أبا أطفالي ضع نفسك مكاني ماذا تفعل؟؟
 

السلام عليكم ورحمة الله وبركاته،،،


طلقت من زوجي بعد زواج استمر 15 سنة وعندي اولاد وبنات ولله الحمد وبعد طلاقي مباشرة تزوج بامراة مطلقة وبعد حوالي ثمانية اشهر اراد ان يردني الى عصمته ووافقت لاني شديدة الحرص على ان يتربوا اولادي بيننا (يعني صار عنده زوجتين) :14:
المهم واللي الاحظه من زوجي انه يتضايق جدا لما اقوله لو سمحت لماتكون معاي رجاء اتسبح وبدل ثيابك يرفض ويقول انا نظيف ومتسبح عندها وانت لازم تتشرطين علي وزوجتي الثانيه ولا مرة قالتلي نفس كلامج .
على الرغم من توضيحي له بصراحه اني ما احب اشم ريحتها معاه ولا اشم ريحة عطوره اللي يستخدمها هناك لاني والله العظيم ما اقدر يصير بيننا شيئ (...)لاني احس انها معاي بفراشي .
فيروح يتسبح مرات وهو مقتنع ومرات يقول ماله داعي وانا فيني نوم او برد علي .
فلو سمحتوا اخواني الرجال المعددين كيف تتصرفون لو كنتوا مكانه هل تتضايقون والا عادي؟؟
واتمنى ايضا اعرف راي اخواتي المتزوجات من متعدد هل انتوا نفس حالتي لاني احس اني ابي ارجع مااقدر تلوع جبدي والله ودي ما اشترط عليه بس مااقدر غصب عني.

احسها تدايق صراحة
بس ان شاء الله المتزوجين يفيدوكي اكثر
الله يسعد قلبك ويفرج همك

فلو سمحتوا اخواني الرجال المعددين كيف تتصرفون لو كنتوا مكانه هل تتضايقون والا عادي؟؟

اختي .. انا لم لتزوج بعد .. و لكن لو تزوجت باثنين .. فكما ضحت زوجتي و استمرت معي رغم زواجي باخري .. فاقل تقدير لها هو ان افعل ما تريد ..

اول شئ اعانك الله على الصبر اختي
ثاني شئ نصيحة مني لو عايزة تعيشي سعيدة مع زوجك انسيها نهائيا لما يكون معك انسي انه متزوج وانسي كلام ريحتها وعطرها ولا معرف شو المهم استغلي الفرصة انك معه اتزيني واتعطري له ولك ايضا لا تفكرين فيها ابدا لما يكون معك اجعلي بيتك راحة له اجعلي بيتك كله حب في حب وحنان بخري بيتك واجعلي عطر بيتك اكثر واكثر وحاتشوفي انه سيشتاق لك اكثر وحيعيش اللحضات السعيدة معك انت انت فقط هي في حالها تتزين تتعطر تدخل ولا تخرج انت مالك دخل انت اعتني ببيتك وبزوجك لما يكون معك حسسيه الدفئ والحنان وابعدي هذه الافكار من راسك انا شيفاها وساوس من الشيطان اختي هي حلال له وانت حلال له يعني عيشي بما قسمه الله لكم انتم الاثنين
هذا رايي وحبيت اتدخل وانصحك لوجه الله يمكن مش حتستفيذي من ردي عن سؤالك لكن اعلمي اني دعيتلك بضهر الغيب الله واتمنيت تكوني سعيدة معه ان شاء الله
تقبلي مروري

الله يساعدج و يهدي زوجك عليك يا رب
حاولي ان تتجاهلي الموضوع و لتفكرين بي اعرف انه صعب بس حالوي علمود سعادتج

اخواني واخواتي الكرام كلامكم نفس كلام خواتي ويقولون لي لاتضايقينه والظاهر انها شغله نفسية بس والله العظيم ريحة ملابسه اللي يكون لابسها من عندها استغفر الله لا تطاق ريحه (تعرفون لما تكون الملابس رطبة ومغموته من فترة بدون هواء تكون لها ريحة مقززة)وزوجته الثانية شبه امية وتستخدم بخور بوطقة مو حلو لاني مرة شفت العلبة بسيارته يعني حتى بخورها يصرررع تكفون شسوي شوروا علي

تكفون ودي اعرف هل هو من حقي اللي اطلبه مع اني اقولها لزوجي بكل ادب واحترام ومشتريه له عطور وبيجامات حلوة وجذابة لانه لما يرد منها نادرا يكون محلق ومغسل اسنانه:26: ودائما يكون عندي في الليل يعني ليلة عندي وليله عندها

اخواني الرجال المعددين وينكم ارجوكم ردوا علي هل طلبي عادي او يضايق؟؟
اخواتي زوجات المعددين كيف تتقبلون الوضع؟؟

مااقدر اقول الا الله يعينك وبصراحه موقف صعععععععععععععععععععععععععععب للغايه

بس الله العالم انها يمكن تتعمد انها تبخ له من ريحتها على ملابسه مثلا عشان تغيضك والله مدري

شكرا اختي على ردج
بس ريحة الملابس الداخلية والدشداشة ريحة قذره من طريقة الغسيل الظاهر
على الرغم ان زوجي فاهم وذو منصب بس ماادري شلون مستحمل والفشله انه يكون طالع منها ويروح الديوانيه عند ربعه وفي الليل يكون عندي الله يعينهم!!!!!!

الله يعينك

لو كانت ريحه حلوه ما اعتقد بتضايقك

لكن ريحه مزعجه لا والله بقوله وانبهه

وأكيد هو متضايق من الريحه بس اصبري فتره لين تعرف نظامكم

وإذا ما عندها مشكله غسلي ملابسه عندك وياخذها نظيفه

***********

مداخله :

الي تقول بزمن الرسول صلى الله عليه وسلم كان يأتي زوجاته بغسل واحد

طيب بزمنهم بعد كانوا يشربون من نفس الاناء

الآن هل تستطيعين أن تشربي من كأس أحد شرب فيه قبلك

الزمن والناس تغيروا

مو كل شئ يقاس بهذه الطريقه أبداً

وأدري الآن بيجي تعليقات لبكره على كلامي مو مسألة انه يجوز

يا أختي الرسول عليه أفضل الصلاة والتسليم

كره لحم الضب فهل نقول من السنة عدم أكله

اذا الريحه مززززززززززززعجه محد يقدر يلوومك ..

طيب النافله مو واجب .. يعني مو لازم نصليها لان الرسول مااوجبها ...


.. افضل نساء العالمين وامهات المؤمنين اللي افضل منا بمئات المرات رضوا بهالشئ ... مو احنااا ..



حبيبتي انا مادخلت في الحلال والحرام .. انا بينت بس هدي الرسوول صلى الله عليه وسلم مع زوجاته ..


الرسول صلى الله عليه وسلم كان يقبل زوجاته .. ليه مانقوول الزمن تغيير وعهد الرسول غير ..


والا اللي يعجبنا ناخذه واللي مايعجبنا نقوول الزمن تغيير ..



وردي كان قبل توضيح صاحبة الموضوع لريحة ملابس زوجها ... لانه مابينت من البدايه احسبه دلع بس ..



فهمتي ياقلبي ...

اذا انا نتكلم عن زوجين .. و محد يكرره يشررب من نفس الاناء اللي زووجته تشررب منه ..

الي تشرب زوجته منه

طيب شربت زوجته بكأس

وشرب هو بعدها

تجي الزوجه الثانيه تشرب بنفس الكأس من غير ما تغسله لأنه زوجها شرب منه

انا هذا قصدي

وانا عند كلامي مو كل الأمور تقاس بهذي الطريقه

أما التأسي بالرسول صلى الله عليه وسلم

فشئ يتمناه أي مسلم

وفي أمور تتغير بتغير الزمن ما لها دخل بالحلال والحرام وإنما بالعرف

وهدي نفسك أنا ما قصدي أرد عليك تحديدا على كلامك

إنما بشكل عام

جزاكم الله خيرا

ارجوكم لا تحسبون السالفة دلع او تحكم
هذا زوجي بو عيالي لكن من حقي انه يهتم بنفسه لنفسه ولي والناس تختلف اطباعهم وبيئاتهم وتفكيرهم وكم مرة وضحت له وقلت له شم ملابسك هذا والمدام ما تغسلها لانها تقول اخاف على ايديني يعني الملابس في المصبغة والريحة من بيتها ودولابها والله اعلم

الظاهر الاخوان المعددين ما يبون يردون خايفين من البرد والشتاء على الابواب:24:
الله يهدي لي زوجي ويسخره لي ولعيالي والله مرات يتفهم وضعي ويقدره بس مرات يتكيسل ويتضايق
واحس جنه يبي يعودني عليها ويبي يثبتلي انها نظيفه ومنحرج من هالشئ

الرجل دائما يحب المراة اللي متعطره ومتزينة في بيتها ولما تكون العكس يلقى له عذر عليها للزواج عليها بحجة ان الزواج حلال ومن حقه يعيش حياته

الله يكون بعونك اختي

ويربط على قلبك

بالنسبه للريحه اذا كانت كريهه ماتنلامين

اما اذا كانت الريحه في الملابس

ممكن تقولين له بطريقة غير مباشره انك مثلا تشترين له بيجامه حلوة وتقولين لهانه ودك تشوفينه لابس البيجامه اللي شاريتها مش لازميتسبح
لانه بيمل يمكن يجاملك مره لكن في الاخير بيمل خصوصا اذا هو مش شام فيه ريحه

او يمكن تكوني حامل وتتوحمين


والله يوفقكم