|
لو دخل عليك زوجك بهذه الحال ؟!!
بسم الله الرحمن الرحيم الصورة المألوفة لزوج يدخل بيته قد نقسمها إلى عدة صور // إما الصمت والوجوم // أو الإبتسامة الخفيفة التي تصارع تجاعيد متاعب الحياة لكنها للحظات وتختفي // أو عصبية مستترة خلف ضغوط الحياة ، تنفجر تجاه أي خطأ أو تقصير من قبل الزوجة ... لكنهناك صورة أتوقع أن كثير من الزوجات في هذا الزمان لم يتصورنها ويتوقعنها وقد تحدث - لا قدر الله - لذلك دعونا نضعها في موضع الإفتراض الذهني ونتعامل مع هذا الخيال الواقعي وأيضاً أتمنى أن تضع كل زوجة مقياس لردود فعلها وتعاملها مع هذه الصورة .... (حتى لو كان بينها وبين نفسها ) الصورة // تخيل أن يدخل عليك زوجك خائفاً مرعوباً ، ينطق جسده وعيناه بالخوف ..... ومن دون أن يخبرك أو لم يستطع إخبارك ما هي ردة فعلك وكيف يكون استقبالك ؟!! وهل الصور الثلاث أهون من هذه الصورة ؟!! والتعامل أسهل مقارنة بهذه الصورة الجديدة ؟!! عزوبي بس رجل |
السلام عليكم ...
يشرفني أن اكون من اوائل من يرد على موضوعك ... أتخيل أني سأقلق وسأسأله عن ما به وماذا أصابه ؟؟ اذا تمنع سأساعده على الحديث بطرح الاحتمالات التي قد أدت الى حالته .... اذا طلب مني تركه سأتركه مع مراعاة حالته النفسية و ابعاد كل مكدر عنه .... ولكن قلقي عليه حتما سيكون ظاهرا على وجهي واكيد ابسامة على وجهه افضل من هذه الحال ... |
سيرتجف قلبي بين ضلوعي.
ولكنني سأحاول التماسك بعد برهة وأحتويه بين ذراعي حتى يهدأ .. وبعدها يفضفض إن أراد ذلك. ولو أنني أعتقد أن هذا الموقف بعيد الحدوث جداً. |
أكيد مايدخل خايف ومرتعب إلا فيه أحد داق علاجواله قايله بيتك إحترق أوأهلك صاير فيهم شئ وإلا رجال ويش طوله وعرضه داخل خايف مرتعب وش فيه وليش أصلا إسمه رجال إذا سوى غلط يتحمل نتايجه أهو وبصراحه أخوي أنا ما أرضاها أبد زوجي يدخل خايف مرتعب أرجوأن توضح لي ماهو الشئ اللي يرعبك ويخوفك كرجال لأني صراحة ماقد سبق وواجهت زوجي خايف عند دخوله للبيت والله لايجعلني أشوفه خايف ومرتعب بسم الله عليه علا كذا أنابيوقف قلبي لما أشوفه كذا خايف ومرتعب وبصراحه لالا الحالات الأولى الثلاث أهون عندي بكثير لاكن الحمدالله زوجي مايدخل مع الباب إلا وهومبتسم ويرد السلام وأستقبله عادي وأحيانا عياله يستقبلوه عند الباب وأكون مشغوله بالمطبخ بس الحمدالله لازم يدورني وين أنافيه ويرد السلام عليه الله يحفظه لي دوم إن شاءالله بس أخوي ودي أسألك سؤال ويش فائدته هاذا السؤال وما الهدف من ورائه .
|
تخيلت الموقف بصراحه شعرت بالخوف:24:
وسأحاول معرفة الشي الذي جعله بهذه الحاله لكن المصيبه لو لم يكن له رغبه بأخباري وقتها من الاحتمال أن أجن :23: أفضل دخوله الصامت أو دخوله المصاحب بأبتسامه وان لم تسمح الظروف بدخوله بالحالتين السابقتين :dأفضل اقتباس:
رغم أني لاأتمناها لكنها أفضل من الحاله الأخيره :24: |
لا أتوقع أن يصدر هذا التصرف من الرجل ...
لان الرجل بطبيعته مايظهر عليه الخوف .... ويكون متماسك وقت الشدة والأزمات وهذا الشي داااااااااايماً أشوفه على ابوي واخواني ... علشان كذا لو حصل هذا الموقف أكيد إن زوجته يوقف قلبها اذا زوجها خايف ومرعوب اجل كيف هي !!! |
اخ عزوبي ذكرتني بموقف صاير لي يشبهه الموقف الي طرحته
دخل اخوي علي وساااااااااكت وجهه بااااين انو فيه شيئ لدرجه نساله ولا يرد وعيونه طايره يناظر مو خوف قد ماهو باين عليه الصدمه <<<طبعا مااخذنا منه لاحق ولاباطل بس لازال الموضوع يثير فضولي :) اما لو صار هالموقف لزوج المستقبل في البدايه احاول اهديه ومو شرط اعرف وقتها ايش الي صار لو بعد فتره بس اهم شي انو يرتاح وقتها:) والله لايحطني بهالموقف |
بصراحة شئ يخوف وغريب لكن ان شاء الله مايصير ابدا
انا عن نفسي حضمة واحاول اخفف خوفة وادا هدء اسئلة عن سبب خوفة |
شلوون يعني خايف ؟ مافهمت يعني متضارب مع واحد وجاي خايف ومرتعب ؟ يقول خبيني لايضربني مثلاً ..؟ عليكم مواضيع .. !! |
اقتباس:
و انت توصفِ الرجال برأيك، احسست انك تتكلم عن وحش متوحش لا يخاف شئ على وجه الأرض. مثلا انا مرة كنت اقود سيارتي على اوتوستراد في برية و في نصف الليل البارد القاحل. حينما تعطلت سيارتي في نصف الطريق و لم استطيع اشعالها. كانت درجة الحرارة ما دون ال40 تحت الصفر. بدأت ارعش شئً فشئ و بعد مرور ساعات فقدت أمل الحياة و كنت ارتعش بقوة و كنت خائف لوحدي في نصف الطريق. كدت أموت من البرد و الثلج الى ان التقتتني شاحنة بعد مرور ساعات و رجعتني على البيت. دخلت غرفتي و انا ارتعش خائفا و قلبي ينبض بقوة. للأسف اتصلت بعدها بخطيبتي لأجد انها لم تبالي ان تتعاطف مع وضعي كل العطف حينها مما تركني مجروحا... فهااه هذا موقف مرعب... |
عامل حادث سير .. ما يحتاج أسأل << متعودة
|
بداية أشكر كل من رد أو قرأ الموضوع أن سأتفاعل مع الردود بأسئلة حتى أستوضح أكثر ردود الفعل بشكل واضح ثم بعد ذلك أضع الرد الجزء الثاني من الموضوع في هذه الصفحات والمرتبط بأوله ، وأتركم لكم المقارنة وإبدأ الأراء المختلفة .... وما توصلتم ‘إليه .... أسئلتي ليست تحقيقية لكن أعقب سعياً لتوضيح المشاركات وأخذ الرد النهائي فتحملوني شوي ....:18: وأحسن الظن بأخيكم ....:11: والموضوع للفائدة ...... وبالله التوفيق اقتباس:
ويشرفنا أنك شاركت معنا - ولا يهون بقية الأعضاء - من ردة فعلك ستحاولين معرفة ما سبب خوفه وطرح عدة أسئلة .... اقتباس:
لا قدر الله قد يحدث لأي إنسان ... لكن ردة فعلك هي طريقة تهدئتك له ...؟!! صح ؟!! اقتباس:
هو دخل خايف بغض النظر عن السبب ؟!!! لكن واضح من ردك إنك لن تتركيه إلا بالسؤال والإلحاح عليه وقد يصل - من كلامك - وفي كلامك تشكيك كأن تقولين ليش أنت كذا المفروض ما تكون بهذه الحال ، لان الرجال ما يخاف وأنت .............:24: اقتباس:
طيب أليس من الأولى تهدئته ثم بعد ذلك لكل حادث حديث ....!!! اقتباس:
يعني بناء على بيتئتك وما نشأت عليه ممكن تقولين لزوجك هذا ما هو تصرف رجال ؟!! وليش أنت خائف ؟!! اقتباس:
ممتاز إذا أنت ركزت على تهدئته ؟!! السؤال هنا كيف تهدئين رجلاً خائفاً ؟!! اقتباس:
اقتباس:
شوي قربت !!!! :25: طيب كيف تتعاملي معها وكيف تهديه ..؟!! اقتباس:
الله يلوم اللي يلومك ... غربة في بلد ووحشة في غابات ... وما تدري مجرم يظهر لك أو حيوان مفترس أو صحن فضائي نازل عليك :24: (كاثره عندهم اقتباس:
طيب كيف تهدئينه بإنتظاركم عزوبي بس رجل |
سؤال محير :)
بصراحه ماعرف بالضبط بس اتوقع اخليه يجلس مثلا وياخذ انفاسه واقوم بالطبطبه عليه وبعدها شرب ماء ونبداء بالاستدراج بالاسئله يعني مااسال بشكل مباشر |
اقتباس:
اقتباس:
ههههههههههههههههههههه والله انا في الشغل..... انتم الاثنين ضحكتمووووني اوي المانيجر رح يطردني من كثر الضحك! ههههههههههههههههههههه |
زوجي يمثل لي الامان ف اذا شفته بهالحاله راح انهار داخليا مع بعض التماسك الخارجي المصطنع!!!
|
اقتباس:
أعتبر هذا رد نهائي ويكمل سابقه اقتباس:
احذر تسلم .....:25: اقتباس:
ماذا ستفعلين معه ؟!! عزوبي بس رجل |
خطيبي بنظري هو المأمن بالنسبة لي يعني عادة بس اخاف او حتى اكون نايمه واحلم بشي مفزع واصحى مرعوبة اتصل اصحيه ويجلس يكلمني لحد ماانام وبعدين يسكر الخط يعني ماصدفت ولامرة شفته خايف واذا كان خايف يكون على احد ب بس مو من شي وبهالطريقة مثل ماذكرت فما اتوقع انو يصير هالشي وان شاء الله مايصير بس مافي شي مستحيل فإذا صار اتوقع اني برتعب نعاه بدون مااعرف لي بس اتوقع اني بجيب له ماء واسمي عليه واحاول اهديه بطريقتي وافهم ايش في بس اكيد مارح انزل عليه والح بالاسئلة اهم شي يهدا ويرتاح ولوحده رح يقولي كل شي |
الرجل , انسان يخاف , ويبكي , ويحزن , ويأكل , ويشرب ,,,,,, فخوفه من امر يستحق ذلك , لا ينقص من رجولته
فرسول الله صلى الله عليه وسلم , لما نزل الوحي عليه وهو في غار حراء وبلغ منه الجهد , عاد إلى خديجة خائفا يرتجف وهو يقول: (زَمِّلُونى زملونى)، غطته حتى ذهب عنه الروع، ولما حكى لها ما حدث، وقال لها: (لقد خشيت على نفسي)، قالت خديجة: كلا، والله ما يخزيك الله أبدًا، إنك لتصل الرحم، وتحمل الكل، وتكسب المعدوم، وتقرى الضيف، وتعين على نوائب الحق,,, شاء الله أن يكون اول لقاء بيني وبين زوجي ( خطيبي ) ليلة عقد الزواج , وكان خائفاً ويداه ترتجف , فما كان مني إلا تجاهل الموقف, وطأطأت رأسي للأسفل , وتظاهرت بأني لم ألاحظ خوفه , وجلسنا لبعض الوقت , أنا رأسي في الأرض وارى قدميه ترتعد حقيقة الموقف كان صعب علي جداً , كنت طواااال الوقت اسأل نفسي لماذا هو خائف ,وأنا لا... وبعد زفافنا بإذن الله, لا أتمنى أن اراه خائفاً يرتعد ,ولكن إن حصل ذلك ,فلا بد ان اكون ذلك الصدر الحنون ,الذي يحتوي خوفه ,حتى تطمئن نفسه , ثم هو بنفسه يخبرني ما به |
سآوي به إلى الفراش و أدثره بلحاف حتى تهدأ أنفاسه
كوب ماء + سكر للتخفيف من خفقان القلب أذكر الله وأسمي عليه وأقرأ بعض الآيات حتى تهدأ نفسه وبعدها أتحدث معه |
اول شي اسويه اعطيه كأس مويه باارد واقول في شاي جاهز تبي كوب لانه يحب الشااي
لاني اذا ضميته راح يطيرني للجدار ثاني شي اقترح عله ياخذ شور وجهزله ملابسه واقوله خذ شور علشان ترتاح شوي لاني اذا سئلته راح يقفل الغرفه عليه وبعد شوي اسئله عسى ماشر ان جاوب راح اخفف عنه وان احتفظ بالجواب ماراح اسئله ابد الى بعد يومين او اسبوع |
اممممممم سؤال محير ... :23: بقول كم مرره اقولك لااتتضارب مع الرجال فضحتنا .. شووي تجي زوجته زعلانه تقوول زوجك فلق زوجي وهررب .. امزززززززززززززززح .. اول شئ ان شاء الله مااشوفه بهالحال يااارب .. ع فكرره زوجي ماعمري شفتووه خايف .. بحاول اهديه واتركه ... بس مستحييييييييييييل مااسأله .. اطلع عيوونه اذا ماجاوب .. :25: لما يرتاح راح ابدأ تحقيقي .. ان شاء الله وفقت في الاجابه ..:24: |
ماراح اقدر اهديه لاني بكون متوتره!!
عشان جذي راح انطره لين يهدا من نفسه بعدين اساله لين اعرف القصه كامله مكمله!! |
اقتباس:
هو يعرف سبب خوفه لكن أنا سأخاف ويقع قلبي والادهى أني لاأعرف من ما أنا خائفه :23: وأن أعطاني الله القوه فسأحاول أن أتظاهر بعدم الخوف وأحاول أن أهون عليه بأي طريقه لاأعتقد أن أحتظاني له أو أقترابي منه سيهدئه لانه سيحاول أن يتظاهر بأنه غير خائف حتى لو كان ظاهره يكشف ذلك !! الله لايحطني بمثل هذا الموقف :24: |
السؤال غريب بس نجاوب مو مشكله ~
أول شيء انا ماني متزوجه بس فرضا صارلي هالموقف الله لايحط احد فيه بسمي عليه وبقوله عسى ماشر ان شاء الله ان تكلم وفضفض كان بها بأخفف عنه واهونهآ عليه ؛ ما تكلم راح احترم صمته واجيب له مويه يبل ريقه وبكون على نار بس بدعي بداخلي ان يكون الموضوع بسيط واحتمال اكيد راح اصيح وأتأثر ~ أذكر في رمضان سمعنا صوت ضربه قوية في الشارع وقت صلآة الفجر شوي ابوي جاء وهو مرعوب ودخل غرفتي وجلس وهو ساكت صراحه طاح قلبي بس سألته سمعت الصوت اللي قبل شوي ! فجاوبني انه حادث حصل قدامهم وكان يالله يآخذ نفس من الخرعه بس الحمد لله سألته فيه اصابات قال لآ فقلته الحديد يتعوض اهم شيء ماحد صابه شيئ وارتاح بعدها فديته؛؛ |
إن شاء الله ماأشوفه في هالموقف المرعب
لكن بسمي عليه وأغطيه والبسه شراب لأن الخائف يشعر بالبرد وأجيب له شي دافي ممكن شاهي وبسمي عليه وأقرأ عليه أو اشغل قرآن وأذكره برحمة ربي وأذكره بالأذكار لأن بذكر الله تطمئن القلوب لين ينام او يهدأ بعدين أسأله أو ممكن اشوف مين كان معاه واسأل عن الي صاير له او اتصل على خالتي أم زوجي وأسال عنهم اتطمن طبعا بدون ذكر السبب |
موضوع جميل مره وجدت والدي يدخل يرتجف ونحن نعلمه دايما ماشاء الله لا يخاف
وقال هو ونازل الى صلاة العصر تفجا بجار لنا حامل ابنته عمرها ثماني سنوات ساله والدي خير سلامتها وكان الجواب : ماتت وقعت عليها حائشط وهي تلعب مع اولاد عمتها في العيد الحائط مختل من جراء الحرب وما حد منتبه عليه كان المنظر قوي على ابي مع انه متعود صيدلي وياما يدخل عليه ناس مجروحه واحياانا بالمستوصف تكون المناظر اقوى اما عن زوجي اول شي وقت اشوف عليه هذا رح اوقف عند الباب بعد ما يدخل واصرخ :والله اللي يقرب منك لآكلو بسناني مين اللي رعبك لارعبو واموتو ومن ثم اسأل ليه رعبو وقتها سيهدء فورا ان شاء الله ولكن حصلت من مده جا اخوت زوج ابنتي وصارو يهددو وقام زوجي صرخ فيهم ولكن صار يرجف ووقفت لهم وقلت :والله اذا صار له نوبة قلب تشوفو مني اللي عمركم ما شفتو , ظفرو بضيعتكم كلها امحيها وكنت رح اهجم عليهم ووقفت امامه وطلبت منهم الخروج من البيت احسن اطلب الشرطه فرح وقتها وطار من الفرح (مع انو مطلع عيني ولكن ما اسمو الا ابو العيال واللي يمسو بسوء آكلو بأسناني ) م.زيتون الحمد لله على سلامتك والله ستر اخوي لازم يكون معك موبيل او هذا اللي يرسل اشارات بالسياره واو لاسلكي وخصوصا وقت تكون لوحدك يباع في محلات الرحلات شمع او قطعه تشعلها وقت تنقطع بمنطقه ولان الغابات فيها رادار وبرج مراقبه ووقت يشوفو الاشاره يسرعو لتحديد الموقع والنجده اكرر الحمد لله على سلامتك وحاول جاهدا انو ما تكون لوحدك ويكون معك شريك تواسو بعض وان مات الواحد ما يموت لوحدو يموتو الاثنان هههههه اضحك شايفتك ما لي علاقه بالمانجر ما تضحك بصوت عالي |
اقتباس:
ههههههههه خالة قرين ربي يسعدكِ ياعمري خليتيني اضحك بهالليل لحالي , الله يستر لا يقولون عني اخواني هالبنت استخفت |
وعليك السلام ورحمة الله وبركاته
بالنسبة لي احس إني صرت جبل أمام مثل تلك المواقف الحمد لله على منه ولطفه سأتخيل الموقف وأجيب: ألتزم الصمت واحاول أثبت لأقلل من حجم الخوف ولا أحاول أبين إني مضطربه لكي لا يضعف أمامي طبعاً ردة فعلي وأنا بحالة مزاجية جيدة تختلف عن ما إذا كنت متوترة فسيزداد توتري وربما لن أستطع الثبات سبحان الله ذكرتني بموقف رسولنا وحبيبنا محمد صلى الله عليه وسلم عند نزول الوحي وكيف استطاعت أمنا خديجة رضي الله عنها احتواء الموقف بالسكينة والأمان شكراً لك اخي الكريم |
اقتباس:
وأبين له ان لا مشكلة بدون حل .... |
معروف عني اني اتصرف برباطة جأش بالمواقف الصعبة ..امسك أعصابي وأحاول أحل المشكلة ..هذا كلام زوجي عني :)
مرينا بحياتنا بمواقف صعبة ودخل زوجي البيت مهموم جدا لكن ما سبق ودخل خايف بالمعنى اللي تقصده . أتصور اني راح أسأله بالبداية عن سبب الخوف وهو عادة يقول لي عن مشاكله حتى أساعده بالحل لكن اذا ما تمالك أعصابه راح أشعر انه السبب شيء صعب وكبير ..فألجا لرب العالمين بقراءة القرءان على زوجي وتذكيره بالتوكل على الله والاستعانه بالاذكار حتى تهدأ نفسه ويقول لي عن السبب ونحلها سوا ..مافي شي ماله حل :22: |
يوووووه ماأتوقع هالموقف لأني راح أموت رعب وخوف أكتر من خوف زوجي نفسو :24:
وماراح يهدئ لي بال علين أعرف سبب خوفه وأحاول أخذ بيده وأحضنو وأخفف عنه وطأة مابه ,, :( |
يا أخي م زيتون أناماقلت إن الرجل ماعنده قلب بلعكس الرجل عنده قلب وإحساس ومشاعر بس أنت ظرفك غير عن ظرف اللي يطلع ساعه او نصف ساعه ويجيك تقول فيه أم الركب خايف مرتعب أنت رجعت مريض وخفت علا نفسك من الهلاك فيه فرق بينك وبين شخص يكون عامله مصيبه برى وجاي البيت وكمان فيه فرق بين إللي يشوف موقف محزن ويجي علا بيته متأثر ومنصدم من إللي شافه فيه خوف صدمه وذهول وفيه خوف إنه الرجال يكون ملقوف وحشري ويورط نفسه بمشكله مالها داعي ويجيك يرتجف خايف ويش أسويله هاذي بلوته ويحلها أذكر لك قصه أذكرها صارت بديرتنا إن كان فيه شخصين بينهم خلاف علشان قطعة أرض فراحوا المحكمه فقام القاضي حكم فيها لصاحب الحق فقام خصمه قال خلاص عادي حنا جيران وإخوان مافيهاشئ بنرد المياه لمجاريها وهو يضمر في داخله شر بعد فتره راح معاه مشوار وفي الطريق قتل الرجال خصمه والله ذاك اليوم لحد الآن ما أنساه تركه في السياره وهرب لبيته ويقول لزوجته دوري مكان أستخبي فيه الشرطه تدورني وجت الشرطه فتشت البيت زاويه زاويه وأخذته لسجن مثل هاذا من قال له يقتل ويزهق روح بريه ليه يقتل ويهرب لبيته عند حرمته إذا مسوي مشكله
يتحمل ماجاه بالنسبه للخوف من موقف شافه أو إنه صار عليه شئ لسمح الله مثلا حاصت سيارته طق كفرها بغى يدعس أحد لقدرالله أوكان بتصير له حادثه فمثل تلك الأشياء زوجي أول مايدخل الباب يقول لي عنها بس مو باين عليه إنه خايف بس بذكر لك موقف صار مع أخ لي وأنا باقي عند أهلي جا البيت وكان شكله خايف مرتعب وإيده تنزف دم وقال لوسألوك الوالده اوالوالد عني قولي لهم إني ماطلعت اليوم من غرفتي أبدقلت خير وليش وش ذا الجرح بيدك قال تزحلقت وطحت ولاشوي إلا وناس من جماعتنا جاين للوالد يقولون له شوف لو ماتمسك ولدك ترانا نذبحه لك قام الوالد يهديهم وأثر السالفه فيها مغازلة بنت وإنكشفوه أهلهاوأخوانها وتضارب معهم فأنامن ذاك اليوم حطيت في بالي أن الرجل مايرتعب إلا لوكان مغازل له بنت وأهلها طاردينه وبيطقوه أو شايف أعوذ بالله منها عفاريت أوقاتله أحد المهم حمدالله علاسلامتك أخوي وماتشوف شر ولاتنسى إن يد وحده ماتصفق مثلا لو جاؤ خمسه شباب بيطقوا واحد لحاله فهنا المعادله غير صحيحه ولاكن إعلن حالة الطوارئ وحط وحط رجلك أكيد لو وصلت البيت الوجه أحمر العيون جاحظه شعر راسك واقف كل شئ مصاب برجفه حتى سنونك تسمع صوتها وزيادة نبضات القلب ومهما صار مع الرجل مستحيل يقول لزوجته وراي ناس بيطقوني لوشافها كثرت الأسئله عليه يعصب عليهاويصايح بس بصوت واطي حتى لايسمعوه إللي عند الباب يعني عليه أسد وفي الحروب نعامه والله إني أشوفه سؤال مضحك صراحه وبالنسبه لخوف النبي عليه الصلاة والسلام هذاك نزول وحي يعني مسؤلية أمه علا عاتقه وتأدية رساله . |
تخيل أن يدخل عليك زوجك خائفاً مرعوباً ، ينطق جسده وعيناه بالخوف ..... ومن دون أن يخبرك أو لم يستطع إخبارك
زوجي خائف اذا هو مكسور وهذا الصوره ما احب اشوفها في زوجي ابدددددددددددا وآآآآآآآآآآآسفه ما اقدر اتخيلها ما هي ردة فعلك وكيف يكون استقبالك ؟!! وهل الصور الثلاث أهون من هذه الصورة ؟!! والتعامل أسهل مقارنة بهذه الصورة الجديدة ؟!! و الصور الاولي اهون بكثير والتعامل معها سهل |
موضوع رااائع اخوي عزوبي ... بالنسبة لزوجي ... دائما يحاول انه يبين لي انه بخير وما فيه شيء ... لكني اكشفه من تصرفاته اذا كان مهموم او حزين او تعبان او غيره ... اما الخوف ... فزوجي عنده فوبيا من الظلام ... يعني يخاف الاماكن المظلمة ... فإذا اضطر انه يمشي في مكان مظلم يدخل البيت يرتجف وخايف ... وانا امثل اني قويه مع اني ما احب اشوفه بهالحال ...فأحضنه على طول وامسح على ظهره مثل الطفل لين يهدأ وبعدين أجيب له ماء او عصير وأسأله عن سبب خوفه ... يضحك ويقول : الفوبيا ذبحتني ... اما مرة دخل علي خايف جدا ... لان واحد من الهنود ( سيخي ) انتحر امام سيارته ... يعني شاف زوجي جاي من بعيد وقعد ينتظره لما اقترب زوجي قفز امام السيارة ومات في الحال ... والحمد لله ان اخو الهندي قال في مركز الشرطة ان اخوه كان ناوي الانتحار بسبب ظروفه الصعبه في بلاده والديون .. وزوجي فديته ... دخل البيت ووجهه الوان ويرتجف ... مع انه هوايته اللحاق بسيارات الاسعاف للاطمئنان على مصابي حوادث السير .... لكن هالمره كانت غير ... وعلى طول هديته بحضنه وبعض الآيات والاذكار ... والحمد لله هدأ ... ففي هذي المواقف اقدر اتصرف بشجاعه .... لكن اقف عاجزه ومنكسره لما أشوف دموووووووووووووعه ... الله لا يجيب اليوم اللي أشوف فيه دموعه ... يعطيك العافيه اخي الفاضل ... والله يسعدك ويهنيك ... |
.. موقف صعب جدا !!
.. جلست اتخيل الموقف .. واعيشه بكل حذافيره .. .. اتوقع أني في البدايه , بوقف وعيوني مفتوحه على الآخر .. << مستغربه يعني !! .. وأكيــد بعد ثواني , راح اجري وأحضنه , وأسمي عليه , وامسح على شعره , واطلب من عياله يجيبون له كاس ماء بارد !! .. ولما يهدا راح أقول ( خير .. وش فيك ؟ وش صاير ؟ ) .. اذا تكلم كان بها , اما اذا فضل السكون اكيد بحترم سكوته .. .. وهو اكيد بعد كم يوم راح يقول لي !! .. .. على فكرة انا شفت ( بابتي الله يخليه ويطول بعمره ) خايف !! .. مره من زمااااااان .. لما كان عمري 18 سنه , كان في احداث امنيه في بلدنا , وفي اعتقالات واسعه للشباب !! .. فجأة دقوا بيتنا وبعنف ,وباب البيت حديد , والصوت يكون مرره قوي , وانا الا فتحت الباب .. قالوا لي ( وين فلان ) .. قلت لهم نايم , طبعا ما انتظروا اكمل جملتي , ودفوني ودخلوا بيتنا بشكل مخيف , وانتوا عاد تخيلوا الموقف !! .. شرطة مكافحه الشغب مكون من عشرات عشرات الرجال , ومدججين باسلحه ,, وكمندوز .. ويصارخون ويكسرون .. ويصحيون باسم اخوي الصغير الا عمره 15 سنه !! .. طبعا بعد الرفسات والضرب سحبوه , وانا أبكي .. سئلوني .. وين جوازه .. ركضت بسرعه .. الى ابوي .. .. وابوي غرفته بالطابق الثاني .. ودقيت باب غرفته .. وقلت له ( الشرطه جايين يعتقلون فلان , ويبون جوازه ) .. .. وعليكم انتون الحين تتخيلون .. موقف أب في منتصف الخمسين , ويفز من عز نومه , على صراخ وفوضي واعتقال لابنه الصغير !! وهو من يسلمهم ابنه ويسلمهم جواز سفره !! ابوي فعلا كان خائف على اخي كثيرا , نزلت دموعه غصبنا عنه !! وبكى .. الله لا يجيب هذه الايام .. .. موقف لا نحسد عليه ابد .. .. اطمنكم اخوي الحين بخير , وهو في البيت .. وصار عريس ,, وندور له على عروس .. .. ويارب ما تشوفون احد خايف .. لا زوج ولا أخ ولا أب .. |
اقتباس:
صح. |
صراحه كنت مستبعده أن في يوم من الأيام يدخل علي زوجي وهو خايف ومرعوب بس بعد قرائة ردود الأعضاء كل شي جايز
بس أعتقد مهما قلنا بنعمل ونعمل وقتها بتكون ردة الفعل أكيد غير لأن تخيل الوضع مش مثل الواقع خصوصا للي اول مره تشوف زوجها بذي الحاله موقف والد مس بلو ووالد الخاله جرين صراحه مايلامو يخافوا ويرتعبوا ويبكو كمان أثر فيني الله يحفظ أبائنا ومانشوفهم مرعوبين أو منكسرين |
تخيلت الموقف حسيت اني انا محتاجه من يهدئني :24:
واذا تمالكت نفسي ممكن اني على طول اسأله وش فيك واسمي عليه واقرا عليه واجيب له كاس ماء وابدأ بالاسئله الله يهديك يا اخي عزوبي بس رجل دخلتنا في فيلم مرعب:) وافضل دخوله علي ب الإبتسامة الخفيفة التي تصارع تجاعيد متاعب الحياة لكنها للحظات وتختفي |
بعد ردودكم هذة فيحق للرجل الخوف منكن في ادنى موقف يلجأ فيه اليكن
واذكركن بالرسول صلى الله علية وسلم عندما نزل عليه الوحي ولتجأ لزوجتة خديجة رضي الله عنها خائفا قال لها زملوني دثريني |
لا أعرف لماذا تذكرت سيدنا محمد عند أول نزول الوحي وكيف كان موقف السيده خديجه في طمأنته
اعتقد ان هذا يجب ان يكون موقف كل زوجه فأنا أشعر انني في هذا الموقف سينخاع قلبي خوفا عليه ولكني سأكون صلبه حتي استطيع طمأنته |
| الساعة الآن 01:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©