|
صديقتي ,, فيها غموض كيف افهمها ؟
السلام عليكم ورحمة الله وبركاته :
باختصار : أنا لي صديقة .. لاوالله مو صديقة .. بل توأم روحي وحياتي وحبيبتي أموت عليها ... بيني وبينها توافق عجيب ... تعرفت عليها ايام الجامعة بس مازالت علاقتنا مع بعض قوية واتصالات على طول .... هي طبعا كانت تدرس طب بشري .... وحاليا تشتغل طبيبة في قسم الباطنية .... بصراحة كل شي فيها عجبني تفكيرها رأيها ذوقها ..... هي استاذي الاول في الحياة ,,,, لكن ........ وحدة من قريباتي تشتغل ممرضة عندها في المستشفى .. ومرة قالتلي ... صديقتك الله يهديها متبرجة .... تلبس كعب وبنطلون تحت اللابكوت ... ونقابها واسع .. وفوق كذا تكحل عيونها وتحط عدسات ,,,, بعدها انا سألتها ,,,, وانكرت كل الكلام هذا بشدة ... وقالت ان البنت حجابها هو دليلها اذا كانت محترمة او لا ,,, ,,,,,, ومشيت الموضوع ,,,, ولكن ,,, لاحظت عليها احيانا في كلامها ,,,,, << اصبحت تهون من موضوع المعاكسات بين الشباب والبنات اذاكانت مكالمات محترمة !!!!!,,,, وانه احيانا يكون وسيلة للتعرف على طبيعة الجنس الاخر أكثر واكثر ,,!!!! وان البنت الذكية ماينخاف عليها .... ودايما ,,,,, كل ما أكلمها تعتذر مني << لان الماسنجر يدق ,,,,, حاولت اعرف مين تكلم في الماسنجر ,,,, هي تقول انهم زميلاتها في العمل ,,, والفترة الاخيرة صارت ماعاد تكلمني كثير زي اول ,,, وقبل كم يوم فاتحتها بموضوع (المعاكسات ) وانكرت عليه بشدة ,,,, وانه قلت حيا ... والبنت الشريفة مستحيل تكلم اي رجل ايا كان !!!! انا استغربت ... طيب وين كلامها اللي قبل ........ ما ادري يمكن تموه علي او تصلح غلطتها ,, عشان ماآخذ عنها فكرة سيئة ,,,,,, ومرة قالت لي في دكتور عندها بالمستشفى أمه لبنانية ,,, وخطبها ووافقت عليه واهلها وافقو خلاص ... وزواجها مايطول .... وقبل كم يوم سألتها متى موعد زواجك .......... قالت اي زواج !! اصلا هو ماخطبني ولا حاجة بس انا شكيت انه يبغاني !! بس طلع مايبغاني ! انا بصراحة عجزت افهمها ,,,, صار كلامها متناقض ,,, يعني تقول شي .. وبعدين اكلمها عنه بعد فترة ..... القى كلامها تغير تماما .... مع العلم انها اكبر مني ب 3 سنوات ,,, صرت اشك فيها .... مع انها كانت قدوتي في كل شي .. بس حاليا صرت ماافهمها ابدا ......... لماقلت لامي عن موضوعها قالت : يمكن صارت تنسى وماتركز بكلامها عشان ضغوط العمل ... (( وهي فعلا دايما تنسى ... مواقف كثيرة اذكرها بيها القاها ناسية تماما )) انتم ايش رايكم ؟؟ |
هي صارت تتهرب منك لأنكما وصلتما الى مفترق طرق في الاتجاهات والمبادئ والتي كشفتها حياتها العملية ...
وهذا طبيعي حدوثه بين أقرب الأصدقاء ... هي إن كانت لطيفة معك الآن فهذا مجاملة لك وإكراما للعشرة التي كانت بينكما ... رغم ضيقها من انتقاداتك لتوجهها وإن لم تعبري عنه صراحة ولكن يظهر بأكثر من شكل وصورة ...أبسطها سؤالك لها عن تبرجها في العمل !! وهي الآن قد تكون محاطة بمجموعة أخرى من الصديقات - إن صح إطلاق كلمة صديقة - يشابهنها في التفكير .... فكوني مستعدة نفسيا لمجموعة المطبات التي ستمر بها صداقتكما والتي قد تنتهي خصوصا مع استنكارك لبعض تصرفاتها واستشعارها لهذا الاستنكار ... فإما ان تنصحينها وانت مستعدة نفسيا للإفتراق .. أو طنشي إذا كنت ما زلتي تريدينها صديقة كما هي ... في حفظ الرحمن ،،، |
كلامك مرررررررة حلو يارسيل ...
انا بالفعل حسيت .. لان الطب عالم آخر ... وانا ماني مستعدة ابداً اني اخسر صداقتها .... لاني احبها وأغليها وهي نفس الشي .... ياما ساعدتني .. ووقفت معاي مواقف صادقة .... وهي حنونة مرررة وقلبها طيب .... ماراح اترك صداقتها ... وماراح يفرقنا الا الموت .. بس يضايقني انها صارت تنسى .. وصارت قليل تكلمني ... بحاول اني مااناقشها في الامور هذي .. لانها عاقلة وتفهم .. بس انا عندي فضول زيادة ... مشكورررررررة حبيبتي على ردك المحكم |
اتذكر ايام المدرسة انا وصديقاتي نقول مستحيل نترك بعض ومنضل نزور بعض ومن هالكلام الحين صرلنا سنتين خلصنا بعض خلاااااااااص كل وحده انشغلت
الي تزوجت والي صار عندها اطفال او اشتغلت مااقول نسينا بعض بس مشاغل الدنيا فرقتنا يعني لاتلوميها ياغاليه |
اقتباس:
بس انا مو مجرد صداقة .... انتي عارفة انه أول مرة بحيـــــــــــــــــــــــــــــــاتي كلهــــــــــــــــــــــــا ألقى انسانة تفهمني وتحتوي تفكيري ومشاعري .... ربي اعطاها مواهب عقلية ... واحساس قوي .. ونظرة صائبة ..وذكاء اجتماعي .. وذوق رفيييييييييييييييع ... من جد حبيتها اقسم بالله اني افكر اقول .... معقولة اذا تزوجت بيكون زوجي اغلى منها !!! لاني مااتوقع القى انسان يفهمني كذا .... يعني احيانا تكون عندي مشكلة بس ابدا اتكلم كلمتين .... الا ترد علي بكلام يبهرني .!!!!!!! كيف فهمتها بالسررررررررررعة هذي ... أما باقي صديقاتي ... على قولتك كل وحده انشغلت بحالها وماعاد نتواصل مع بعض غير بالعيد وخلاص .. وبصراحة مايهموني ... حتى صداقتنا كانت تمشية حال بس .... مشكووووووورة على ردك والله يتمم زواجك على خير يارب |
اقتباس:
أنا مع هذا الرأي الصائب الله يحفظك يا رسيل أختصرتي علي و وفرتي حبر المنتدى .. :d وآضح من كلامك عندك مرونة ماشاء الله تخليك تتكيفي مع التغيرات من حولك:30: الله يوفقك يارب و ييسر أمرك ويهدي صديقتك لطريق الحق |
اقتباس:
الله يسعدك يارب ... بس ايش اللي خلاكِ تقولي انه عندي مرونة ؟ انا صحيح اني مو تخصصي طب مثلها بس يعتبر قريب منها ... انا " كيمياء حيوية " وهي دايما تقولي " الكيمياء الحيوية " ابداع هي الطريق للاكتشافات والابحاث .... وانا ان شاء الله طموحي ان اصير استاذة في كلية الطب ... لانهم يدرسون هالمادة .. وانا دايما اقولها الكلام هذا ويعجبها مني .... لانها هي تحب الطموحين مرة بس تقهررررررررني انها ماتصارحني ... وداااااايما مشغووولة ألف شكر لك يامشرفتنا الحلوة |
اقتباس:
اعمق المشاعر اقولك شي ماتصدقين كان عندي احساس ان تخصصك كيمياء انا تخصصي أحياء دقيقه بس توجهي شرعي يعني بعيد عن التخصص والي خلاني احس بهالأحساس تفكيرك من خلا ل مواضيعك وحبك للنظريات:d عموما الأخوات ماقصروا بس لا تتركينها انصحيها بأسلوبك على تبرجها ماعليه اصبري عليها,,, ولاتصارحك خايفه من انتقادك او نصحك لهاقتقول بلاش اقولها |
اقتباس:
لا لا لا ... مستحيل انصحها ... يكفي ... لانها بعدين راح تمل مني ... واصلاً عقلها اكبر من عقلي .. وحاليا حصلت على الزمالة ماشاء الله ... انا صرت ادور مقاطع حلوووة مرة عل اليوتيوب وافرجها عليهم ..ويعجبها ( وخاصة الاشياء الاجنبية مرررة تعجبها ) واحيانا ادور حكم او قصص نادرة او اختبارات شخصية ... عشان اقولها لها لما أكلمها ... يعني ابغاها تستانس معي وماتمل مني ... وحتى دايما ابحث عن مستجدات في الطب في في مجال تخصصها واقولها عنها ,,, ويعجبها ودايما اطور مهاراتي في اللغة الانجليزية .. لانها احيانا تستاذني 5 دقايق ترد على زميلاتها وكل كلامهم انجليزي ,,, وبعدين اعقب على كلامهم << يعني بوريها اني فهمت كلامهم :30: ابغى تستمر صداقتنا لانها اغلى انسان في حياتي ... بس برضو ماحس انها مكتفية معاي تماما .... اخاف تكون تجاملني مع انها زمان كانت مقتنعة في ويعجبها تفكيري .... بس بعد الوظيفة تغيرت .. نسيت اقولك .. انا اكره الاحياء ... واحب الكيمياء ... لانها كلها نظريات على قولتك :23: |
اقتباس:
وينك اعمق المشاعر لي فترة عنك صديقتك فيه كثير زيهم ,,,,,,,,,,,,وحده من زميلا تي ايام الدراسه ايام الكليه كان بيني وبينها تواصل بس من خذت الماجستير وربي ماعاد ادري عنها انا قلت يالله يمكن انشغلت بالدراسه وبناتها مدري اكلمها او لا لأني مانسيت العشرة الي بينا بس من جد احس صار فيها شوية شوفت نفس يالله معذوره الأحياء الدقيقة حلو دراسته وفيه متعه بس من تخرجت تمنيت ان تخصصي شريعه افضل وانا احب الكيمياء مررررررة انا اكلم نفسي ادري :d اعمق المشاعر فيه كتاب له فترة بالمكتبات يمكن تعرفينه اسم الكتاب ابتسم لتكون اجمل,,,,,,,,,,,,,,للدكتور مريد كلاب نصيحه مني لايفوتك الكتاب تراه شي:) |
اعمق المشاعر اكتب رد وينمسح مدري ليه وانا كذا مرة اقرا كلامك صراحه ماتنفهم صديقتك يمكن عشان وظيفتها فيها غموض ؟؟؟؟؟؟؟؟؟ وانصحيها لأن العمل الي هي فيه له دور ماراح تمل منك تعاليلها باسلوب |
الاشياء الي ذكرتيها امور خاصه للشخص نفسه ....اذا انتي مو مقتنعه لاتحاولي تقنعي غيرك ....... دعي الخلق للخالق ..........انتي ماعليك الا بالنصيحه ....لكن النصيحه تختلف من شخص لشخص وتختلف حسب الزمن ......ونوعية الشخص ....فانتي حينما نصحتيها لم تجيدي لذلك وشكرا لكم
|
اقتباس:
والله كلامك صح << كل شخص لديه قناعات لايمكن احد يغيرها وبعض النصايح تعل القلب < خصوصاً لما ينصحك واحد أقل منك بس انا مو هذا قصدي ,,, انا قصدي ودي اقوي علاقتنا مع بعض يعني ودي نرجع زي اول في السكن الجامعي كنا في نفس الشقة ناكل ونشرب مع بعض وتنام عندي في غرفتي وانا انام عندها يعني بيننا ميااااااااااااااااااااااانة أقسم بالله العظيم انها اعز من اختي اللي جابتها امي ,, وفي لحظة كذا تتغير علي << والله العظيم ترى مو شعور سهل ... ودي نرجع زي اول بس ماادري شلون ,,, مع انها دايما تقولي : انتي اعز صديقة تعرفت عليها بحياتي بس الشغل هو اللي مايخليني اكلمك على طول .. ياما تمنيت انها تترك الطب كله ... هذا وهو شغل اجل وشلون لو تزوجت ,,,, احس غصة بحلقي منها ,, |
عزيزتي اعمق المشاعر
نصيحتي لك لاتدققين كثير ع تصرفاتها ,,,وخليك عادي معها ,,,,شئ طبيعي الحياة تآخذ الواحد احيانا من صديقة وهنا تتميز الصداقة الحقيقية ,,,,مهما كان هناك بعد في الاخير لايجد هذا الصديق الاصديقه الذي عاش معه احلى الايام والساعات خليك وسط ,,,,,لان في حياتك اشياء اهم من ذلك كثفي تركيزك عليها ,,,ولاتدعي انسان من البشر يأخذ من حياتك اكثر من حجمه . اذا انشغلت فأنتي لديك مايشغلك اليس كذلك ؟ |
| الساعة الآن 04:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©