|
ابو زوجي معجب فيني
السلام عليكم ورحمة الله وبركاته
انا متردده جدا في كتابة مشكلتي الى اللحظه التي اكتب فيها لكني توكلت على الله وقررت اكتب الموضوع لعل وعسى القى من نخبة الاعضاء الي بالمنتدى اراء تريحني من همي الي لازمني سنين انا متزوجه من ثماني سنوات من عائله محافظه والحمد لله عندي ابناء ومرتاحه مع زوجي بس المشكله في ابو زوجي لانه مررررررره تزعجني نظراته المليانه بالاعجاب واكره امشي قدامه مع اني كنت ولا زلت اعتبره ابوي ولا شي غير كذا ابدا بس انا متاكده تماما انه مايعتبرني بنته لما نجلس مع العائله مع اي نقاش لازم بين الكلمه والثانيه يكرر المزيونه ولا ششوفو عيونها ومن هالكلام مع ان عنده زوجه محافظه على نفسها ماشاء الله وانيقه وررياضيه الله يخلف علي اهو رجل سبعيني وزوجي سالني قبل كم يوم سؤال خوفني قال وش رايك ممكن تصير علاقه زنى بين الزوجه وخالها (ابو زوجها)انا قلت كل شي جايز اذا هم مايخافون الله بالاول ماهمني خالي ابدا بس بعد سؤال زوجي قلت لازم انهي الموضوع من جذوره اسعفوني باراكم واكون مشكوره |
الله يعينك ... الموضوع صعب جدا
سؤال زوجك غريب ويزيد من شكوكك ...لكن يظل سوء الفهم وارد ..يمكن حماك فرحان فيك كزوجة لابنه .. كيف الالتزام الديني عنده ؟؟؟؟ راح أجاوب بناء على انه شكك في محله أكيد انك حاولتي تتجنبي الجلسات المشتركة مع حماك .. لكن حاولي تتجنبي حتى الحديث المباشر معاه ولو فيها شوية وقاحة وحاولي تنشغلي بالمطبخ أو بأي شيء يبعدك عن مكان تواجده ... خل يكون واضح انك قاعدة تحاولي تتجنبيه ... يمكن توصل الرسالة لحماك ولزوجك بعدم رضاك عن طريقته .. أو احملي ولدك وانشغلي معاه بأي شي وانت بجلستهم ..ولا تعطي اهتمام لكلمات الغزل منه ... يمكن يثيره ارتباكك لما تسمعيها .. واستعيني برب العالمين ... الله يستر عليك وعلى بنات المسلمين جميعا ... ويهدي حماك |
وساوس في رأسك ليس لها أدنى داعي ,,,
لاأدري من أين أستنتجتي ذلك لمجرد أن يقول عليكِ "المزيونة" .. ماهي المشكلة؟ الأمر طبيعي جداً ,, وبنفس الوقت تستطيعين أن تخبري زوجك دائماً بهذا الأمر وتقولي خالي دوم يقلي مزيونة ,, عادي جداً ,, وهذا سبعيني ووالد زوجك أتقي الله في نفسك وفي تفكيرك ,,, |
أختي الفاضلة.. مثل هذه الأمور بدأت للأسف تنتشر في المجتمع
وهذا الكلام ليس من نسج الخيال بل مما أقرأه بحكم قربي من عالم الاستشارات الاجتماعية حيث تصل إلي الكثير من مثل هذه المشاكل لكن بما أن الأمر لازال في حدود الإعجاب ولم يتطور الموقف إلى أفعال وتلميحات فعليك بمعالجة الموضوع قبل استفحاله أختي.. عليك في البداية اللجوء إلى الله وطلب الستر في الدنيا والآخرة ثانيا.. أحذري البقاء معه في مكان لوحدكما حتى لا تصدر منها تصرفات قد تسيء لك و له.. حيث أن الإنسان في آخر عمره يعود إلى أرذل العمر فقد لا يدرك مدى خطورة ما يقوم به على الأسرة ثالثا.. تحدثي مع أقرب الناس إليك في العائلة وأخبريه بانزعاجك من هذه النظرات ودعيها تراقب الوضع لترى عن قرب فقد يكون ما تشعرين به مخالف للواقع .. حيث أن النظرة لا تكفي فقد تكون نظراته بنفس الطريقة للجميع والكلام المعسول قد يكون متعودا عليه.. لذلك لابد من التأكد أولا هل النظرات خاصة بك فقط ولا تتشابه مع نظراته للآخرين.. وهل الكلام المعسول خاص بك ولا يقوله للآخرين.. أفضل الا تتحدثين مع زوجك حول هذا الموضوع قبل التأكد منه .. تحياتي لك وللجميع |
حاولي إنك ماتبالغي بلبسك وزينتك قدامه فيه شيبان لوكبروا خرفوا الظاهر عنده مرض الزهايمر نساه إنك زوجة إبنه الله يعينك أختي يمكن زوجك سأل إحتمال حاس بحركات أبوه ويمكن سمع كلام أبوه وهوقاعد يمدح فيك إنتبهي حاولي تنادينه يابوي حتى لولفتره حتى يحس بللي قاعد يسويه ويستحي علا شيباته .
|
لن ازيد علي كلام الاخوان بأخذ الحيطه
وفقك الله |
اخواني لو اني شاكه بالموضوع 1%
ماكتبت هنا لعلمكم زوجته صرحت اكثر من مره انها تتضايق من وجودي قدام زوجها وعلى فكره انا ببيتهم اقعد بالعبايه من اجي لين اروح ولا اطلع لايدي ولا شعري ولا ملابسي ابد بس في بيتي شاريه جلابيات خاصه عشانه هو بالذات على فكره انا زوجي واثق فيني موووت بس مايثق في ابوه الوضع صاير له فوق ست سنوات انا اخاف يتاثر ولا يصير مشاكل بين الولد وابوه بسببي ا اخوي صالح كيف احد في العائله بناته ولا زوجته انت ناوي تجيب لي العيد من ناحيه النظرات والله مدري اما سالفة الكلام الحلو اسمعه احيانا يقول لبنته المتزوجه بس والله انا متاكده ان نظراته لي كل مالها وتتردى لدرجه ان زوجي يقول ان ابوي طلب مني مفتاح البيت وانا مارديت سويت نفسي ناسي اخاف يجي البيت وانتي ماخذه راحتك باللبس شكرا اخوي صالح على التفهم |
انا ماانكر ان خالي انسان مثقف وفاهم واستفيد منه في نواحي معلوماتيه كثيره
ويموت في عيالي من جد اعتبره جد حنون بس على فكره انا من تزوجته فهمت انه من زمان يبي يتزوج بمواصفات خاصه وخطب اختي ورفضو اهلي والى اليوم وهو يفاتحني بالموضوع وانا اتهرب |
ليش ما تبيني لزوجك انك مضايقة من هالامر .. عشان لو تطورت القصة ما يفكر انك نفستفكير ابوك او على الاقل اعطيتيه وجه !!
اكسبي نفسك هاذ زمن يخوووف و الناس ما ترحم .. يعني لو ابو زوجك انسان ظالم و اذا الموضوع تطور ممكن ببساطة يحط التهمة فيك انتي .. و انتي اللي تروحي فيها بسبب صمتك |
اعتقد ان زوجك يعرف جيدا سلوكيات والده وغاياته ورغباته والدليل انه سألك سؤال زنا الخال وكذلك عندما اخبرك بحكاية المفتاح ، لكنه محرج ان يصرح لك بالموضوع بطريقة مباشرة كونه اباه .
|
اختي الغاليه Beta 2
بالنسبه لمدى التزامه هو ملتزم جدا وخريج دراسات عليا شريعه اتمنى النقطه هذي ماتقلبكم علي وتاثر في مصداقيتي انا اقول يمكن هو مبتلى بالنظرات الزايغه |
شلون خالك و يبى يخطب اختك اعرف ان ابو الزوج يقال له عمك و ليس خالك و الله اعلم
|
اختي sanna ahmed
احنا بنجد نقول له خال شكرا عالمرور |
اقتباس:
سالت السؤال أختي حتى نشوف مفاتيح أبو زوجك وطرق التأثير عليه لا أكثر .... تاكدي اني اخر من يلبس الشخص الملتزم عباءة الملائكة .... هو انسان كغيره من الناس يغلط وان عصمه تدينه من كثرة الغلط ولكن يظل انسان خطاء ولعل التوبة تجد طريقها لقلبه .. الصراحة انه تصرفات زوجك هي اللي تاكد شكوكك وان كنت اميل لترك مجال لسوء الفهم بكل الاحوال ... وهذا الشك لا يمنع بأي حال من الاحوال لأخذ الاحتياط والبحث عن طرق الوقاية من الوقوع بمشكلة . أترك المجال لاخواني لاقتراح طرق استغلال نقطة تدينه في تبيهه لغلطه وتوصيل مدى خطورة ما يفعل وتأثيره على العائلة كلها . لا تنسي الدعاء ... سبحانه لا ملجأ لنا الا اليه ... تأكدي انك ممكن بالدعاء وحده أن تحلي مشكلتك وبدون أن تتصرفي أي تصرف ... ادعي بالقيام من كل قلبك ...تخيلي عواقب المشكلة وابكي بين يدي الله واطلبي منه عز وجل أن يكفيكي ويرشدك لصواب التصرف وأن يهدي حماك ويصرف عنك أذاه ونظراته . |
اختي الكريمه الله يكون في عونك وبكل صراحه موضوعك خطير جدا ولكن اسال الله العلي العظيم ان يسترك ويستر بنات المسلمين اولا عليك باخذ الحذر التام وخففي من زيارتك لبيت خالك واحولي تكوني رسميه معه كثرالزيارت والسواليف والجمعه ماتنفع مع انسان زي هذا اسال الله ان يهديه ويحسن خاتمته حاولي تكون الزياره في الاسبوع مره واحده واذا قابلته ادي الواجب اللي عليك فقط سلام اذا اخذ واعطاء معكي بالكلام المعقول ردي عليه اذاطولها لاتعطيه وجه طنشيه من ناحيه انك تفاتحين زوجك اواقاربك بالموضوع انا ماايدك ابدا لاتفتحين لنفسك مشاكل ونتي في غنا عنها عليك بالصبر والدعاء هذا ابتلا |
بغيت اضيف نقطه
للي يقول انه سبعيني وعيب علي افكر كذا خال ماشاء الله تبارك الله من كلام زوجي انه طول حياته وهو متبع حميه صحيه والله يمتعه بصحته احسن من عياله كلهم بسم الله عليه جسمه رشييييييييييييق وشعره مهوب ابيض لا اغلبه السواااااد وهذا موب اعجاب مني فيه لا عشان ما يجي احد يقول انتي معجبه فيه خالي اعتبره زي ابووووووووووي لا اكثر ولا اقل |
الحل بيدك اذا لك بيت لحالك لاتروحين لهم الا في مناسبات خاصه رسميه ......حاولي لاتسلمين عليه الا في الاعياد تأدية واجب ...... ........
|
وجهة نظري,,
وضحي لزوجك ما يضايقك من خالك, وخليه في الصورة,وزوجك بطريقته راح يوجهك بما يراه مناسب من ناحيتك كزوجة ومن ناحية والده كأب.. |
اخوي دكتور المنتدى
الحل هذا انا مسويته من سنوات اصلا هو شي بديهي طيب واذا صار يجي عندنا بالبيت وينام عندنا ويسهر طول الليل معانا اخر مررره غامرت وقمت ورحت غرفتي سويت نفسي بنام قلت تصبحون على خير طبعا الشاي والقهوه عندهم وخلاص تعشو الحمد لله وش يبوني فيه بعد زوجي ماقال اي شي لي حتى ما حسيت بكره انه زعلان وابد عااااااااادي قمت الصبح وسلمت وحبيت راسه ولا كان شي صاير اصلا انا متاكده ان الي سويته صح وعين العقل بعد |
اخوي تعاندني
كيف اصارح زوجي انا من يومي عروس وزوجي قايل لي لا تقعدين مع ابوي ولا تزينين في بيته وزوجة ابوووووي ترى متضايقه من الي صاير انا مرة ابوه والله ماالومها اربي عيال زوجي واتعب عليهم ويجيبون لي حريم يخربون بيتي اتوقع كذا تفكر الله يكون في عوني |
[QUOTE=توفي وفيصل;2500630]اخوي دكتور المنتدى
الحل هذا انا مسويته من سنوات اصلا هو شي بديهي طيب واذا صار يجي عندنا بالبيت وينام عندنا ويسهر طول الليل معانا اخر مررره غامرت وقمت ورحت غرفتي سويت نفسي بنام قلت تصبحون على خير طبعا الشاي والقهوه عندهم وخلاص تعشو الحمد لله وش يبوني فيه بعد زوجي ماقال اي شي لي حتى ما حسيت بكره انه زعلان وابد عااااااااادي قمت الصبح وسلمت وحبيت راسه ولا كان شي صاير اصلا انا متاكده ان الي سويته صح وعين العقل بعد [/QUO اذا جاء عندك سوي هالحركه مادام زوجك مازعل الحمدالله وين المشكله لاتكبرينها وهي صغيره |
و الله يا أختي إنه مرت علي حالتين نفس حالتك
وحدة من زميلاتي تطلقت من زوجها ، و شكت لي إنه أبو زوجها كان يمسك يدها و يقول لها ( يا سلاااااااااااااااااام على البياض هذا ؟ و ليت عندي وحدة مثلك ؟ ) و وحدة من أرحامنا نفس الشئ أختها تصير زوجة خالي و مرة صحبتي و أختها تطلقت من زوجها فتقول لي إنه أبو زوجها كان يقول لهاا قومي ارقصي لي ؟؟؟؟ و كلام مخجل غيره و نظرات مقرفة استغفر الله على حال المسلمين كيف صاروا من جد : ( فلا أحد يستغرب من الحكايات هذه ،. الله يعينك ، و تجنبي تجلسي معه و لا لا تجلسي بزينتك أمامه و خلي الطرحة فوق راسك و البسي لبس فضفاض ،. و دام إنه زوجك ماشاء الله فاهم ابوه و مرة ابو زوجك فخلاص لا تخجلي من تجنب أبو زوجك و لا تجلسي معهم إذا كانوا جالسين و لا تبالغي في خدمته و مجاملته حتى إذا زوجك بيزور أهله ، روحي في الوقت اللي ابوه يكون مسافر أو غايب عن البيت و لا نايم |
الله يعينك على ما ابتلاك...
واصلي في الشي اللي تعمليه حاليا...من اقتصار الزيارات على المناسبات الخاصة....والاستئذان للابتعاد عنه عند قدومه لمنزلك...يمكنك أن تطرحي الموضوع أمام زوجك بنفس الطريقة التي طرحها هو...أي بصيغة عامة...شو رأيك لما الخال يعمل كذا لزوجة ابنه؟؟؟ الله يساعدك |
طيب دورو لي حل في المشكله التاليه
لما نصير في مناسبه ولا اجتماع في بيت احد اقاربهم ولا العمات الكبار او اجتماع عائلي في استراحه وعلى اساس ان خالي برا الرياض انا خذيت راحتي بالزينه واللبس وفجأه الا احد العمات داخله تقول ترى اخوي موجود قريب يلله الي يفتشون له تعالو سلمو وطبعا الكل يتوقع اني اقوم مع بناته وبنات اخواته واخوانه وسلفاتي الباقيات ولو بسفه واجلس بفتح عيون مغمضه ولو قلت ابي جلال ؟؟؟؟؟ وذا رحت اسلم احس اني بطيح وانا امشي وبعد السلام ارجع وانا وجهي لخالي يعني وشلون اشرح لكم امشي على ورا عشان ماياخذ راحته بالنظرات هو منتبه اني داريه الله يهديه |
هناك من الناس من يعجب بنفسه فيخيل إليه أنه محط أنظار الآخرين و ليست المشكلة هنا و لكن المشكلة الحقيقية أن يحاول ويستجدي ترسيخ هذه الصورة ( أنه محط أنظار ) في عقول الآخرين و قد يكون تلميحاً لا تصريحاً فتُسبب هذه التلميحات من هذا الشخص كشف خلل نفسي في شخصا آخر يجعله يشك بوالده المثقف الحنون الذي يقول نفس الكلمات و نفس العبارات لبناته !! |
انتبهي على نفسك يااختي
وحاولي الا تتواجدي معه بمكان لوحدكم مهما حدث خليكي دايما مع زوجك او جماتك او عمتك البعض يسميها وان شاء الله تكون مجرد شكوك ليس اكثر |
معدن الرجوله
اتمنى والله العظيم اتمنى ان كل الي انا اقوله يصير تخيل واوهام الله يسمع منك طيب وش الحل الحين اسمع كلام الاعضاء واتحاشاه ولا اروح بيته ولا اسوي زي ماقال معدن الرجوله وانسى السالفه كلها وانها اوهام |
اقتباس:
كلام زوجك عن والده وتحذيرك منه وتجاهله طلبه بإعطائه المفتاح دليل على أن الزوج يشعرك بذلك لذلك عليك الحذر والاستمرار على الاحتشام أمامه .. ولا تقاطعيه أبدا طاعة لله سبحانه وتعالى وصلة لرحمك أعانك الله |
أشرتُ لكِ مسبقاً أنها مجرد وساوس وأنتِ في وهم كبير ,,,
|
اقتباس:
كلامك سليم .... ممكن يكون هذا السبب .. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, أنا انصحك ياأختي ... خليك جداً جافة معاه .. انتبهي تمزحين أو تضحكين او تتظاهرين بالبراءة والخجل . .... واذا ناظر لك حطي عينك بعينه بقوة ... وأعطيه نظرات استغراب .. لحتى ينزل عيونه ... وانتبهي تنزلين عيونك ..< لانك راح تحسسينه برجولته ... صدق ان احترام الكبير واجب < ولكن لكل مقام مقال ... لاتعطينه فرصة انه يناظر لك بهالطريقة ابداً ... والله يعينك يارب شكله ماهو رجل سوي أبداً .... الله يعينك .... |
حبيبتي كنت صغيره جدااا وكانت المنطقه صغيره عائلاتها معروفه
كانو يقولون فلان تزوج زوجة ابنه ابنه عنده اولاد منها وانجبت له اولاد منهم يقول له جدو ومنهم يقول له بابا ابنه قتل والله اعلم من قتله وتزوج زوجة ابنه قبل انقضاء العده وضع السلاح برأس الشيخ ليكتب له الكتاب انتبهي زوجك يعطيه المفتاح للبيت عمره سبعين صحيح ومشبشب كما تقولي ولكن يمكن عقله راجع للخلف ومنهم من يردون لارذل العمر انتبهي الله يعينك ويصبرك على ما بلاكي الحمو الموت انتبهي جيدا لهذا الحديث الشريف |
اقتباس:
من رأيي تتحاشيه قدر الامكان حتى لو صار مناسبة ثانية واضطريتي تطلعي مثل بناته من دون غطاء برأيي تلبسي عباتك وغطاك من باب انك تستحي ..صحيح انه محرم لكن انا أستحي .... تصير عاديه .. وبنفس الوقت ما تقاطعيه بشكل كامل .. خل تواصلك يقتصر على السلام بوجود زوجك وانتهى الموضوع ..كذي ما تكوني قطعتي رحم . حتى لو كنتي متوهمة ما راح يصير شي لو تحاشيتيه بكل أدب وبدون ما تكلمي زوجك بالموضوع .. |
:29: شي يخوف الله يعينك
والله انه صار بهذي الدنيا كل شي يرفضه العقل والدين يصير والعياذ بالله الحل الوحيد انك تشيلي هالافكار حتى لو انها صحيحه وتعيشي حياتك معه رسميه جدا واحرصي على نفسك هذا اللي بأيدك وادعي الله له بالهدايه وان يحفظك الله من كل شر لا حول ولا قوة الا بالله |
أختـــــــــــــــــــــــــــــــي .......أنا عندي الحل .............
زوجيـــــه أختك وارتاااااااااااااحــــــــي .....أنا أتوقع إنه يتخيل يشوف أخـتـــــــــــك مو أنتِ ...علشان كذا نظراته لكِ وأكيد في هالحظة ينسى نفسه..... على فكرة أخد خواتي نفس حالتك ...بس الحمد لله تجاوزت هذه المحنة أنتقلوا لبيت بعيد عنهم وصاااارت ماتقابله إلا في العيــــــد فقط.....إن شاااء الله بتنحل إذا زوجتيه أختك..... |
ياسلام وصلت انه يطلب مفتاح البيت .....
أعوذ بالله أنتبهي لنفسك ولو تلبسين برقع في البيت اذا شفتيه احسن |
الله يعينك ، خففي زيارات وتحاشيه قدر الإمكان ، وإذا علق أي تعليق ولا كأنك تسمعين ..
الإخوة الي مصرين إنها تتوهم ! أتوقع هي أدرى وحدة بوضعها، ومحد يتمنى لنفسه كذا أبداً !! ومافيه رجال يقول لزوجته لاتتزينين عند أبوي ؛ إلا إن كانه عارف ليش يقول كذا بالضبط ..! |
اقتباس:
انا معاكي في النقطه دي لان الوحده بتعرف ان كانت البصه بصه عاديه ولا فيها حاجه خلي بالك من نفسك واوعي جوزك يديلوا المفتاح رغم اني باميل انك تقولي لجوزك علي الموضوع علشان يكون في الصوره بس ده ممكن يعمل مشكله بين زوجك ووالده فكري كويس وان شاء الله ربنا يهديكي لفعل الصواب ربنا يحرسك ويحفظك |
الله يعين كل مبتلى
والله يمن عليكي بالحل لهذي المشكله والله مقزز ه النظرة المريضه للمحارم |
المشاكل هذي موجوده الله المستعان وسببها قلة الوازع الديني
وقبل فتره قريت مشكله هنا نفس الشي هذا رابطها...لكنها من رجل يشك في والده http://www.66n.com/forums/showthread.php?t=195455 اختي نصيحه لك انتبهي انتبهي انتبهي ان تخبري احد او تتناقشي مع اي احد يهذا الموضوع لاتقبلي نصيحة من يقول لك اخبري اخته او قريبته هذا موضوع ليس هين وانتي في مجتمع نجدي محافظ والوم سيأتي عليك انتي..ابو زوجك رجل دارس شريعه ودين... واكيد سمعته طيبه امام الجميع ...وقبل هذا هو جد اولادك وابو زوجك فالكلام عنه اسائه له كبيره له ولزوجك ...وقبل هذا الكلام مع اي قريبه منه لن يقدم ولا يؤخر ابدا...بل سيتطور الموضوع النصيحه لك اختي هي الدعاء والاستغفار قولي له ابوي ... يعني اذا ناديتيه قولي له يبه...حتى يعرف انك بعيده كل البعد عن مايفكر فيه لاتجلسي معه ابدا لوحدك صحيح انه لن يستطيع اجبارك على شيء ولكن اي تصرف بسيط سيدمر نفسيتك انتي وسيكون وضعك محرج في الاسره خوذي احتياطاتك دائماً اذا كنتي في مناسبه او استراحه او غيرها...خوذي معك جلال صلاه او غيره ..حتى في حال ناداك للسلام تلبسينه... لاتكوني معه وحدك في البيت ابدا....اذا جاكم سلمي عليه..وقدمي له الضيافه..وادخلي مباشرة لستي ملزمه ان تبقي معه حتى وقت النوم... واجعلي زيارتكم لهم في المناسبابت فقط وتكوني مستتره الجأي لله ولن يخيبك ان شاء الله بالتوفيق |
أختي العفيفة مرحباً هل خالك معروف عنه بالتزمه .؟ لي عوده وسوف أعطيك طريقة تسلبه مضجعه ويوخزه ضميره |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©