زوجي يتهمني بالتقصير
 

بسم الله الرحمن الرحيم
السلام عليكم ورحمة الله وبركاته
انا متزوجه من 11سنه وعندي ثلاثه اطفال الكبير طالع صف ثاني والصغيره سنه ونص انا الحمدلله ست بيت بشهادة الجميع لا في ترتيب وتنظيف ولا في اكل ولا في الاهتمام بالعائله كلها وخاصه الزوج ولكن كل هذا ولازال زوجي يقول اني مقصره مقصره زوجي عنده زملاء من مستوى اعلى منه شوي ماديا وهوه والله مو قاصر عليه شي ودائما يقول ليش زملائي يسوون سفر احسن من سفري مع علمي ومعرفتي بزوجات زملائه انهم لا يعرفون طريق المطبخ ويقول انه فيه تنافس بينه وبين زملائه من بيته وسفرته احسن (الصراحه اول مره اعرف ان الرجال بينهم تنافس على السفر الي اعرف انهم الحريم ولكن الشكوى لله) المهم انا والله العظيم لا خليت موقع طبخ ولا كتاب طبخ الا جبته حاولت بقدر الاستطاعه اني اعجبه ولكن دون فائده جاب لي ثلاث شغالات لان زملائه عندهم ثلاث شغالات والبيت ما يحتاج الا شغالتين المهم كل ما صار فيه عزيمه لازم من العصبيه والمشاكل منه مو مني انا بس اتلقى واستمع دون دفاع وبعد التعب يقول سفرتي وانتو بالكرامه ----- وكل الي حضر العزيمه يكلمني كيف سويتي ذا وكيف سويتي ذا المهم انا قلت له مافيه داعي شغاله ثالثه لانه دائما يقول ثلاث شغالات ومافيه شي زين واذا وحده من الشغالات قالت ما ابي اشتغل قال المشكله فيه انا مو فيهم المهم انا تعبت معاه جدا ولم اجد حل والله صرفت مالي وجهدي ولكن دون فائده نادرا يقول تعبتكم حتى اذا صار معزوم عند اي احد من زملاءه اقول الله يعين بيجي يقول سووا وحطوا اخر عزيمه حضرها يقول حطوا ساندوتشات شكلها مرتب في الصحن ونوع سلطه واعجبه طريقة التقديم قلت له ترى والله ماني شيف وهذا الي اقدر عليه قال لا لازم يشوف حل قصده يتزوج وحده ثانيه عشان الطبيخ تخيلوا واذا صار فيه عزيمه ودخلت المطبخ من بدري لاني راح اسوي انواع يزعل ليش تدخلين المطبخ من بدري وفي الاخير تطلعين بس خمسه انواع ويقول زملاءه اذا صار عندهم عزيمه ما يسمع صحون وروحه وجيه فجأه يقولون تفضلوا ويحصل شي حلو وانا من بدري وطلعه ونزله ولا فيه شي زين رمضان هذا كل يوم سحور وفطور ومشاكل واقرفني في عيشتي فما الحل اريد حل ولا اقتنع يجيب طباخ لانه راعي عزايم هاذي قصتي وسلامتكم

يرجى مراعاة الذوق العام في طرح الموضوع وانتقاء الكلمات المناسبة لعرض المشكلة

اللي أقدر اقوله الله يعينك عليه

أضحكتني مقارنته هذه واثارت أعجابي

يعني كيف يبغاك تطبخين وتسوين له ألي يملى عينه بدون ماتدخلين المطبخ بدري
وعشان ترضينه هو بالذات يبغالك دخول المطبخ قبلها بيوم كامل

وبعدين شي طبيعي أذا راح لعزيمه مارح يسمع صحون وروحه وجيه على قولته لأنه يجي وكل شي جاهز

عجبي

الف شكر على الرد والله يعني احسه عذابي في الدنيا :) اذا قال فيه عزيمه اتضايق مو من التعب بالعكس الا من الكلام الي ماله داعي

أختي

بدل ما يجيب لك 3 شغالات ، يرجعهم كلهم و يجيب ( طبااااااااااااخة ) و إنت تشرفي على الديكور تبع الأكل
مو شرط طباخة ، هناك شغالات يطبخوا ،، شغالة تنظف و شغالة تعمل سلطات و حلويات و كذا
عشان يمديك تعملي ديكورات و حركات للأكل

زوجك يهتم للتنسيق شكله و متعب راسه الصرااااااااااااااااااااااااااحة من جد ؟؟؟؟؟
تهمه المظاهر و الأشياء اللي مالها داعي من جد و ينكد عليك و على نفسه
و بكرة مافي و لا واحد منهم بينفعه

الظاهر زوجك أما من النوع اللي مايعجبه أي شي له أو في بيته مهماكان جميل بينما أي شي عند غيره يعجبه حتى لو كان

بسيط أقول يمكن فيه بعض الناس كذا

لأن من كلامك باين أنك متضرره من أفعاله وأكيد مادامك متضرره بتحاولين بكل قدرتك ترضينه لكن هو مو عاجبه شي
*

السلام عليكم و رحمة الله ,

اختي ظاهر انكم يجب ربما ان تحسنوا اختيار الاصدقاء, لانه لما يكون الصديق عنده كبر و تفاخر و مباهاة...هذا يؤثر على الانسان في علاقته بنفسه و باسرته, حتى كان في شباب تعاملوا بسوء مع والديهم بسبب الرفقة السيئة,

انا من رأيي زوجك و نتي اجلسوا مع بعضكم البعض و تناقشوا و قولي بأنم تفعليه ما تقدرين عليه و ان يكف عن مقارنتك بالآخرين و يشوف فضائلك لا عيوبك. و ما حد فينا كامل,

و نصيحة اجتنبوا الرفقة السيئة و اختاروا اهل التقوى و القناعة و الناس المتواضعين, الناس المتباهين يأثرون على القلب و تكون الجلسة معهم متعبة صراحة خصوصا للي قدراته المادية محدودة,

الانسان يقنه و يرضى برزقه و لا يشوف اللي عند الآخرين, و يلزم اهل الطيبوبة و لو فقراء سبحان الله.

صادقه يا ام يحي وحنين بس من يقدر يكلمه راسه ناشف حتى هوه يقول انا راسي زي الجدار

أختي اهتمي بترتيب البوفيهات وترتيب الديكوريشن حق السفرة

وكثري كثري الأغراض

كل الإكسسورات الي بالسوق جيبها طيب كم صنف يبغى يعني

علميه قبل قولي بسوي كذا وكذا وشوفي القائمة تعجبه وإلا لا

علشان هو يكون عارف وش قدامه وانتي تكونين عارفه وش تسوين لكن تتعبين نفسك

وبالأخير ما يطلع الي بمزاجه

بس بيني وبينك هو ماقصر

إذا جايب لك 3 شغالات وموفر الأغراض فما عليك إلا تشوفين الأصناف الي يبيها

والله يكون بعونك ويبيض وجهك قدام زوجك دائما

شوفي مشكلتك كلها بكوم و هذي الكلمة بكوم ..

الله يكرم النعمة من هالكلام

ناس مو لاقية تاكل ولا تشرب وزوجك الله يهديه يقول هالكلام

قولي لزوجك الله سبحانه وتعالي القادر على رزقكم الاكل والشرب بقادر على ان يحرمها منكم

لي قريب كان غني .. وكان يحقر الاكل .. مثلا اذا كان الغداء كبسة دجاج يقوم يكبها بالزبالة يقول ليش دجاج ليش مو لحم .. واخرتها الحين مسجون من الديون والافلاس

احفظوا النعمة وكرموها .. احفظ الله يحفظك
وابعدوا عن الاسراف لمجرد المباهاه

تبين رايي لاتحرصين دام الدعوا تنافس لان العين وارد حدوثها لاسمح الله خلك بعيييييييد تفنني لعيالك وبس ام العزايم فيه شي اسمه مطاعم ولاني اعرف وحدة توفيت بسرطان بسبب انه عملت عشاء صححححح لذلك الواحد يتجنب الشي اللي ممكن يقع فية مكروه لاسمح الله وخاصة اذا صار تنافس لان الرجال سبحان الله يميلون للطبخ ويتلذذون ويجيهم وساويس في الطبخ الزين ويوصفونها عند ناس تحسد وانا اخوك حاب انصحك لا اقل ولا اكثر .

تبغين الصدق مدري ليش أحس إن زوجك وده يعرس بس موداري ويش يطلع عيب فيك لأنه الظاهر إنك ماخليتي له طريق قال آخرتها أقول السفره ماهي حلوه وناقصها كذا وكذا شوفي لوكان كذا يغار من أصحابه والله مارايحه ترتاحي أبد والله كارثه مابقوا شئ للحريم حتا الغيره صارت لهم شوفي أنامعي لك نصيحه وهيه إنزلي أحد المكتبات وياكثر الكتب والمطويات إللي تتكلم عن التبذير وآداب الطعام والشراب وخليهاقدام عينه في المكتب في الصاله في غرفة النوم المهم يقراها ولو يحب يستمع فيه أشرطه وسيديهات لمشايخ حفظهم الله بتسجيلات تتكلم عن التبذير
وعن الإسراف خليه يسمعها لعلا وعسى الله يلين الجدار إللي براسه والله يا أختي إن هاذي الطريقه ماتصلح لأن رمضان شهر عباده ماهوشهر أكل وإسراف وتبذير يا أختي والله إن الإسر اف مايجوز والله لوالنعمه تنأكل مايبقى شيئ هني وعافيه لاكن لوإنرمى والله حرام أنتم ماشفتوا إخوانا في باكستان من الفيضانات والله إني شفت عجوز تبكي تقول لنا أربعه ايام ماأكلنا شيئ والله إني كل ماأتذكرها إن نفسي تنسد عن الأكل من إللي شفته وسمعته عنهم إخوانا المسلمين في أصقاع الأرض مشردين جيعانين لامأوى لهم وحنا هنا اللهم لك الحمد والشكر علا النعمه إجلسي مع رجلك وفهميه إن هاذي طريقه غلط المباهاه والمفاخره بلأشياء الماديه مافيهاخير نعم يتباهى الإنسان بفعل الخير كحفظ القرآن الكريم وكفالة الأيتام وبناء المساجد وأعمال الخير كثيره فهاذي هيه إللي ترفع قدرك عند ربك وعند خلق ربك وتزيد حسناتك وحسناته معاك إجتهدي أختي فإن مافيه أقرب للب الرجل من زوجته إنصحيه ووجهيه ولاكن بلين وطيبه فطيب مادخل في شئ إلا زانه أسأل الله أن يحفظك لزوجك وأولادك .

السلام عليكم
الله يسعد الحريم اللي زيك ويصبرك
بصراحه أول مره أشوف رجل تهمه العزايم والسفر بهذا الشكل أنا أعرف الحريم اللي بينهم غيرة
لكن أنا عندي مشكلة إن زوجي ما يعجبه أكلي وإذا أكل يأكل للشبع فقط فقلت له إن لي عدة سنوات معك ومو عاجبك طبخي فإقترحت عليه نجيب خادمه وطباخه بنفس الوقت وإن شاء الله يوافق
وخصوصا إنه متعود على أكل الخادمات من قبل وبالنسبة لك
سوي زيي إذا بيتك كبير جيبي خادمة وطباخةوريحي نفسك حتى الطباخه هي تقضي مقادير الأكل
كان لي ناس معرفه الخادمه تروح مع السواق وتجيب صواني خاصة للتقديم وأدوات السفرة من شموع لمناديل لأكواب لغيره
وبس تقول لها المعزبة نبغى أكل صيني أو هندي أو عربي وهي تتفنن
فخلي الطباخة للمطبخ وتنظيفة والخادمة للبيت
مو زوجك الي يبغى التعب من لا شئ وما أدراك مش يمكن زملائه عندهم طباخين
الله يوفقك

الله يعينك على زوجك صراحة احباط ان الواحد يكرف واخر شيء لا يجد تقدير اعملي الي تقدري عليه وتوكلي على الله ولا تضيق صدرك عندي بعض الملاحظات على موضوعك
ثلاث شغالات بالبيت اعتقد كثير خصوصا ان الشغالات شرهم اكبر من نفعهن و على قولة المثل كل ما كثرت دبرت يعني صراحة اربع نسوان بالمطبخ احسه حوسه اكثر من مساعدة خصوصا ان كل وحده راح تعتمد على الثانيه وراح يكون فيه ازعاج
طيب ليه ما تطلبي اكل من السعوديات الي يطبخون بالبيت تفيدين وتستفيدين انا غالبا احاول اجرب شغلهن واعرف كل وحدة ايش الطبخه الي تجيده واذا عندي مناسبه اكلمهن واطلب منهن وعلشان اضمن ان يكون شكل السفرة متناسق ارسلهن صياني التقديم مع السواق وقبل العشاء ارسله يحضرلي الطعام وانا وشغالاتي نتفنن بالاشياء الي نعرفها و السلطات و ترتيب السفره و مافيه احد راح يلاحظ انك طالبه من برا لان السفره متناسقه والطعم ميه بالميه والحين انا مستقره على ثنتين اطلب منهن دائما عرفن ايش ذوقي وانا وثقة فيهن .

حبيبتي هذي حجج عشان يتزوج عليكزززهذاهم الرجال لابغوا يتزوجون الثانيه...

لكن مالت عليه الله يبليه بوحده ماتسويله حتى كاسة الشاي..وقتهابيعرف قيمتك...

سبحان الله حتى كلمة شكرمايقولهالك...

يعني بينتظر العذر منها علشان يتزوج

ما اعتقد قصده الزواج

كان ما جاب لها الشغالات وخلاها تكرف بطريقة التطفيش

لا هو فعلا شكله عنده مشكله يبغى يكون الأفضل

لكن رد واحد من الأعضاء مقلق

الله لا يجعلنا ممن نكفر النعم