|
هل أتزوج أم أكمل دراستي(تم إتخاذ القرار)
السلام عليكم ورحمة الله وبركاته اتمنى ان يكون جميع الاخوة والاخوات بأفضل حـال اعضاء هذا المنتدى الكرام أود ان اطرح مشكلة او قد اسميه قرار تم اتخاذه وارجو منكم ان تساندوني وتوجهوني ان كنت على خطأ اغلب الاعضاء يعرفو قصتي مع خطيبي الحمدلله مرة متفاهمين واخذنا بعض بعد مشاكل طويلة جدا دامت قرابة السنه والحمدلله رجعنا لبعض المهم اخوتي انا جالسه ادرس وباقيلي 6 اشهر ومن سنه تقريبا بديت دراسه جالسه ادرس مثل دورات الحين خطيبي الغالي يبينا نتزوج بعد شهر ونصف تقريبا المشكلة تكمن انو بعد الزواج رح ننتقل لمنطقة غير الي انا ادرس فيها والتخصص الي انا ادرس فيه مو موجود بتلك المنطقة اليوم رحت وتأكدت وخطيبي مو مستعد يأجل الزواج بس حرام قالي بعد الزواج اكمل يرسلني 5 ايام واجلس معاه يومين بس انا مستحيل ابعد عنو لان هو مرة يعاني من الوحده لان مكان ماهو ساكن ماعنده احد ومرة تعبان بدوني قلي فكري وشوفي لو قررتي تكملي رح ارسلك كل اسبوع عشان الدوام الحين قالتلي الادارة انو لو مابغيت اكمل بيعطوني شهادة بالاشياء الي درستها انا احب خطيبي مرة الحمدلله ومرة متفاهمين ماشاء الله تبارك الله اخذت رأي بعض الاشخاص ناس قالو خلاص اهم شي انك استفدتي شوي وزوجك اهم وناس تقول اقنعيه يأجل العرس بس انا مو حابه أأجله انا عارفه انو من داخله هو حابب اني اقول خلاص اكتفيت والتفت وابدأ تجهيز للزواج لان لسا ماسويت شي انا اعتبرها تضحية بصراحة بس هو قالي ماابغاكي بيوم من الايام تجي تقولي اني السبب فكري والقرار راجعلك اتمنى من الاعضاء التكرم علي هل مافعلته صحيح اني قررت اوقف عشان خطيبي وهل هو رح يقدر الي عملته علما بأن خطيبي جدا متفهم ودائما يكون سند ودعم لي الحمدلله هل قراري صحيح وهل سوف يقدر مافعلته من أجله ؟! اتمنى المساعده وأي سؤال انا حاضرة ومشكورين سلف |
عليكم السلام والرحمه والاكرام
بدايه احب ادعي لك ولخطيبك بالتوفيق يارب في كل خطوه بحياتك وتسهيل امركم .. وان يؤلف قلوبكم .. ويسخرك له .. ويسخره لك .. ويبعد عنكم كل سحر وحسد وحقد .. ويخليكم لبعض ويرزقكم ذريه طيبه صالحه ان شاء الله أختي .. حقيقه سالفه الدراسه شيء مهم جدا .. اانا انصحك تكملي دراسه .. التواصل مع خطيبك تقدري تتواصلي بالفون .. بالكاميرا عن طريق المسنجر .. بالمسنجر .. في اكثر طريقه تقدر تتواصلي الى ان تنتهي دراستك. مسأله التنقل عشان الدراسه من منطقه لي منطقه كل اسبوع انا اشوفها صعبه .. ممكن تخليكي تتكاسلي .. ويقل نشاطك وهمتك .. وممكن يكون الله يكرم عليكي ببيبي .. فوقتها هتكون صعبه جدا. اشوف من وجهه نظري طالما باقي على دراستك 6 اشهر .. كملي يا اختي .. الشهاده تنفعك .. لا سمح الله لا سمح الله لا سمح الله .. بعيد الشر لكن الانسان يحط اسوأ الاحتمالات لانه دوام الحال من المحال .. توفى زوجك بعد عمر طويل .. او تطلقتي لاي سبب .. او حتى عشتي حياتك طبيعيه لكن مريتوا بضائقه ماليه .. محد هينفعك وقتها الا شهادتك الي هتجيبلك وظيفه تأمني فيها على مستقبلك. من جهه أخرى بكرى اذا كبرتي العيال وصار عندك اطفال وعايزه تشجعيهم على الدراسه .. راح يشوفوا شهادتك انتي ما هي .. واذا شافوا امهم مكمله راح يعطيهم حافز انهم يكملوا. ومن جهه أخرى .. المرأه الي تكمل دراستها ما تكتفي بالثانويه بس .. تكون ثقافتها اوسع لانها طلعت للجامعه او الدورات شافت ناس اشكال وانواع يعطيها هالشيء خبره بالتعامل .. وخبره في تربيه اطفالها مستقبلا فهي شافت كل الفئات لانه الحياه ما بعد الثانويه غير عن دراسه الثانويه غير غير غير بالطريقه والتفكير وكله . كمان الزوج اكيد هيفتخر وتكبر زوجته بعينه اذا كانت دارسه ومكمله دراستها وقبل لا يكون للزوج يكون لك أنتي ولذاتك .. ولا تنسي ( اطلبوا العلم ولو بالصين ) انا اقول طالما انتو عاقدين يعني يقدر يزورك .. ويقدر يكلمك وتقدروا تخرجوا سوا .. هالاشياء تخفف كثير .. فتقدروا تأجلوا الزواج نصيحتي كملي دراستك وأجلي الزواج وبالتوفيق يارب |
المشكله لجت حاجتك بين اثنين
مستقبلٍ (ن) ولا حبيب (ن) توده انا اشوف وانصحك انك تتزوجي والله انه افضل من الدراسه وبعدين ادرسي اهم شي عفي نفسك وزوجك وتزوجي والله يسعدك ويجمع فيما بينكم بخير |
خطيبي مو معارض فكرة انو بعد الزواج اكمل بالمنطقة الي رح نسكن فيها بأي تخصص اختاره
خايفه اندم بس مستحيل اتخلى عن خطيبي لأي سبب مهما كان الفرق بين شهادتي الي رح اخذها الحين والي كنت باخذها بسيط نوعا ما يعني مو هالفرق الشاسع مو انو مارح اخذ شهادة الحين ابدا بس انا خايفة مايقدر الي سويته واندم |
اقتباس:
نعم انا انصحك تكملين وتخلصين بعدين تتزوجين .. كم باقي لك ؟؟ 6 اشهر وتتخرجي خلاص ؟ |
اي 6 شهور بس بدون الاجازات طبعا يعني بعد كل شهر عندي اجازة اسبوعين
|
|
اقتباس:
|
احنا متفقين انو اوك هذا الي رح يصير احس نفسي مررررة مشوشة
|
تزوجي احسن ليكي
والا انتي ضامنه انك بتتوظفين طوااااالي |
دام عند إجازة أسبوعين بعد كل شهر ، خلاص تزوجي و اعملي مثل ما قال لك زوجك ..
و تقدري ترتبي جدولك و تخليها مثلا 4 أيام في الأسبوع ؟؟؟؟ يصير تداومي 4 أيام و 3 أيام عند زوجك .. :) |
شوفي ياعسل ..
تقولي انك تدرسي دورات لو كنتي باخر سنة جامعية مثلا كنت قلت لك لا تضيعيها و الشهادة و تعبتي الكثير و باقي القليل و من هذا الكلام لكن هذه دورات عادية ... يعني ممكن باي وقت ترجعي لها حتى لو بعد سنتين ولا 3 اذا رجعتوا مدينتكم او اذا نقلتي مدينة ثانية ممكن تسويها عااادي ... فا رايي اتزوجي و انبسطي مع زوجك باول ايام الزواج وارجعي ادرسي ....وروحي عنده اسبوعين بعد كل شهر شوفي حالك .. اذا قدرتو تستمروا عالهاحال استمروا شفتي حالك تعبتي و زوجك تعب .. خلاص اتركي الدراسة و ظلي بالبيت |
اشوف إنك تأجلين دراستك
يعني استمتعي مع زوجك فتره وبعدين كملي دراستك عند أهلك وتروحين لزوجك بالإجازات لأنك بعد فتره بتملين ويصير فيه مجال تبقين عند أهلك للدراسه |
الدراسة مهمة لكن الستر والزواج أهم..
فلا مثيل للإستقرار النفسي والزواج وإكمال نصف الدين... تقدري تعملي بلوك للعام الدراسي وتكملي بعدين... بالتوفيييييييييق |
من منطلق تجربة الزواج اهم لاتعلمين مالذي سيحصل مستقبلاً لاتضيعي لزواج لانه فرصة قد لاتتكرر بس الدراسة باي مكان ممكن تتيسر وكملي بنفس منطقتك مو شرط الي كنتي فيها بعدين هي دورات مو بكالوريس و شي كبير والطموح مايرده شي .. الزواااااج اهم وربي يوفقك ..
|
أول ششي اقــولك الف مبـروك يـآئمــر
وان ششاء الله تعيششون احلى حيـآه ودآمكم تحبينه ومتفـآآهمين فأاششوف ان الزوآآج احسسن يعني يمديـك تكملين دراسستك باي وقت وهاذا رأي ^_^ والله يوفقـك ان ششاء الله |
أشكر جميع الاعضاء على الاراء والردود
وحبيت أخبركم انو اخذنا القرار انو خلاص رح اوقف دراسه ونتزوج بعد شهرين وان شاء الله يكون هالقرار هو الافضل ومااندم مشكوريين مرة اخرى واتمنى تدعولي جزاكم الله خير |
اقتباس:
الله يوفقك ويسعدك مع زوجك ويااارب يرزقك الذريه الصالحه وتقر أعينكم ببرهم وصلاحهم موفقه اختي |
يُغلق ؛
|
| الساعة الآن 04:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
