|
اكتشفت خادمتك معها جوال.. كيف تتصرفين؟
السلام عليكم ورحمة الله وبركاته
بصراحة عاجبني هذا المنتدى حيييييييييل ......... وهذي أول مشاركة لي ، وحابة آخذ آرائكم.......... شغالتي لها سنة عندي..ومن زمان وأناشاكة ان معها جوال بس مو متأكدة، مع إني مفتشتها من يوم جتني.. واليوم رجعت من الدوام بدري ومادرت عني إلا واسمعها تتكلم بصوت مسموع في المطبخ حتى سمعت صوت اللي يكلمها في الجوال صوت رجال ،تعرفون بعض الجوالات تقدرون تسمعون الشخص المتصل عليه إذا كان مطول على الصوت............ ومن وقتها وأنا أضرب أخماس في أسداس : هل أقول لها إني سمعتها .بس ماأضمنها خاف تقلب علي وأنا عندي بنت أخاف عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ لاتحرموني من آرائكم............. |
أمي (أم زوجي) تمنع حصول الخادمة على موبايل .. وإن أرادت الخادمة محادثة أهلها فعليها استخدام هاتف المنزل الثابت.
وكانت لدينا خادمة عملت لدينا أربع سنوات .. اكتشفت خلالها أمي (أم زوجي) أن معها موبايل ثلاث أو أربع مرات .. يعني كل مرة تصيدها وتأخذ الموبايل منها ورغم ذلك تعاود الخادمة الحصول على آخر بعد فترة. لذلك أرى أن منع الخادمة من الحصول على موبايل أمر غير مجدي. |
أشكرك أخت مهرة على ردك
يعني أتركها وكأن شيئا لم يكن؟ |
احنا عندنا خادمة ولكن يمنع عليها الحصول على جوال واي وقت تريد مكالمة اهلا يمكنها ذلك من هاتف المنزل
انا رأي تكلميها وتقوليلها انك سمعتيها تكلم واحد بس تعالي بطريقة هادية مو صراخ وحاولي افهمي من هذا ومن وين جابت الجوال بعدين قوليلها رح اخذ هذا الجوال بس متى ماتبغي تكلمي قوليلي وانا اخليكي تكلمي وانتبهي لو حسيتها تغير |
السلام عليكم ...
سأروي تجربتي ... طلبت عاملة منزلية كانت لدي الجوال ...رفضت في البداية ثم رحمتها واشتريته لها .... ثم صدمت أنها لم تكن تكلم اهلها بل رجالا .... فطلبت منها عدم الحديث به في وسط المنزل بل في الغرفة فقط واشترطت عليها أن استعماله محصور بالمنزل فقط وعدم أخذه اذا ذهبنا لزيارة أهل زوجي مثلا ... في أول زيارة سألتها أين هو ؟ قالت في غرفتي ... قلت لها أريني .... فارتبكت وأخرجته من بين ملابسها ... وأصبحت أسألها في كل زيارة .. بعدما غادرتني ولله الحمد تعلمت أن لا احضر جوالا للقادمة ... عندما جائتني العاملة المنزلية التي بعدها ... لم تطلب مني الا قبل مغادرتها بستة أشهر ... فقلت لها أني لا أسمح به وأنها يمكن استخدام الهاتف الثابت للحديث مع أهلها ... وأخبرتها أنها اذا كانت مصرة فيمكنها أن ترحل .... وافقت على عدم شراءه ولكنها قبل رحيلها بأسبوع طلبت شراء جهاز جوال فوافقت على شرط أن لا تعيده معها ... ( لأنها ستعود ) وأخبرتها أنها ان لم توافق على هذا الشرط يمكنها أن لا تعود .... |
عاشقة الغالي
رسيل أشكر لكم تفاعلكم بالنسبة للمكالمات ما حرمتها أبدا كل مابغت تكلم أترك لها الحرية وتكلم عن طريق البطاقة وأحيانا من جوالي بكل رحابة صدر وترسل بعد في الباية كن أهلها يكلمونها من جوالي ويرسلون لكن الآن خف الوضع كثيير اللي قاهرني أنها أول ماجت إذا بغت ترسل تقول ما أعرف!!!!!!!!!!!!!!!!!!!!! لا وأزيدكم من الشعر بيت ماتعرف تدق بالبطاقة أنا اللي أقعد أدق لها وياكثر مايردون وأحاول أكثر من مرة وأكثر ماتطلب تكلم إذا طلعت من الدوام* واناأقعد لها مع إني مرهقة أحس انها تستغفلني وش رايكم؟ |
حبيبتي المشكله مو في الجوال المصيبه مين اللي جابه لها ؟؟؟؟؟؟؟؟؟؟
يمكن تكون متعرفه على واحد وشاريه لها عشان يسهل عمليه التواصل بينهم انتي تعالي لها بطريقه غير مباشره مثلا قولي وحده قالت لي انو معاكي جوال او اي طريقه بس اهم شي مو بالقووه عشان بنوتك لاتضرها لاسمح الله |
هل وجود الجوال يضرك أختي الغالية ؟
أنا برأيي تتصارحي معها كأخت ، يعني قولي لها أناا أعرف إنه عندك جوال خليه معاك ، بسسسس قوليلي تكلمي مين ؟ يعني تكلم أهلها ، تكلم زوجها .. بس رجال و علاقات قولي لها ما يجوز حرام لإنه بنتك في الأخير تحت يدها ،، احسني لها عشان لا تضر بنتك .. و هم شر لابد منه مرات : ( |
مش مجرد كلام
رزان شكرا لآرائكم النيرة بالنسبة للجوال اعتقد انه معها من قدومها لي وخبته في ملابسها الداخلية لأني مفتشتها عدل ووجود الجوال معها مايضرني بس أخاف تستخدمه فيما يضرني لاحقا وان صارحتها برضوه أخاف تتغير علي الله يعطينا خير الخادمات ويكفينا شرهم |
كل الشكر لمرورك يارسيل
أنا أرفض وبشدة وجود الجوال مع الخادمة وهي طلبت مني في البداية جوال ورفضت وقلت لها كلمي بالتلفون الثابت وبجوالي عند الضرورة لكن حصل اللي حصل والله يكفيني شرها |
اسكتي ولا كأنك شفتي شي
إما تغيرينها مره وإلا وسعي صدرك وطنشي المهم غيروا كوالين البيت والمفاتيح أهم شي بنتك |
يعطيك العافية أختي ذكريات لاتغيب على مرورك العطر
|
أختي ليييش تمنعي عنها الجوال ؟
ما أعرف أنا شغالتي كان معها جوال لإنك إذا منعتي عنها الجوال فراح تسرق يمكن جوالك مثل ما عملت شغالة أختي |
أختي رزان
ماتخافين تستخدم الجوال فيما يضرك تكلم مثلا رجال ............أويغريها احد وتهرب؟ |
اقتباس:
بعد إذن الأخت رزان يا عزيزتي .. ليس الموبايل هو الذي سيتحكم في سلوك الخادمة .. ومن تريد أن تلعب بذيلها ستجد مائة طريقة وطريقة إن لم يكن لديها موبايل. شخصياً أتفق مع رأي الأخت رزان السابق .. وإلا فأرجعيها إلى بلدها .. لأنه إن بدأت المشاكل حول الموبايل فلن تنتهي. |
قد يكون السكوت مجدي وحل مؤقت ياختي لكن...ماتدرين قد تكون مكالماتها لرجال تواعدهم وتكلمهم
وهذا اثم عليك كل راعي مسؤل عن رعيته والمشكله ان معاهم جوالات بالدس واذا كشفناهم قالوا نكلم اهلنا وهم اساسا باستمرار يكلمون اهلهم من تليفوناتنا وش ها النصب |
شغالتي يمكن لإنها كانت أكبر مني و مرات كانت تعقلني هي هههه
و نحن في الغربة ـ و جولها كان استقبال و كنت أدق عليها إذا رحت الجامعة و اتطمن على ولدي و إذا شحنت جوالها ، فتراسل زميلاتها اللي تعرفت عليهم هنا بس مثل ما قالت الغالية مهرة ، إذا في راسها تهرب فراح تهرب حتى لو من تلفون بيتكم الأفضل تصارحيها و تبيني لها إنه سكوتك ( بمزاجك ) إنت ،، بس خليها تعرف إيش حدودها مع الجوال في بيتك عشان لا تحسبك مغفلة ،، و سلامتك منها :) |
مهرة
كل الاسامي رزان أسعدني مروركم ماتتوقعون لو صارحتها انها رح تتغير في بالي إذا طالبت مني تكلم أهلها ذاك الوقت أقول لها: كلمي من جوالك وش رايكم؟؟؟؟؟؟؟؟؟؟؟؟؟؟ |
اختي مشكلة الجوال مشكله ....
كانت شغاله عند اهلي طلبت من امي جوال ورفضت وكانت تاخذ بعض رواتبها بيدها او جزء من راتبها فكتشفنا انها اشترت جوال عن طريق السواق ....وشغالة اختي شغالتها اشترت عن طريق شغالة اختي الثانيه (حبشيه يكون لها اجازه تروح وترجع مرتين في الشهر)وكتشفنا ايضا شرائهم لكاميرا ....وانها كانت تتراسل مع السائق وترسل له صورها عاريه.... وعلى طول سفرناهم ...وطبعا اللي قالنا الكلام هذا وحده من الشغالات فتنة عليهم ... المهم ان المشكله بالاغلب ان الشغالات مايتكلموا مع ازواجهم ......بحكم ال3 اللي مروا علي ولذلك ينخاف منهم لدخل رجال البيت بغيابك خاصه وان عندك بنت ..... وهم اذا حطوا شي في بالهم يسوه يعني ممكن تجيب جوال عن طريق سواق شغاله تتقابل معها عندهم سواق او عن طريق اي عامل يعني اخوي كان بدور ارضي كانوا كل ماياخذوا الجوال من شغالتها ترجع تجيب لين اكتشفوا عن طريق جارهم ان في عامل نط الصور واكيد هو الممول..... انا اشوف انك تقفلي باب البيت لرحتي لعملك وتستودعي بنتك وبيتك الله وتمنعي الفلوس عنها يعني افلوسها تنرسل كامله لاهلها ماتاخذ بيدها شي ابدا والافضل لشغاله انها ماتختلط مع جمعت شغالات بستمرار لانهم يعلموا بعض ويجيبوا عن طريق بعض ......واما شغالتك فبيني لها انك عارفه عشان تعملك حساب وانك كاشفتها لا تتذاكى عليكي ..والله ييسر امرك. |
اهلا اختى
مااا اتوقع تتغير اذا جيتي لها بسلوووب هاادئ بدون تخوويف او تهديد تجين لها بسلووب نصيحه وخووف عليها وان هذا الامر خطاء وانك جالسه في بيت محترم لازم تحترمين حرمته ولا تمشين بمزاجك في بالي إذا طالبت مني تكلم أهلها ذاك الوقت أقول لها: كلمي من جوالك انا اشووف انك تخلين الجوال معها بس انها تستخدمه في شي صح مو في شي حراام وتكوون قداااامك مو دس في دس الله يعينك عليها هي تحت يديك وانتي مسؤله عنها عند ربك |
اذا جوالها بدون كاميرا اشتري لها بكاميرا وقدريها لان هي البنت الحقيقيه لك مااظن انك تقدرين تعيشين بدون خادمه لذلك دليلها علشان تكون لك مطيعه يلا سلام
|
غريبة هى الشغالة مش انسانه . مش من حقها تمارس حريتها . وايه يعني لما معها موبيل حرام ؟ عيب ؟ هل لانها شغالة .
|
اقتباس:
|
من رأيي لها حرية في حدود!
اضع لها جوال وبراحتها تكلم اللي تبي ذنبها على جنبها احذرها اوك يعني اسوي اللي علي! وانتبه للابواب والاقفال واكون حريصه من هالناحيه (واذا توليتم فارحمو) ليش نمنعهم من كل شي سمعت فيه ناس تمنعهم حتى منن تلفزيون ياساتر هم بشر ويحتاجون ترويح عن النفس! بس اي شي تعمليه لها حطي نفسك مكانها |
صح كلامك اختي بنت ناس ...
نوديهم السوق معنا ..نشتري لهم الهدايا ... التلفزيون عادي تتفرج حتى بوجودي لا مانع ... لكن الجوال ؟؟؟ قلت مثلك لا مانع طالما الأبواب مغلقة ولا خوف .... ولكني رأيت الأمرين من تصرفاتها به ...كانت حجتها مكالمة أهلها مع اني لم أمنعها من هاتف المنزل .... ولكن ما أراه أن لديها سجل بجميع أسماء الرجال الذين تحادثهم وكم شحن لها كل واحد ... حتى أن زوجي مرة دخل الى غرفة لعب أبني وهو يلعب وهي معه والهاتف على أذنها ...فقال لها من تكلمين ؟؟ قالت بالفم المليان : حبيبي ... نهرها زوجي وطلب منها عدم استخدامه خارج حدود غرفتها ... ومن يومها حرمت أجيب لعاملة منزلية هاتف .... خصوصا وأني لم أمنعها من استخدام الهاتف المنزلي * |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©