|
إهتمام زوجي الزائد يضايقني
السلام عليكم ورحمة الله وبركاته
رااح ادخل في الموضوع سيده :22: اولا انا متزوجه عمري 19 لسه ما كملت سنه تقريبا ليا 6 شهور وساكنه في فله الحمد الله مرتااحه لوحدي:22: الحمد اله مبسوطين ودحين انا حامل في الشهر الاول:14: واكيد لازم انتبي على نفسي والكلام هذاء .....................:25: بس المشكله ان زوجي ما يبغاني البس بنطلون وانا حاامل مع انو انا في الشهر الاول يقولي لما تلبسي البنطلون يسوى ضغط على بطنك ولما تجلسي يشد علي بطنك وكل ما سويت حركه قلي لا يعني حتى لما انزل من الدرج يكون معاااي لما ادخل المرحاض(اعزكم الله ) ينتظرني وانا صرااحه مره متضاايقه من هذاء الشي يعني اهتمامو فيا مره مبااالغ فيه هواا صح يخااف عليا بس يعني مو بي هذي الطريقه :29: كل مره اكلمو فيها يقولي انا اخااف يصرلك شي <<عشني نحيفه :21: واخذ ابر مثبته :24: ولما يروح العمل يقول لي الشغااله تقعد معاايه ما تتحرك :11: احس نفسي خلااص مني قاادره اتحمل كل التصرفاات هذي بلليز ساعدوني اش اسوي:30: |
وعليكم السلام ورحمة الله وبركاته
أولاً مبارك عليك الحمل ,, اللهم يثبته ويتمم عليك ويرزقك الولد الصالح ثانياً : ما ألومه يا أخت حلا الأيام ..:d , زوجك خايف عليك وخايف على ولده , ويمكن هو من النوع الحساس جداً , وعلى فكرة هذا الفعل تتمناه كثير من النساء الحوامل :) لكن احتمال يكون في البداية فقط ثم يبدأ الخوف والحساسية الزائدة تخف شوي مع الوقت , خبر حملك أفرحه وحاب يعبر عن فرحه بهذا الاهتمام ,وهذا أول ولد له فدعيه يعبر عما في داخله .. والحمل في هذا الوقت يكون ضعيف شوي فتحملي قليلاً كم أسبوع فإن استمر الوضع على ما هو عليه ففي ذاك الوقت له حل ... فمادام فاتحيته بالموضوع أكثر من مرة وأجابك , فرأيي أن تصبري كم أسبوع |
مب لازم تلبسين بنطلون ;)
أفهم يا عزيزتي أنكِ تشعرين بالضغط والحصار .. ولكن اعذري زوجكِ وتفهمي موقفه .. وخوفه عليكِ ـ وإن كان مبالغاً فيه ـ يجب أن يًحسب له لا عليه. وكلها تسعة شهور وتقومي بالسلامة وتلبسي ما تحبين وتتحركي كما تشائين. ثم... لماذا تأخذين إبر مثبتة؟ .. هل سبق أن أجهضتي؟ |
اولا مبروك الحمل ياغاليه
عادي ياختي الرجال مبسوط وهذي طريقته بالتعبير بعدين اكيد مع الوقت يعني رح يخف الحصار على قولتك بس هو مبسوط يعني وبعدين عادي لاتلبسي سوي الي يبيه مارح يضرك هالشي اتوقع وبكذا تكوني عملتي الي يبغاه وماضريتي نفسك بعدين هو خايف عليكي كمان احمدي ربك يااختي غيرك يتمنى هالشي الله يوفقك ويسعدك |
يا حبيبتي اشكري الله ان اهداك زوج مثل هذا الزوج اللهم لا حسد ما شاء الله ..
اختي بالعكس المفروض تستانسين لانه مهتم فيك والله يثبت حملج وتعيشين حياه سعيده باذن الله |
الف مبروك الحمل
حمدي ربج ان رزقج هذا الزوج والله الحريم ما ينعرف لهم اذا اهتموا فيهم ازواجهم مو عاجبهم واذا ما اهتموا بعد مو عاجبهم الله يعينكم يال الرياييل علينا |
ياااااااااااااااااااااي.. شنو هالدلع..
بيني وبينك الظاهر انك مو كفو الحشيمة!! والله لو يعطيك ((بو لباس)) كان قلتي زوجي ما يهتم .. زوجي ما يراعي ظروفي .. زوجي ما يحب إلا نفسه!! يختي هذا كله من حبه لك .. وشتبين!! |
اقتباس:
يسلمو على الكلاام الرئع |
اقتباس:
مشكور اخووي على النصاائح |
اقتباس:
|
اقتباس:
على العموم يسلمو على المروور :) |
اقتباس:
اي والله الله يعينهم :d خخخخخخخخخخخخخخ |
اقتباس:
هذا ما توقعته. إن شاء الله يكون العوض في حملكِ هذا يا رب. يا عزيزتي .. تجربة الإجهاض وفقدان الجنين تجربة صعبة ومحطمة نفسياً .. لذلك من الطبيعي أن يزيد قلق زوجكِ وحرصه عليكِ وعلى حملكِ لأنه ببساطة يخاف من تكرار تلك التجربة السيئة فيفقد جنينه كما فقد الجنين السابق. أسألكِ .. ألا تشعرين أنتِ ببعض الخوف والقلق؟ .. أفترض أن إجابتكِ ستكون بالإيجاب .. لذلك يجب أن تكون أكثر تفهماً لموقف زوجكِ ولا تضيقي بما يفعله. أخيراً .. ما دمتِ قد تعرضتِ للإجهاض سابقاً فأنت بالفعل يجب أن تكوني حريصة جداً في حملكِ هذا. والله يتمم لج على خير. |
أولا ألف مبروك والله يثبت حملك ويرزقك الحمل السليم وساعة ولادة سهله
ويقر عينك برؤية مولودك سليم معافى وحبيبتي زوجك خايف عليك وانت لساتك عروس جديدة وهدي ايامك بالدلع وانت لازم تفرحي انه زوجك مهتم فيكي ويخاف عليك كثير من النساء الحوامل مايعطوهم ازواجهم وجه ومساكين ينظفوا ويغسلوا ويجروا ووووو .....الخ وهما مو حاسين وزوجك ماشاءالله تبارك الرحمن يبدو ان يحبك واكيد زاد حبه بعد حملتي ابنه وراح تصير ام ابنه لكن تأكدي ان الزوج مايعرف يعبر عن حبه بالكلام وانما بالفعل وهدا الفعل من زوجك يعبرلك فيه عن مدى حبه وخوفه عليك وبالنسبة للبنطلون في البنطلونات اللي تكون استك (الخاصة بالحوامل) اشتريها والبسيها عشان ترتاحي من هالمشكله اللي انت متحسسه منها وماتبيني لزوجك انزعاجك من اللي يقوم فيه بالعكس افهميه انك مبسوطة عشان هو مو كيف كثير رجال مايهتمو بنسائهم واشكريه وامدحيه عشان ماتحز في نفسه وماتعاتبيه ان مبالغ في اهتمامه وربي يسعدكم يارب ويوفقكم :) |
سبحان الله سبحان ربي العظيم
حبيبتي قولي الحمد لله على كل حال انتي في نعمه كبي ولو تغير بتقولين ليش تغير سبحان الله الله يهديكي |
كلمه وحده بس بقولها لك
احمدي ربك واشكريه انتي بنعمه كبيره |
اقتباس:
|
ترى تصدقون معاهم حق الرجال يقولون عنا نكديين ويملون منا!
إن صار الريال زين قلتوا ممل وان صار شين قلتوا يلوع الجبد والله ماعرفنا لكم محد يحمد ربه ! قولي الحمدلله بدال هالدلع يازين الريال إذا صار حنون مايكفيني ساعتها لو احطه على راسي دامه مراعي ربه فيني |
اقتباس:
كل هذا ولا تريدين ان يخاف عليكي افرحي انو يهتم فييكي واحمدي ربك على هذه النعمه |
احمدي ربك هذي نعمه مش شي يزعل شوفي قصص البات وراح تبلعين العافيه لا حول ولا قوه الا بالله
|
مشكورين اخوواااني واخواتي والله انكم صاادقين المفرووض ما اتذمر من هذاء الشي
رااح اشكورو واسمعو كلاام يرضيه بدل ما اقولو لا تسو كذاء من جد انا في نعمه الحمد الله مشكورين لكل الي ردو على موضوعي |
يُغلق ؛
|
| الساعة الآن 01:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©