|
تملكت وأجل الزواج سنتين ونصف!
السلام عليكم ورحمة الله وبركاته ....
سعدت بإنظمامي لمنتداكم وبارك الله في جهودكم وسدد خطاكم ...... قصتي هي : انا شاب عمري 21 سنه طالب جامعي .سعودي. قبل حوالي 5أشهر قررت الزواج خطبت أحد قريباتي فوافقوا بشرط اكمال دراستي ولا يكون زواج الا بعد التخرج ـ بإذن الله ـ وباقي على التخرج سنتين ونصف المهم تملكت ـ كتبنا الكتاب ـ ولله الحمد . طبعا أكلم خطيبتي محدده لي مكالمة كل اسبوووووووع وزيارة كل شهر طبعا مر 3شهووووووور وحنا تمام وكل يوم يزيد حبي لزوجتي ولله الحمد بعد 3شهور ارسلتلها رساله أقولها لو تسهل تيسير زواجنا توافقين ؟ طبعاً فهمت رسالتي غلط وتوقعت اني أتحايل عليها بالملكه فزعلت علي وقفلت جواالها رحت لها وراضيتها والحمد لله رضت علي بس الى الآن وهي رافضه تفتح جوالها تكفون شوروا علي وش اسوي معاها لأني والله محتاج لها لأن هالزمن صعب والواحد محتاج لفتاه تسمع له ويسمع لها ردو علي الله يجزاكم خير ... وش لون أخليها توافق على التبكير بالزواج لأن حالتي والله صعبه أبغى الستر الله يسترنا دنيا وآخره يوم وافقت بالشرط ما توقعت وضعي يبي يكون كذا!. تكفون وش الحل المناسب؟؟ |
شو سبب الزعل بس لانك قلت بعجل العرس بس والله ما فيها شي لازم تتناقشون وين المشكله بالظبط
نصيحتي لك خلها على راحتها واصبر |
توقعة اني اتحايل عليها بالملكه وان موافقتي على شرطهم كان مجرد حيله هذا الي صار
"شكراً على ردك يا أمير لندن " (عن جد أمير) |
انت مخثل خطيبي من خطبني كال نفس الشي و بعدين تورط لانو هسه هو يريد يعجل الزواج بلنسبه الي ماكو مشكله قبل انو نعجل الزواج حاول ان تشرحلها ليش تريد تعجل الزواج و تصارحها احسن
|
خليها تحبك و تموت فيك و تلاقيها هي بنفسها تتمنى تعجيل الزواج
|
إذا إنت موظف .. وقادر على فتح بيتك .. وش المانع من الزواج .. بعدي ليش تسيء الظن تحايل ما تحايل .. الزواج مودة ورحمة .. الله المستعان .. ناس ما أدري وش لون تفكر..
و من ناحية الجوال اذا ما فادت مراضاتك لها في الزيارة .. أحرجها بمكالمة لاحد أخوانها .. و قول له .. فلانة مقفلة الجوال ما أدري ليش .. وبإختصار راح تفتحه .. وتعود المياه الى مجاريها الطبيعية العذبة .. يسر الله أمركما ؛ |
أول شي مبروك الملكه طيب يا اخي كيف ظروف زوجتك? يمكن هي وافقت على الشرط هذا لأنها يمكن تبغى تكمل دراستها او شي مثل كده حاولوا تتفهموا وضع بعض,, |
اقتباس:
|
أم داليا الله يعطيك العافيه على الرد ....
أنا مازلت طالب وباقي على التخرج حوالي سنتين ونص ـ بإذن الله ـ المشكله أخوانها ما يدرون عنها الإتصال بيني وبين أمها وتدري عن الي صاير لي وهي متفهمه جداً بس تقول لي البنت يبيلها صبر..... |
طيب لي هي رافضة
يعني لسا تدرس ولا ايش السبب ماوضحت |
طيب إنت مقتدر ماليا لحتى تتزوج ؟؟؟
|
هددها اما ان تتزوجك في الوقت الحالي واما انك بتسيبها وبتروح لغيرها
لانك تبغى الستر على نفسك وماعندك قدرة على الصبر وهي بترضخ لك وبتوافق وعموما اقصد من كلامي انك تقنعها بالزواج مبكرا وليس فعلا تهديد صحيح والله يخليها إلك |
الهووووون ابرك ما يكووووون
بس ياليت تشرح لنا ظروف خطيبتك يمكن هي تبي تكمل دراستها وبعدين صدقني يا اخوي متى ما ربي كتب واراد انكم تتزوجون مافي شيء بيمنعك لا ظروف ماديه ولا دراسه ولا اي شيء والحمد لله ان اهلها اقبلوك وانت بعدك طالب لان كثيررررر من العوايل ما توافق يقولون رح كمل دراستك وتوظف ثم تعااااال فا إن شاء الله هانت زوجتك موجوده بس يبيلك اشوية صبررررر الله يوفقك وييسر امورك ياااارب |
اكبرغلط انك تملكت..وانت عارف ان بدري على الزواج المفروض تضل خاطب فقط وقبل الزواج ب6شهو تملك
كل الي يملكون بدري يتعبون..زيك لان صعب عليهم يتكلم مع البنت ويشوفهااكيد بيتعب ويبي يعجل الزواج وهوموقادر بسبب الظروف استغرب من الناس الي يملكون قبل الزواج بسنه اواكثر...عقد القران المفروض قبل الزواج باالكثير8شهوريااخي ماعليك الا انك تصبروالله يعينك...احد اقاربي عقدقرانه قبل الزواج ب3سنوات جلس سنه مايقدريتحمل اكثر..لانه حبهاوظروفه ماتسمح يتزوج الحين راح دخل على زوجته قبل اعلان الزواج واكتشفت انهاحامل...وشوف كلام الناس الي مايرحمهم الان عيش قصة حب جميله وذكريات حلوه مع خطيبتك اخي وكلهاسنتين وراح تمرفغمضة عينوتكون فبيتك عندك..دام انك وافقت على الشرط لازم تكون قدكلمتك..وقصتك هذي عبره للي يعقدون قرانهم قبل حفل الزواج بمده طويله.. |
بصراحهـ أنا رافضهت لفكرهـ الملكة اللي قبل الزواج بسببها أعاني مشاكل مع أهلي ،،، بس بما إنكـ ملكت وماينفع الكلام هذا نصيحتي لكـ ،،، ترسل أمكـ أو أختكـ لأهل العروس ويعرضوا عليهم فكرهـ التعجيل بالعرس في حالهـ إنكـ مقتدر تفتح بيت أو والدكـ ،،، وبالطريقة هذا تتأكد خطيبتكـ إنهـ نيتكـ طيبهـ ومش زي ماهي فهمت ;) واللي فيها الخير ربي يسرهـ لكـ اللهم آمين ،،، |
اقتباس:
|
اقتباس:
|
اقتباس:
طبعاً خطيبتي أول ما عقدنا كانت عاطله في البيت وهالسنه درست مدت دراستها سنتين وأنا باقي ان شاء الله على دراستي حوالي سنتين ونص والله يسهل لنا إدعولي تكفون وجزاك الله خير ....... |
اقتباس:
وش لووووووووون تبيني أعيش قصة حـــــــب وهي رافضه تكلمني ومقفله الجوال ؟؟؟؟؟؟ |
اقتباس:
طبعاً أمها مثل أمي وأموووووووووووون عليها أكثر من خوااتي ولا بينا أنا وإياها أي حاجز بس المشكله في البنيه راااسها يابس شوي ..... |
اقتباس:
هههههههههه اللهـ يكون في عونكـ من أولهــــــــا ،،، شوف المفروض ماأنصحكـ مثل هذهـ النصيحهـ بس ماأتوقع إنهـ في بنت راسها يابس أيبس من راسي :d والحل بسيط جداً علشان تلين راسها وخاصهـ إنكـ وضحت لها قصدكـ فاأحسن حل إزعل منها وطنشها :25:،،، وبعدين آحب بمثل خليجي عاجبني يقول(من تغلى تخلى ) وأكيد هي وقتهــا تعرف إنهـ حل المشاكل مو بغلق الجولات أو الإبتعاد ،،، ولازم يكون بين المرتبطين لغهـ الحوار والتفاهم لإقناع كل طرف بوجهـ نظر الآخر ،،، وربي يتمم عليكم بالخير وياااارب يعدكـ ويهنيكـ ،،،، |
مدامك رضيت ان الزواج بعد سنتين ونصف اصبر .....تبي الحل الامثل لاتعطيهم وجه ....طلع اشاعه انك تفكر بالزواج بالثانيه .... شف عنهم ...هالحركه احتمال يقولون لك اهلها طلقها لانك فكرت تتزوج اذا جت منهم قلهم ابشروا اصلا ماصار شي وانت لم تدخل على البنت لذلك ماكثر الله الا بنات الوقت ............
وبنهايه تراك صغير على زواجك 21 سنه ..... توك على الغثاء ....اذا بداية حياتك كذا ماعرفت تحلها وهي تافهه وش تسوي بعدين ....بعدين زوجتك من الجيل الجديد يعني يبيلك معامله متطوره معها اي كلمه تتاثر مع كل مكان حاطه حساس مثل سيارات الوقت الحالي اي شي لازم تروح للوكاله تصلح ....ماتطلع الا 2000 ريال وفوق ...علشان كذا توديها عند امها تسوي لها صيانه وترضيها ب2000 وانت جاي .......يلا مع السلامه اتمنى لك زواج سعيد |
دكتور المنتدى انت ماعندك الا سالفة السيارات خخخخخخخ
بس تشبه الحريم بالسيارات مرة بانوراما ومرة موديل 2011 ومادري ايش حتى اني صرت اتخيل زوجتك كورولا ههههه حشا وش ذي التشبيهات << لاحظتك انا دايماً سيارات سيارات خخخخخخخ الانسان كائن يحتاج الى من يفهمه ويحتويه بمشاعره وليس من يتحايل عليه ويكذب واصلاً مثلك عارف الكذب لعبة مكشوفة مافي أجمل ولا أحلى ولا أروع من الصراحة والصدق والشفافية والقول اللين |
اخي الكريم
هم اشترطوا شرط و انت و افقت اذا من الاصول و من شيم الرجال انك تتقيد بهذا الشرط طالما و انك وافقت فيه من البداية معاك .. انك مضغوظ و ما كنت مفكر انك توصل لها الحالة من الرغبة في تقديم موعد الزواج بس برضو هذه مشكلتك .. حلها اما بالصوم او بشغل وقت فراغك بالدراسة و الرياضة الخ اللي عليك انك تفتح موضوع التقديم ان وافقوا فا خير و بركة و ان ما وافقوا .. فما عليهم شي لانهم لا ماطلوا و لا خدعوك و انت بكامل ارادتك وافقت على شرطهم البنت مبين انها لسه ما اخذت عليك .. لسه خايفة من موضوع الزواج و تبعاته عشان كدا خافت اول ما فتحت موضوع التقديم لذا نصيحة اخت اذا اردت ان تقدم الزواج و تعجل به .. ابعد عن الكلام المباشر ) يعني يافلانة ايش رايك نقدم ... لا لا لا و انما زي ما ذكر احد الاعضاء خليها .. فعلا تحبك و تموووت عليك .. ساعتها بتلاقيها لحااالها بدت تلمح لك ... ياربي متى نكون ببيت واحد :) كيف تخليها تحبك؟؟ اولا الصبر ... دامك على اتصال مع امها .. كلم امها و قول لها انك فكرت جديا و لاقيت انه ظروفك ملخبطة و فعلا التعجيل صعب ... عشان تتطمن البنت و وصيها تكلم بنتها عشان تفتح موبايلها و انتظر شوية ..و اكيد بتفتحه ارجع بعدين اتواصل معاها عادي ... طبعا سهل انك تكسب ودها من خلال الكلام الرومانسي ارسل لها هدايا ولو بسيطة مو شرط ذهب و مجوهرات ... يعني عطر مع وردة حمرا مع دبدوب ترى البنات يحبوا الدبادييب :( اشياء زي كدا ... لما تزورها كن حنون ,, مزوح .. خفيف الظل ... عودها عليك يعني عودها تصبحها بمسج مثلا و تمسيها بمسج .. تسال عنها دايم و عن دراستها و تقول لها اذا مو فاهمة شي اشرح لك استشيرها بامورك حتى لو ما بتاخذ برايها .. بس بين لها انه صارت انسان مهم عندك و مع الوقت صدقني بتتعلق فيك و تحبك و تصير هي اللي تدور التعجيل ... اخيرا اخي الكريم .. قبل ما تفكر بالزواج على انه راحة نفسية و جسدية .. برضو فكر بتبعاته المادية .. صح الواحد لازم يتوكل على الله .. بس برضو لازم تعمل حسابك .. هل انت فعلا مستعد لمصاريف بيت و زوجة ؟؟ ايجارات .. فواتير .. اكل و شرب ؟ مصروف زوجة .. احتياجاتها .. و يمكن كمان ربي يرزقكم بطفل بسرعة انت قااادر على كل هذا ؟؟؟؟ الله يوفقكم و يسعدكم |
اختي ذات الهمه الله يعطيك العافية ....
بس تدرين وش المشكله البنت حاط في بالها أن الزواج بعد مده عني زعلت والا مازعلت ماهيب داريه عني ....[/ [دكتور المنتدى جزاك الله خير"]أختي ذات الهمة الله يعطيك العافيه ردك حلو . على ردك تبغى تدمر مستقبلي ومستقبل البنت؟ بعدين أنا ما أفكر في بنت غيرها .. الحين والله ودي تفتح جوالها والزواج متلاحقين عليه ـ ان شاء الله ـ مشكوووووووور ....[/SIZE][/I][/B][/FONT] أعمق المشاعر بارك الله فيك كلامك يوافق الي في خاطري واااااااااااااااجد الله يعطيك العافية......... أختي noora "اذا من الاصول و من شيم الرجال انك تتقيد بهذا الشرط طالما و انك وافقت فيه من البداية.." والله أنا ان شاء الله عندي وعدي ومخليها على كيفها .... والله ردك رووووووووووعه وكلامك منطقي والله اقتنعت به الله يوفقك ويسعدك ...... أختي ابغى فزعتك الأسبوع الجاي ـ ان شاء الله ـ ابي اسير عليها..... وش لون افاتحها في موضوع الجوال ؟ وش اهديها؟ وكم وقت الزيارة؟ "وتراها تبعد عن مدينتي حوالي 200كم" وتأيدين اني أقبل يدها ؟ لأنها تستحي وخجووووووووووله مرررررررره...... فزعتك الله يجزاك خير........ |
اخي ابو سمر جزاك الله كل خير ...
و ماشاء الله عليك متفهم و عاقل.. ربي يسعدك دامك بتزورها فالمووضوع اسهل باذن الله روح و خذ معك زي ما ذكرت هدية بسيطة على حسب استطاعتك .. ممكن تاخذ لها شي بسيط زي عطر حلو مع باقة ورد حمرا عليها كرت صغير .. فيه كلام بسيط و حلو . مثلا الى اغلى انسانة في الوجود او شي من هذا القبيل.. و اذا عندك استطاعة ممكن تستبدل العطر بجوال جديد توصل لبيتهم بعد السلام عى الاهل .. سلم عليها عادي باليد و اقعد جنبها و كلمها كلام عادي عااام .. عن صحتها و دراستها و اللذي منه و بعدين ادخل بموضوع الجوال .. قول لها .. صراحة انا استعجلت لما كلمتك بخصوص التعجيل .. فعلا لسه بدري و لسه اموري ملخبطة .. و لا تخافي لساتنا على وعدنا ان شاء الله سنتين و نص .. و حابب تكون هذه الفترة من اجمل فترات العمر ان شاء الله بحاول اعمل اللي اقدر عليه عشان اسعدك الان و طول العمر .. بس ساعدينا و افتحي الجوال :) و بعدين غير الموضوع و اسالها باي شي ثاني .. موضوع تقبل يدها زي ما تحب .. اذا شفتها فكت معك شوي .. قبلها او حتى ممكن و انت رايح تسلم عليها او تقبل راسها بس و تمشي ... بالصبر كل شي بيجي ربي يسعدكم |
يعطيكـ العافيه اختيnoora والله ردكـ يجنن .... وفعلاً استعجلت شوي بس هذا المكتوب عسى الله يسهل .... وراح أسوي اللي تقولينه بإذن الله ونشوف النتائج ......... ادعي لخيك .. الله يوفقكـ ومشكووووووووووووووووره على تفاعلك معي ...... جزاك الله خير .... |
اقتباس:
لو مارديتي علي ماراح ارضى عنك ليوم الدين وتحملي اللي يجيكي ومتى مافتحت الجوال بتلاقي الرساله وبتخاف وبتوسوس :22: |
الله يهديهآ ويلين راسها لك حاول تكسبهآ أول وتحببهآ فيك بآلكلآم الحلو وبآلمفاجآت وسآلفه تقديم الزواج خلي الكلآم بين الرجال احسن لك يعني انت تكلم اخوانها وهم عليهم الباقي ~
اذكر صديقتي انخطبت قبل العام على أسآس زواجهآ بعد سنة او سنتين وزوجهآ ذكي قال لأهلها انا عندي دوره بعد ثمآن شهور برا وابيهآ معي ومن هآلكلآم وأهلهآ تفهموا وضعه وفهموهآ وملكت بعد اربع شهور من الخطبه والزواج بعد سبع شهور وتزوجت الله يسعدها والحين لها سنة وشهر وطلع لا فيه دوره ولآ بطيخ خخخ لعبهآ صح ويوم سألته قال اخذتها حجه ولا انا ماراح اروح ؛؛ واما كيف تفتح جوالها اذا زرتها حط مع الهدية رساله قولها انك محتاج لها وانتي زوجتي والواحد يبي وحده ترد له الصوت ومن هآلكلآم ؛؛ ولآ تنسى تبشرنآ ~ موفق ويارب يسخرهم لك ويقدمون الزواج |
لازم تخليها تحبك و ادا كان الحب و الود والاحترام موجود بينكم ليشلا لازم تحسسها انك محتاجلها كثييييييييييير و انك مابتقصر معاها في انها تكمل دراستها قلب البنت لين و ما بتتحمل ترفض لك طلب ان شاء الله و ربي يوفقكم ويسعدكم دنيا و اخرة و انا كمان كان شرطي لين أكمل دراستي يعني بعد سنتين ان شاء الله و طلب مني في البداية وانا رفضت و قلتله مستحيل ووافق علي طلبي و لكني و الله الان يعلم الله بحالتي كيف لدا يا أخي ممكن بس انها مسألة وقت صدقني بتتعود عليك و يمكن هي كمان تطلب منك تعجل بالزواج
|
اقتباس:
الله يعطيك العااااااااااااااافيه أختي ....... المشكله اني أدرس يعني ما فيه دورات ولا خرابيــط يعني مكشوووووووووووف. الحين والله صرفت النظر عن الزوااااج أبيه بس تفتح جواااااالها لأن والله نفسيتي تعبت ودراستي راااحت فيها والله الاسبوع الماضي ما درست من الهم والضيقه وقسمي صعب شوي ...... وهي والله لا حست فيني ولا شي ... ادعيــــــــــــــــــــــــــــــــــــــــــــــ ــــــي لخووك تكفين .. |
اقتباس:
أول شي قريــــــــــــــــــــــــــــت موضوعك يا أختي الله يكون في عوووووووونك ....... أنا زيك بالضبط بس احمدي ربك تكلمينه وتراسلينه ـ ما شاء الله عليك ـ أنا لا مكالمات ولا خرابيط ... تخيلي لو يقفل جواااله وش تبين تسوين ؟ (هذا ان الحين مقفل الجوال وراااااااااايح فيها) والله حاس بك ومعاااااااناتك بس مالنا الا الصبر الله يغنينا بحلاله عن حرامه...... أما بالنسبه لموضوعي : خطيبتي صعبه مررررررررررررره لنا حوالي 3شهووووووووور مقفله الجوال والله ما تسأل عني وكأني ماعرفتها اراسل أمها أتطمن عليها يمكن (كل 3أيام بالكثير والله ما أتعدى اسبوع ) وانحرجت مع أمها وهي حتى اذا سألت أمها ما تراسلني هي تراسلني أمها والله تعب نومي ساعات قليله مرررررررررررره .... المشكله قبل لا أكلمها عن الزواج عايش معها افففففففففففففف على كيف كيفك جت رسالت الزواج . اخبصت الدنيا .......... الله يسخرها لي غصبن عليها .... |
الله يسخرلها لك يآااآرب
شوف اخوي مآلك الا تكتب كل شيء برساله اشرحلها وضعك ونفسيتك وهي بعيدة عنك ووصلها لهآ عن طريق أمهآ صدقني بإذن الله بتنفرج وإذا مانفع انقطع عنهم لا زيارات ولا سؤال اشغل نفسك بأي شيء عنها صحيح راح تصعب عليك بآلبداية بس صدقني راح تفقدك وتسأل عليك ؛؛ ويمكن تكون البنت ممنوعه تكلمك مو بيدهآ ؛ يعني عندها اختبارات مثلا او اي سبب ثاني ~ |
اقتباس:
الهم آميـــــــــــــــــــــــــــــــــــــــــــــــ ـــــــــــــن.... الله يسخرها قووووووووووووووولي آميـــــــــن......كتب لها يا خيتي كذا رساله .... والله رسايل تقطع القلب وانحرجت مع خالتي ولا صار أي شي........... بعدين الفتره الماضية معطلين لا دراسة ولا اختبارات ولا شي بس ما أدري وش الي صاير ؟ والله ما أدري ليه تعاملني كذا ؟ اتخيلي مره اراسلها وانقطع الرسال بينا خفت ان صار لها شي اتصلت عليا حواااااااااااالي 100مكالمة ماردت وآخر شي تزعل وأروووووووح أراضيها ........ والله معذبتني ما أدري ليه ؟ معقووووووووووله عشان قلت لها أحبك وأمووووت فيك تسويـــــــــلي كذا ؟ مشكوووووووووووووووووووره على تفاعلك معي .... الله يكتب لك الأجر .... |
تحيه لكل من ردي على موضوووعي وشاركني ضيقتي ...... أبشركم الجوال انفتح ومعاد مكلمينهم في موضوووع الزواج نهائياً.....(لين الله يسهل ـ ان شاء الله ـ) والله نفعتني ـ بعد الله ـ ردووووووووودكم وآرائكم ودعوااااااتكم الله لا يحرمنا منها ...... والله ان الناس في حاجه لمثل هذي المنتديات .... الله لا يحرم القائمين عليه الأجر ويرزقهم الاخلاص...... |
الحممممــدلله / الله يبشـرك بالخير ويسخرهم لك ويقدمون الزواج من أنفسهم .. والله يجعلك قرة عين لها ويجعلها قرة عين لك .. |
الحمد لله عادت أن عادت الأمور لمجاريها أخوي الحبيب تدري وش مشكلتك الأساسية !! المكتوب باللون الأحمر) اقتباس:
أنسب شيء للشاب إنه يملك وهو عارف متى وقت الزواج ولازم يكون قريب لأن سنتين وأنت تكلمها وتلهب العواطف ،،،، فلا أنت أشبعت عاطفتك ولا أنت ارتحت وانشغلت بدراستك ... يعني لا أنت متزوج ولا أنت عزوبي !!!!! بين وبين !!! وعذاب ما بعده عذاب !! فلذلك إما تلتزم بوقت الزواج (بعد سنتين ونصف) وأفضل أنك تقطع أو تخفف منها العلاقة !! أو إذا كنت تريد التعجيل !! فإعرف متى الوقت المناسب لتحديد موعد الزواج ؟! وكيف تقنعهم !! والله يكتب لك الخير عزوبي بس رجل |
الله يعطيك العافيه اختي آنثى الحلم~ما قصرتي الله يسعدك ..... آآآآآآآآآآآآآآآهـــــــــــــ يا (خوي عزوبي بس رجل) قسم بالله جبتها على الجرح..... وش نسوي الدنيا درووووووووووس والله اخووووك لا هوووووب متزوج ومرتاح ولا هووووووب عزوبي ومرتاح .... بس عسى الأمر فيه خيره ان شاء الله ..... قريت موضوعي ... والله وأنا اخوك تقطع قلبي على زوووجتي كل يوم عذابي يزيــــــــــــــد ...... والله نار في داخلي بتحرقني بس ما عاد لي الا الله ماعاد باليد حيله ....... تكفى ادع لخوووووووك .... الحمد لله هاليومين افتحت الجوال كأن النفسية زاااااااانت شوي ...... بس يا طوووووووووووووووووول اللليل علي .... الله يعطيك العافيــــــــــــــــــــــــــــــــــــــــــــ ــــــــــــه...... |
| الساعة الآن 02:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©