|
تعبت جدأ مع زوجي
السلام عليكم مساكم خير
تردت في البدايه هل اكتب مشكلتي او لا ؟ هل اقول اللى في خاطري ؟ اه تعبت مع هذا الرجل عجزت افهمه وكل عصبيته وجنانه يقول انتي السبب اذا سكت ما يعجبه واذا قلت الصراحه زعل جاملت غيرت حاولت نقاش حوار عادي برضوا لا ياربي والله عجزت لا ادري كيف ارضيه مشاكلنا كثيره خصوصا بعد رمضان كل بعد يومين مشكله وكلها تافه اشياء مالها داعي اذكر منها في العشر الاواخر من رمضان قالي روحي الايام هذي عند اهلك وخذي راحتك وقبل العيد اجي اخذك قلت انا لا ابي العيد عندهم قال خلاص ومعك اجازه مفتوحه طيب الامور تمام كانت تصير بعض المشاكل البسيطه ويعصب بس كنت اتفداها واحاول انهيها بشكل حلو .......... المهم يوم العيد كان الوضع تمام الساعه عشره رجعنا لبيتنا قال اذا ودك اوديك عند اهلك الان مشينا قالت لا اذا ريحنا وبعد صلاه العصر نروح تمام رحت وجلست وعند اهلي اليوم الثاني دق على جوالي وكان على الصامت وقت العصر وشوي يدق على جوال امي قال ليه ماترد على جولها المهم بعده على طول دقيت عليه مارد بعد نص ساعه رجع ودق على وينك ليه ماتردين وليه وليه حاولت اشرحله وابين له بس عصب وسكر بعد المغرب ارسل رساله يعتذر طبعأ مادقيت عليه رجع ودق علي في الليل قال بكره اجي اخذك قلت لا سولف معي شوي ما قول سوالف بس كانت جدالات اكثر منها سوالف ... يوم الاحد قالي محتاجه شى اجبلك اغراض قلت براحتك طبعأ جاء في بيت اهلي وجاب معه اغراض وسألته انت عادي عندك اقعد قال خذي راحتك طلع شوي دق على قال عمتي يقصد امي.. قالت ليه جابلك اغراض قلت كان عند مشوار قريب عندنا وقلت جيب معك اغراض وانت مارنا حاول يستفسر اكثر قلت امي تمدح فيك عجزت مدري وش اقوله يوم الاثنين دق علي قالي ان اهله راحوا الشرقيه قلت وش رايك نروح احنا بعد قال لا انا ماالحق الناس قلت عادي مافيه شى حاولت معه بس كان رافض قلت براحتك وكنت صايمه هذا اليوم الله يسامحه والله تعبني وانا عند اهلي قلت برتاح ومارتحت وانا عندهم .... والله كنت واصله حدي خصوصا بعد مكالمه الفجر تخصمنا وكلنا عصبنا كان يقولي متى اجيك بكره قلت ماادرى قالي حددي قلت انا الان مرهقه وابصلي وبنام اذا صحيت ارد عليك وعصب اكثر وضطريت اسكر الجوال في وجه وقفلت جوالي بعده دق على جوال امي وخبر امي بكل مشكلنا الى كانت تصير بينا بالله عليكم هذا وقته وكان يوم عصيب او فجر غريب ومتعب وكنت صايم بعد الظهر دق على مارديت ارسل رساله يعتذر ويقول وش رايك نروح الشرقيه المهم بعد المغرب وجاء اخذني ورجعت معه وانا والله كاره وكانت محاضره طويله عريضه انتهت الفجر انا اذا قلت له انت سويت كذا قال لا انتي السبب وكل المشاكل يقول انتي السبب اه والله عجزت افهمه لحد الان واحنا في مشاكل نروق يومين ثلاثه ونرجع مره ثانيه تخاصم اخرتها اليوم بعد اخذ اللى يبي قلت ودني اهلي قال متى تجين قلت مادري بكره اسبوع اسبوعين ماادرى قال ليه قلت نفسيتي تعبانه قال وانا بعد تعبت وماراح اوديك عطيني قرار نهائي انتي تبين الحياه او لا وربي اني كنت تعبانه ومضغوطه وماكل ولا انام زين كله من المشاكل اللى بينا وقلت له طلقني قال ايه انتي من زمان تبين كذا راح ادق على امك وادق على ابوي واقولهم كل شى قلت عادي اهم شى ارتاح وانزل عند عمتي اللى هي امه حكى لامه كل شى وحكى لابوه وبعد جدال طوييييييييييل حطني انا الغلطانه حاولت اهدى انا قلت خلاص بس ودني قال وش قرارك النهائي قلت خير انشاءالله بس كان ودي اطلع وارتاح في قراره نفسي انا تعبانه ومحتاره هل انا غلطانه يارب تفرجها .............. اعذروني على الاطاله ... |
شكلكم عرسان واول سنه زواج ترا الوضع في البدايه ظغط بعدين تهدون مره
ومو حلو تدخلون احد بينكم ابدا حتى لو كان امك وامه او ابوه مشاكلكم في بيتكم ماتطلع لانه لو اتصالحتم انتم تنسون واهاليكم تبقى في قلوبهم امك تشيل عليه وامه تشيل عليك وانتم نايمين بالعسل |
وين عصبيته وجنانه يالحبيبة :) أردت الذهاب لأهلك أرسلك ...حددت الوقت والكيفية ...يسألك رأيك بكل شيء ...
يودك بزيارة وأغراض واتصال .... يحاول ارضائك ويجد منك العصبية .. اتصل وما رديتي لسبب خارج عن ارادتك ومالك ذنب ... بالبداية أظهر تضايقه وعصبيته لكن عند سماع عذرك وبعد أن هدأت نفسه اتصل مرة اخرى واعتذر .... لو تعرفي كم عدد الرجال اللي يعتذر عند الخطأ .... يمكن العدد بالسالب هههههه اختي ..زوجك يحبك جدا وواضح انه مو واصل له شعور متبادل منك ..مو حاس بحبك له .. كل اللي ذكرتيه مشاكل عادية تتغلبي عليها بتفهمك لاسباب تصرفات زوجك ... هو أرسلك لاهلك بالعيد حتى تنبسطي لكن واضح انه افتقدك وما قدر يستغني عن وجودك معاه بالعيد .. شعر انك استغنيتي عنه وما صدقتي وانك تروحي أهلك وتنسيه والدليل انك ما رديتي على أول مكالمة له ... أقول انه هذا كان شعوره وسبب عصبيته وما أقول انه هذا اللي صار ... حاولي تشعريه باهتمام أكبر منك ..اسألي انتي عنه أول ما تروحي أهلك وما تقطعيه بالمسجات ...خليه يحس انه على بالك حتى وهو بعيد عنك . اختلفتو على مشوار ...تروحوا أو لأ ....عادي جدا وكل واحد وله وجهة نظر ...شنو اللي كان أفضل ..انك تنسي المشوار على الشرقية وتقتنعي برأي زوجك وتظلي مرتاحة معاه وممكن تعوضيها بمشوار ثاني أو طلعة على مطعم أو غيره ... وللا اللحاح اللي صار منك والعناد انه لازم يصير اللي ببالك وتصير مشكلة ونكد ؟؟؟؟؟؟ ومع ذلك رجع زوجك وقرر تروحوا لما شاف انك زعلتي .... يعني ما هان عليه يشوفك زعلانه ... لو صارت معي وشفت زوجي يقدر احساسي بهالشكل ويسوي شي مو مقتنع فيه بس عشاني أروح أحب راسه وعينه واقعد جنبه وما ابي طلعة من الاساس ... اذا الصيام يتعبك ويخليك مو قادرة تتحملي زوجك بلا منه الصيام وتاخذي ثواب أكثر باحتوائك لزوجك . شوفي أختي مشاكل المنتدى وشوفي الازواج النكدين والخاينين والاستغلاليين .. واحمدي ربك على زوجك ولا تجحدي بالنعمة حتى لا تنحرمي منها ... أتمنى ما تتضايقي من كلامي قصدي الاول والاخير مصلحتك...أنا ما أعرفك ولا أعرف تفاصيل عن حياتكم غير اللي ذكرتيه ورأيي وردي بناء على اللي ذكرتيه لنا ..اذا في أمور ما ذكرتيها يكون حال ثاني ربي يحعلك قرة عين زوجك ويجعله قرة عين لكي ويآلف بين قلوبكم ويحنن قلوبكم على بعض ..يا كريم :) |
حبيبتي هدي نفسك من كلامك زوجك صديقيني يحبك
وعن سالفة يوم العيد شكله تضايق لنك رحتي بيت أهلك ولا وده يزعلك ويمنعك ولا يبين انه متضايق من روحتك لأهلك بيوم العيد وبعد ما قدر يمنع نفسه من الاتصالات وطلع عصبيته كلها عليك وثاني سالفة الصراحة ما فهمتها زين سوري بس عندي تعليق يوم قلتي له ودي لبيت اهلي وسألك كم بتقعدين ... تراه صديقي يحبك وما يبي يوديك بيت اهلك وانتي زعلانة وقام يتحجج عشان ما تروحين وتهدين وبالأخير دعائي لكم الله يهديكم ويسعدكم ... |
زوجك طيب مره بس انتي ماعرفتي له
تصير هالمشاكل هذي بسس انا مااعتبرها مشاكل اكثر مااعتبرها حب واهتمام غيري وجهة نظرك تجاهه وان شاء الله تتحسسن احوالك وانتي حتى حساسة شوي امور زي هذا المفروض مانعتبرها مششاكل اعتبريها ( سوء تفاهم ) والله لو تفقدينه بتبكين دموع القهر والدم الله يخليهم لنا يارب |
ياقلبي انتي شكلك عروس :) ربي يسعدكم و يهنيكم
حبيبتي صراحة و بدون زعل اشوفك غلطانة عندك زوجك طيب و يحبك و يلبي امورك و انتي بصراحة متدللة شوي مو معقول كل شوي وديني بيت اهلي .. وديني بيت اهلي ترى حتى لو قالك عادي بوديك .. هو بينه و بين نفسه يتمنى تقولي له لا نفسي اعيد معك . اقعد معك .. ماقدر انام بعيد عنك يحس انه له قيمة بحياتك و انك ما تقدري تعيشي بدونه مو كل شوي نفسيتي تعبانة و ديني بيت اهلي اعتقد والله اعلم مشاكلكم نابعة من هذه النقطة من احساسه انك لسه تفضلي اهلك عليه انه لسه غلاوة اهلك اكبر من غلاوته ياقلبي خلااص انتي اتزوجتي .. يعني المفروض بيت اهلك يالله تروحي يوم بالاسبوع تسلمي عليهم و ترجعي بيتك . نصيييحة حبيبتي .. استسمحي زوجك ... و بينه له انه كنتي تعبانة وو الحمدلله صرتي احسن و خلاااااص نبدأ صفحة جديدة وحااولي حااولي تتعودي و تعوديه ماتناموا الا بجنب بعض كل ليلة عوديه ما يصبر عنك .. بتتعبي اول الايام و بتشتاقي لاهلك لكن امسكي نفسك و استحملي و اتعوودي ما تنامي الا بيبتك و بحضن زوجك و مع لايام صدقييني راح تتعودي و اذا رحتي بيت اهلك ماراح ترتاحي و تشاااقي له مووت و حتى هو بيكون اتعود عليك و مااعاااد يقدر ينام بدونك حسسيه انه كل شي لك الاب و الاخ و الصاحب و صدقيني بتلاقي مشاكلكم التافهة اللي تقولي عنها بدت تتلاشى ربي يسعدكم و يوفقكم |
مع كلام اختي نورة
اختي يعني هوو يسئلك ويتركلك الخيار بس انتي مو عارفه اصلا ايش تبغي ساعه تقوليله تعال خذني وترجعي تقولي لا خلني شكلكم فعلا لسا متزوجين جديد ومافهمتو عقل بعض لسا |
عادي هضغوط في بدايه الحياخ الزوجيه انتي شوفي ايش الشغلات اللي تسويلكم كل يومين مشكله تلاقي السبب واحد حاولي تحلينه لانه واضح انك في حكمه وصبر زوجك يحبك والله يسخره لك افهميه فقط راح ترتاحين العمر كله
|
اقتباس:
.. انا مع هذا الرأي .. فهو عين الصواب .. .. اختي راجعي نفسك وتصرفاتك .. وتكلمي مع زوجك بوضوح .. لانك اصلا لا تتكلمي معه بوضوح .. يسئلك متى تودين الرجوع .. لا تردين عليه بوقت محدد !! وعذرك تعبانه وووو .. .. زوجك يشتاق لك اذا بعدتي عنه ..ومو عارف كيف يوصل لك هالكلام .. لكن تصرفاته تدل انه يحبك .. ويموت عليك .. ويشتاق لك وانتي عند اهلك .. ويحتاج لك .. ولحنانك .. اختي .. دللي زوجك .. واحتويه .. وأجلسي معه .. صدقيني .. زوجك طيب وحنون وكريم .. .. ثقفي نفسك اكثر وأكثر .. وراح تكسبينه .. وتكوني اميرته .. وقللي شوي من زياراتك لاهلك .. والمدة الا تجلسين فيها عندهم .. .. الله يوفقكم ويسعدكم .. .. |
مشكورين على كلامكم ونصايحكم لي بس انا لو اني مرتاحه معه مارحت للاهلي دائما
حاولت معه رجل حساس جدا ودائما جالس في البيت وينتقدني على صغيره وكبيره انا ابي اسوي الللى يريحني في نفس الوقت مايزعله مشاكلي معه كثيره الله يصبرني والحب اللى كذا ينعاف |
يوم اقولك صايم كان قضاء قلت اصوم مادام انا عند اهلي
انا اسوي اللى اقدر عليه وزياده بس ماحمل نفسي فوق طاقتها لاني انشغل في امور كثيره العمل والبيت وصدقيوني ماروح الا انا مرضيته من كل النواحي انا اشتاق احيان لبيتي وغرفتي بس هو لا عادي عندي ... اكذب عليكم ان قلت احبه بس والله لو استمر على المعامله الطيبه معي كان ممكن كسب حبي ....... هو انسان حنان زنان يقول انا سويت ومليت البيت من كل شى وطلعتك وسفرتك عند اقل شى او نقاش يمن على تدرون انا بس حبيت افضفض فقط واطلع اللى كان في قلبي ... ماهي عاجبتني حياتي معه كل يوم مشاكل واحاول اني ما ادقق على كل شى بدر من ناحيته ومتسامحه معه بالحييييييل وماقصرت في شى يمكن اغلط عليه غصب على وارجع وابين له اني مااقصد تدرون وش احكم على زوجي ان شخصيته ضعيفه وحساس ويزعل على طول ماودى اقول عنه كذا بس هذا اللى اشوفه |
لقد ضربني زوجي اه كم كرهته وتمنيت موته
ظلمني عند ابوه وامه حسبي الله ونعم الوكيييل |
أمتنع عن الرد لاني أظن انك تكتبي من باب الفضفضة ..وما تنتظري النصيحة أو حل لمشكلتك .
لا نستطيع لك الا الدعاء ربنا يوفق بينك وبين زوجك ويالف قلبيكما ويجعلك سكن له ويجعله سكن لك |
انا لا اكتب مشكلتي هنا وتقول اني افضفض على العكس تماما انا اريد حل
واذا حبيت افضفض فيه طرق اخرى اريد الراحه والاستقرار والعيش بسلام ولكن هو...............................لا اعرف |
الزوج ان كان يصلي في المسجد ولايقرب المحرمات قصدي أشر الامور الخمر والزنا ولا يكذب فهذا تصبرين عليه1- الرجل قد يكون به مس 2- او انفصام في الشخصيه لانه تصرفاته غير متزنه والحل عندك انتي اولا الدعاء له عرضه على شيخ يرقيه وان كان طبيعي من ناحية المس والسحر يعرض على طبيب نفساني والله الموفق
|
اقتباس:
الحل أختي بيدك انتي ... مثلي عليه وعلى نفسك انك تحبيه الى أن يصير التمثيل واقع .... اذا ما سمع منك كلام يشعره انه رجل حياتك وما حس باهتمامك من خلال اتصالك فيه عند زيارتك لاهلك ومن خلال تقليل هذه الزيارات فالنتيجة ما راح تكون بصالحك بالدرجة الاولى .... اكسبي وده واشعريه بانه رجلك وهو بيرتاح ويريحك ... وصل احباطه للضرب وممكن تطور الامور للأسوأ اذا ما تصرفتي . لا تقولي ما أقدر وما أحبه ...احنا اللي نربي الحب بقلوبنا ... ذكري نفسك بمحاسنه دايما وذكري نفسك بمصير زواجكم اذا ما قدرتي تحبيه ... اذا عندك استعداد للطلاق فاتركي الموضوع لكن اذا ما ودك بالطلاق فابذلي جهدك ... حطي بجوجل" كيف اسعد زوجي " أو " كيف أجعل زوجي يحبني " واقرأي وتعلمي وطبقي وعليك بالدعاء " اللهم هب لي من زوجي وذريتي قرة عين لي " اللهم ارزقني محبة زوجي وحبه لي والف بين قلبينا . الله يوفقك ويسعدك يا رب |
المشكلة ببساطة ، ان زوجك يحبك ولا يستطيع العيش بدونك
وانتي لسه تنتظري قلبك يحبه ويتعلق فيه ياعمري الحب مايجي كذه ، احنا مو في افلام مصرية قديمة واقع الحياة مختلف انظري لزوجك بالعقل واتركي عنك العواطف حطيه قدام عينك وشوفي ايش سوى ومازال يسوي ويعمل عشان يسعدك ، مايستاهل عالاقل انك تعامليه بلطف ؟ حب زوجك لك وااااااااااااضح للاعمى زوجك متعلق فيك ولا يقدر يعيش بدونك ، في المقابل انتي تعامليه بكل جفاء وكأنك تتعاملي مع صديقة او اخت لا ياحبيبتي الحياة الزوجية مودة ورحمة وتنازلات اولا بيت اهلك هذا انسيييه ، الاصل في حياتك بيت زوجك ، وبيت اهلك هذا تروحيه مع زوجك ، وتطلعي منه مع زوجك اما مسألة البيات عندهم وبالايام وزوجك في البيت وحيد ينتظرك تتصدقي عليه باتصال او انك تقولي له بلهفة اشتقت لك تعال خذني هذه مو حياة صدقيني اليوم هو يركض وراك ، آخرتها بيمل منك ويروح للي تعطيه الحب والحنان والامان العاطفي وتحسسه برجولته وانه قادر على امتلاك قلب امرأة اصحي حبيبتي قبل لايجي يوم وتقولي زوجي ماعااااد يحبني زي اول وهذه هي النتيجة الحتمية لتصرفاتك لا تلبسي دور الضحية المظلومة ، فكما أرى ان زوجك طيب شهم كريم الاخلاق صبووور ومخلص لك وحساااس وعاطفي فاحرصي عليه وحافظي عليه واتعلمي كيف تتعاملي معاه قبل لا يضيع من يدك وتندمي |
| الساعة الآن 06:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©