|
كيف اتصرف مع اختي.....
السلام عليكم ورحمة الله وبركاته
كيف الحال اخواتي واخواني.. راح ادخل بالموضوع مباشره اختي عمرها 17سنه من شهر تقريبا لاحظت عليها انها متغيره وانا شكيت بالوضع قمت اراقبها بتصرفاتها حاولت اشوف جوالها مااقدر رقم سري ودايم صامت وبيوم دخلت تسبح دورت جوالها مابقى مكان وبالاخير قلت برنه وبس اتصلت لقيته انتظار يعني تتكلم بالحمام انا خلاص زاد الشك عندي وقبل اسبوع نامت والجوال جنبها جيت وفتحته وللاسف شكي بمحله اختي تكلم ولد ومين الولد الصدمه ولد خالتي الي بعمرها ............. انا انصدمت ومخي وقف عن التفكير انصدمت بالي شفته وقريته ماتوقعت كذا كلام وكلام...... وبالاخير انصدم ان وحده من خالاتي عندها علم بالموضوع ...عرفت من المسجات الي قريتها.. انا فكرت وقلت انا الي بكلمها جيت قبل اسبوع وجلست معاها لوحدي سالتها وقالت ايه اكلمه واحبه وجلست اتكلم معاها وقلت لها هذا حرام ووووووووووووو حاولت فيها واهي تقول لي مو عيب ولاحرام هذا ولد خالتي واهو بعد يحبني قلت لها اي حب اي خرابيط الي بالسر ومن ورى اهلك وبعد الكلام الطووووويل قالت لي خالتي تدري وماقلت لي شي قلت لها بس الغلط غلط عاد خالتك تدري او ماتدري اهي ماتعرف الصح من الغلط شكلها هذا غلط وهددتها تبعد عنه ولاتكلمه احسن قالت لي بكل شده ماراح اتركه......وبقيت اسبوع كل اكلمها مافيه فايده وهددتها بقول لامي قالت لي قولي.... قلت لامي اليوم واهي جالسه معانا امي انصدمت وقالت لها صحيح كلام اختك...؟؟؟ قالت ايه صح اكلمه امي قالت لها وليه تكلمينه قالت احبه وخالتي تدري اني اكلمه واذا عندك كلام كلميها انا انصدمت وفجاه امي عصبت وضربت اختي وانا ماخليت امي تضربها اكثر واخذت الجوال والاب توب من عندها وقالت لها مافيه طلعه الا للمدرسه بس طبعا امي اتصلت لخالتي وقالت لها انتي كيف تعرفين وساكته عن الموضوع..؟؟ماادري شنو ردت عليها خالتي طبعا خالتي جات البيت عندنا بعدها بساعه وعصبت علي قالت لي انتي فتانه قلت لها والله فتانه لاني ماارضى بالغلط والشي الي صار غلط وانتي ساكته وفرحانه قالت لي مو حرام ولا عيب هذا ولد خالتها قلت لها ياسلام والله عذر اقبح من ذنب...... قلت لها مين الي لاعب عليك وقالك مو حرام من متى انقلب الحرام حلال.... وامي كلامها مثل كلامي.... طبعا انا عرفت ليه اختي قالت كذا من كلام خالتي.... حبيت رأيكم كيف نتصرف احين...؟؟ كيف نغير رأيها ...؟؟ |
خلاص قولو لخالتك يحبها يخطبها من ابوها
|
اول شي اختي انتي مو غلطانه والله يقويك ولو كنت بمكانك لصلحت اكثر ماافيه شي اسمه حب الي بيها يجي يخطبها |
أين الوالد عن هذه الأحداث ؟
..... لو قلت لك اسحبوا منها الجوال وعاقبوها بذلك فإن هذا لا يجدي .. فالقسوة مع المراهقين لا يزيدهم إلا عنادا .. إن كان ابن خالتك كفأ للزواج فلم ير للمتحابين مثل النكاح .. أو كانت الماديات لا تسمح فعلى الأقل يتم قرانهما .. وإن كان مراهقا مثلها فأرسلوا له رجلا من عندكم يفهمه بأسلوب لين ويقنعه بحرمة ما يفعل ويحاول أن يصرفها عنه .. أو تكلمه أمك فهي خالته .. لكن بالحكمة والموعظة الحسنة .. |
وعليكم لسلام ورحمة الله وبركاته
انتي ماسويتي غلط اني سويتي عين العقل انقول عنهم حركة طيش بس المصيبه خالتك كيف ترضى عل عيالها الحرام وقولي لخالتك ولدها البيوت لها البواب اذا يحبها ليش ما يتقدم ويخطبها اذا كلامكم صحيح اذا كان يحبها ما يطعن ظهر اهلها بدون علمهم اذ كان نوياكم صالحه وقولي لخالتك ترضينها عل بنتك ان تخونكم من وراكم واذا قالت نعم فهاذي المصيبه لو تقدمو لا ترضون فيهم الناس مايحق الشرف فيهم ما اذا اعترفو في خطاهم وجو وعتذرو لكم الخيار |
جزاك الله خيرا أختي الحائرة على حرصك على أختك
-تصرف أختك تصرف فتاة مراهقة مع شخص مراهق في سنها -الحل تحذيرها من زلاتها وسحب الجوال منها وتغيير الجوال ورقمها الى رقم جديد إنذار ابن خالتك من قبل اخوانك واعطائه درس قويا كي يرتدع ويفككم من شره |
خليه يخطبها إذا كان صادق
قولي لأختك ، بكرة يطفش منك و يخطب وحدة ثانية و يتزوجها و تعيشي إنت بقلب مكسور .. إلخ |
اقتباس:
خالتي الا اهي ام الولد ماتعرف بالموضوع ابدا... وبعدين الولد صغير بعمر اختي كيف راح يتحمل المسؤليه....؟ مشكوره |
اقتباس:
انا عارفه اني مو غلطانه بس انا صرت غلطانه عند خالتي واختي... اهم شي عندي اختي مهما قالو مايصح الا الصحيح بالاخير شكرا |
اقتباس:
|
اقتباس:
مثل ماذكرت بالبدايه خالتي ماعندها علم بالموضوع... المشكله ان اختي مو معترفه بالغلط .....هذا الي متعب امي مشكوره |
التهاون في مثل هذه الأمور يجعلها تكبر , يجب ان تؤدب الفتاة أولا ..
لأن الفضيحة لو خرجت ستشملكم جميعا وستؤثر في سمعتكم |
ماشاء الله عنك تصرقك جيد
بالنسبه انكم تمنعوها عن الجوال وهالاشياء صدقيني رح تلاقي طريقة ثانيه وتبقى على تواصل معه كلمو ام الولد وفهمومها السالفه الي فهمتو انو خالتك عارفه بس مو هي ام الولد مدري !! |
الله يهدي اختك ويحميها
|
انتي مثال مشرف للمرأه المسلمه الغيوره على دينها واخلاقها
اختي اذا كان يحب عادي اذا كبروا يتزوجها اما تكلمه يوم من الايام يكذب عليها ويتركها وبعضهم يقول انا ابي اتزوجك ويضحك على البنت وبعده يسحب عليها اذا اخذ حاجته منها فهمتي ايش قصدي يعني يكون ذئب بشري يطلب منها واذا رفضت يقول ليش ترفضي احنا كم سنه ونتزوج واختي الله يوفقك على غيرتك وخوفك على اختك من الوقوع في الحرام اسال الله لختك الهدايه وان كان لها فيه نصيب يسره لها وان كان غير ذالك فابعدهه عنها (اختى الحائره اسأل الله ان يبعد عنك الحيره ويرزقك بالزوج الصالح الحنون الودود ويارب تسعدك بالدنيا والاخره) |
اقتباس:
اكيد اخاف على اختي خاصه ان احنا في زمن يخوف والحرام انقلب حلال امي سحبت منها الجوال والاب توب.. اما ولد خالتي امي لسى ماكلمته بس انا متاكده ان وصل له الخبر... مشكور |
اقتباس:
يخطبها واهو لسى مراهق ولايعرف شي بالحياة...... قلت لها قالت لي يحبني قلت لها يكذب عليك مو مقتنعه... مشكوره |
اقتباس:
فعلا هذا الموضوع ماينسكت عنه ابدا بس المشكله انها تقول ماغلطت تحبه مو عيب ولا حرام.. مشكوره |
اقتباس:
ايه بالضبط الي عندها علم بالموضوع مو ام الولد المشكله ام الولد امي تخاف عليها لانها كل تعبانه بس امي راح توقفه عند حده.. شكرا |
اقتباس:
الله يهدي الجميع ان شاءالله مشكوره |
[QUOTE=عاشق ذكرى;2490180]انتي مثال مشرف للمرأه المسلمه الغيوره على دينها واخلاقها
اختي اذا كان يحب عادي اذا كبروا يتزوجها اما تكلمه يوم من الايام يكذب عليها ويتركها وبعضهم يقول انا ابي اتزوجك ويضحك على البنت وبعده يسحب عليها اذا اخذ حاجته منها فهمتي ايش قصدي يعني يكون ذئب بشري يطلب منها واذا رفضت يقول ليش ترفضي احنا كم سنه ونتزوج واختي الله يوفقك على غيرتك وخوفك على اختك من الوقوع في الحرام اسال الله لختك الهدايه وان كان لها فيه نصيب يسره لها وان كان غير ذالك فابعدهه عنها (اختى الحائره اسأل الله ان يبعد عنك الحيره ويرزقك بالزوج الصالح الحنون الودود ويارب تسعدك بالدنيا والاخره)انا الحمدلله مخطوبه (عقد قران)والحمدلله مرتاحه[/QUOTE] هلا وغلا اخي بالبدايه اشكرك على ثنائك لي انا قلت لها بالضبط اذا يحبك يخلص دراسته ويصير رجال ويجي يخطبك مو يلعب عليك الي يحب يجي من الباب وولد خالتك دخل من الشباك بس ترد وتقولي مو حرام ولاعيب.. وانا الي عرفته انها طلبت من امي انها تأجل دراستها سنه وطبعا هذا الكلام من الاجازه وانا لما قريت المسجات عرفت انها متفقه معاه تأجل دراستها علشان اهو يتخرج قبلها بسنه ماادري والله كيف تقتنع,, |
خلي امك تصر عليها انها تكمل دراستها ولو قصرت بدراستها او مادت اللي عليها تخبر والدها
اهم شي الان دراستها |
اقتباس:
الحمدلله امي مو مقصره معاها بشي بس المشكله اهي مو مقتنعه انها غلطانه.. لان خالتي الي عندها علم بالموضوع تقول عادي ولد خالتها مافيها شي... شكرا |
حب مراهقه لااقل ولااكتر
لازم تصاحبيها وتخليك جنبها لماتكبر حتضحك على نفسها وحتشوف الولد مره صغير وحتطلع العيوب اهم شي لاتشدوا انتي وامك وتحسوها مراقبه بكل شي هي تقدر توصله بسهوله عن طريق خالتك عن طريق تلفون البيت الجمعات الاهم تقتنع بداخلهاااااااااااااا انو غلط بس ماشاءالله جريئه قدرت تعبر قدام امك |
لاصار الموضوع حب زوجوهم لبعض وريحوا رؤؤسكم ...... خليها عند اهلك وهو عند اهله واشرطوا عليهم لايجيبون عيال بالوقت الحالي ........وريحوا رؤؤسكم .............
|
اقتباس:
مشكوره |
اقتباس:
شنو نزوج فيهم واهم مراهقين وبعدين يكبرون ويتغيرون,,, شكرا |
اقتباس:
لو كدا معليش الغلط كله من خالتك خالتك دي كم عمرها ومتزوجه او لا عشان تقولها دا الشي عادي وتشجعها امك المفروض توقف وقفه مع خالتك وتكلمها لو ابوك عرف كمان وعرف بخالتك ممكن يمنع اختك او يمنعكم كلكم انكم تروحوا لاهل امكم:( |
السلام عليكم انا عضوه جديده اتمنى افيدك بهذه الكلمات الرساله قهرتني كثييييييييييييييييير وحسيت بشعورك من جد شئ يقهر ولاااااااااااازم تتحركون بسرعه هاذول مراهقين يعني العقل بسبات امسكي اختك مره ثانيه وانصحيها بالتي هي احسن وانتبهي تعصبين امسكي نفسك وقولي لها هوبعمرك كيف يتحمل المسؤليه يتحمل مسؤلية نفسه اول
ثانيا ذكريها مايجوز هاشئ تكلم واحد مو محرم لها عشان ذا الحب الؤقت ثالثا اذا تحبه تنتظره لين يصير كفو وبعدين يخطبها بلا مكالمات بلا رسايل!!!!!!! رابعا اذا الكلام الحلو مافاد ارسلي الوالد او اخوانك عند ولد خالتك يتفاهم معاه مفاهمه توقفه عند حده اذا تبيها وتحبها شد حيلك وانجح بدراستك وتوظف وقتها اخطبها وملك عليها وكامها على كيفك وبرضه يااختي خالتك فهموها ان اللي قاعد يصير مايرضي رب العالمين وهي مسؤله تكفووووووووووووووووووووون انتبهوا لها تقبلي مروري |
اقتباس:
والله مو مقصرين معاها لا انا ولا امي ماينفع في بالها مقتنعه المهم انا قلت لامي تكلم تكلم الولد فعلا كلمته واهو بيموت من الخوف لان عارف انه غلطان المهم اختي غيرنا رقم جوالها وانا اراقبها من بعيد من غير ماتحس واحاول انصحها واجيب لها قصص عن الي يصير بالبنات وامي جنبي والله يعين شكرا |
الله يعافيك أختي*
من جد فاهمه وناصحه قوليله تتركه ولاترد ولاترسل عليه وأذا كان يحبهامن جد أكيد بيتصرف بيخطبها |
قولي لأمك تقول لخالتك إذا هو صـآآدق يخطبهآ الدعوى مو كلام وخرط فآآضي
أقـل شيء يحجزها له وأختـك صراحه غريبه ماخافت من أمـك طيب إذا لك اخ يعرف يتصرف وله هييبه خليه يكلمهآ والله يهديها.. |
اذا وصل الموضوع للوالد بيكبر يا اختي وممكن تصير فيها سوالف وعلوم ثانيه ومخارب بين الاهل
الي سويتيه انتي صح 100% ولايعلى على تصرفج اختي وخالتج غلطانه والحين اقل مافيها خطبه بين الاهل حتى لو صغار بالعمر الله يعينك ويسر امورك |
الحمد لله و الصلاة و السلام على رسول الله وبعد
لابد يا أختي أن تفهمين خالتك إذا كان الولد يحب البنت و هو صادق فليتقدم و يخطب و يملك حتى تكون المكالمات حلالا و تكون المكالمات على المكشوف و يرتاحان من الحرام و ما يأول إليه وفهمي أختك إذا كان الولد يريدك فليأتي مع الباب و يخطب ويملك و تكون المكالمات حلالا وبيني لها طريق الحرام و الحلال و أن لا مانع من المكالمات إذا كانت الطريقة مشروعة و أن الشاب يمكن أن يتركها في أي لحظة و لايهتم منها مهما كان و تكون كسيرة حزينة و ربما أصيبت بأمراض نفسية حين ذلك لا ينفع الندم و آخيرا قلي لأختك عرضت موضوعك على منتدى طيب في النت و نرى ردود الناس و هم لا يعرفونني فيجاملونني لعلها تقتنع و إذا أشكل الأمر ارفعيه لأبيك و الله و لي التوفيق |
ان كان يحبها يخطبها وتكون الامور واضحه وسليمه اما مكالمات تضييع وقت مالها لزمه أأبد
|
اختي الكريمة :اختك مراهقة وهي فترة عمرية لها مؤشراتها ويحدث فيها تغيرات بيولوجية وسيكولوجية حادة وسريعة كان الافضل لو تنصحيها لوحدك من خلال التقرب منها وطمأنتها دون ان تخبري والدتك حتى لو استغرق ذلك وقتا لانها بهذا التصرف تعتبرك الان خصمة لها بدلا من ان تكوني صديقة مقربة لها ولكن وان اخبرت والدتك لاتخبري احدا غيرها والدك او اخوانك لان المشكلة ستتوسع وتتعقد اكثر حاولي ان تتقربي منها وتظاهري بانك موافقة حتى تدخاي الى داخلها وتعيديها الى رشدها شيئا فشيئا بالتريج والله ولي التوفيق
|
اقتباس:
قلت لها تتركه بس اهي مو مقتنعه تقول مو غلط.. كيف يخطبها واهو بعده يدرس واتوقع والله اعلم حب مراهقه شكرا |
اقتباس:
المشكله ابوي رافض موضوع الحجز لاي وحده منا يقول اخاف مع السنين فجأه يقول مايبقى البنت وتكون كبرت بالسن وقلت نسبه زواجها.. ما تخاف الله يهديها شكرا |
اقتباس:
مستحيل يخطبها احين.. بعده بالثانوي..واثنينهم مراهقين.. انا كل يومين كذا اجلس واتكلم معاها واحاول معاها... الله يهديها |
اقتباس:
يخطبها كيف مستحيل حاليا لسى بالثانوي واثنينهم مراهقين.. هذا حب مراهقين الله يعين شكرا |
| الساعة الآن 06:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©