|
تربطني بشاب من أقربائي عاطفة حب !!
السلام عليكم وأنا ضيفه جديدة وقديمه يعني دايم أجي زيارة واليوم قررت
التسجيل ,, أنا عندي مشكله ودي تشاركوني الحل .. أنا بنت مو متزوجة تربطني بشاب من أقربائي عاطفة حب عذري يعني الحمد لله ما بيني وبينه أي علاقة لا تليفون ولا غيره مجرد عواطف ومشاعر قبل ثلاث سنوات تفا جئت بزواجه من وحده ثانيه وكان السبب هي أمانتي لان عندي أمانه من شخص وكان احد أهله يطالبني فيها وأنا رفضت وقلت ما رح أسلمها إلى للي حطه عندي فقامو ونتقمو مني وزوجه وحده ثانيه وكانوا دايم يذكرون على مسامعي انه مستا نس ومبسوط مع زوجته بعد سنه وثلاث شهور جاء الخبر المدوي وهو طلاقه لها فكانت صدمه بعده بفترة زوجوه من وحده ثانيه تقبلت الأمر وطلبت من الله التعويض ادري انه ما نسني لأنه يتتبع أخباري وهذا ما وصلني ,, قبل كذا شهر دخلة أحد المنتديات بعد فتره سجلت رسمي بعد أربعين دقيقه من التسجيل دخلت منتدى الشعر وإذا بأحد الأعضاء كاتب بيت شعر وكاتب اسمه وإذا اكتشفت انه نفس هذا الشخص إلي أحبه عرفني من لقبي ,, بعده طوالي حطيت بيت شعر أحاول من خلاله إني افهمه إن كل شي أنتها وان كل منا لازم يرضى بنصيبه بس هو ما أستسلم طنشة وطنشة وطنشة بس ما فاد .. في الأيام السابقة بداء يلمح بأنه طلق زوجته الثانية وانه راح يتقدم لي بدوري أنا أعلنت انسحبي رغم معارضة أدارة المنتدى لأني عضو نشيط عندهم اصريت وانسحبت ,, قولو لي الحين وش أسوي لو نفرض انه تقدم لي أقبل أو لا !؟ وكلام الناس وش راح يقلون عني وأنا على قدر كبير من الجمال (والله هذا مو مدح لنفسي بس هذا الواقع ) وانسحبي من الموقع تصرف صحيح أو لا ؟ شكري وتقديري |
أختي الكريمة/ أتفق معاكِ في قرار انسحابك من المنتدى وأرى ضرورة الابتعدا عن كل السبل الموصلة لهذا الشاب الذي طلق مرة ويفكر يطلق مرة ثانية ولا أستبعد أن يطلق للمرة الثالثة والرابعة، وأرى بأنه والله أعلم غير كفأ في التفكير به كزوج مطلق ويفكر أيضاً بالطلاق.أشغلي نفسك بما يعود عليك بالنفع في الدنيا والآخرة واسألي الله الثبات على دينه والزوج الصالح المرضي في دينه وخلقه ودمتم بخير.
|
اقتباس:
أول مشكور عالرد ثاني شيء أنا مابي أظلمه أقول الحق (هو أنسان كل بنت تتمناه أخلاق عاليه أنسان الكل يستغرب من صفاته الحميده ) مشكلته انه أنظلم بختيار الزوجه الأولى والثانيه .. انا ما قول الكلام تحقير بهن بس الفرقات بينه وبينهن كبيره ,, الأولى ما توقعة انه يطلقه لآني ما عرفه بس الثانيه الى متوقعه 80% انه يطلقه من يوم خطبه .. بختصار هو ضحيه لأهله وختيارهم له .. |
دام إنه ضحية أهله ، فهذا مو كفو زواج ؟
بكرة يبهدل فيك و يرمي كل أغلاطه على أهله |
مااتوقع انه لهالدرجه مالو كلمه عشان تقولي انو انغصب بالزواج ومرتينت
كل شي الواحد ينغضب فيه ماعادا الزواج وبالذاااااااات للرجل افضل شي انك انسحبتي من المنتدى والابتعاد عن كل شي ممكن يوصلك به عشان لايقول لسا تبغاني ومن هالكلام الله يوفقك ويسعدك |
وهو وين شخصيته يوم اهله يغصبونه يتزوج مرتين والله لو انه بنت ما قدروا اهله يغصبونه الظاهر والله اعلم ان ضعيف الشخصيه والله يعين الثالثه اللي بيتزوجها :25:
|
استخيري عزيزتي اول إذا تقدم لك
ماتدري وين السعادة الله حاطه لك لو تحبيه بــــــــــــــــــــجد لاتتركيه لأهله تقدري تروحي تسكني بعيد عنهم لا تخسريه تعيشي مع واحد تحبيه افضل بمليون مـــــــــــرررة الله يوفقك عزيزتي ويكتب لك اللي فيه الخير |
يظهر لي و الله أعلم أن هذا الشاب غير ناضج و لا يزال يتصرف بطريقة مراهقة
بنات الناس مو لعبة كل يوم يتزوج و يطلق و بالتأكيد لما طلق مرتين و استهون موضوع الطلاق لا مانع لديه من الطلاق مرة أخرى لا تنسي يا اختي أنك ان تزوجتِ هذا الشاب ستضعين نفسك محل مقارنة مع زوجتين سابقتين و قد لا تكونين الأفضل و لذلك و بكل بساطة قد يطلقك أنتِ أيضاً أو على الاقل يمكن يرجع إحدى زوجاته (ولا أعجب من ذلك على الاطلاق) و من حاول التواصل مع فتاة أجنبية فترة زواجه لن يتردد بالتواصل مع زوجاته السابقات في حال زواجه من الثالثة فلا ترمي نفسك في وادٍ عميق قد لا تخرجي منه إلا مجروحة و نادمة أنتِ بكر و تستحقين البكر و الطيبات للطيبين وفقكِ الله لما فيه الخير |
اقتباس:
حركتك مالهاا اي داااعي اكيد كل شي منتهي بينكم ولا ماكان تزوج واللي يسمعك يقول كاان ملاحقك الرجااال يعني انتي كنتي بطريق وهو بطريق وفتحتي على نفسك باب لك وله بعدين تبي تنسحبي؟ماكان تكلمتي من الاساس اصلا وبعدين هو رجااال شطوله شعرضه يغصبوه اهله بزواااج اجل بكره يقولوله طلقهاا بثلاث يقوم يطلق وانتي بنفسك قلتي انهم حااقدين عليك يعني خلاص ودام انك على قدر كبير جدا من الجمااال اصبري وبيجيك نصيبك وش حاادك على مطلق مرتين وماعنده شخصيه بالعربي طرطوووور واهله مايحبووك؟؟؟؟؟؟ |
اقتباس:
بنهايه هم أهله وش نسوي !!! مشكوره عالمرور الكريم .. |
اقتباس:
سنه وأعتقد انه أستغلت ظروفي وأبعد عني ,, مشكوره عالمرور .. |
اقتباس:
مشكلته انه حباب (يعني فيه طيبه زايده ) مشكوره عالمرور |
اقتباس:
أختي انا مو مهتمه من أهله لآن أمه وأبوه ناس طيبين ومن ناحيت خواته معلي منهن والي مطمعني فيه أنه ( بار في والديه ويصلي ولا يدخن وحباب وصدره وسيع ) بس مشكلتي في كرامتي .. مشكوره عالمرور ,, |
اقتباس:
وفيه شيء ما قلته ان زوجته الأولى ماهي أخذه له اي أعتبار يعني حتى الطبخ ماتبي تطبخ وهذا الي سمعته من وحده من قريباته ,, مشكوره عالمرور |
حبيبتي هذا زواج
لا تقولين طيب ويسمع كلام أهله يا أختي ربي لسبب ما صرفه عنك .. فلا تتعلقي بسراب وخيال |
اقتباس:
انتي متعلقه فيه وتحبينه تتصرفين لحظته لا شعوري ,, وناحيت النصيب تقدملي كذا شخص بس مو حاسه اني مرتاحه لهم وأطلع الف حجه وارفض ,, تشكراااااااااات عالمرور .. |
اقتباس:
الا ادور على حل وفي النهايه الخيره فيما أختره الله .. تشكراااااااااات عالمرور .. |
اقتباس:
والله رأيك اعجبني.........هو اصلا لو حبك كان ما رضي انه اهله يزوجوه غصب او وحدة ما بحبها وما بدو اياها........بعدين بنات الناس مو لعبة يتزوج ويطلق مهو مش فارقة معه كتييييييييييير.......برأيي كصبية طنشيه وبكرة بجيكي الي احسن منه موفقة يارب |
انسحابج من المنتدى تصرف صحيح
لاتفكرين فيه كثييير..واذا تقدم لج واحد طيب وافقي ولاتضيعين عمرج بوهم اذا هو كان يحبج ليش ما رفض اختيار اهله واصر عليج؟؟؟ |
شوفي ..
مطلق مرتين .. تعرفين المطلق غير عن البكر .. جرب ثنتين قبلك .. أكيد بيقارن بينك و بينهم .. أشوف .. لا تفكري بعواطفك .. خلك منطقيه أكثر .. ع فكرة مشاعرك ما بدأت بعد .. بس مجرد إعجاب لا أكثر .. المفروض أن تنتهي من هالمرحله بمجرد خطبته الأولى .. ما ينفعك يا بنت الناس .. لا تخافين أول ما بتتزوجين .. تنسين كل هالاعجاب .. برمجي مخك كل يوم أنك ما تحبيه .. إن شاء الله تتزوجين بشيخه .. لا تتبعين أخباره .. و لا تحاولين بأي شكل الاتصال به .. و إذا حاول يتصل فيك .. طنشيه .. يعني الحين عرفك .. خلاص بيعه .. إنسان باعني مرة يبعيني ملايين بالمستقبل .. شوفي لو طلق من المرة الأولى ... المرة الثانيه إذا هو يحبك فعلا فكر فيك .. ما عرف .. صلي استخااارة .....بالتوفيق .. |
اقتباس:
أول مرة تزوج غصب عنه ، ثاني مرة كمان غصب عنه ؟؟؟؟ دام إنه تزوج غصب عنه مو بإرادته ، ليه يوم طلق زوجته ماحد غصبه يخليها على ذمته ؟ ليه ما تقدم لك ثاني مرة المهم ، بعدي حالك عنه و خليه مع زوجته الثانية يشوف حياته و لو وحدة مكانك ما راح ترضى به |
السلام عليكم أخوتي الكريمات ..
أولا" أشكر كل من قدملي النصح من قلبه وهذا ليس بمستغرب لانه يجمعنا دينن واحد حثنا على الترابط والأخلاص والنصح الدئم لبعضنا البعض .. هناك تتطورات لمم تكن بالحسبان ماأقول الا الله يعين وييسر أمري وأمركم وجميع المسلمين تحياتي وشكري للجميع عالتفاعل الرااائع ... |
حاولي تلغين الفكره هذي من راسك
وواجهي مستقبلك |
لا تتعلقي في وانسيه لانو لو بيحبك كان ما تزوج غيرك حتا لو غصب,,
تقبلي مروري |
بعطيك معلومه ..
الشاب غير عن البنت .. صدقيني .. إذا حب .. يسوي المستحيل عشان يخطب اللي يحبها .. مثل المجنون .. حتى لو يرفض من أهلها يتم يحاول .. حتى و إن كان سنوات .. لين ما تتزوج يمكن يتم فترة يتبع أخبارها ينتظر لحظه انفصالها .. إذا له نصيب فيها ياخذها .. و إذا المعارضه من اهله .. بعد نفس الشئ .. يحاول و يحاول .. حتى فيه حالات ما يرضى يتزوج لسنوات إلا أن ينجبر أهله بس إذا كانت اللي يبغيها مجنونه و تنتظره .. أما هاللي تحبينه ما يستاهلك .. آسفه .. بس لا تفكرين فيه .. الله يعوضك بواحد يحبك و تحبينه .. و بالتوفيق .. لا تنسينا من صالح الدعاء .. |
انتي شكلك بتحبيه موت وعاجبك كثير ومقتنعه فيه .. وفي هذه الحاله راينا ما راح يغير شئ
وما اقول الا الله يوفقك ويباركلك |
السلام عليكم أختي هل أنت متأكدة أن سبب طلاقه في المرة الأولى والثانية هو تعلقه بك؟ قد يكون هناك سبب آخر.. لذلك لا تؤملي حتى تتأكدي من السبب في طلاقه للزوجة الأولى والثانية.. الآمر الآخر والذي ذكرتيه وهو أن أهله زوجوه انتقاما منك وبالتالي لن يرضوا أن يتزوجك ولو تزوجك سوف تبقين معه في مشاكل بسبب أهله لذلك أرى أن تصرفي النظر عنه كون الأحداث لا تبشر بحياة مستقرة تحياتي لك ،، |
السلام عليكم أولا" أشكر جميع من قدم لي أنصيح وثاني" ان صرفة النظر عنه وعن غيره
في الوقت الحالي لآن فيه مشروع على الإنتر نت كان حلمي اني أسويه والحين الي جتني الفرصه ومابي أضيعه من أيدي والزواج لاحقين عليه وبنسبه له هو الله يسر أمره وأمر جميع المسلمين أخواني وأخواتي أرجوكم أدعولي ان الله يوفقني بمشروعي ويعيني عليه وأني أتمه باكمل وجه وبشكل الي يرضيه سبحانه وتعالى ,, |
| الساعة الآن 10:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©