صديقة زوجي تريد مصاحبتي
 

شر البلية ما يضحك..حلو العنوان؟:)


اليوم اكتشفت ان زوجي يهاتف وحده تعرف عليها بالشات ..
أكتشفتها عن طريق ارسالها مسج وهو كان نايم وشفته واتصلت لها وتأسفت وقالت أنا متزوجه ومضايقه وعندي مشاكل وأبيج تصيري صديقتي عشان أشكيلك..برأيكم هل أصادقها أو أطبها ..:(

حلوووه تصادقيها ؟؟؟؟؟

مادري تمزحين ولاجاااده

فعلا شر البلية مايضحك

بعدين هل زوجك مصلح اجتماعي عشان يحل مشاكلها !!!!

مشكورييييين عالرد وجوابي هو ..مضمون الرساله (تولهت عليك):(
دلوعة مودي هي والله ما أمزح اليوم صارت لي كنت مشغوله بالتنظيف وياه المسج وشفته وهو كان نايم ولأني ما قادره أوثق فيه فتحت المسج ..الله المستعان..:11:

بروووود تاااااااااااااااااااااااااااااام في الاعصاب لا وجايه تسألينا تصاحبيها ولا لا

الله مستعاان برررررب ضيعت وقتي

جد شر البليه مايضحك

انتبهي وبعدين وش ضمنك

اذا صادقتيها تقول لزوجك كل الكلام اللى دار بينكم ويمكن تزيد
ويمكن تخرب بيتك

انتبهي ولا تمر عليك هالسوالف

:18:مممممم لا لا لا أنا بس حبيت أخبركم عن اللي صار لي وياها ..مادري حسستوني كأنني ما أعرف أتعامل ويا هالأشكال ..أنا فعلا اتصلت فيها وكلمتها بكل احترام ووعدتني ما تتصل ..وانا بالعكس ما عندي بروود بس لأني متزوجه من عشر سنين وياما وياما مرت علي هالسوالف والخيانات بس صابره عشان عيالي وعشان الوالده المريضه الله يشفيها ..وتمر علي هالسوالف مرور الكرام لين يتعدل حاله بروحه وينهدي...
فهمتوني حبايبي؟:)

اولا الله يعينك على زوجك
اختي الطبيعي انك ماتصادقيها وتنهي علاقتك فيها واتكلمي زوجك

قولي لها ، أوكي ..
أنا كمان عندي مشاكل و هموم و أبغى أتوله على زوجك و أفضفض له

قولي لها ما يشرفني اصادق مثل ها الاشكال وانت للاسف ؟؟؟؟؟؟؟؟؟؟؟؟؟؟؟؟؟بعدين سكري السماعه في وجها

لا يا قلبي هذي تبغى تشوف إسلوبك وطريقة كلامك

احتمال تبغى تكون شخصيتها مختلفه عند زوجك

او إحتمال تبغى تسوي علاقه معاك علشان يكون لها مدخل

زوجتك ناقصها كذا وكذا

رددي اللهم إنا نجعلك في نحرها ونعوذ بك من شرها

أكثر من شي طرأ على بالي

بس كلها أفكار شريرة :)

يعني النية مو صافية

ابعدي عنها تماما وقولي لها ما أتشرف أعرف أمثالك ومشاكلك حليها بعيد عن بيتنا وعن زوجي

ارفعي ضغطها لازم تفهم إنكم متفاهمين وإن شكلها مررررره غلط

وأرسلي لها رقم مستشفى النفسية أو دكتور نفسي مع الرسالة

شر البلية ما يضحك الله لا يبلانا ويرفع عنها ويهديها

الله يقطع إبليسك والله من العنوان حسبتها زميلته في العمل تبغى تسير عليك
بلبيت زياره وتتعرف عليك إلا المسأله فيها إتولهت عليك إسمعي حبيبتي قولي لها لوعندك مشاكل مثل ماتقولين هذا من فعايلك السوداء أنت ماتخافين ربك منزوع منك الحيا ء متزوجه وتدورين الرجاجيل عيب عليك إللي تسوينه في نفسك خلي عندك كرامه وإحساس وشرف وعفه شوفي إذا ماتبعدي عن رجالي من الحين والله إني لأدعي عليك بكل صلاة إن ربي يبتليك بمرض ماله دواء أبد وأقيم اليل وأدعي عليك حرام عليك أنت بتخربي بيتي وتشتتي عيالي إذا كنت ناويه تبهذليني مع زوجي أنا وعيالي الله ينتقم منك و ياخذك أخذ عزيز مقتدر وذكريها وخوفيها بالله لعلا وعسى باقي بقلبها ذرة إيمان رغم إن هلشكال ماينفع فيهم النصح إلا مارحم ربي وشوفي حبيبتي إنتبهي للباشا إللي عندك زين وإهتمي فيه رجال هاذا الزمن صاروا أكثرهم إرخوم من قالت له الوحده أحبك طاحت سعابيله بنظره من وحده من ذولي الصايعات المايعات خلاص ضاعت إعلومه وتمشي معه الوحده وأكلت إللي قدامه ووراه وضحكت عليه وخلته زي المجنون ودورت علا غيره عاد تعرفين الرجال لومشا مع بنت وتركته يصير مثل الطفل إللي مضيع رضاعته كل شوي يمص إصبعه وهوتلقينه كل ماشاف وحده تنح وقال هاذي لا لا هاذي أحلا وتلقينه يطالع في كل حرمه حتى في الشغالات
يطالع أهم شئ عنده وحده تونسه برسايل الحب والغرام وكلام الشوق والهيام شفتي الطفل إللي تو أمه تغاغيه الرجل العاشق زيه كل شوي تلقينه لازق بها الجوال وآه ياقلبي آه ياحبي أنامن غيرك ماعرفت للحياة طعم أنا توني عيوني فتحت علا الزين كله ياعلها كل عين تناظر بنت غير زوجته بقصد بلعمى إنشاءالله أناما أدري ويش بيسون لهم ذولي البنات زود عنا حنا حريمهم الوحده قايمه بحقه وحق أهله وعياله وضيوفه وصابره ومحتسبه والله إن أحس بموت قهر من هلحركات لوتزوج بالحلال أبرك الواحد لأنه يكون بلحلال وشرع الله لاكن مثل هالطريقه صعبه ما أقدر أصبرأحس إنه لوتزوج أكيد بيجلس معها ويسولف و ياخذ راحته بس أعرف إنه مارايح يجي من وراه أمراض لي ولعيالي
وأشوف إنه بأرتاح من شكوكي وظنوني فيه طول الوقت وأرتاح من شغلة التحقيقات والأجوبه المزيفه وين رحت من كلمت من أرسلك وين تبغى تطلع الحين وأنا أكره ماعندي الرجل الكذوب يوم تسأله ويجاوب كذب وتنكشفه فجأه والله أحس إنه مستغفلني ومتجاهل شعوري ومادرى عني يارب لك الحمد والله أنا متزوجه وزوجي ماعمره كلم بنت ولاحتى الرسايل تجيه أي رساله يقول لي إقريها لي وشوفي إيش فيها والمكالما ت أذكر قبل فتره تقريبا ثلاث سنين كلمته بنت وشافها تلف وتدور وكان وقتها برى البيت فقال لها أنا الحين مشغول شوي وإتصلي علي بعد عشر دقايق أكو ن فاضي لك فجاء للبيت بسرعه فقلت خير ما أمداك تروح مشوارك قال خذي الجوال عندك فيه بنت تدقدق علي أبلشتني ما أدري ويش عندها وأخذ جوالي وراح وقال لوبغيتيني دقي علارقمك هذا وجوالي خليه عندك لدقت البنت تفاهمي معها وراح ولا شوي ويدق جواله أنافتحت الخط وكان يجيك ذاك الصوت الناعم الو أستاذ فلان بإسم زوجي وتمط كلمة الومثل العلكه وإني رديت عليها وإنها تفزع شفتوا النايم يوم يصحى من نومه علا مصيبه طاحت عليه والله يخواتي إن صوتها تغير إميه وثمانين درجه فقالت وبكل جرأه الأستاذ فلان موجود أعطيني إياه قلت لهاخير إنشاءالله ويش تبين فيه ووش عرفك عليه فقالت والله أخذنارقم جواله من دليل الهاتف وأنامندوبة قسم المساج والتدليك بأحد الفنادق المشهوره معليش إعذروني مابقول بإسم الفندق حتى بعض الرجال مايدورالمساج هناك في فندقهم الخايس المهم قلت خير والباقي قالت الأستاذ فاز معانا بخصم سبعين بالميه علا المساج والتدليك ويبات ليله كامله بلفندق ولوحب يشرفنا في أحد فروعنا يتفضل يعطينا بياناته علشان نحجزله السره من الحين قلت لها والله يحبيبتي هاذاالأستاذ حضرته زوجي وما أعتقدإن فيه فندق في العالم زوجي يرتاح لمساجه وتدليكه مثل مساج وتدليك إيديه علا جسمه أنا أدلكه وأمسجه بنفسي فبلاش هلحركات و خلوا عروضكم لكم وعيب عليك هاذي الشغله تشتغليها والله يبنات ماسمعت إلا طوط طوط طوط قفلت بوجهي الله يقلعها هيه وشغلتها بس أناأشوف حريم ناس أعرفهم يشتكون من الخيانه وأشوف مشاكل حريم خوات لنا بالمنتدى يشتكون خيانة أزواجهم لهم ما أقول غير الله يهديهم ويريهم الحق حقاويأخذون به ويريهم الباطل باطلاويرزقهم إجتنابه أختي في الله جاهدي وإجتهدي ولاتتركي بيتك يحترق ولا تعطيها مجال لا علا زوجك ولا نفسك ولا بيتك أعانك الله وسدد خطاك .

كل اللي ردو علي نورتو علي حياتي والله :23:..أنا طبيعتي وااايد طيبه بس عصبيه ..والحمدلله أبشركم خلاص وعدني عالمصحف ما راح يخونني ولا يزعلني لأني سويتله مقلب قوي خلاه يصطلب :) وهالوحده اللي خبرتكم عنها طلعت متزوجه وعندها عيال وبنت ناس هوامير بس تبي تطلق من زوجها ..
طبعا بتسألوني كيف عرفت عنها ...زوجي من النوع اللي يصارح بعد ما أكشفه يصارحني بكللللل شي ..
والله يهديه انشالله..أنا أشوفه تغير بس بعد يبيله فترة ..:11:

استودعي زوجك وجوارحه الله كل صباح ومساء وربي بعونك

كلام منطقي........بس الي برضيه اله ما برضاه لغيرو ........لو كانت هي بنفس الموقف كان عمل خناقات للسما بس هو بهمش ههههه الله يهدينا جميعا يارب

سأدعو بهذا الدعاء وأستغفر ربي والله يهديه انشالله ..شكراا;);)