|
اريد راحة البال افيدوني الله يسعدكم وينور عليكم
السلام عليكم ورحمة الله وبركاااته
اعضاء المنتدى حبيت استشيركم واخذ رأيكم في موضوع مصيـــري انا قبل سنتين خطبوني اخو زوج اختي ..وقتها كنت ادرس بالجامعه وابوي قال في حال الموافقه الزواج راح يكون بعد ماتخلص دراستها ... وبعدها انا استخرت .. ووافقت وتوكلت على ربنا ... ومرت السنتين وخلصت دراستي مع العلم ان اهل خطيبي لايريدوني لولدهم وكم مرة قالو لاختي احنا كنا بنخطبله فلااانه بس هو قال ابغى دانتيل وردي المهم طبعا طول ذي السنتين مافي اي تواصل من اهلي واهل خطيبي حتى عمرهم ماجابو طاري التجهيز للزواج ولا شي وفي زواج اختي الثانية جو اهل خطيبي بس طنشوني ولا كأني اعرفهم ..بس انا عديتها وماقلت شي ولا قلت لاهلي بعدها اتخرجت الحمدلله من الجامعه , والغريب ان محد تكلم عن ملكة ولا زواج وانا هنا بدأت اخاااف خصوصا انو فيه ناس كانو يخطبوني وانا هنا احترت فصرت اقول شكله غير رأية ولا اهله اثرو فيه وصرت استخيير كثيييير ... لدرجه اني كل من فتح الموضوع معاي صرت ابكي وماابغى اتكلم فيه وبعد فترة جاء خطبني واحد كانت مواصفاته مثل مواصفات خطيبي هنا اهلي احتارو وقالو لازم نكلم خطيبها نشوف اذا يبغاها ولا لا... اتصل اخوه على خطيبي وقال البنت جاها عرييييس تبغاها ولا لا ..قال الا ابغاها وبعدها رجعو سكتو كالعادة ماحددو لا ملكة ولا شي بعد مرور شهور انا استخرت وقررت افسخ الخطوبة وكثير ناس تقولي هم مايبغوكي ايش تبغيبهم المهم استخرت وبعدها باسبوع اختي اتصلت وقالت سوي تحاليل الزواج سويت التحاليل وانتظرت .. وصار كل شوي يقول بعد اسبوع الملكة ,, ونجهز ويتأجل ,, وعلى هذا الحال الييييييييين وصلت 4 شهور وهو يقول بعد اسبوع بعد اسبوعين ... ولمن ابوي يقول وش عذرك يقول عملي علما بأنه عسكري المهم انا استخرت ثاني مرة على اساس اقولهم خلاص ماابغاه .. وبالفعل قلت لامي خلاااااص كنسلو الموضوع لانه باين عليه يامتردد يامدري وش فيه مع العلم الحمدلله ان مافيني اي شي يعيبني وبعدها حددو الملكة بس انا ماصدقت قلت شكلو زي دااااايم وماستعديت والله زين وجات الملكة وعدت على خييييييييير المهم انا توقعت انه يكلمني وياخذ رقمي بس بعد شهرين اخذ رقمي وارسل مسج برمضان وبسسس ومافي اي تواصل بيننا .. والان انا مترددة فيه ... ماابغى اعيش حياه كلها نكد ,,, من اساسيات الزواج راحة البال وهذا اللي ابحث عنه بس احس اني غيرمرتاحه هو سألنا عنه وانا سألت خوالي عنه شخصيا لانه صديقهم وقالو رجال وطيب وكريم وفيه دين بس انا اخاف اعيش حياة كلها شقى ومافيها راحه بال خصوصا اني من فترة الخطوبة وانا متنكدة وحتى لمن ملكت احس اني متنكدة ودايم استخيييير ابغى احد ينصحني ويدلني على الصووواب ماابغى احد يتعاطف ابغى احد عنده رأي سديد ويقومني ويفيدني بكلام انا فكرت ارسله مسج اقوله ليه انت كذا وايش بخاطرك .. بس قلت لا شورو علي الله يسعدكم خصوصا انه حدد الزواج خلاص وراح يكون اذا ربي كتب في شهر 4 ابغى احد يفيدني بكلااام سديد انا الحمدلله مافي اي شي يعيبي وهو بعد مافيه اي شي يعيبه غير انه يطنش وغير واضح وغامض واهلي يقولو انتي مكبرة الموضوع .. مو لازم يتصل عليييك .. طيب ليش ياخذ رقمي اذا مو لازم يتصل وليه المخطوبين يتصلو على بعض اذا مو لازم ,, انا ماابغاه يقولي كلام حلو وخرابيط لان عارفه الحب بعدين بعد الزواج والعشرة بس ابغاه يسأل ويهتم |
اولا يشرفني اكون اول من يرد عليكي ياغالية
حبيبتي انتي عارفة انو في بعض الناس ماتفضل يصير في مكالمات وتعارف الا بعد الزواج يمكن زوجك من هالنوع هل زوج اختك كان يكلمها؟ ثانيا يمكن فعلا ظروف عمله لانو مايقدر يتحكم فيها وبعدين انا مو عارفة وين الغلط انو انتي ترسلي له او عالقليل تكلمي اختك وتخليها تساعدك يمكن هي عندها معلومات عن الي يصير بس اكيد وضع صعب حبيبتي كلمي اختك وافهمي منها وشوفي كيف الوضع وارجعي اكتبي هنا وان شاء الله نساعدك ياغاليه ولاتزعلي ولاتدايقي الله يوفقك |
عاشقة الغالي
زوج اختي لمن خطب اختي كان بين المكلة والزواج شهر واحد وكان يكلمها قليل مو مرة واحس اللي حولي مستغربين ليه مايكلمني ,, انا صرت اتضايق لمن احد يقولي كذا واختي تقول مو شرط يكلمك ذحين الحب يجي بعد الزواج .. طيب اعرف ذا الكلام بس على الاقل يسأل ويهتم مو يطنش في مرة وحده حسيته متمسك فيا .. لمن ابوي كلمه بخصوص الابتعاااث حقي وابوي قله اجل الزواج قااال لااااا وعلطول كلمني قال يادانتيل انا بروح معاك الابتعاث بسسس الزواج مايتأجل واقنعني لانن الابتعاث حقي اذا ربي كتب راح يكون بشهر 2 والزواج بشهر 4 فهو قال راح اجل البعثة 3 شهور واطلع معاااك يعني نتزوج ونروح بس احيانا اقول مادام يبغاني ليه مايتصل .. وليه اجل الملكة كذا مرة اكيد فيه شي والله تعبت من الموضوع ومو عارفه اجهز للزواج كويس صرت ملخبطة مااعرف الصح والغلط اشكرك ياعاشقة الغالي على الرد ... بس ايش رائيك في الموضوع ككل لاني مستغربة بالمرة |
الله يوفقك با اختي ودامك استخرتي , أبشرك ان شاء الله ما عليك الا العافيه........ أنا خطيبتي مثل طبع خطيبك بالضبط ومالي الا الصبر .... والله الدنيا عجيبه . أنا احب المكالمات والفله وهي ما تواااااااااااطن الجوال واسأل عنها وهي ما تسأل ... الله يكون في عوووووونا ويوفقنا قوووووولي آمين..... |
الف مبروك قلبي الله يتمم لك على خير بصراحه مستغربه من اهلك كيف يعني مو لازم تتكلمو لازم وبقوه بعد انتي حبيبتي كلميه وبادري لا عيب ولاحرام صار زوجك خلاص لازم تفهموا بعض وتسولفوا عن حياتكم ومستقبلكم لازم تاخذي خطوه ايجابيه صعبه كذا فتره الخطوبه يانااس رائعه فعلا بس للي يفهمها00وبالتوفيق
|
خلاص يااختي اتني ابدي واتصلي على اساس انك بتطمني عنه مافيها شي هذا زوجك
|
ابووو سممر
يشرفني رددك علي وان شا الله ربي يحنن قلب خطيبتك عليييك ويخليها هيا اللي تتصل وربينا يوفقك ويريح بالك |
سماري برازيلي
يشرفني ردك انا من كثر مااهلي يقولو المكالمات غير مهمة استغرب اكثر المفترض يسألو ايش فيه بس الله يكتبلنا الخيرة في امره وربنا يريحك وينولك اللي في بالك |
عاشقة الغالي
اممممم انا فكرت في كذا وان شا الله برسله مسج واقوله اللي بخاطري و إن شاء الله يحس |
الله يوفقك حبيتي
ولا تحطين المكالمات تحديد لمصيركم انا متملكه لي اسبووع احيانا يوم مايكلمني وتوكلي ع الله وتفائلي خيرر وخلي املك بربي كبير وماعليك من احد وهذي حياتك وخصوصياتك مولازم يدرون هو يكلمك او لا الله يوفقك حبيبتي |
يا ستي عادي
مو لازم يكلمك انتي كلميه حسسيه انك تهتمين فيه مو لازم الرجال يبدأ خلاص هو زوجك حلالك انتي أبدئي مو لازم هو الحين اتصلي وسولفي حق عشر دقايق وسكري واليوم اللي بعده اتصلي وتكلمي صدقيني راح يحس بشوووق ويكلمك ع طول ترى اكره شيء عندي يوم البنت تبى شيء وماتسويه ولازم الرجال يبدأ فيه أنا قلت لخطيبتي : شفتي مني غلط قولي قصور قولي أهم شيء لاتخبين عني شيء ليه ماتصير الدعوة ايزي بيننا !!!! بجد أكره شيء عندي التعقيد < يحس انه شطح عن الموضوع بس يحكي عن واقع يشاهده ويعور قلبه وإن شاء الله انه بعيد عني :d |
السلام عليج دانتيل وردي
حبيبتي و الله ... تدرين؟؟؟ من شوي حطيت موضوع بنفس موضوعج تالي دخلت موضوعج و شفته ... نفس الكلام االي كتبته أنا الفرق ان انا ما ملجت بعدني كلهم ساكتين... حتى اختي ساكتة ... حتى زوجها ساكت ... حتى ام خطيبي ساكته عاد ليش؟؟؟ يقولون بعد الدراسة يصير خير بس حتى ان الولد ما يعرف اخواني و حتى لما ابوي راح يتعالج ما جا بيتنا و لا سلم على ابوي و لا حتى اتصل يتحمد له بالسلامة و لا جا بيتنا لا فعيد و لا فمناسبة يعني امه و أبوه يجون بيتنا لكنه و لا شفنا رقعة وجهه و أنا ما أعرف عنه غير ( اســــــــــــــــــــــــــــــــــــــــــــــــ ــمـــــــــــــــــــــــــــــــــــــــه) فقط شو رايج؟؟؟ ههههههههههههههههههههههههههههه أحيانا أضحك على نفسي و أقول كل الي يصير مصخرة و أكبر مصخرة اني ساااااكتة المهم حبوبة ... بالنسبة لموضوعج... انا أشوف دام انه مالك عليج و دام هو ماخذ رقمج و انتي عندج رقمه اتصلي له ... و قولي له يا فلان لو سمحت أنا ابيك تيي بيتنا ... اقعدي معاه ... تفاهمي معاه ... اذا شفتي انه حقيقة ما يباج .... ابعدي عن الشر و غني له ... لـــــكن تر هناك فرق بي ما يبغاااااااااااااااااااااااج ... و يبغاج بس طريقته ما تعجبج.... اذا طريقته غلط بيني له انج ما تفضلينها ... خلج هاااادية و عقلانية و تكلمي بهدوء و روية لا تتهمينه و لا تهددينه قولي له ان العقل ان نحن نتفاهم مو نزعل من بعض الله يوفقج و يتمم على خير .... بس أنا أشوف ان هذا الولد يا مشتهي و مستحي أو انه ما يعرف يتواصل يعني كأنه يقول لنفسه يعني أنا أتصل على دانتيل وردي شو أقول لها؟؟؟؟؟؟ ما يعرف يعبر و انتي في هالحالة ساااعديه^^ ربي يوفقج |
لبوووووة جموووووووووح اخباااااارك
والله ردك راااائع جداا الله يسعدك ويفرج كربتك تصدقين لمن كنتمخطوبة منه قبل الملكة نفسس حالتك ههههههههههه يضحكون مررررة احس انها فشيلة اني ابدأ والله بس خلاااااص قررت ابدأ واصير نهمشية هههههههههههههههه |
دانتيل وردي يا بعد عمري ... شوي شوي بتتعودين
طرشي مسج مرة ... كيف حالك؟؟؟ المرة الياية طمننا عليك تالي تعشيت؟؟؟؟ تالي .......... جذيه ليمن يتعود عليج ^^ |
الله يكون في عونك
لاتفكري ممكن خير لك :15: ولكن زي ماقالوا مره ارسلي وشوي اتصلي راح تلاقيه مشتااااااق لك حيل ويسير هو يتصل ويرسلك :22: .. صار هو زوجك :14: ومااافيها شيء الوضع اييييييزي ... |
حبيبتي كونك استخرتي وحسيتي حالك مرتاحه ربي يسر امرك وملكتي والحمد لله ...... اما بنسبه لموضوع المكالمات انا برائيي المكالمه مو كل شي يعني ممكن يكون خطيبك من النوع يلي مايعرف يعبر عن مشاعره او انه مالو بالمكالمات يعني نوعا ما يخجل ... لكن انا ضدهم بفكرة انو ترسليله وتطلبي منه يجي عندك لحتى تفاهمو لانو مو مشكله سارت ويبلها حل لا ...وبما ان قريب واخو زوج اختك اسالي عنه بتكون هي اعلم فيهم وتحاول قدر المستطاع بتجبلك المفيد ,,,,, اتمنى لكي السعاده بالدنيا والاخر
|
| الساعة الآن 02:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©