|
زوجي كشف خيانتي له (مستجدات بالرد 158)
السلام عليكم ورحمة الله وبركااته
نخيتكم ياجماعه الله يخليكم شو لي حل وسااعدووني باللي تقدروون عليه تكفوون انا متزوجه قبل سنه وسته شهوور وقبل مااتزوج كنت على علاقه مع واحد يووم تزوجت قطعتها نهائيا تزوجت وسافرت بعد مارجعت من السفر كلمت الرجال الثاني كنت ابي اقوله اني تزوجت وسافرت ورجعت بعدين خليته فتره بس رجعت مره ثاانيه اكلمه بسبت المشااكل اللي تصير بيني وبين زوجي الجأ له واقووله ليتني ماتزوجت ويالليت ويااليت وهو يهديني المهم استمرت العلاقه الا قبل يوومين كنت مكلمته ولا رد عي ارسلت له رساله فيها رد علي اني محتااجتك وكنت عند اهلي لان زوجي طالع مزرعه المهم جاء زوجي من المزرعه لاجاء خذاني وقبل اطلع من البيت اصلا كان اسلوبه معي غريب كان يقوولي حطي العطوورات هنا وحطي المفتااح هنا ماكان يبيني اخذ شي ابذا بس اني مشيتها قلت يمكن هو يبي يااخذ فتره نقااهه مني لانه دايما كذا يتركنيي عند اهلي ثلاث اياام بعدين يجيي وكل مره على هالحاله اثره داري عني من شهر تقريبا وكان يراقبني مع اني كنت اكلمه وامسح رقمه وامسح الرساايل بس ان السجل موجوود فجاه دق علي زوجي وقالي بجي قلت طيب شوي ودق علي وقال انا عند باب بيتكم افتحي لي قلت طيب وفتحت له قالي عطيني جوالك رحت وجبت اغراضي ولبست عبااتي وجيته قالي لا مابي تجين شووي وبرجع اخذك بس الحين جيبي جوالك شووي بكلم امي قلت طيب راح وجلس حوالي نص ساعه ماجاء دقيت على جووالي من جووال ولد اختي رد وقال طيب انا توني طالع من الصلاة شوي واجي اخذك جلست سااعه ماجاء دقيت عليه قلت وينك فيه قال انا في البيت ثم قاام يشتم ويلعن ويسب ام الرجااجيل خااينه منهو هذا اللي تكلمينه علميني منهو وانا مصدوومه ماقدرت اقول شي سوووى اني انكر ثم قلت بكلمك من جوال اختي ورحت لاختي وقلت لها تكفين انا بتطلق ساعديني وماعلمتها السالفه الصدقيه قلت واحد مزعجني وزوجي شاك فيني بقوله ان هذا يعرفك وانتي طالبه منه فلووس قالت خلاص عشاان تبي تسااعدني رحت دقيت على زوجي وقلت له ماصدقني وقال انتي كذابه انا اشووف مكاالمااتك له الصبااح وش جااب اختك لنا الصبااح تكلمه بعد مايندرى يمكن تقاابلينه وانا مو موجود بالدووام والشغاله نايمه وامي نايمه<<لاني ساكنه مع امه بنفس البيت صحت وانكرت بس بدوون جدوى قاامت اختي عصبت علي يووم سمعت كلامه وقالت لي منهو هذا وهاوشتني قمت كذبت كذبه ثانيه اني لقيت رقمه في جريدة الوسيله وهو حق وظايف وانا داقه عليه ابي وظيفه اختي صدقتني رحت دقيت على زوجي اول مارد قال منهو وش اسمه قربي لي الموضووع والا ترى خالص بس ابي اقرب الموضووع وجاايبه جاايبه قلت له زي ماقلت لاختي سالفة الوسيله ماصدق ودق عليه ورد وساله انت منزل رقمك بالوسيله قال الرجال لا وسكر بوجهه قاام زوجي قال لي شفتي ياخااينه شفتي ياكذاابه انا وش سويت لك عشاان تسووين لي كذا انا وش سويت لك عشاان تخوونيني اهلي يحبوونك وانا كنت اموووت فيك ولا اسمع فيك شهر كامل وانا انزل الملحق اصيح وارجع لك اضحك بوجهك وكل يووم اقوول ياارب ماتكلمه يارب ماتدق عليه بس مافاد فيك ياكلبه انتي خلاص انتهيتي من حياتي وبعد يومين بتوصلك ورقة طلاقك وسكر ثم ارجع ادق عليه يرد ويقوولي علميني وش اسمه بس علميني قلت له طيب بتطلقني قال والله مااتزوج لان كل الحريم خاايناات الله يلعنكم وياخذكم الله يستر عليك خلك ببيت اهلك هذا الكلام العصر يوم جاء المغرب جاء اخووي ومسكني وضربني ضرب والله لحد الحين اذني تعوورني مااحس فيها قمت قلت لاخووي كل السالفه الصدق قام وسمعني وقالي انتي تبين تجيبين لرووسنا الارض الله ياخذك ياحيووانه وش الحل الحين قلت له مدري بس انا ابي زوجي وابي ارجع له قال المهم هو مو انتي ياكلبه وطلع وقال بشووف الموضووع معه ونشووف وش يصير ؟؟ وزوجي مقفل جواله وجوالي تكفوون ياناس ساعدوني وعطووني حل انا ابي ارجع لزوجي لو اصير خدامه له عادي بس انا ابيه لاني احبه وامووت فيه ولا ابي احد غيره والله العظيم ثم والله انه تبت لله توبة نصووح ونذرت نذر انه اذا رجعني زوجي والله لاصير حرمه ثانيه ماتعرف خرابيط ولاشي ونذرت بعد ان لو رجعني اني لا البش شراب اسوود برجوولي والبس قفاازات واصير زوجه مثاليه بأذن الله تكفوون سااعدووني تكفوون والله حالتي النفسيه زفت ولو بيطلقني والله بنجن لاني متعلقه فيه لحد الجنوون مع العلم ترى الرجال مابيني وبينه الا مكالمات بس |
ونسيت اقوولكم اني ارسل على ايميل زوجي رساايل استعطفه فيها
واقووله اني بتغير وبصوونه بس هو مارد علي هل تتوقعوون انه يردني والا بيطلقني تكفوون ردووا علي الله يجزاكم بالخير والله اني تبت والله غفوور رحيم يغفر لي الزله هو ابن ادم مو غاافرلي ؟؟؟؟؟ تكفوون دعوواتكم ونصاايحكم رجيتكم |
استمري في ارسال رسائل الاستعطاف واحلفي فيها مرارا انك تبتي .. ثم اصبري .. اصبري لان جرحه عميق جدا .. والرجل عندما هكذا جرح صعب ان يلتئم بسرعة
انا شخصيا احترق دمي عندما قرأت موضوعك ، فما بالك بزوجك ؟! |
اختي بشنو نساعدج الحل يم زوجك هو الي يقرر انتي خاطئنه و اذا تصارحين زوجك بلحقيقه ميصير لانو راح يكوم بعد يشك بيك و تصير مشاكل اذا رجعتيله لازم ميعرف الحقيقه بس حاولي تعتذرين منه و ادعي من الله انه يسامحك
الخيانه شيئ صعب الله يعينه |
مشكور اخوي
بس فيه امل يرجع يعني انا خايفه يوفي بوعده ويرسل ورقة طلاقي |
الله يعينك ويرد لك زوجك والله السالفه مو هينه أخاف يكون حاطط برنامج أو جهاز تسجيل للمكالمات في جوالك ويكون مطلع على كل كلامكم لبعض وماينفع التمويه معاه على العموم حتى لو رضى يردك فأغلب الرجال ماينسون ولايقدرون يسامحون بجد لأن هذا شئ مرررره صعب ويمس رجولتهم بقوة |
اقتباس:
ابتعدي عنه بجسدك وتواجدك حتى تهدأ نفسيته ، واستمري في ارسال الرسائل عسى ان يرجعه الله لك |
عليك بسهاااااااااااااااام اليل
اكثري من الدعاء والتضرع لله الله يكون بعونك ياقلبي |
طيب ماقلتينا وش اسم الرجال خخخخخخخخخخخخ
اسمعي اختي بقولك ماهو الواقع و بيحطمك زوجك رجل بمعنى الكلمه ونادر تحصلين زيه تدرين ليييييش تحملك وهو يدري تعلبين من ورى ظهره وماتدرين كم مره حرقتي قلبه وهو كل يوم يحط فيك امل بس صدق من قال ابو طبيييع مايجوووز عن طبعه انا لو مكان زوووجك بتزوج عليك اذا كان بينكم طفل اما اذا مابينكم شي اطلقك واريح بالي ويكووون في علمك الرجل اذا طابت نفسه طاااااابت وانتي خربتي بيتك بنفسك بسبت تفاهات مالك الا حل واحد صلي ركعتين وادعي لربك ان يسهل امرك واسف اذا كنت قاسي معك فهد |
نعم أستمري معه بالرسائل الاستعطاف . ومسألة أنه ما يرد على جواله لأنه الآن في حيره ومنصدم من الموضوع . أوما مسألة تطلبين منه الطلاق مباشر من حين عرف سر الموضوع هذا غلط . الصبر مفتاح الفرج ..
|
هو يحبني بس انه قالي ان كل الحب انتهى واني بحيااته انتهيت
شمعنى كلامه يعني بيطلق صح وزوجي من النووع الحليم والكتوووم يعني اول اذا تهاوشنا وجاابني بيت اهلي مايقوول لااهله انه متهااوشين يقوول اي شي تكفوون لاتواخذووني انا مقهووره وماني قاادره استووعب الطلاق ابد ماني قادره استحمل بعد عني بما انك رجال مثله يعني فيه امل يرجعني |
اقتباس:
لا ماتوقع اختي لو رجعك ماهو عايش زي قبل معاك وملييييوووون بالميه كلها سنه ولاسنتين ومتزوج وحده ثانيه :d |
اقتباس:
بعدين انا مابينا طفال تونا |
اقتباس:
|
اخوي فهد الله غفوور رحيم انت البشر ماتغفرون ولا ترحمون الزله
انا والله تبت توبة نصووح لله عز وجل ونذرت نذر اني ماارجع زي اول واني اسمع كلامه ولا اعصي له امر ابدا ابدا |
ايه توها امس
|
الله يعينك و يفرج همك
مالك إلا الدعاء تصدقين في أمل يرجع لك لأني مريت بقصة نفس قصتك تقريبا |
ياناس ساعدوني تكفوون لو طلقني اقسم اني بمووت والا بنهبل
لاني احبه بدرجه جنونيه صحيح اني خنته بس والله اني اكلم الرجال اذا تهااوشت معه اكلمه اشتكي بس والله العظيم اني تبت ونذرت الله يعاافيكم سااعدووني |
اقتباس:
اول شي انا ماني دخل فيك والله يستر عليك بس انا اقووول الواقع المحتمل 90 بالميه الي بيصير والله لو انك مكان زوجك ماترضين تعشين معه وبتجلسين بتفكرين بيرجع يخوني مره ثانيه وثالثه الكلام الحين غير وبعدين غير والي يقهر الرجال الي يغدر من وره ظهر ويجي في وجه يضحك ولا كان شي حصل اجل اذا جت من وحده بتصير ام عيال بعدين وش تتوقعين يقول ومالك الا ربك اختي صلي ركعتين وادعي واقري كم ايه ويرتاح بالك |
اقتباس:
|
أووه المسأله طازجه .
والله أنتي سويتي الواجب الديني أنك تبتي وأنذرتي . وكمان سويتي معه الواجب الدنيوي بأنك صارحتيه أنك تحبيه ولا تريدين غيره . مالك الا الدعاء وأنتظري ما يجيك من زوجــك . |
اقتباس:
مو قصتي قصة وحدة من صديقاتي ما في شيئ على ربكِ بعيد و خلي أملكِ بالله كبير إن شاء ما يطلقك و لو إنك غلطانة بس إرضي ربك و إن شاء الله بيرضى عليك هو |
فهد انا ماقلت لك دخل بالعكس عادي
ابيك بس تعطيني حل بعدين انا مااكلم الرجال يومياا لا يوم ورى يووم او اسبووع ورى اسبوووع يعني اذا صاارت هووشه بعدين لو الموضوع صااير لي والله ثم والله ثم والله اني لا ارجع له صحيح اني بزعل ببداية الامر بس ماراح اطلب الطلاق ولا راح افترق عنه ابدا |
اختي كان الله في عونك
صحيح انتي توبتي بس بعد ايش ؟؟ بعد ما انكشفتي زوجك كان حليم و اعطاك شهر .. كان عارف و ساكت يمكن لو كنتي خلال هذا الشهر قطعتي علاقتك و تبتي احتمال كان سامحك و سكر السالفة بس انتي استمريتي وكملتي لغاية ما هو كشفك فا طبيعي ماراح يصدقك و لا راح يقدر يسامحك شهر وهو يتعذب .. تتوقعي بسهولة ينسى و يرجع لك ما اعتقد ... صح ردي قاسي بس اعتقد هذا هو الواقع قالها لك بلسانه كره كل النساء من بعدك .. خلاص تاصلت فيه فكرة انك خاينة لانه ماقصر معاك و قابلتيه بهذا الفعل ... يمكن لو كان مقصر معاك .. كان بيتفهم بس الرجل اعطاك كل شي و قابلتيه بسوء المعاملة ؟. من الطبيعي يكرهك و احمدي ربك انه رجعك بيت اهلك وستر عليك .. لو حد ثاني كان ماخلى حد الا وحكى له و سمعتك راحت عند كل الناس رايي انك تدعي الله سبحانه يقبل توبتك .. و تدعي انه زوجك يكمل جميله و يستر عليك على طولل .. و ان شاء الله ربي يرزقك زوج صالح .. وربي يهديك و تكوني نعم الزوجة له اما زوجك الحالي .. فا خلاص انسيه و انسي حياتك معاه ... |
انا ياناس مابغااه يطلقني وبس ابي ارجع له
لاني من جد مجنونه فيه |
اقتباس:
|
المشكله ماراح اقدر انسااه
يااربي رده لي ردا جميلا |
يارجال لو انتوا مكانه ماراح تقدروون تساامحوون ابدا
خصووصا انا تونا في البدايه زواجنا |
اقتباس:
اول شي لربك صلي ركعتين وادعي والحل كله من بعد ربك زووجك هو الي يقرر الله واكبر الحين فرقت يوم ولا يومين واذا رجعلك زوجك اعرفي هاذي ضربه ووجعتك واذا طلق من حقه وافضل هذا (الحل) ويدور وحده تصووونه وتعزه وماتلقى غيره وتشكيله همه |
اقتباس:
ألحين أنا وش قلت و ليش ذكرت مثال إفهم بعدين رد أستغفر الله العظيم لا تقتبس كلامي رجاءا إلا إذا عجبك بس و إذا ما عجبك قل خيرا أو اصمت |
هذه اول مشاركة لي موضوعك اجبرني أرد أنا حرمة ولو إني رجال ما أرجعك خاينة ربك وزوجك وأهلك طيحتي راس الكل في الوحل كل واحدة تهاوش زوجها وتروح تفضفض لحبيبها ماصارت حياة ماكان أفضل لك فرشتي سجادتك وانطرحتي بين يدي الله مع كل هوشة مع زوجك بدل المسخرة اللي سويتيها لا وبعدين كل همك ماتطلقين؟؟ فين خوفك من الله؟ فين الحرام والحلال؟ استغفرتي ورجيتي الله يغفر لك خطيئتك ويكتبك في التائبات بنفس قدر همك زوجك يغفر لك ويرجعك؟؟ إن زوجك غفر لك ورب الكون ماغفر لك ايش الفايدة؟؟ اجعلي الله كل همك تأتيك الدنيا راغمة. وسامحيني إذا كنت قاسية معاك. |
اقتباس:
تبتلله والله تبت بس ابيه يرجعني تكفوون سااعدووني |
اقتباس:
انا قبل كل اتجهت لربي ولاني من المتعذرات من الصلاة ماقدرت اصلي صلاة ليل بس حطيت حالي بالدعاااء ديت ربي الله يغفر لي خطيئتي بعدين يرجع لي زوجي وانا طرحت الموضوع عشاان القى حلوول وافضفض عن مافي نفسي |
والله يا أختي لقد احترت في موضوعك
فهو ليس بالأمر الهين .. ويبدو من كلامك أنك كنت في نعمة والان شعرتي بها بعد أن فقدتيها.. عموما لا ينفع الآن العتاب ولا ينفع الندم .. عودة زوجك من عدمها .. يرجع إلى شخصيته ومستوى تفكيره لذلك أنت أعلم بهذه الأشياء من خلال المواقف التي حدثت بينكما في السابق هل عقليته متحجرة ويصعب إقناعه أم عقليته متفتحه وسهله؟ وغيرها من الأمور التي أنت أدرى بها.. لذلك أرى منك أن تقومي بالتالي: - اللجوء إلى الله سبحانه وإعلان التوبة النصوح - الاستمرار في إرسال الرسائل التي تعترفين فيها بخطأك وأنك كنت ضحية من ضحايا إبليس - أن تعلني له التوبة النصوح وأنها لوجه الله أولا وثانيا لك وله - ذكريه بأن الإنسان ليس معصوم من الخطأ وأن هذا الخطأ علمك الكثير. - أذهبي مع أخيك إليه بعد أيام وليس الآن كونه لا زال يعاني من آثار الصدمة وأعلني التوبة أمامه وجددي العهد والولاء له وأن أخيك شاهدا على ما تقوليه. فإن عفا فأخبرينا لكي نمدك بالنصائح التي تساعدك في تجاوز هذه الأزمة بإذن الله.. وتأكدي بأنه لو أعاد لن يعود كما كان في السابق بسهولة لأن الشك سوف يراوده بين فترة وأخرى وبإذن الله أنها ستفرج |
يا أخت ضايعة بدونه
أنت ارتكبتي جريمة إن الله غفرها البشر ترى مايغفرون بسهولة المسألة يبغالها وقت زوجك الحين مصدوم ومهموم ومغموم محتاج يجلس مع نفسه عشان يخرج من الصدمة ثم يقرر بشأن المصيبة إما الإستمرار أو الإنفصال إنت ماعليك غير الدعاء والإنتظار |
مشكوور اخووي الله يعطيك العافيه
بس اخووي انا ارسل على الايميل وماادري اذا هو يشووف الرساائل او لا وثااني شي اخووي واقف ضدي مره يعني متقفله بوجهي من جميع النواحي بعدين زوجي يجي على الطرفين عقله متحجر وفي بعض الاحياان احس عقله متفتح بس هو من النوووع الغيوور جدا اللي يبيني اغطي عيووني ولا اطلعها ابدا ويهااوشني كثيررررر اللي شااغل بالي الحين اخااف يسووي بوعده ويرووح يجيب ورقة طلاقي |
اقتباس:
ابي احد يعطيني رايه بهالامووور يعني بيستعجل وماهو متحمل وجوودي على ذمته والا بيصبر بعدين بيقرر |
اختي
اول شي اطلب السموحه اذا جرحتك وتحللني بقولك حل ان شاء الله ينفع اصبري على الموضوع اليوم وقولي لواحد من اهلك يعزه زووجك وخليه يتصل على زوجك ويكلمه ويطلب من الامر يجي البيت يتفاهم معه واذا جى وتفاهم معه انزلي وتفاهمي مع زوجك وخليه الي يقول الي يوقوله حتى لو جرحك وبعدها اعتذري منه وقولي الي في خاطرك اذا مشى الامر الحمد الله هذا من رحمة ربي واذا لا الله صبرك ويصبره هذا الي عندي اختي اذا كنتي تبغين زي الحلول كذا |
يا أخية المكتوب مافي منه هروب
ولو تجري جري الوحوش غير رزقك ما تحوش اطمئني اللي الله كاتبه مايرده عنك شئ لو زوجك من المتعجلين كان رمى عليك اليمين وأنهى الموضوع أختي اهدئي واتوكلي على الله أخوك محتاج وقت يفكر وزوجك محتاج وقت يفكر أعطيهم الوقت عشان يتصرفوا صح يابنت الحلال مالك إلا الدعاء |
حقيقة لا أحب المشاركة في هذه المواضيع سواء كانت من طرف المرأة أو من طرف الرجال لكن شدتني إجابتك التاليه اقتباس:
إشعري بكل كلمة و كل لمسة قام بها تجاهك و أنت تعرفين أنه يخونك كل نظرة و كل تفاعل بينكما و أنت تعرفين أنه يخونك قدرة تحملك لخيانته و مقدار الفرص التي و ضعتيها له ليتوقف عن خيانتك و لكنه لم يفعل الآن ماهي ردت فعلك وماهو الحل في رأيك ليصلح زوجك الخائن ( إفتراضيا ) جرحه لك و عندما تجدين و سيلة الإصلاح المناسبه في نظرك من ناحية إفتراضية فإعلمي أنك ستحتاجين للانهاية من الحلول لإن الواقع يقول ( أن الخيانة لا حل لها حتى الطلاق لن يحلها ) لأنها جرحها أعمق من أن يكتشف فضلا عن أن يكتشف لها حل أسأل الله أن يصلحك و يرزقك من واسع فضله و يختار لك ماهو خير |
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©