|
زوجي يريدني انام بالمجلس
السلام عليكم ورحمة الله اخواني واخواتي انا من المتابعين ومن اشد المعجبين بهذا المنتدى الرائع منذ سنوات .. لكن كنت اكتفي بالقراءه والاستفاده . حتى الان فقد حدث شيء اريد ان تنصحوني بخصوصه .. لا اطيل عليكم . انا جامعيه متوسطة الجمال متزوجه منذ 15 سنه تقريبا . علاقتي مع زوجي جيده ولو انني اكتشفت انه خانني عدة مرات لكنني تسامحت . المهم بعد انجابي لطفلي الثالث وبعد ان خلصت الاربعين غيرت شكلي وتزينت وطلبت من زوجي شراء سرير لطفلنا حتى انام في غرفة نومي لاني كنت في نفاسي انام في مجلس الحريم . لكن زوجي قال بعدين الحين الجو حار ومكيف الغرفه مايبرد زين خلكم هناك افضل . والحين صار عمر طفلي 3 شهور . وزوجي لما يبي مني شي خاص يناديني لغرفة النوم . وبعدها يبيني ارجع انام في المجلس . صارحته قلت له بعد المخده يبعد الموده واخاف يصير عندنا برود وتموت قلوبنا ويصير هذا الوضع الدائم . لم يرد الا انه قال: هذي بس أوهام. انا خايفه من هالتغيير . مع ملاحظة ان زوجي ما تغير بالنوحي الثانيه من حيث المصاريف والمعامله عامة . لكن علاقتنا الخاصه خفت جدا . والله مدري وش اقول . بس عندي مخاوف كثيره . وابيكم تنصحوني . جزاكم الله خيرا ... [/COLOR] |
معرفك يحكي لنا المعاناة التي يجدها العضو الكريم إذا أراد اختيار الاسم المستعار عند التسجيل .. :)
كلمي زوجك في الموضوع ، وحاولي معه ، وعطل المكيف ليس عذرا ، و عليه أن يبادر بإصلاحه .. ونومك في المجلس لا يعني أنه لا يريدك معه ، لأنه من الواضح أن زوجك من النوع الكسول ، و يبدو أنه لا طاقة له في إصلاح المكيف حاليا .. :) |
يمكن عنده اكتئاب مؤقت ... استني عليه ...
معلومة : المرأة اكثر استقرار نفسي من الرجل ..... والرجل اكثر عرضة للاكتئاب من المرأة بنسبة الضعف |
ارجعي لغرفتك فورا
الليله نامي قربو احسن يتعود على بعدك الزقي فيه حبيبتي وقولي اذا انت تقدر على فراقي انا لا اقدر الزقي فيه وقت النوم وقولي له مشتاقه لحضنك يدفيني ,مشتاقه احس بجسدك قربي مهما قال وتحجج يكون جوابك :انا معك وقربك نار برد حريق معك ,بالمطبخ ,بالصاله ,بالحمام معك ما يصدقو نبعد الزقي حبيبتي ولو انو كل شويه تقومي للغرفه الثانيه للبيبي ولكن ارجعي غرفتك |
ابدا المكيف مو عذر يعني انتو يجيكم حر وهو يقدر ينام بالحر اكيد لا
روحي اليوم وسوي نفسك نايمه قبل لايجي ولو صحاكي قوليله انو انتي مشتاقتلو وصارحيه الي بقلبك |
شغلت المكيف مو عذر حبيبتي انتي لازم تعرفي السبب مو يقولك اعذار تسكتي وتروحي تنامي لوحدك
روحي اليوم وناامي معااه مثل ما قالو اخواتي الي قبلي سمعيه كلامات حلوه تخليه يحن عليك |
شوفي حبيبتي الحين خذي اغرضك كلها وارجعي لغرفتك واذا سالك ايش جابك قوليله بصراحه امس صمعت اصوات وخفت على نفسي وعلى البيبي وماقدرت انام وانا مرررررررره محتاجه حضنك ليا اذاخفت انت الامان بعد الله وبس لاتخليه يتعود على البعد تراه يسبب الجفا بينكم والله يصلح الامور
|
اقتباس:
وهذه الحركة الأنوثية تروي غرور كبرياء الرجل مهما يكن جربيها فعلا وستجدي ما لم يكن بالحسبان :26: وفقكم الله |
اذا تقدري انك تعتني بطفلك وتقدري تسمعيه من غرفة الزوجية لا تتركيها ..
ما ادري وش فيهم رجالنا ؟؟؟ من رمضان وانا الاحق زوجي ...مرة يروح ينام بالصالة ..يقول هناك أبرد ...أحط فراش جنبه وانام ...يروح الغرفة الثانية ..يقول أهدى... أروح السرير اللي جنبه وانام .. وبالنهاية رجعنا غرفتنا ... الظاهر حس انه مافي مني فكه هههههههه الصراحة انه كان بداخله ينبسط لما شاف اني ما أحب البعد عنه ....وكأنه كان ينتظر يتأكد . عنادي اننا ننام بغرفة وحدة نابع من تجربتي ... قعدت سنين واحنا ننام بغرف منفصلة وكانت علاقتنا الخاصة مثل ما وصفتي وما صحيت الا لما وصلنا لمرحلة فقدنا فيها كل معاني المودة والسكينة ..ووصل كل واحد فينا لقرار الانفصال ... طبعا في أسباب ثانية أدت لهذي النتيجة لكن كان هذا أحد أكبر العوامل المساعدة ,,الحمد لله الحين انصلح الحال . تفسيري يجمع بين تفسير أخونا أعمق المشاعر وبين رأي أختنا جرين ... الظاهر عنده شعور انك مستغنية عنه بطفلكم الجديد ويحتاج تاكيد عملي منك بأنك ما تستغني عنه ... يحتاج انك تصري على رجوعك لمكانك الطبيعي .. |
مع قرين بكل كلمه
|
عادي روحي لغرفتك ورتبيها وعطريها وخلي الامر طبيعي واذا قال شي قولي الجو بارد ما يحتاج مكيف
|
مو لازم طفلك في سرير افرشي له فراش مريح غي الأرض وروحي جددي مفرش سريرك واذا جاء الليل نومي قبله والزقي فيه مثل ما قالت الاخت قرين حفظها الله
|
اقتباس:
صـــراحه ضحكتيني الله يهنيكم ببعض انا بعد النفاس فارق الغرفه يقول ازعاج :15: وانا منقهره منه قلت له ايه هذا اللي تقول يقوي العلاقه الا خربها خخخخخخ بس بسلامته الله يغنينا عنهم :21:.. |
جزاكم الله كل خير على تفاعلكم ... باحاول ان شاء الله . بس اني خايفه .مع ان الطفل اطباعه زينه ولايبكي بالليل . بس اخاف يبكي ويعصب زوجي .. انا خايفه انه يبي هالوضع بشكل دائم لانه دايم جلسته مع اخوانه الكبار وهم شياب ينامون بغرف منفصله عن حريمهم . اخاف قالو له وخصوصا ان زوجي بلغ الاربعين ومن يومها متغير شوي .. كل شوي يقول كبرنا كبرنا على اي سالفه . ومرات اقول يمكن يبي يتزوج ويبي يمهد لي ويعودني على البعد عنه . مع انه ماقد جاب طاري الزواج نهائي . لامزح ولا جد . عموما هو ماهو من النوع المزوح . المهم اليوم الصباح لما جيت اصحيه للدوام لقيته مطفي المكيف ونايم بدونه . وجو الغرفه حااار . مدري كيف متحمل . انا عادي اقدر انام او اتنيوم بالاصح في هالجو .. بس البيبي كيف ؟؟ ما ادري انومه بغرفة اخوانه ؟ اخاف ما اسمعه اذا بكى . ويطلع شكلي سخيف جالسه الاحق زوجي على حساب ولدي. |
هلا حبيبتي انا مع انك ترجعين لغرفتك وبسرعة
انتي بالأول خلي البيبي معاك وانتي قلتي ماشاءالله انه هادي وانتي من خوفك من يقعد ويبكي رح تصحي له من النوم وذا ما نفع وزوجك انزعج منه المفروض يستحمل وانتي لا تتنازلي بالمرة ونيميه مع أخوانه خلي عندك سماعة عشان تسمعيه وقت لي بكى والله يوفقك حبيبتي يااارب |
اقتباس:
المهم تكوني بغرفتك .... لو ما قدرتي ولا بأي حال فعلى الاقل اقضي اخر ساعة من نهارك بفراش زوجك ... يعني كوني معاه باخر ساعة أو نص ساعة ... مجرد سوالف أو قراءة قرءان أو أي كتاب ..المهم شي تسويه معاه حتى ما ينقطع حبل المودة .. لكن هذا اخر خيار لانه ما يعادل الوضع الطبيعي .حاولي قد ما تقدري انك تكوني بغرفة زوجك وطفلك بغرفة اخوانه . الشتا على الابواب وربك يهونها :) |
اقتباس:
ما أقول يغنينا عنهم لكن يسخرهم لنا ويسخرنا لهم .. ما أحلاهم ساعة الصفا وما أقساهم ساعة الغضب .. الله يسخر لك زوجك ويحنن قلبه عليكي |
| الساعة الآن 05:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©