقالت لي امي تبغى تروحي معانا السوق قلت لها لا وكأنو الله بغى يكشفها لي اسوي لصق إلي يطلعلي كلامها إلي في مامعناه انها تقول له ((تعال عند باب بيتنا انا وامي وخواتي وقالت اسمائنا ببنزل ونروح السوق الفلاني وابغى اشوفك بالمكان الفلاني )) رجت غيرت رأيي ورحت معاهم وهي مبين عليها الضيق وشفتها راحت تسحب امي وتوديها للمكان الي تبغى تشوفه يعني تستغل وجود امي معاها علشان مااشك فيها والبنت بالسوق مو على بعضها مو قادرة تجلس معانا تبغى تقوم انا هنا طرطعت وسحبتها وصرخت علي على انو مافي احد بالسوق علشان تقولي يمكن تفشلت قلت لها تمشي معاي ولا اقول لأمي انك جيه تقابلي وجلست تنكر لين اثبت لها وحلفت وقسمت اني اعلم امي لكن جلست معاي وجلست تترجاني لانها على قولتها ماتبغى تهتز ثقة امي فيها ؟؟؟ شورو علي كيف اتصرف معاها وربي انا تعبت ابغى اكون مثل امي وخواتي مااهتم اسمع من هنا واطنش وانسى انا مشكلتي غيوووووووووووووووووووووووورة جدا على اخواتي من اولاد الحرام احيان اقول انا مو زي البنات اخواتي اشوف ردة فعلهم عادية لما يشوفو احد يعاكسهم او يعاكس خواتي الصغار اما انا لا انجن واعصب واحيان تجيني حالة ودي اضرب الشخص الي يعاكسني او يعاكس خواتي < شعور رجل غيور هل هشي طبيعي انا نفسيتي تعبانه جدا ومااحب الغلط لأنو والدي متوفي رحمة الله عليه فما احب احد يخووووووووووووووووووووونه ويلعب من وراه قولولي كيف اتصرف معاها ابغى حل جذري ؟؟ مع العلم انو ماعندنا رجل + انو اختي موفر لها جميع سبل الراحه واحسها عاقلة وفاهمه وتحترمني كثير لكن ليش تسوي كذا وامي وحنا قراب كثير منها |
الله يستر على اختك وعليكم وعلى جميع المسلمين
شو اتوزع ارقامك على شباب شكلها وايد مزوتنها اختك شكلها خلاص ما تخاف منك والدليل انها اكثر من مره انتي محذرتنها لكن رجعت لنفس العاده وشكلها رح تتمادى اكثر اسلوب الكلام والتوبيخ والتستر ما نفع وفي راي ما رح ينفع معها هاذي يبلها حد تخاف منه يعني خبري ابوها او شخص تخاف منه عشان تنردع او خبري امها خلا ص لا تتسترين عنها لانه يمكن الله يهديها ويحميها تسوي شي اكبر وامنعي عنها النت والهاتف |
شلون ما عندكم رجال :(
انا يوم اشوف غلط منحد بينا احب اشوف الواحد وين يوصل من الغلط واصيده يوم يكون نقطه ضعف عشان بعد ما يعيدها بس انتي عاديه وغيرتج بمحلها وتصرفاتج صحيحه بس المراهقه بسن اختي ما ينفع وياهم لا نصح ولا شئ غير الطق بس انتي امكن تكونين نصحيتها باسلوب ما خلاها تخاف اكثر وامكن هي من النوع اللي يعرف غلطه ويعيد ابو طبيع ما يوز عن طبعه نصيحتي تقربي لها اعرفي كل شئ شنو اللي ينقصها عشان تحاجيه وشنو اللي تتحجى فيه معاه وعن درجات حبها له حاولي تعرفين نقاط ضعفها منها استفيدي عوضيها عن اللي تحتاجه واغنيها عن مكالماتها للشباب تصرفي كانج امها وانسي تدخل حد غيركم انتي اسسري عليها تصرفي معاها ترى القصص والمواعظ مو كل شئ وتكفي عشان تتوب وعشان تكسبينها حاولي تبينين اهتمامج فيها مو عشان فضيحه وله شئ ثاني بيني عن حبج لها من الجروح ذكريها بالناس اللي انكسروا بنهايه مطافهم ذكريها باللي حب وبالاخير حبيبته تزوجت تركته ودش حاله نفسيه صعبه وذكريها باللي تغير حالهم ووو راح ينفع وياها ان شاء الله لان هي تعتبر قصص رومانسيه بتفكر فيها وتخاف اخرتها الله يحقق لج كل ما تتمنينه |
غيرتك طبيعية جداً
وبالعكس يا ليت كل الإخوات والأمهات والآباء والإخوان يهتمون بأخواتهم أنا لا أقول بمصطلح الشك والمراقبة لكن من كان على مثل حال أختك لا يترك أبداً لمن يزيغها أختك صغيرة في السن ولا تعرف عواقب هذه الأمور وربما سمعت عن هذه الأشياء من صديقاتها أو نحو ذلك لكن أؤكد أن غيرتك طبيعية جداً وبالعكس تحمدي عليها, والله يكثر من أمثالك الحريصين , مو مثل بعض الناس الأمر عادي وما همهم إلا أنفسهم , بالعكس لولا لطف الله ثم متابعتك لأختك كان التقت بالشباب وتطور الأمر وما دام سويتي كل هذا أنا من رأيي تطلعي الأمر على غيرك , لأنها الآن شبه واثقة إنك ساكتة عنها وما راح تعلمي أحد , وكذا هي اطمأنت , لأنك عارفة من شهور وساكتة , شوفي أحد تخاف منه بس بشرط يكون عاقل وفاهم وغير متهور , لأن البنت تبغى مسايسة حتى ما ينقلب الأمر إلى الضد ما عندك أخوال أو أعمام ؟ حاولي تدخلي أحد في الموضوع .. |
الله يستر عليها وعلينا وعلى جميع المسلمات يارب العالمين
اختي الموضوع ابدا مو سهل وممكن تتمادى لا سمح الله انا برأي تكلمي الوالدة اول شي وبعدين شوفي ايش ممكن يصير |
خلاص يكفي تهديد .. لأن البنت اطمأنت إن ماراح تخبرين أحد .. لأنج كل مره تقولين لها راح تقولين حق هلج وأبداً مافيه خطوة فعليه ألحين روحي على الـ Hotmail وسوي لج E-mail جديد وضيفيها فيه كلميها على أساس إنج واحد من الشباب اللي عطتهم " رقمج إنتي " كلميها وقولي لها إن عندج تسجيل صوتي لها .. وإن راح تفضحينها عند الأهل كامل .. إذا مانفذت اللي تبينه ومطلبج لها إن تخليج تكلمين أختها [ مو قلنا على اساس انتي واحد من هالشباب هذا الشاب طلب منها إن يكلمج انتي ] ثاني مطلب إن تحذف الشباب اللي عندها بالـ MSN وماتضيف أحد غيره < يازعم يار عليها :d وعطيها فرصة يومين تنفذ اللي انقال لها ولا التسجيل الصوتي طبعاً بينتشر من جهة ثانية لا تخلينها تحس بتاتاً إن انتي مسويه فيها هالمقلب حتى لو بعد سنة لا تخلينها تدري .. وفي نفس الوقت في حياتكم العادية توددي لها وتقربي منها وقولي لها أي شي عنج يعني شي بسيط عنج وقولي لها هذا سر بيني وبينج < عشان تثق فيج وتقولج عن سالفة الشاب اللي يهددها ويازعم تحل السالفة معاج .. أختج حبيبتي لازم تنقرص عشان تتعلم ... وهذي قرصة لها بتعلمها الله يهديها ويوفقكم يارب |
مشكورين والله لكن انا مااقدر اخبر امي عليها اخاف اقول لأمي وانا اعرف امي ماعندها حكمة
حتى لو علمتها كيف تتصرف بهالمواقف مافي امل على طول بتروح تخاصمها وتجلس تعايرها 24 ساعة بأغلاطها على رغم حنية امي علينا فأختي بتعرف انو انا قلت لامي لأني انا الوحيدة الي اعرف بسالفتها وبعدين بتاخذ مني موقف وتبعد عني وعلشان كذا سترت عليها رغم ان هالشي غللللللللللللللللللللللط لكن كلو علشان ماابغى اختي تاخذ موقف مني المهم آخر الاخبار اختي بعد عدة مواقف ونصح وتوبة تعبت وقلت ماعندي غير اني احلفها بالقران لكن بعد مابينت لها حكم الي يحلف على القران كاذب وخليتها تقرء قصة تبين نهاية اي واحد يحلف بالله كاذبا واختي ولله الحمد من النوع الحساس والي يتأثر بالدين فعلى طول راحت جابت القران وحلفت لي والحمدلله من ذاك اليوم إلى الان ماشفت عليها شي واخلاقها تحسنت ولله الحمد والمنتديات المختلطة ماتدخلها نهائيا لأني حذرتها ونصحتها وياليتني مانصحتها بأنها تستبدلها لمنتديات نسائية وبجد دخلت منتدى كله بنات لكن وجهة اختي كانت غير صارت 24 ساعة على النت وكل ماادخل يالاقيها ياعلى تشات المنتدى او الرسائل الخاصة او رسائل الزوار وصرت كل ماادخل تقفل الصفحة بسرعة وتتعذر بأنها تنحرج وتخاف مني على انو انا مرره فري معاها لكن عاد ايش نسوي عذر مراهقة ماهي في وعي عن تصرفاتها الغبية ومرة قلت يالله خليني اشوف نشاطها بالمنتدى كيف وفتحت المنتدى وقرأت محادثاتها مع البنات وكل كلامهم ياحبيبتي ياعمري ياحياتي وحشتيني موت انا اماقدر استغني عنك وهالكلام حاولت ادور موضوع يربطهم ببعض غير هالمصطلحات مالقيت خفت ان اختي تسلك طريق العن من الأول :( اختي الذكية قايله اسمها بالكامل واعطت وحده من بنات المنتدى رقم امي على بالها انو هي بنت ومستحيل تأذيها وماتدري انو اغلب المصايب ماتجي الامن البنات كشفت هالأمر من موقف صار وبجد خاصمتها ونصحتها وعلمتها انوفي بنات نيتهم وسخة يوم يتعرفو على بنات وماعلى لسانها غير اي اعرف بس انتي ماتعرفي فلانه وربي محترمة < احس اختي غبية ماراح تفهم الحياة:29: المهم حصل بيني انا وياها كلام كثير أخرتها اكتشفت انو العضوة الي بالمنتدى طالبة تقابل اختي وجها لوجه واختي عندها استعداد والدليل انو هي وافقت واختارت المكان انا هنا كرهت اختي من كل قلبي وبغيت اغتالها وأريح حالي منها رحت لها وواجهتها وخاصمتها وقالت صدقيني انا مكنت بأقابلها بس امشي عليها هي امتحنتني انها تقابلني وانا بقرارة نفسي مابقابلها بس قلت كذا بأمشي عليها انا ماصدقتها اعذار بس علشان تشيل نفسها من الموقف الي هي فيه وقلت لها لين هنا وStop حذفت المسن ومنعتها من دخول المنتديات الأخت كان مبين على وجهها الغضب لا والمشكلة تقول ليه ماادخل المنتدى !؟ سؤال يجيب الاستفزاز والقتل وتقول لي انا صحباتي لما يعطوني ايميلهم بما معنى كلامها انها تتفشل تقولهم ماعندي ياربي الي يشوفها يقول رايح المدرسة علشان تاخذو تعطي ايميلات ويدخلو منتديات صراحه هجت عليها وقلت لها انتي الي جبتيه لنفسك حرمتينا الماسن علشان قلة ادبك اول والحين بحرمك من دخول المنتديات كلها لاني اعطيتك فرص كثير وكل مالك تستغليها للأسوء وياخوفي من الجاي وبالأخير قلت لها دخول النت للشيئين فقط للتصفح فقط واذا فيه منتديات ماتقدري تتصفحيها سجلي عادي بس ماتشاركي والشي الثاني اذا احتاجتي شي ضروري منه زي واجب او بحث عن معلومة هل تصرفي صحيح ومافيها افراض سيطرتي عليهم وربي انا نفسيتي تعبت واشغلوني بحياتي ودي اعيش سني احسهم كبروني مية سنة صرت اشيل همهم اكثر من امي وبعض الاحيان اتمنى من ربي انه يبعدني عنهم علشان ارتاح ويمكن يرتاحو مني لاني بالأواني الاخيرة اشوف اختي كل مالها تبعد عني احاول اقرب وهي تبعد لدرجة استحي اني افتح معاها موضوع احس اني خلاص ماصرت مرغوبة يعني زي امس وقبله وقبلة وقبلة تكون هي تتفرج على TV واجي اجلس واسألها عن المسلسل تجاوبني شوي إلا وتعطيني الريموت وتقول يووه انا جوعانه بروح اسوي لي اكل وبالنهاية ماتجي اجلس بالساعة بالغرفة وبعد مايخلص المسلسل اروح والاقيها تاكل بالمجلس الثاني بجد هالموقف يتعبني واقول بيني وبين نفسي خلاص لازم ابعد عنها واخليها تسوي الي تسويه واقول تجارب الحياة بتعلمها زي ماعلمتني لكن انا من اشوف الغلط مااقدر اتغاضى عنه مااقدر وهالشي مجنني |
الله يكون بعونك ..
والله يكثر من أمثالك اللي يحرصون على أهلهم وأخواتهم،، أختك لن تنسى هذا الفضل أبداً إذا كبرت وعقلت.. المهم: واصلي متابعة أختك، وحتى لو كرهتك تراها فترة وتعدي، ويمكن تبين كرهها لك علشان تبعدين عنها فلا تبعدين عنها، واستمري في مراقبتها. وعليك بالتقرب منها، ولا يمكن التقرب من الفئة العمرية هذه بشيء مثل المشاورة، يعني إنك تشاورينها في أمورك أنتي مثل علاقتك مع صديقاتك، مشكلة واجهتيها في العمل، في الدراسة. لأنه هالنوع من هالفئة العمرية يبحث عن ما يثبت ذاته ووجدانه. وترى البنت صغيرة، وصغيرة جداً. وحكاية التحسس من المشاركات في منتدى البنات والردود، أحس إنه شيء مبالغ فيه. بالعكس أدامها مع بنات مثلها، فالأمر فيه سعة نوعاً ما، خصوصاً بعض العبارات التعبيرية بين الفتيات المبالغ فيها لو مررنها على ظاهرها خير من البحث عن دواخلها. |
معليش عزيزتي هذا يبغالها جلد ولا الله يعينك تبغى تفضحكم عند الله وخلقه.. واتوقع انها فاقده حنان وتبغى تعوضه فيهم .. الله يستر عليكم.. تقبلي مروري.. |
انا اتوقع انه يبيلها اسلوب اقوى من كذا اسلوب
صارم يوقفها عند حدها خلاص الى هنا وبس اختك حست بالامان انك لن تخبري احد عشان كذا تمادت وكررت سوالفها ونصيحه اخبري من تثقين به من اهلك عشان تحس بالخجل وفداحة اللي تسويه الله يهديها وبنات وشباب المسلمين |
اختي الفاضلة .....
ذكرتيني في وحده كانت في بداية الثلاثينات وهي جدا جميله وصاحبة دين ومتنقبة ولكن لم تتزوج لتشدد اخوانها وتدقيقهم في كل شي عموما الله بلاها ب بنت اخو جدا جدا جدا شقه وهي في نفس عمر اختك الله يحفضها ! كانت البنت تستعمل تليفون عمتها ..... مع الأيام العمه تكشف الموضوع وتهددها بأبلاغ اهلها وخافت ومثلت وردة حليمة على عادتها القديمه وعلى هذا المنوال بعد 3 سنين البنت سرقت صوره لعمتها ! وارسلتها للشباب ...وليس فقط شاب واحد بعد تهديدات الشباب وخوف العمه ....اصبحة العمه تصرف على الشباب مبلغ وقدره 8 الآف دينار كويتي كأجمالي اعتقد تقريبا اكثر من 80 الف ريال ؟؟ عموما البنت تهدد عمتها بكل شي .... وعندما البنت اشتكت لأخوها .....اخوها ضربها ولم يقتنع !!! والبنت لحد هذا اليوم لم تتزوج ... وهي نزيلة في الطب النفسي !! وبنت الأخت حاليا وجدت مقتوله من اخوها خوالها و عمامها والسبب لأنها كانت في حفله خاصه مع شباب والصدفه انهم طلبوها ب المال .....كبنات الهوا انا اسف على التطويل ...ولكن اتمنى ان الحل يكون جذري وهو انك تكونين قريبة جدا معها ...هذا دورك !! حاولي ان تصارحينها ... لا تستعملين اسلوب التهديد ...لا تستعملين الأرهاب كوني لطيفه معها .... كوني صديقتها ...صغري عقلك واستحملي الى حد ما تكونين سيطرتي عليها ف هذا ما تعمله طبيعي ...كلنا عند سن المراهقه مع ابراز الهرمونات فأننا نحتاج للجنس الآخر للأحساس بالأمان اكثر من الأهل .... ححسسيها بالأمان من غير اللجوء لغيركم .. و أهبيها للزواج ..... !! لا تخوفينها بالقرآن ...بل حببيها له !! لاتجبرينها على شي !! بل حببيها به ! وهكذا راح تقدرين اتسيطرين على الموقف كونك راشده وعاقله !!! والله يحفظ كل البنات ان شاء الله :22: |
الله يهديها ويصلحها والله يبارك فيك
اختي بسالك شي ويش الي خلا فكرة الانترنت براسها؟؟ |
مافي حل الا انك تروحي معاهاالمدرسه وتشوفين صحباتها لان هم السبب في انحرافها...خليهاتبعد عنهم البلاوي هذي كلهامن الصاحبات يشجعون ويسحبون بعضهم
دام هي كذا معناها صاحباتها العن منها... |
أختي الله يعينكم ..
ما عندكم أعمام أخوال .... اتفقي مع واحد ممن تثقين في عقله ورأيه بالموضوع ...وسووا تمثلية أنه يتعرف عليها ..ويتفق معها ويتقابلوا في مكان .. الله يستر عليكم .. |
أختك من النوع الطائش والمغامر الفضولي.... وما تضبط تصرفاتها الا برقابة ....اللي سويتيه صح ..هي تحتاج تحس انها مراقبة حتى تضبط نفسها وأفضل رقيب هو الله عز وجل ....
نمي عندها هذا الشعور ...كيف ممكن تنميه ؟؟؟؟أولا ...تحرصي على انها تحافظ على صلاتها .. اطلبي من والدتك تقوم بمهمة تذكيرها حتى تتفرغي انتي لمهمة أخرى .... ثانيا ..خذيها معك لصلاة الجمعة ... ممكن تلاقي صديقات أنسب من خلال المسجد ثالثا ...اشغليها ...اشغيلها بأي نشاط ...رياضة مثلا...أو كلفيها بمهمات لمساعدتك بعملك مثلا أو بالبيت مقابل نقود . رابعا شوفي لهاجمعية او نادي فيه مجموعة بنات من عمرها عندهم درس ديني مثلا أو أي نشاط ديني بس يكون جاذب ...عندهم جوائز .. طريقة المعلمات جاذبة وتخلي البنت تتعلق فيهم ... لو انك ببلدي كان أعطيتك أسماء اماكن من هالنوع ..اسفه :( اذا ما عندك مثل هالاماكن اعرضي عليها انك تعملي لها مع صديقاتها تجمع اسبوعي مثلا تناقشوا فيه موضوع يختاروه هم ...ممكن انتي أو صديقة أو شخصية ممكن تكون قريبة ومحببه لهم واجمعيها فيهم وضروري يكون في مكافات عينية ونقدية ورحلات (سباحة أو سوق )ووزعي حلو أو خفايف خلال الجلسة ومن خلال هذي الجمعة تقدري يكون لك تأثير ايجابي عليها وعلى صديقاتها كمان ... أعرف انه مشروع لكنه يستاهل التعب...تخيلي انك تصلحي مجموعة مراهقات ... شيء عظيم :) ربي يعينك ... هي مهمة صعبة لكن أجرها كبير ... وربنا ما سخرك لهذا الموضوع الا لانك عاملة شي طيب بحياتك وربنا سخر لك عمل خير ممكن تاخذي منه ثواب كبير .... يعني ربنا وفر لك طريقة لاخذ الثواب والاجر لانه يحبك ...هذا باب خير لا تقفليه . أعتذر على طول الرد أتمنى تشاركينا بكيفية سير الامور معك والمصاعب اللي تواجهك عسى نقدر نساعد |
ممكن أختك ما توافق على طريقة مباشرة لفكرة الجمعة ... اطلبي منها تعزم صديقاتها واعرضي عليها انك تعملي لهم خفايف وحلو ..أو تطلبي لهم وجبة ... خلال الوجبة اذكري قصة لها مغزى وحاولي توصلي أفكارك بالطريقة اللي تشوفيها اسهل للوصول ...انتي أعلم باختك وطريقة تفكيرها ... ممكن تستعيني بمدرستها أو مشرفتهم الاجتماعية حتى تساعدك بمواضيع النقاش والاسلوب والانترنت فيه مواضيع ارشادية للمدرسين والدعاة ...
|
الله يعينك و الله اختك مو سهلة ابداً
لكن واضح انه عندها قلة وازع ديني حاولي تهديها اشرطة تعلقها بالدين و الالتزام اكتر اشرطة و محاضرات تجعلها تستخدم طاقاتها في الدعوة لو دخلت منتدى و ما قدرتِ تتحكمي فيها ادخلي نفس المنتدى ، سجلي فيه و اكتشفي الاعضاء بنفسك في منتديات حلوة و ممكن بسهولة تعرفي ان كانوا الاعضاء بخافوا ربهم أو لأ و الافضل طبعا ان تجدي لها البديل عن الانترنت مع اني ضد الالعاب و البلاي ستيشن بس ممكن تهديها ألعاب تقضي وقت فراغها عليها بدل المنتديات غيرتك طبيعية جداً انا عندي نفس الشعور و من زماااااان من لما كنت بعمر اختك اشعر اني أريد ان اقتل الشاب الذي يمعن النظر او يتكلم اي كلمة مع اي بنت ! اختي الكريمة انتِ أفضل صديقة لأختك الآن لكن اذا عجزت لا بد ان تشكي الأمر لشخص يكون حكيم و غير متهور ، و يخوفها لأختك بفترة من الفترات كنت احب المنتديات كأختك و تعرفت على اكثر من 20 صديقة لكن انا كنت واعية و غير متهورة و طبعاً بداية العلاقة حذرة جداً كل اللي تعرفت عليهن الآن بعيدين عني و لا نتكلم الا نااااادراً بالسنة مرة اتكلم مع احداهن في الماسنجر بداية الموضوع ادمان لكن لا بد من ان يكون للادمان نهاية مصيرها تمل لو حصل و تعرفت على فتيات في منتديات محترمة خليكِ قريب منها و تعرفي معها لا تملي من مراقبتها لأنها طائشة و كل شي متوقع منها الله يهديها و يعينك على اصلاحها |
| الساعة الآن 11:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©