|
زوجتي تطلب الطلاق
السلام عليكم ورحمة الله وبركاته
مسائكم خير مشكلتي مع زوجتي مشكله جابت لي الهم والغم لا ليلي ليل ولا نهاري نهار بكل اختصار تزوجت من سنتين بالضبط رزقي الله بمولود عمره الآن 7 أشهر ,, كلنا يعرف ان مافيه بيت ماتحصل فيه مشاكل من اي نوع ,, انا مشكلتي مع زوجتي شبه دائمه او مستمره زوجتي من النوع العصبي الحمقي الحاااار !! تعصب وتصرخ وتخلي عاليها واطيها بأسباب تافهه ماتستاهل أبدا ونادرا جدا جدا جدا ان يمر اسبوع ماتصرخ فيه وتزمجر وتشيل الارض على راسي !! وانا كاتم غيضي واحاول امسك اعصابي أكثر قدر ممكن وكل مره انجح وامشيها الى ان تطور الامر لحظه الغضب ان تشتمني واحيانا تقول "انت ماربتك حرمه" لاني امي رحمها الله متوفيه وانا صغير وربتني زوجه ابي رحمه الله ايضا !! ودائما لحظه الغضب لاتمسك اعصابها وكله يا اخوان ويا اخوات على توافه الأمور المهم وخلاصة الكلام انا ما ابغى حل للمشكله هذي لان هذا طبعها وخطيئتي اني تزوج بنت أهلي مايعرفون عنها شي الا انها قريبه لنا من بعيد فقط !! مرت الايام والشهور على زواجنا حتى مر الشهر الفائت في رمضان تحديدا اذكر كانت جالسه في الصاله تسوي الفطور وكان الولد مضايقها حبتين الى ان طاشت وابعدته بمرفقها وطاح على راسه وبكي بقوه انا في هاللحظه صرخت في وجهها "ليه كل هالعصبيه السالفه ماتستاهل تردعينه كذا "!! هي صرخت في وجهي وقالت ليه انت ماشلته عني تشوفني مشغوله طبعا قالت الكلام تصرخ بشده بوجهي انا مسكتها مع عضدها وقلت لها لاترفعين صوت بوجهي اقص لسانك تراني متحملك اكثر من اللازم وحرارتك هذي خليها في بيت اهلك مو علي انا وولدي ! قالت "اقوول ابعد"!! وضربتني بيدها ورفستني برجليها ( دائما تمد يدها علي) وانا امسكها احاول اهديها مابي امد يدي عليها اخيرا من شده عصبيتها تكرمون "بصقت في وجهي" !!! فانا في هذه اللحظه قلت لها شوفي مرات كثيره عدت الا هالمره كأنك خطاك طالت انا اوريك ورحت جبت العقال وحطيته في يدي وهددتها فيه ان رفعتي صوتك ياويلك !! رفعت صوتها اكثر من ماينبغي "اعتقد الجيران سمعوا صراخها" وشتمتني بكلام لايقال هنا أبدا انا بلمحه بصر ولاول مره من زواجنا اعطيتها كف على وجهها من قوته آلمتني يدي !! ثم اعقبته بالعقال على ساقيها ضربتين وعلى ظهرها ضربه !! هي طبعا بكت وطلبت الطلاق وللعلم حتى قبل الضرب هي كانت تطلب الطلاق على كل مشكله تحدث !!! والان من بعد المشكله الكبيره الي صارت مادري وش صار فيها مره تقول هذي ماعندها مانع تعيش معي ومره تقول هذي خلااااص مستحيل يعني انا اوديها لاهلها شبه يومي وترجع معي عادي بس اول شي يزعلها او يغضبها على طول طلقني ياخي مابيك انا قرفت من هالعيشه ومن هالحياه كلها والخ!! يعني مشاعر متضاربه وانا بصراحه مليت من هالحاله بيني وبينكم انا مابي اطلق ابدا مهما صار مو عشاني احبها لكن ولدي انا متعلق فيه لدرجه لاتوصف فهل من حقها انها تذهب بالولد لو صار ماصار لاقدر الله .. اخواني اخواتي الكرام الكلام الي فوق هذا كله شرح اقدر اقول انه موجز ومفصل بنفس الوقت !! المراد والمطلوب ليس حل المشكله لانها بصراحه طبيعه والطبيعه صعب تغييرها البنت حاره وعصبيه لكن الي ابغى اعرفه هل لها الحق في حضانه الولد !!! اذا لاقدر الله تم الطلاق وهي من طلب الطلاق؟؟؟ وهل يرجع لي المهر ولا استمر بتقسيطه وكل شي يروح هباءا منثورا !!!؟؟؟ لان بصراحه انا مابي الطلاق ولا اقدر استمر احمل نفسي ديون على الفاضي !! وشكرا لكم واتمنى منكم الدعاء لي بالخيره ولكم المثل |
ساعدها كن لها يد العون
يعني شجاركم برمضان ليس له سبب طيب هي مشغوله بالمطبخ وانت تقول متعلق بولدك خلي الولد معك العب معه لحين تنتهي من الطبخ ثم المطبخ خطر عليه طبخ واكل سخن وووووووو العصبيه لها اسبابها ومنها عدم الاكتفاء الجنسي يسبب العصبيه عند المرأه ادوية المانع للانجاب وتجاهل الزوج وانشغاله عن زوجته وعدم التغزل بها وايضا ان لا يشاركها همومها ومشاغلها انتم اثنان تعاونو في مملكتكم ابحث عن اسباب العصبيه وعالجها |
الله يهديكم ويهدي سركم انتم الاثنين بدها طولت بال وان شالله ما بيصير في طلاق ولا شي ربنا بيصلح الاحوال بيناتكم انت الله يهديك ما كان لازم تضرب لانه بيصير الغلط عليك كان ابسط شيء افتح الباب وامشي لاي مكان حتى انت تهدا وصدقيني هي كانت ستنشغل عليك لو طولت شوي بعدين لا تزعل نفسك من انها ضريت ولدها لو لاحظت بعد شوي لح يرمي نفسو بحضنها لانها امه .هي عيب تسب وتشتم وتفل اكبر عيب لكن ممكن تأديبها او بالاحرى ترويضها. لان الطلاق يؤثر على الطفل وهو طبيعي سيكون في حضانة امه لأنه ينظر في الحضانة مصلحة المحضون قبل الحاضن اقول لك الله يهديكم ويصلح بينكم
|
مأدري ليه تعاطفت مع زوجتك أحسها مضغوطه عشان كذا عصبيتها
لكن زودتها شوي بمدة اليد والبصق طيب كيف تكون في الحالات الثانيه لما ماتكون معصبه وهل تناقشت معها وبينت لها تضايقك من أسلوبها ؟؟ |
انت عطيت زوجتك فرصه انها تتمادى في الاساءة لك .. لو من البدايه متعامل بحزم مع قلة ادبها
و موديها بيت اهلها عشان يأدبونها كان ما صار هذا حالك .. يعني انت ايضا شريك في وضعك الصعب انت طووول هذه الفتره لم تتخذ معها اي اسلوب لكي يردعها عن سوء تصرفاتها معك .. هل اشتكيت عليها عند اهلها و قلت لهم ان بنتهم ما تحترمك ؟؟ هل تركتها في بيت اهلها فتره عشان تحس انك مو راضي عن اسلوبها معك ؟؟ هل زوجتك تدرك انها عصبيه وان عصبيتها قد تهدم بيتها ؟؟ وش رايك تاخذ زوجتك عند استشاري في العلاقات الزوجيه عشان يسنعها .. بالنسبه للطلاق فالولد بلا شك في حضانة امه .. بالنسبه لرد المهر لك يجب ان تطلب هي الخلع من المحكمه عشان ترد لك المهر .. |
هي عصبية وأنت عصبي والضحية الطفل حكموا شخص معروف بالحكمة بينكم وأذكر له آنزعاجك الشديد من ذكرها الطلاق وأنك يوما ماستجعلك تفقد صوابك وتنطقها
المرآة كثيرا ماتطلب الطلاق وهي تنتظر أن يحضنها زوجها وتعرف غلاها عنده راجع معاملتك معها ومالذي يجعلها عصبية وبين لها أن الشجار بينكم يضر بالطفل كثيرا أسأل الله أن يألف بين قلبيكم ويصلح أمركما |
انت اللي جبته لنفسك لاراح الاحترام انتهى كل شي بصراحه ما اتخيل نفسي ابصق على زوجي ماني معصومه من الخطا بس خطا عن خطا اما سالفه عيشه تقرف وطلقني فهذا شي عادي انا كمان اقوله وانا مستحيل اكون جاده بس زعل والحظانه للام طبعا عطها فرصه تروح لاهلها وتجلس فتره صدقني بتحن وبترجع بس حط انت الشروط علشان تعيشون بسلام
|
الله يهديها زوجتك صراحه مو كل هذي عصبيه هي خذت وجه عليك من البدايه وانت ساكت لها!!!!
قوووويه حركتها فيك ومن امن العقاب اساء الادب... مهما كان لابد ان يكون هناك هيبه لزوج ...والحضانه يحق لك تاخذ ولدك في الاسبوع 24ساعه .. والله لايوصلكم لهال المواصيل لازم تفاهم معها بحزم |
زوجه غريبه والله يعينك
لازم تعدل من معاملتها معك والا الحياة هكذا لاتدوم ... |
انا كنت داخله بدون تسجيل بس اول ما قريت الموضوت نطيت اسجل والله العظيم انها قليلة ادب ومش متربيه استغفر الله العظيم بس اي حرمه هذي اللي ترفع ايدها على زوجها وتبصق عليه الا العقال قليل عليها كان جبت خيزرانه نرفزتني انا كيف انته الله يكون بعونك انا ما اقولك طلقها بس اذا رجعتها خلك انته الرجال وهي الحرمه وليس العكس
|
ممكن نكون محضر خير اخواني
نازلين بزوجته كلام وكلام وكلام وهذا رح يزيد من يقينه انها غلطانه ولكن تركنا اصل المشكل التعاون بين الزوجين لنقول عن الشجار اللي حصل تحديدا اذكر كانت جالسه في الصاله تسوي الفطور رمضان وحر وتعب واقترب الفطور وكان الولد مضايقها حبتين الاولى انو يكون ابنك معك تلعبو مش انت تقول تحبو وتموت فيه الى ان طاشت وابعدته بمرفقها وطاح على راسه وبكي بقوه بالمطبخ وركض وزفاير ويدان معجوقه والولد بين الرجلين ازاحته حتى لا يتعرض للخطر انا في هاللحظه صرخت في وجهها "ليه كل هالعصبيه السالفه ماتستاهل تردعينه كذا الاولى انو تركض وتحمل الولد ولو كنت ساعدتها بالاهتمام به ما كان وصلت لهذا "!! هي صرخت في وجهي وقالت ليه انت ماشلته عني تشوفني مشغوله معها حق ليه ما تشيل الولد عنها مش ابنك هو طبعا قالت الكلام تصرخ بشده بوجهي لانها سكتت وانت ولا تهتم ولا تحس انفجر عندها الوضع انا مسكتها مع عضدها وقلت لها لاترفعين صوت بوجهي اقص لسانك تراني متحملك اكثر من اللازم مين المتحمل هي او انت هي بالمطبخ تطبخ لمن لجيرانها ام لك لتجلسو معا ويكون الاكل طيب ومظبوط تتاكل وحرارتك هذي خليها في بيت اهلك مو علي انا وولدي مازال تعرف انو ولدك ليه ما تهتم فيه وقت تكون هي مشغوله بالمطبخ وتحضر لك الطعام ! قالت "اقوول ابعد"!! وضربتني بيدها ورفستني برجليها ( دائما تمد يدها علي طريقة تعاملك مع الامور توصلكم للضرب ,انت مسكتها من عضدها واآلمتها من حقها تدافع عن نفسها لا احد يقول اني متحيزه لزوجته ولكن هذه ردات فعل طبيعيه من اي شخص المفروض تنتبه على ولدك تساعد زوجتك بالقليل ولو بالسلطه غير من طريقة تعاملك معها اعرف انها زوجتك وليست خدامه للطلبات والفراش فقط وقتها زوجتك لن تمد يدها لتدافع عن نفسها وانت لن تضطر لمسكها من عضدها وتؤلم لها يدها التي تطبخ بهم لك الطعام لتفطر |
والله انت أعطيتها وجه من البدايه !
ليش تصبر عليها المفروض توريها حدودها من البدايه والله عصبيه بزياده وصراحه لسانها طويل مررررررررررره والله يوم قريت الموضوع عجزت اصدق !! عموما إذا في طلاقكم خيره الله يقدر اللي فيه الخير لكم ان شاءالله وانا اشوف انك ماتفكر بسالفة المهر نهائي ماله داعي صراحه المهر من حق الحرمه وأرجوك انك تنساه والله يعوضك عنه يارب أما ولدك الله يحفظه ترى حضانته مازلت للأم بس أنت أبوه ومن حقك تزوره وتصرف عليه وتاخذه تمشيه وتوديه لاهلك وترجعه لامه |
قرييييييييييييييييييييييين
سلمت يداك ..... يااخوان يااخوات كونوا محضر خييييييييير لاتزيدون الطين بله ,,,, كلا لطرفين مخطئ بنظري.... |
وعليكم السلام أتفق مع كلام الأخت الفاضلة أميرات وأذكر أنك ذكرت أن أبوها قال لك أن طبع البنت حار وقوية حتى على أهلها فكيف بزوجها ...(إذا ما خانتني الذاكرة) لذلك أقترح ان تذهب بها لإستشاري علاقات أسرية أو حتى تذهب أنت لوحدك وتسعى لحل المشكلة ، لعل هناك جوانب لم تنتبه لها أو حلول ما خطرت على بالك أو بال الأعضاء الكرام لذلك اسعى لهذه الخطوة ؛ حتى على الأقل تعذر نفسك إذا حصل فراق بينكما - لا قدر الله - والله يكتب لك الخير ويهديها عزوبي بس رجل |
لاتعليق لانه لو علقت بقول كلام ماينقال0000
|
اقتباس:
قولي واعطي رأيك يمكن بنظرك لا يقال الكلام ولكن ممكن نستفيد ونخرج بحل اخوااااااااااااااااني بكلامكم رح تزيدو الطين بله عم ترمو الزيت على النار اخونا رح يجدها زريعه ليجدد الضرب ويقول كل المنتدى معي ويقولون انك ما تستاهلي نحن نريد حل للقضيه والابتعاد عن الطلاق نريد ان نزرع الحب ليطير الصراخ والضرب يتوقف اخي انت تحب ابنك صح واكيد وهذا لن يختلف عليه اثنان ,وقت تجد زوجتك مشغوله خذ ابنك لاي حديقه لاعبه اركض انت وهو ادخله معك المسجد هناك مثل يقال :من انتبه على ولدي قضا لي غرضي . يعني الاولاد تشغل المرأه عن عمل البيت ووقت الزوج شوية اهتمام بالاولاد ومساعدة الزوجه بالمطبخ ولول انك تذوق الطعام لها وتقول لها طيبين تسلم ايديك مع ابتسامه حلوه من قلب حنون مش معقول وقتها تصارخ ويكون طبعها حامي الا بغرفة النوم ....... تشفير احسن ناكل طرد من الاداره اخي قليل من الاهتمام بالزوجه وحسسها انك معها قلبا وقالبا وقتها اذا صرخت لك الحق تقول حاميه ووقتها تكون مجنونه وبدها مشفى للامراض العقليه الزوجه ليست لتطبخ وتغسل وتنظف وللفراش الزواج علاقه انسانيه طيبه وروحانيه قبل ان تكون جسديه اعشق زوجتك تكون لك خاتم باصبعك وقتها اذا فتحت فمها لغير استقبال قبله منك اكون انا مجنونه ولن ادخل النت بعدها كن رفيقا لها بكل شيء ثم بالله عليك انت وهي في رمضان صائمون طيب ليه ما جلست مثلك تعبانه جيعانه وتنتظر الطعام من طبخ لك الطعام ومن نظف لك الثياب ومن اهتم بولدك ومن ومن ومن الدنيا صيف وحر قاتل وصيام وفوق هذا كلو واقفه بالمطبخ تهتم لتطبخ لك اكل تحبو وتفطر الا يحق لها ان تساعدها اقله الاهتمام بولدك فلذة قلبك لتكمل هي عملها بهدوء وراحه اتمنى انك تقرأ ردي برحابة صدر وتفهمه جيدا ولا تكتفي بالردود التي تشبع غرورك وتقول :ها معي حق هي العصبيه وتتف بوجهي وتستحق القتل والطلاق ووووووو وتسأل ايضا عن المهر اذا كان يحق لك ارجاعه وانا جوابي لك :اذا راح الغالي لن أأسف وقتها لا على مال ولا عفش ولا اي شيء حياتي وهبتها للغالي واحببته وامنته على حياتي وعمري معه ووقت يضيع كل هذا هباء اهيده المال والعفش وووو تشوف خليهم ينفعوه ويعوضوه عن اهتمامي وحبي له وحركة السرير بليلة حاميه قضاها معي |
انا مع رأيي الأخت الحكيمة جرين .. العصبية لها أسبابها .. لكن هي زودتها شوي ..
.. ياصاحب الموضوع .. أقرأ ردود الأخت جرين .. وطبق الا قالته لك .. وان شاء الله تشوف تحسن وتغير .. .. لا تطلق زوجتك ألحين عطها فرصه .. مو يمكن تتحسن وتصير أحسسن .. مو علشانها .. علىشان الطفل الا بينكم .. |
رجعتها الي البيت معناه مزيد من الاطفال
ومزيد من الاطفال معناه مزيد من الصراخ ومن الضرب اذا انت شايفها ممكن انها تتعدل فرجعها وكون حازم معها ( خليها في بيت اهلها عشان تهدأ نفوسكم وتقرر صح ) واذا هي من النوع الذي لايتغير ولا يستجيب فاالله يعوضك خير ومسأله الولد لا اعلم عنها شئ في رعايه الله |
الله يهديكم ويصلح بالكم ويكتبلكم الخير يارب
|
يعني الرجال لو مد يده على الحرمة الضعيفة ماحد تكلم
بس حرمة تدافع عن نفسها ، كل واحد جاء و قال جيب خيزرانة ؟ يالطييييييييييييييييف أكيد هي غلطانة في ردات فعلها ، بس هو كمان غلطان وو الغلط ما يتصلح بالغلط بإختصار ، اسمع كلام خالة جرييييين |
انا اسف رح اكون قاسي .... انا لو زوجتي تبصق بوجهي ما رح اسكت رح اكسر عظامها واطلقها واحرمها من الولد لانه هيك زوجه لا تصلح ان تكون ام ...
|
اخوي ترى كل انسان يغلط وانت غلطت لانك ماساعدت زوجتك بهالشي يوم تصرخ المهم اخوي
فكره الطلاق انساها عشانك وعشان الولد ولا يلعب براسك الشيطان بس انت خل عندك حد الصراخ والهواش هذا يصير في اكبر العوائل لكن البلا في التمادي انت فقط تذكر الشي السيئ لزوجتك انها غلطت عليك ومدت يدها وهي معصبه عليك ياخي انسى الماضي لكن شد عليها حسسها بأنها غلطانه وانظر المحاسن اللي فيها كل انسان يوجد فيه المساوئ والمحاسن وكل شي يمكن يتعدل بس نصيحه لاتفكر بالطلاق عشان هالاسباب |
الله العالم إن طريقة تربيتها كذا
يعني تعودت على الصراخ وتعتبره طريقة للتفاهم الله لا يبلانا زوجتك تحتاج إلى إعادة تقويم سلوك وهذا يجي بالتمرين وطولة البال منك لازم تفهمها إنه إسلوب خاطئ للتفاهم وإنك ما تقبل فيه وانتهى زمن التعامل بهذا الشكل واعتذر عن ضربك لها لأنه شئ خاطئ هي استفزتك وشكلك تحملت كثير مبدئيا شيل فكرة الطلاق من بالك لأنها لا تتعمد التعامل معاك بالأسلوب هذا إنما هو نتاج تربية ربما أغلبنا مر بها ساعدها من أجلك ومن أجل طفلك وعلى فكرة أشوف بعض الأمهات تتعامل مع طفلها بجلافه غريبة وتفرغ شحنات الغضب والملل فيه كيف يتم تعديل السلوك؟ اعتقد لازم تتواصل مع شخص فاهم مثل الدكتور طارق الحبيب لا تستصعب الأمور في البداية بس بعدين تنحل الأمور بإذن الله |
يالحبيب عندنا وعندك خير وأنا بصراحة متعلق حييييييل بالولد مثلك وأعظم وهو بعد متعلق فيني بس الظاهر أن الي عندي أهون شوي لأنها ماتبصق ولا ترفع يدها وإنكان ودها بس على طول تهون ..
أما نصيحت واحد مجرب ولا زال يجرب فهي : 1ـ إذا أنت متعلق بالولد لا تطلق مهما كانت الظروف واصبر مثلي لأني مستعد أعيش طول عمري تعيس بس ولدي ما يكون في حالة تشبه اليتم وأنا أشوف. 2ـ كثف الحوار الهادء في الأوقات المناسبة وخصوصاً بعد موقف زين لك عندها. 3ـ إذا شفتها معصبه إنشغل بأي شي ولا تحاول تبين في وجهك أي علامات التوتر وإذا تطلع من البيت يكون أحسن وعلي قولتهم الحقران يقطع المصران:29:. 4ـ أما مسألة إنها تقول لك طلقني لأنها عارفة نقطة ضعفك ومالها إلا هالسلاح وإذا قالته مره ثانية قلها إذا صارت القبلة شرق :17: طلقتك أصلا أنا أحبك بس ممكن أنفذ الخطة الثانية :30: واسكت وإذا قالت وش تقصد قل لها أي شي بس لا تقول الزواج مهما لحت عليك خلها تعيش في وهم. 5ـ الصبر ثم الصبر ثم الصبر ........الخ راح يروضها زمانها. أختم بها البيت الي لاقيه مكتوب على سور المقبرة :d : خله على فاله زمانه يربيه ....... خله ولا بد من الليالي تجيبه |
عليكم السلام ورحمة الله وبركاته
الله يسامحك ياوليد من أيام الملكة وأنت في دوامة مشاكل معها وعلى أشياء سطحية من ذاك الوقت عرفت لو جزء بسيط من شخصيتها وماكان يبشر بالخير صراحة ماألومك الحين لأنك خلاص تغاضيت عن كل شي بالبداية وإنت عارف إنه الوضع بيكون مش ولابد بزواجك الحين لازم تكون أكثر حزم معها ترى المرأه مهما كان لها مداخل تقدر تسيطر عليها لاتسمح لها أبداً ترفع صوتها فضلاً عن يدها !!!!!! لأني ألاحظك تكتب عنها وكأنها شي عادي !! من متى حرمه ترفع يدها على زوجها ؟ رجل يمد يده ماتقبلناها كيف العكس استغفر الله يااااربي بس والله شي يقهر الواحد متزوج يبي يرتاح وينبسط وهذي على اتفه الأسباب تنط بحرارتها الله يعافيها ولا يبلانا قبل ماتسأل عن الطفل والأشياء اللي تخصه حاول تكلم أهلها عن اللي تسويه وتفهمهم انه حياة بنتهم الزوجية على جرررريف أكيد مااحد يبي الطلاق لبنته الله يهديها بس قهرتني والله يعينك اتذكرك من أيام ملكتك شي يضيق الصدر |
سبحان الله العظيم
جايين ترمو زيت على النار وتقولو وتعيدو اتقو الله في انفسك وبالناس ابحثو عن اساس المشكل ابحثو عن سبب العصبيه كن لها زوج تكن لك زوجه الحياة الزوجيه تعاون بين الزوجين والا كل واحد يستأجر له خادمه تطبخ له وتنظف ويأمر فيها على كيفو وما ينسى برمضان لازم تكون مفطره احسن تتحجج انو تعبانه ومرهقه بالصيام والحر والعطش والجوع انه ولدك شاركها بتربيته انه منزلك قصرك ساعدها بتحضير كل شيء العب معها رح تلاقي فرق شاسع وقت تغير من نفسك ومن معاملتك لن تسمع لها صوتا |
يالغاليه جرين انتي كذا:22::22: الله يكثر من امثالك يالغاليه اخوي مالك الا الدعاء لله ولحلول الغاليه جرين |
الله يكون بعونك
كون حليم معاها ولما تعصب زوجتك حاول انت تكون هادي ومع الوقت بتتعلم الهدؤء |
وش فيكم على الرجال
ليش تدعون المثاليه الرجال يقولكم انها بصقت في وجهه بصراحه امركم غريب |
انت اسبقها قبل لاتعصب واطلع برا البيت ثم اتفاهموا بالرسايل انا وزجي مانهدى الا اذا فارق البيت بعدين نتفاهم بالرسايل
اذا عصبت والله لاتناقشها ولاشيء اسكت السكوت يخيف الواحد اكتفي بالنظرات وعلى طول عالباب لو تقعد بالسيارة تفكر شوي والله راح تهدى وتستغفر وتحل الموضوع بالرسايل لاتنسى اللين والرفق فيها بترجع المياه لمجاريها ...ربي يهديها ويسخرها لك [SIZE=] الرسول عليه الصلاة والسلام يقول <قل خيرآ او لتصمت > اهديها للي تحمسوا وماتمالكوا انفسهم عن كتابة الشر والكلام الذي لايجدي الا بالسوء .. هداكن الله الشديد الذي يمسك نفسه عند الغضب[/SIZE] ودمتم اخواني,, اتمنى اكون افدت الجميع |
| الساعة الآن 02:10 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©