|
هل مازالت هذه الظاهرة منتشرة؟؟؟
السلام عليكم ورحمة الله و بركاته
تناقشنا انا وزوجي اليوم حول عادة اجتماعية وهي اجتماع النساء بشكل شبه يومي عند بعض وقت العصر مع اولادهم لا لشيء سوى للكلام و التسلية و ........ الخ مما متعارف عليه في هذه العادة المهم انا قلت لزوجي انو هالعادة قلت بشكل كبير جدا مع الحياة اليوم و تغيرها و صعوبتها وانشغال الناس بحالهم و اولادهم يعني مين فاضي لهيك موضوع اصلا؟؟؟؟؟ الوحدة عندها اولاد ومسؤوليات اضافة لدخول النت و الانفتاح الثقافي والتكنولوجي حعل من السيدات يلاقين مخرج للملل بشيء اخر غير (كلام النسوان) او تشغل وقتها بشيء مفيد اكثر انا عن نفسي ارى هذه التجمعات صراحة اغلبها يكون غيبة ونميمة وشفتي فلانة وعلانة او كلام عن الحياة الزوجية او كتير بصيرو يفشو اسرارهم او الاحاديث النسائية العادية الي الاقي انو تلف تلف وترجع لنفس النقطة الحكي الفاضي والغيبة واحيانا كثيرة في الطبخ وامور المنزل والاولاد ولكن مستحيل تخلو الجلسة من غيبة للاسف المهم زوجي رايه انو مازالت منتشرة والكثير بيعملو بهذه الظاهرة ومازالت الحياة الاجتماعية عامرة باهلها متل زمان وانو عادي كتير في نساء يتجمعو كل عصر عند وحدة و ....... الخ انا غير مقتنعة حوالية كتير نساء ماعمرنا تجمعنا سوا كل واحد مشغول بحياته + ايام بيت اهلي قبل الزواج معارفي وصديقاتي كتييييييييييييير ولاعمري شفت وحدة عملت هيك موضوع يعني من وقت لاخر يوجد تجمع اقارب او صديقات عادي جدا طبعا وجميل ولكن بالشكل الي بتكلم عليه زوجي لا اظن المههم قلت اطرح الموضوع لارى وجهة نظركم ولاثبت لزوجي صحة كلامي لانو صراحة نرفزني باصراره العجيب حسسني انو عايش لسة قبل 40 سنة :29: انتظر مشاركتكم جزاكم الله خير |
موجود ياملك
موجود بس بالنسبة للأعمار الاكبر من النساء يعني وقت مايكونوا ولاد المرأة في مدارس اعدادي وثانوي بيكون في شوية تفرغ واحنا كنساء لازم نحكي ونفضفض ونتضايف ونبرز مهارتنا في تقديم حلويات او لبس او زينه بس في النهاية ده طبع يعني في ست انطواية بطبعها ودي منطقة راحتها والعكس |
لا ياحلوايا ياحبيبتي القصة مش قصة انطوائ
انا مثلا اجتماعية وبحب الجمعات كتير والصداقات ولكن كل يوم كل يوم كل يوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني الواحد يمل اضافة كثر الاحتكاك يجيب مشاكل مع نساء الايام هاي واتصور انو الوحدة ممكن يكون عليها مشاوير او رغبة في انو تتابع برنامج او ترتاح او تنام زيادة يعني يوم في الاسبوع حلو بس كل يوم غريب شكرا لمرورك حبيتبي |
وعليكم السلام اختي الغاليه اتوقع رااااحت هالعادة الأجتماعيه مع اصحابها وكلامك سليم :22: الأ ...كبار السن ممكن يتزاورون اما حريم الوقت,,, لأ,,,, اتوقع انشغلن بالمجمعات والأسواق وغيره |
وحشتيينا يا ملووكة عسى مانع غيابك كان خير ربي ييسر لكم
العادة اللي ذكرتيها موجوودة يا ملك .. بس في بيئات معينة مو بكل مكان ويمكن تستغربي اذا قلت لك انها موجودة هنا في بريطانيا :) رغم اننا في غربة .. الا انه الحمدلله شارعنا مليان عرب اغلب الايام في العصر نجتمع اما ببيتنا او بيبت احد الجارات و الاطفال يلعبوا بحوش البيت و الامهات يقعدوا يتسلوا متع بعض و اغلب كلامهم شكوى :) من حنين للوطن الى هم الغربة الي احوال الاهل الخ و الا مايكون في نميمة :) الله يهدي الجميع و البنات الصغيرات.. يكونو في احد غرف البيت ( تعرفي كلام البنات .. مكياج و ضحك و سوالف الخ ) و اسبوعيا انا و صديقاتي نجتمع اما بيبت احدانا او نتفق و نطلع مع اولادنا اما لحديقة او لمتنزه او ملعب اطفال او اي شي .. يمكن الغربة هي هي اللي تدفعنا للاجتمعات هذه .. بحيث انها تنسينا هم الغربة و الاطفال يتعودوا اكثر على اللغة العربية و يسمعوها بشكل اكبر اطمني زوجك مو عايش قبل 40 سنة :) .. يمكن انتي المنعزلة شوي:) بوسة لفوز و فهوودي |
والله أنا عن نفسي أفضل المكوث الطويل في البيت .... لان كثرة الخروج رايحة جاية مناسبة عزيمة حفلة خروج يومي وسهرات اختلاط كثير بالناس ..... أشياء مالها داعي .... الجلوس في البيت أهدأ للبال .... ماتصيبني نظرة ... ولا أحد يسحرني ... ولاأحد يحقد علي .... لاني بعيدة عن المشاكل ... ولاتنتشر عني الاشاعات الكاذبة ..... ولا أكسب ذنوب وآثام الناس قيل وقال وبهتان وظلم وخصومة وجدال وضياع وقت .. وأبتعد عن المشــــــــــاكل ..... فقط المناسبات العائلية مرة في الشهر .... لانها فرصة نشوف بعض ونجلس مع بعض وبس أو دعوة الصديقات في البيت او الخروج معهن الى المنتزهات .... وغير كذا لأ ........... |
اهلا طيوف الامل شكرا لمرورك وابداء رايك
نورا ياحلوة شوووووو قال انا منعزلة؟زعلت هيك:( لا مش قصة انعزال بالعكس جدا اجتماعية ولكن لاني لااعمل وزوجي كان في الشغل علاقات الشغل تعرفيها مقرفة بس كان في علاقات خفيفة وعندي معارف وهيك وعموما يوم انهبلت وجربت اكون صداقة في الغربة مع عائلة بكاملها لديها بنات من سني وفتحت لهم قلبي وتجمعات على رايك ورايحين جايين اخرتها حسدوني وغارو مني وطلعو علية اشاعات عقدوني حياتي ......... المهم كل متتسنى لي الفرصة اتعرف على ناس انا ساكنة في عمارة مابشوف اي اجتماعات يمكن لانو الاسر قليلة في بيت اهلي كان قرايبنا وهيك نتجمع بس مش كل يوم يعني كذلك الصديقات كنا كتير وشلل ونعمل جمعات وطلعات بس انا مابصدق في شي اسمه كل يوم ......... حلو الواحد يكون في بيته والو خصوصية واحداث يومية خاصة به انا في غربة ومابشوف الناس متجمعين من كل الجنسيات صدقيني اغلبهم مو فاضيين يمكن عندكو غير عشان دولة اجنبية الترابط اقوى والاحساس بالغربة مؤلم اكتر شكرا مرورك عملتلك قصة بس حطيتي ايدك عالجرح يانورة قد مكنت احب الطلعات والجمعات ومع الغربة اولها كنت اعاني ومع الوقت تعودت على قعدة البيت لدرجة صرت احس انو راحة من وجع الراس الي بيجي من ورة الناس لانو مغتربين الوطن العربي في الدول العربية تصيبهم امراض اجتماعية كتير من الغربة وهالشي معروف ومنتشر يتغربو ويصيرو فيهم اشياء غريبة لما يشوفو الفلوس ينهبلو هدوء المشاعر كلامك حلو انا ماخدة من كلو يعني احيانا احب الي قلتي عليه واحيانا احب كتر الصداقات والاجتماعات |
وعليكم السلام ورحمة الله وبركاته
مرااااحب ملك إن شاء الله تكوني بخير يارب .. ،، كلامك صحيح .. اللي أشوفه هالعادة راحت وراحــوا أهلها معها .. الوحدهـ الحين مو لاقيه وقت تزور أهلها تبينها تجتمع مع صحباتها وكل يوم ! إلا في حاله وحدة إذا كانت متفرغة .. بالتوفيق للجميع |
هذه عاده قديمه
امي وجاراتنا كانو قبل عشر سنين كذا اما الحين نفس الناس ماتغيرت بس ماحد يجي احد قبل كنا حتى في رمضان كل يوم الفطور على بيت ونجتمع ونفطر وكنا خمس جيران وكل بعد اربع ايام نسوي فطور هذا الكلام قبل عشر سنين اما الحين والله مانشوفهم الا اذا راحت امي المسجد بصلاة التراويح يعني من سنه الى سنه الدنيا والناس تغيرو كثيررررررررررررررر الله المستعان |
يوووووووووه لا مرررررررره انقطعت الإجتماعات اليومية
الحين الجيران زين لا شفناهم كل ستة شهور أو سبعة مره وهم أقرب الناس مكاناً أما جمعات الحريم كانت لما كانوا فاضيات مو زي هالوقت نت وأولاد وبيت واهتمام وهيك اشياء ومو بس الانشغال من زمان الاجتماعات بسيطه وهاديه الحين لبسك وشكلك لازم يكون تمام والمضيفه لازم تبدع وتطلع أشياء جديدة وتكلف وكذا فخلاص الأهل صاروا يحبون الاجتماعات مره بالشهر وأشوفها كافية جدا |
هذه عادة موجودة طبعا بس خفت عن قبل بسبب كثرة الانشغالات
يعني كل واحد يلا يلا يقوم بنفسه وبيته :D وبعدين صراحة ملل كل يوم الناس تشوف بعضها اكيد بتتحول الجلسه الى غيبه ونميمة :D حلو كل الفتره الواحد يجتمع مع اصدقائه او اهله بس مو كل يوم |
الانترنيت خلت اللقاءات بلمسنجر و الفيس بوك
تتكلم الوحده مع اهلها و مع صاحباتها و تحط الصور وتتواصل وهي بهدوم البيت و بتطبخ و بتراعي الاولاد نورا انا بلغربه ما شايفه مثل شارعكم هذا بلله دلينا عليه حتى نزوركم بلسنه مره و نعيش الاجواء احنا و اولادنا بس يمكن لازم نكون يمينين حتى نندمج معاكم ملك مشتاقه لحكياتك الظراف و دايما بلبال و بادعيلك حتى قبل فتره جيتي ببالي و جا ببالي انه ليش زوجك ما يشتغل بلتدريس سواء بلمدارس او المعاهد او تدريس خاص الله يكتب لكم الخير ويرزقكم الرزق الواسع الحلال |
ولا يهمك .. اهلا و سهلا
بس عليك دفع رسوم الاشتراك :) و بعدين ماقدر اعطيك العنوان :) عشان قوانين المنتدى بعدين يحسبوها دعايا :) تنورررينا يا عسل .. بس للاسف الان نقلت من عندهم لدولة اوروبية ثانية و اخخ يا غربة اشتقت لهم لامي و خواتي و صديقاتي .. فعلا الحين حسييت بالغربة :) |
حلوه التجمعات بس بالحد المعقول
يعني مره بالاسبوع حلووو انا وصاحباتي مره او مرتين بالاسبوع ومرات اذا متضايقين على طول نتواصل الجمعه حلوة الواحد يتكلم يسولف يغير جو صح هذي العاده ماهي زي قبل بس مازالت بقله لان ظروف الحياه تغيرت والعالم مشغوله الله لايشغلنا الابطاعته |
هذي الظاهرة مووجودة
بس خفت عن اول واذا تجمعوا الحريم يخلوا بناتهم بالبيت اذا كانوا كبار ويتجمعوا ويسولفوا |
أهلين ملك
الظاهرة موجودة لكن قلت كثير وإن كان في اجتماعات دورية تصير بالكثير مره بالاسبوع انشغالات الحياة وتغير نمطها بشكل عام هذا غير الانترنت واللي فيه، وغير تقارب الزمان الله يرحمنا برحمته الواحد ما يحس انه مر شهر واثنين يفكرهم اسبوعين |
انا أشوف إنهاقلت في هذا الوقت لأنه صارت الوحده ماتطلع إلا لواجب مثل زيارةحرمه ولدت أو زيارة مريض او عزا لميت لقدرالله أنا بالنسبه لي أجتمع بصديقاتي بالشهر مرتين أوثلاث بيوم خميس تكون دوريه بينناكل مره عند وحده فينا وتكون سهره في اليل طبعا بالنسبه للعصر فهذا وقت محسوم من زمان ما أطلع أبد إلا لضروره لأنه هاذا وقت يعتبر ملك لأبو الشباب مخصص إنا نشرب قهوتنا فيه ونسولف فيه طبعا عن مستقبل عيالنا وعن البيت اللي بنشتريه وعن التقاعد ومره عن السيارات ومره عن دوامه وشغله طبعا هو عسكري والمهم نجيب سوالف من تحت الأرض ونجلس نفكر أنا وياه بتصميم البيت المهم يخلص آخر فنجان من الدله إلا قد أثثنا البيت وفرشناه طبعا كلها أحلام في أحلام بس وش تسوي لوماجلست تحلم أكيد تفكيرك رايح يتعب من هموم الحياه
بس أنا أتوقع إنه مازالت موجوده بس في اماكن الإسكان طبعا لاحظت عند ناس اعرفهم بسكن تابع لدوله زي أسكان أرامكو وسابك والسكن العسكري يتواصلون الحريم المتزوجات في زيارة العصر هيه العاده موجوده بس الحين قلت بكثير عن أول بس تحسي كمان العائله الكبيره يتجمعوا أحيانا ياالله كم من عادات وتقاليد تغيرت علا الناس أولها وأهمها إحترام الصغير للكبير وعدم تقبل النصيحه يوم تنصح شخص وهومقيم علا باطل كأنك غلطت بحقه وصار الغني مايداني الفقير حتى عياله مايخليهم يلعبوا مع واحد مستواه أقل منه ومن أول حتى الطالب بلمدرسه يهاب المعلم ويخاف منه أكثرمن ابوه لاكن الحين خليه يغلط بس بلسانه عليهم وعقب الدوام يروح يشوف سيارته شلون صارت من الطلاب حتى إحترام الوالدين صار ضعيف إلا مارحم الله من أول لو صارت مشكله وإلا دين علا واحد من الجيران تلقى جيرانه حوله وحواليه لاكن الحين اللهم نفسي نفسي إنسجن إلين تنطق وعيالك ماحد درى عنهم ولاأحد سئل فيك ولافيهم إلا مارحم الله. |
موجوده وبكثره ولكن كل انسان واجتماعاته
اعرف ناس كل يوم عند احد طبخ ونفخ وسفره طويله عريضه كل يوم وضحك ومزح ونميمه ولكن لم استطع ان اجاريهم ما قدرت مع اني احبهم ولكن من بعيد لبعيد نجتمع بالرحلات والحدائق الاولاد يلعبو مع بعض سينما ملاهي كفايه هيك مني انا ما اقدر كل يوم اجاري هيك مجتمعات انا بيتوتيه مع اني اخرج من البيت ولكن ليس مثلهم |
| الساعة الآن 01:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©