|
لو خطيبتك (زوجتك) بادرت بمسج ..؟
السلام عليكم ورحمة الله وبركاته
مادري كيف ابدا بس كل اللي ابغاه منكم الرآي السديد انا من السعودية<<عشان تكونو في الصوره مخطوبة لقريبي من 3 سنوات وصارت النظره الشرعيه من سنه ونص والملكه من 10 ايام والملكه كانت ملكة رجال فقط لاشفت خطيبي ولا جلست معاه مع انه كان يتمنى يجلس معايا بس ماقدر يطلب وايام الخطوبة ماكان بيننا تواصل فقط هدايا بالمناسبات العيد رمضان .. المشكله انه خطيبي من قبل الملكه كان يبغا يضيفني ع الايميل كان ماخذ ايميلي بس كان يبغا انا اللي اضيفه ومره اخته دقت علي قالت انه خطيبي زعل ارسل لي مسج ومارديتي عليه وقلت ماوصلني شي قال لاخته ارسلت لها مسج ع الايميل خلاص انا علي المسج وهي عليها الاضافه مدري شالحكمه من اني ابدا بالاضافه وفوق ذا المسج ماوصل الظاهر ارسله لايميل ثاني بالغلط المهم انه دحين بعد الملكه بيوم اخذ رقمي من اخته يعني رقمي وايميلي عنده بس للحين مادق ولا ارسل وباقي ع الزواج شهر و 27 يوم مدري ليش محتفظ بالرقم الايميل ؟ وللحين مابادر باي مبادره والغريب انه بعد الملكه بكم يوم كانو رايحين السوق هو و اخته وامه يشترو اثاث للبيت وطلب اني اروح معاهم طيب كيف اخرج معاكم برفقة امي طبعا وانا مو ماخذه عليك ولا كلمتك صعبه على طول رفضت غريب امره يبغاني اطلع معاه ولا يبغا يكلمني انا ودي اكلمه صراحه ودي اتعرف عليه اكثر وارتاح له قبل الزواج وودي اختار اثاث بيتي واشاركه بالاثاث ودي اعيش احلا اللحظات مثل مااسمع فيها مشكلتي حالمه ورومنسيه ودي احب انا مو طالبه شي الا بالحلال ودي احب زوجي ليش يحرمني من هالشي :( ماودي اتزوج بشخص ماعرفه الا يوم الزواااج انا خوافه وانطوائيه مالي طلعات ولا دخلات لو قابلت بنت او حرمه اول مره اشوفها ارتبك وماعرف اتكلم شلون رجال!! مليت انتظر مسج ع الاقل الظاهر انه مطول او مو ناوي كلمت اخته غريبه اخوك مادق قالت شكله مستحي هو صح حياوي بس طول ماصار حيا صديقتي تقول هو مايبي ولما قلت لها يستحي قالت مافيه رجال يستحي ! ناس تقول ابدي بمسج وناس تقول طنشي لين يدق وانا ماحب انا ابدا كنت اتمنا المبادره تجي منه اخاف انه مايبيني او حس انه ندمان او تسرع وش اسوووي انصحوني اتمنى وجهة نظر الشباب لو زوجتك بادرت بمسج |
حبيبتي أنا بقولك شي
أنا ببدايه خطبتي يمكن مر أسبوعين لا أتصال ولا مسج منه طبعا بس تدرين أنا الي بادرت بمسج والحمد لله صأر يبادلني نفس الشي .. لان زوجي تقريبا زي خطيبك حيوي .. ومايعرف كيف يتصرف .. يعني أنا ما اشوف فيها شي لو أنتي بأدرتي لانه زوجك وحلالك .. وبالعكس راح يحس أنك مهتمه فيه وصدقيني راح يبادر نفس خطيبي .. الله يسهل أمرك .. ويسخره لك .. أخت هديل الجرح .. |
في رجال يخافون من المبادرة مثل زوجي
انا كنت ابادر وعادي بالعكسس عرفته اكثر حاولي تبادرين لأنه زوجك مو غريب |
الله يوفقك .. لا تستعجلي ( من وجهة نظري )
حكمي عقلك واستخيري قبل لا تخطي أي خطوة .. موفقه |
اختي هذا زوجك
بعدين مين قلك انو مافي رجال تستحي ؟ يمكن اختي هو خايف يضيفك او يرسلك مسج وتكون عندك ردة فعل تدايقه يعني انا مااعرف انتو لي تعتبرو الموضوع غلط هو زوججججك يعني لازم تفهمي شووي قبل الزواج عشان لاتكوني تحلمي بشي ومتوقعه شي وبالاخير تنصدمي |
لو مكانك ما أتصل ولا أرســل
أنتظريه هو اللي يبدأ لأنه بيقول عنك جريئه |
اقتباس:
صدقت كلامهم بس حين غيرت فكرتي:22: واسآل الله ان يسعدك مع زوجك ويسخركم لبعض |
اقتباس:
اسال الله لكم السعاده وان يسخركم لبعض يارب |
اقتباس:
|
اقتباس:
وانا من اول كل ماسالني احد اذا يكلمني اتعذر انه يستحي :25: مشكوره حبيبتي ربي يسعدك يالغلاا |
اقتباس:
|
لا أبد لا ترسلين له
بس إذا طلب تروحين معاه تختارين الأثاث روحي مع والدتك لا تكلمينه أبدا الرابط بينكم أمه وأخته ووالدته بعدين بيتجرأ أكثر ويكلمك رأيي إنك لا تبدين إنتي لو ايش حتى لو خفتي يجي الزواج وما كلمك وش المشكله مو تملكتو خلاص وصار زوجك الثقل صنعه |
اقتباس:
|
هذا زوجك ، و شباب الأيام هذه ما يحبوا البنت اللي دمها ثقيل
مافيها شئ برأيي ترسلي له رسالة ، بما إنه من قبل حاول كم مرة يتواصل معاك ؟ |
رايي .. أحلى يكون اول مسجات ليست من البنت ..
براحته ما يبا يكلمك .. عاادي .. طااف .. لا تخافين رقمك عنده .. هو يبى يكلمك أكثر مما أنتي تبغين .. طنشيه .. لا تبدين .. بس طرشيليه هديه مع أخته و في كلام عادي .. بمناسبه مثلا أنه باقي ع زواجه اي فترة معينه .. + صورتك و فيه ورد بطريقه جديده شوفي أحلى شئ عند اللي يسوون الورد . ممكن تكتبين آخر الرساله .. بيتن شعر و حطي رقمك و إيميلك .. و إذا مرة ثانيه طلب أنه يطلع معاك عادي إطلعي و كأنه غير موجود .. بس إذا كلمك ردي .. و إذا ما رد .. ممكن ترسلين رساله صباح لأخته و هي إطرشها له .. عااد بيستحي و بيتصل فيك .. أشوف أحسن من أنك تكلمينه .. الله يوفقك |
بجد هـ الفترة فيها تعقيدات غريبة
واحد مرة مايكلم وواحد يكلم يوم ويوم وواحد يوميا وكلهم مايعجبون الست أنا ودي اكلمها يوميا بس بصراحة أخاف أطفشها واذا كلمت كل يومين مثلا أخاف تقول عني مغصوب يكلمني ذا !! < قلب الموضوع دردشة وقام يسدح مشكلته هع ـ ـ ـ ـ ـ ــ ـ ـ ـ ــ ـ رأيي يا ستي هو . . ليه لازم الرجال هو اللي يبدأ صح العرف هو اللي يتكلم وهو اللي يتصل وهو اللي يثرثر لين ينبح صوته بس وش فيها لو صار العكس ؟؟ خلاص زوجك حلالك صار يعني كلميه وقت ماتبين عادي اطرحي الحاجز اذا هو ماقدر يطرحه وصدقيني مابيقول عنك جريئة بالعكس بيكون لها وقع حلو في قلبه أنا خطيبتي مرة اتصلت علي تقول شخبارك ومن هالحكي مع إن المكالمة ماطولت ولا أخذت فوق 10 دقايق بس وربي لها وقع غيييييير من جد مكالمة غير عن كل المكالمات نصيحتي ابدئي بلا ثقل بلا هم أتمنى يتغير عندنا مفهوم ان الرجل هو المبادر لابد تكون المبادرة من الطرفين اذا الشاب قصر البنت تقوله واذا العكس هو يقولها ليه معقدين الحياة !!!! |
ارسلي و لا ترسلي :)
اتبعي طريقتي :) شوفي ارسلي كلام لصديقتك ( مثلا يافلانة انا منتظرتك جاية اليوم و لا لا ؟؟ او اي شي من هذا القبيل و ارسليه له على اساس انه بالخطا:) و بعدين ارسلي رسالة بعدها له ...مضمونها انك اسفة و الرسالة بالخطا فا اكيد بيرجع يرسلك عادي مو مشكلة و تبدأ الرسايل تهل :) الله يسعدكم |
دآم أنه مآ بآدر , فأشوف أنك تبآدري برسآله على جوآله
تكون رسميه نوعـآ مآ .. مثلا يصحى الصبـآح يلقى رسآله منك تصبحي عليه فيهـآ , وتسأليه عن حـآله , وأن شاء الله يبعد الحآجز هذآ , وتكونوآ أقرب أكثر من الأيام البآقيه والله يكتب لكم السعاده في الدآرين , :) |
.. امممم مجتمعكم شوي صعب .. يعني اذا ارسلتين مسج .. يمكن يفرح ويبادلك المسج بعشر مسجات .. او يمكن يقول هذه جريئه !!
..ماراح اقول لك ارسلي مسج او لا ترسلي .. مثل ما قلت لك مجتمعكم شوي صعب .. .. لكن ليش ترفضي انك تروحي معهم السوق لاختيار الاثاث !!! .. روحي وخذي معك امك او اختك .. وطبعا .. هو راح يحاول يسلم عليك .. ويسئلك .. وانتي ردي عليه .. .. واذا عجبك شيء من الاثاث .. المرافق لك يقول له : فلانه تقول عجبها طقم الكنب هذا .. انت وش رايك ؟؟ .. وطبعا هو راح يقول رايه ويمكن يقول لك تعالي شوفي هالطقم .. وشوي شوي راح يتجرأ .. ويتكلم ويمكن يتصل .. .. الحين لازم تخبرين اخته انك راح تنزلين السوق معهم لشراء الاثاث .. هذا بيتك ومملكتك الخاصه .. كيف ما تكون على ذوقك ..!!! |
احس مبادرة الخطيبة بمثل هذي الامور ما هي زينة و تكسر شيء في نفسية الرجل الذي يحب دائماً ان يكون هو المبادر بمثل هذا الامر , كما بادر قبل ذلك و خطبها من اهلها ,,
صحيح ان مبادرة الفتاة ليس حراماً لكن يظل الافضل ان تنتظر المبادرة من خطيبها , لكن اذا طال الامد و لم تجد اي مبادرة منه فلا بأس من ارسال رسالة عامة كأذكار الصباح أو أذكار الجمعة على سبيل المثال ثم تذيلها بان المرسلة خطيبتك فلانة |
في البداية الله يوفقك ويتمم عليك ويرزقكم الذرية الصالحة
يا اخواني .. الرجل في باله انه ارسل ايميل وان الايميل وصل يمكن اخته ما وصلت له ان الايميل غلط او شي زي كذا .. حطوا نفسكم في مكان الرجال ، الرجال ارسل ايميل ما جاه رد ، طلب من زوجته تجي معه علشان يختارون الاثاث رفضت ، هو بيفهم انها ماتبي تتواصل معاه .. في رأيي أنا انك يا اختي توصلي لاخت زوجك عن رغبتك وحماسك في مكالمته ولو بطريقة عفوية او مثلا تتصلي عليها وتقولي تسألي عن شي معين في البيت وتقولي وش راي فلان اللي هو زوجك لانك تبغي تعرفي يعني عاد ماشاء الله احس انكم كويسين في هالناحية ( إن كيدهن عظيم ) . وبالتوفيق ان شاء الله |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©