|
انا وزوجي وسلفتي
السلام عليكم ورحمة الله وبركاته رح ابدا بمشكلتي انا وزوجي اللي مالها حل اساس المشكله هم انه الي سلف هو ومرته جوا ع الرياض من سنه بس ومن يومها بلشت المشاكل سلفتي وحده ما تستحي ابدا دخلت بيتي واستقبلتها والله العظيم بكل طيبه وااحترمتها هي وزوجها (اخو زوجي ) وكانت كل مره تجي عنا تسمعني حكي طالع نازل على اني انا مقهوره منها ونها احسن وحده بالدنيا وضل تنتقد ببيتي مع انه الحمدلله وضعنا احنا ممتاز جدا وحتى زوجي اعطاهم وما قصرمعهم لما كان بحاجة كل ما كنا موفرينه ما يقار 150 الف ريال دين انا بصراحه مليت منها ومن اسلوبها وهي تزوجها سلفي من ورا اهله وبعد ما خلف عرفها علينا وع اهله وصار مطلقها مرتين بسبب قلت ادبها ولانها ضربته اكتر من مره المهم انا قلت لزوجي ما بدي اياها تتدخل بيتي هادي وحده خرابة بيوت اكره ما عليها تشوف تنين مبسوطين وزوجي عارفها وافقني وصرنا نختصرها ع الاخر وبعد فترة صارت تطلع حكي وتقول اني انا سرقت ذهبها واحنا لما عرفنا طار عقلنا كيف تقول هيك حكي راح زوجي قال لاخوه كيف مرتك تقول هيك صار يحكي لاحقك علينا هادي مرتي طبعها هيك يعني بصراااحه سلفي ماله كلمه ع مرته (مثل ابو بدر بباب الحاره) وانا يومها بعتت وبعتلها مسج وقلتلها انتي وحده قليقلة الادب وما في حدا يضبك ومن هالحكي هاد الحكي من خمس شهور من شهر بعتتلي مسجات يومها كانت الدنيا رمضان وبعتتلي مسجات فيها مسبات واهنانات ع الاخر الي ولزوجي واهلي كمان وشي ما بينحكى والله العظيم وانا يومها قلي زوجي لا تردي عليها قمنا بعتنا المسجات لحماي وعيلت زوجي ع شان يشوفهن الكل حرررام ما قصر وقفوا معنا وهالحين ما بيحكوا معها وقلولي ابدا لاتردي عليها ولاتنزلي لمستواها وسكتت المشلكه مبارح صارت بيني وبين زوجي لما كل يوم بيحكي مع اخوه ويقعدوا يضحكوا ولا كأنه في شي ولا كأنه زوجي هانته مرت اخوه وسبت علي بيجي يقلي هاد اخوي وما بستغني عن اخوي ولا عمل شي زوجي ولافتح السيرة مع اخوه ولا حتى اخد موقف من اخوه انه زعلان مشان يحط حد لمرته ومبارح اجا يقولي سكري ع الموضوع وممنوع ينفتح السيرة وخلصنا منها انا بتصرف لحالي بعدين قلتله تتصرف كيف تتصرف وانت ولا كأنه صار شي تتضحكوا ومبسوطين وقلتله انه انت ما بتحبني ولا بتدافع عني وانه ما عندك كراامه وصار يسب ويغلط فيني كلمه منه وكلمه مني وصلت للشيطان الرجيم بيننا وطلع من البيت للساعه 3الفجر والله فقعت يعني بدنا نخليها دايما تسبنا وتشتمنا وتبعتلي رسائل ونضل نضحكلهم الله ياخدها ونرتاح منها هادي شر العيله كلها ع فكره كمان نص العيله بيعانوا منها |
اشلون تتهمك بسرقه وزوجك مايحط حد للموضوع
وادا زوجهاا كيخه ومالو كلمه عليها زوجك مالو دنب |
أختي الله يهديك الموضوع بين الحريم,والأخوان علاقتهم ببعض ممتازة,
ليش تحرجين زوجك مع أخوه بأن ياخذ موقف منه؟؟؟ أنتي اقطعي علاقتك فيها من بعيد ومن قريب وينتهي الموضوع.. |
اقتباس:
والله يا اختي واتهمتني ومثل ما قلت راح قال لاخوه وحكاله هاد طبع مرتي وانتهت القصة |
اقتباس:
والله يا اختي كنت اقول مثلك بس الامور زادت عن حدها طيب لما ينسب زوجي بالمسجات اللي تبعتلي اياهم وتقول انه نسوجي وتبع بنات ومن هالحكي مشان توقع بيني وبين زوجي وانسب انا كمان يضل ساكت |
اااااه نسيت اقولكم كمان انه اول ما اجت ع الرياض اجت عندي وشافت صاحبتي عندي واخذت تلفونها ع اساس حبتها وصارت كل يوم تدق ع صاحبتي انها بدها تشوفها وصاحبتي تتهرب منها لاني حكتلها عنها ولما ولدت صاحبتي راحت عليها وقلتلها انه زوجي بيحكي عليكي بشرفك وعن سمعتك وانه احنا بنكرهم عشان توقع بين زوجي وصاحبه والله العظيم هاد اللي صار ويومها طردتها صاحبتي واجت قالتلي شفتووووو شو اعمل فيها |
أختي الكريمة
صلة الرحم واجبة ولا يمكنك الضغط على زوجك لاجبارة على ترك اخوه أو قطيعته أو فتح أشياء فيها مشاحنات بينهما هذه المرأة التافهة لا تستحق اي ذكر وتعاملي معها كأنها لا شيء يذكر فهي عدم محض وصفر على الشمال كلنا نصادف في حياتنا نماذج خسيسة كهذه لست انت وحدك وان كنتي إمرأة حكيمة فسوف تعرفي كيف تتعاملي مع هذه المشكلة بكل هدوء من غير ان تخسري زوجك فينقلب ضدك وتكوني وحيدة في المعركة ، انت الان منتصرة عليها مادام أهل زوجك على إطلاع بمجريات ما يحدث فلا تجبري زوجك على فتح معركة مع أخيه من أجل إمرأة ليس لها ادنى ادب ولا ذوق اقطعي العلاقة معها تماماً ولا تردي عليها ولا تحسسي زوجك انك تكبري الموضوع فوق طاقته والله ولي التوفيق والاحسان |
شكرا لك اخي ع الرد بس الواحد غصب عنه بينفعل من هالاشكال وخصوصا لما تكون مبسوطه وواثقه انه ما حدا بيحكي معها |
الأخت الفاضله أم ثائر
هذه المرأه أغلب من عرفها من الرجال والنساء نبذها وراء ظهره , بسبب سوء أخلاقها وبذائتها . زوجك رجل عاقل , وأدرك هذه النقطه تماما , ولذلك هو اختصر الطريق على نفسه وقرر ألا يقطع علاقته بأخيه بسبب أمرأه سيئه , بل إن زوجك لم يقطع علاقته بأخيه فحسب , ولكن قوى علاقته به أكثر . تصرف زوجك صحيح وحكيم , وهذه المرأه لا خوف منها , لأن الناس عرفوا معدنها الفاسد , واحتاطوا منها , ولا أحد سيصدق تفاهتها , فلا تهتمي لأمرها إطلاقا . ساندي زوجك , وفقكم الله |
اختي زوجك صح ... ليش يقطع علاقته باخيه ؟؟؟
الاخ ما عمل شي ... نعم اتفق معك ما وقف زوجته عند حدها الخ بس انتي ما تدري اللي صار بينهم لا تربطي علاقة سلفك بزوجته .. بعالاقته باخوه فهذا اخوووه و مستحيل يتخلوا عن بعض خاصة و انه ما سوى او قال عنكم اي سؤ برايي صلي على النبي و ولوقفي مع زوجك و خليه يقوي علاقته باخوه و صدقيني كل ما كانت علاق الاخ قوية فيكم و باسرته كل ما زادت زوجته غيظ و قهر لانه هدفها تفرق الاخوة و تزرع المشاكل لا تنوليها هذا الهدف و لا تخسري راحة بالك مع زوجك بسببها طنششيها ة اعتبريها مجنونة و مثل ما يقول المثل العيب اذا طلع من اهل العيب ما يبقاش عيب |
اقتباس:
والله معاكي حق بس هما الاثنين مبسوطين ومع انه زوجي انهان بس لوانتي مكاني وحده ينبعثلها فوق 5 مسجات مسببات وسخه واظل ساكته رح تفكر انه ضعف مني وحتى زوجها عمره ما حب اخوه بيضحك عليه بس بيضل ياخد منه فلوس |
يمكن سلفك ماالو كلمة على زوجته شو تعملي مافيكي تغيري
واذا خليتي زوجك يقطع اخوكي شو رح تستفيدي ؟؟؟! بتمنى تجاوبيني |
اقتباس:
يا اختي انا مقهوره من زوجي كل ما افتحله السيرة يقلب علي ويصرخ في وجهي وكأنه واقف معهم لازم يكون عنده شويه كرامه حتى لوكان اخوه (الغلط غلط) ولا يعني مشان اخوه لازم نتحمل قرفها ونسكت وهاد بيكبر راسو وراسها |
ام ثائر بطلي تفكري فيها وراح ترتاحي بس طلعيها من حياتك الاجتماعيه
|
اقتباس:
اظن زوجك بقلبه عارف و منكر لكل أفعالها لكن لا يريد ان يسمع منك النقد ! يعني لو سمع النقد من أمه او اخته يوافقهم لكن منك (أنتِ من خارج العائلة ) لن يسمع لك و السبب ربما خوفه من ان تتكلمي على بيت أخوه لأهلك او صديقاتك معلش يا أم ثائر سايري زوجك و خليه يوصل أخوه ، و لا تتكلمي حتى تشوفي انه ممكن يتفق زوجك مع اخوه على شي يوصل زوجته بكم مرة أخرى حتى تفهمي كلامي ، تخيلي تماماً لو ان عندك أخت و زوجها سيء الأخلاق !! و انتِ تحبين أختك و لكن زوجها انسان لا يحبه أحد بالتأكيد زوجك سيكره علاقتك بأخته و بالتأكيد سيتكلم على بيت أختك بالقبيح و انتِ سترفضين ان تسمعي ذلك عن بيت اختك !! تخيلتِ الموضوع ؟ لا تنسي أجر من يصل رحمه فأعيني زوجك على وصل أخوه ، لكن بحذر !! الله يعينك على سلفتك كل عائلة فيها انسان او انسانة مثل سلفتك و العاقل من يحافظ على ترابط العائلة بدون مشاكل أو جرائم !! اصبري و لك الاجر ان شاء الله |
أختي أتمنى منك أن تكوني أكبر من الجرح لتستطيعي معالجة الموضوع دون تدهور علاقة زوجك بك ولذلك عليك عمل بعض الامور:
1- زوجك من خلال وصفك رجل طيب فيه من الكرم وحب مساعدة الآخرين الشيء الكثير وكذلك هو حكيم في تصرفه مع أخية وعدم قطع علاقته به فعليك أحترام رغبته وواجبه تجاه أخيه.... 2- واضح من الموضوع أنك مستاءة كثيرا من تصرف سلفتك معك ومع زوجك لكنك لم تحسني التصرف بأن أردتي من زوجك قطع علاقته مع أخيه بسبب هذه المرأة ولأنه أختلف معك في هذه النقطة زعلتي وكدتي أن تهدمي بيتك من أجل أمراة لا تستحق الذكر!!! كان عليك أن تشكري الله لأن زوجك وقف معك وتكلم مع اخيه حول زوجته وكلم العائلة ومنعك من ذكر مشاكلها في المنزل فضلا عن استضافتها.... أختي عليك أن تعيني زوجك في توطيد علاقته بأخيه فقط وسيكون لك الأجر الكبير من الله وستنالين اعجاب زوجك بك لأنك رغم الم الجرح وغم تصرفات سلفتكي لم تمنعيه من صلة رحمه... 3- انتم على ما فهمت في غربة فلستم من السعودية لكنكم تسكون فيها وهذه نقطة تحسب لصالح زوجك وتدل على طيب معدنه بوقوفه مع أخيه وكذلك تحسب لك بالقيام بواجب الضيافة.... أن كنت تريدين أن تننهي سلفتك من ازعاجك عليك التشاور مع زوجك بأن ترسلي لها رسالة تهديدينها بالشكوى عليها عند الهيئة بسبب رسائلها المزعجة... أعتقد أنها سوف تتوقف عن ازعاجك بسبب التهديد. 4- كوني مع زوجك ما دام في طاعة الله ولا تجعلي خلافك مع سلفتك يؤثر على علاقتكما فهي لا تستحق أن تشغلي نفسك بها فضلا عن أن يكون لها محلا في حواراتكما. والذي أعتقده أن زوجك لم يرد فتح موضوعها في البيت لأنه لا يريد أن يكدر صفو علاقتكما بذكر من لا تستحق التفكير بها... أتمنى أن تكوني المعين لزوجك في السراء والضراء وأن تحافظي عليه وتحترمي قراراته المنسجمة مع التعاليم الاسلامية |
طيب لو كان العكس ....زوج اختك يتكلم عن زوجك؟؟؟انتي معقول تقطعي علاقتك باختك لان زوجها قليل ادب؟؟
لاتدخلي زوجك بالموضوع ولاتحاولي تفرقي بينه وبين اخوه بسبب سلفتك |
زوجك معه حق ...
المشكلة صارت والكل على حد علمك عرف أنك مظلومة وقالوا لك اتركيها خلاص ... يعني مفضوحة ... فلماذا تصرين على أن تتأثر علاقة الأخوان ببعض بسبب هذا الموضوع والمسكين لا حول له ولا قوة .... أعتقد أنك أخذتي حقك بوقوف أهل زوجك في صفك وهذا كافي في حفظ الرحمن ،،، |
والله معاكم حق وشكرا الكم على وقوفكم بجانبي في المشكله بس هلأانا وزوجي ما بنحكي مع بعض بصرااحه لانه عصب وشتم وصار يسب يعني الواحد شو ماكانت المشكله يقولي كلام بمعنى مسبات وقدام الاولاد والله بعرف انه بحبني كتير بس كيف رح ارجع انا احكي معه |
عادي قولي حبيبي انا فكرت كتير مافي احلى من الاخوان مع بعض شو ماصار بالدنيا وانا كنت معصبه ومابتهمني غير راحتك ورضاك عني
موفقه,,, |
والله مالك حق تخلينه مايتواصل مع اخوه... وسلفتك انسيها الله مايخلي الظالم
وعيشي حياتك مع زوجك |
| الساعة الآن 04:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©