صدمتني صديقتي ساعدوني(حلت المشكله)
 

مرحبا جميعا انا اكتب لكم الموضوع وقلبى متقطع من الالم وضاق صدري حيل مصدومه مقهوره مجروحه ... بقولكم السالفه ... انا كان جوال يزعجني مره وضايقني رحت سويت تحويل لجوال زوجي في حالة انشغال الخط عشان يرد عليه ويتفاهم معاه ..المهم السالفه قديمه.. ونسيت اني مسويه تحويل .. المهم مره كنت في الجامعه جالسه مع صديقتي وكان تقول لي اني اتصل فيك يرد علي رجال .. واننه رجع اتصل علي ومارديت .. انا قلت وريني الرقم إلا يطلع رقم زوجي ..كان اقول يوه نسيت اني مسويه تحويل وانا عطيتها مشغول بالغلط ... المهم قلت لعا عادي حصل خير بس امسحي الرقم تكفين .. قالت اكيد بمسحه يعني بخزنه ...واعطتني الجوال وقال امسحيه بنفسك وفعلن مسحته .. وقلت لها لاتزعلين بس انصدمت بوحده من صدبقاتي لاقيتها تكلم زوجي .. وقعدت اسولف لها وش صار .. وعادي جلسنا مع بعض وقعدنا نسولف .. مافيه شي كلش طبيعي والسالفه صارت السبت الماضي ... المهم وافتح إيميلي الحي وإلا انصدم برساله مرسلتها لي صديقتي ابيكم تحكمون هل انا غلاطانه وكيف اصلح الموقف ...وتعطوني حل بس ارجوكم تفاعلو معي هذا اروع واعز صديقه عرفته ماودي اخسره ابد .. اتركم مع الرساله..

بجد مافهمت ليش هي كاتبة كذا

ما استوعبت ولا شي

صارت معها مشادة كلامية
او ممكن تحسست من هذا الموضوع

أختي مالونته لك باللون البني هو سبب المشكلة,وكأنها هي من بحثت وراء زوجك وأخذت رقمه وهاتفته(حسب مافهمت صديقتك من ردك المذكور أعلاه)
كأنك تتهمينها بخيانتها لك..

فلم تجد حل سوى أن تبرر لك موقفها الا بالرسالة السابقة,,

أختي لابد أن تعتذري لها بطريقتك الخاصة,وتخبريها بأنك أخطأتي في التعبير ولم تقصدي مافهته منك..

يكفي كلمتك ؟؟
امسحي الرقم ؟؟؟
هذا يعتبر اسلوب شك فيها ولو صديقة عمر قوية هالكلمة وهي قريبة لك
ويكفي ردها :)
لانها صادقة ؟
يعني تقولك وتوريك ؟
يعني بتحفظة مثلا ؟؟


الشك وعدم الثقة دمار لكل العلاقات علي هالوجود .....................

انا ماشكيت فيها ابد ولو لي لحظه قلت الكلمه بكل عفويه ولم اقصدبها شي ولم اشك فيها بل العكس هي انسانه تخاف الله جدا وراعيت دين بس انا مستغربه ليش كبرت الموضوع المفروض تواجهني ...انا في حيره من امري ..وانتو قريتوا الرساله هي جرحتني كثير بكلامها قاسي وقوي ...

أول شئ انتم الإثنين غلطانيين ..

هي سمحت للشيطان إنه يدخل لها ، و جلست ( تتمنن عليك ) لكن يمكن بدون قصد لإنها انجرحت وو تحسست منك

و إنت تكلمتي بحسن نية و هي زعلت

الزبدة ، لا تتكلمي عن زوجك أمام أحد و شئ اخر ، اتركيها شوي ثم ارسلي لها رسالة و قولي لها
ما قصدت أبدا أسيئ لك و لا عمري شكيت فيك ، بس خفت أحد ياخد الرقم من جوالك ( يعني رقعيها بأي طريقة ) :D

اكيد هي مجروحة لانك شكيتي فيها
حاولي تصلحي الموضوع ياغالية

أختي ..

بإختصار .. أعتقد أن كلمتك لم تكن في محلها واعذريني على هذا الحكم ، وكان من الأولى عدم
طلبك الذي رأته أنه إلحاجٌ بمسح الرقم والذي جعلها تعتقد بشكك فيها وهذا ما جرحها جداً .
يتضح من رسالتها لكِ أنها مجروحة بشكل كبير من تلك الكلمة وقصة البنت اللي كلمت زوجك .
ليس لك من حل إلا الذهاب لها وتوضيح موقفك مع الإعتذار لها عن هذا اللبس الذي وقع .
الله يوفق بينكما ويهدي قلبها ، فالصديق الصدوق عُملة نادرة هذه الأيام .

صدقوني ياعالم انا ماشكيت فيها ابد انا قلتها بكل عفويه ودون اي قصد حتى قلتها وانا امزح ..بصراحه ماادري كيف بواجهها بالجامعه بكرا الله يعين ويكتب الخير ...وبعدين ابغى منكم حل انا عارفه اننا الثنتين غلاطانات بس اعطوني حل..وشكرا لكم جميعا

انتي بحسن نيه ومن غير ما تشعري جرحتيها

يمكن تكون نفسيا تعبانه ولم تتقبل كلامك لذلك التمس لاخيك مليون عذر


راضيها بهديه صغيره ولطيفه ووقت تقايليها اغمريها واعتذري منها


والافضل انو تزوريها بالبيت لان ييمكن تعاتبك ومش حلو انو تتعاتبو امام زملائكم


صحيح ان الايميل اللي ارسلتو قاسي ولكن يدل انها تحبك وانتي روحها التؤم لذلك كلامك اثر فيها كتير


ان شاء الله غيمة صيف وتروح ولكن ما تتركيها الا والقلوب صافيه ان شاء الله


وقولي لها المصارين بالبطن تتعارك

ابشركم الحمدلله حليت المشكله امس في الجامعه ...لما شفتها سلمت عليها وضميتها بقوه واخذت تبكي ..وحاولت احل الموضوع صحيح عندت شوي ...بس لينت راسه باالكلام الطيب ,,, والله يبعد عنا المشاكل اجميعين ويجزاكم خير على التفاعل معي ماقصرتوا..

صافيه لبن ,حليب يا قشطه

وين الحلوان