|
مشاركتي في المنتديات جعلت اخي الاكبر يهددني بقطع النت ماالحل معه
السلام عليكم
انا مدمنه نت اغلب وقتي على الانترنت حتى انني اصبحت اهمل واجباتي وااخر الصلاه واتغيب عن الجامعه كثيرا لا ادري كيف ارتب وقتي انا داخله تخصص صعب واذا استمريت كذا مااتوقع انجح ومشكلتي اني تعودت اذا زعلت او كنت متضايقه اقفل باب غرفتي واجلس على النت ..... وقبل فتره صارت لي مشكله دخل اخوي الكبير وانا اضع موضوع في منتدى نسائي المهم عصب وقعد يسب ويقول انه راح يقطع النت عنا انا واخواتي اذا شافنا مره ثانيه داخلين منتديات هو لا يمانع انا نقرا لكن يرفض انا نسجل في منتديات سواء نسائيه او مختلطه ولكننا ندخل من غير علمه وانا مسجله في منتديات مختلطه كثيره وحتى انني اتواصل مع الاعضاء في الرسايل الخاصه بااحترام.... وكمان نلعب بلياردو وهو معارض ذلك ولكن مايدري ...انا ماغلطت لكن المشكله اختي الصغيره انها تعرفت على واحد عن طريق اللعبه وماتدخل الا اذا هودخل وبديت اشك انها تكلمه على المسن المهم انا كنت ادخل كثير عليهم وهم يلعبون واكتشف انها كانت تعلمه بكل شي حتى لمادخلت قال انتي فلانه ويعرفني ويعرف وين ادرس المهم انا عصبت على اختي قلت لها اللعبي بكيفك لكن ليش تعلمينه بااسمك وبااسمي وتعطينه معلومات عنا قالت انا اثق فيه هذا غير قلتلها لاعاد تلعبي معه وانا طلعت من الغرفه لكن اكتشفت بعدين انها تلعب معاه وتكلمه على المسن طبعا المسن حقي بس ماادخل عليه كثير قلتلها ليش سويتي كذا تقولي استهبال حيرتني وانا طنشت الموضوع ولحد اللحين تلعب واحيان انا ادخل عليهم بس كلامهم عادي المشكله اختي ذي مي راعية حركات والله انصدمت اطنش الموضوع والا ايش اسوي؟؟؟؟ المشكله اخواني مايدروا انا ندخل منتديات واللعاب ولاابي اقولهم اشككهم فينا والنت هو حياتي لاني لو اقول اخوي الكبير راح يقطعه عنا وهذا شي اكيد وانا مااستغني عن النت هو كل حياتي ولعبة البلياردو امووووووووووت فيها هي مجرد لعبه لكن مشكلتي اختي اخاف عليها اخاف تتهور وتحبه واخوي عصبي مرررررررره اخاااف اتكلم معاه وحتى امي مااقدر اقولها شي اصلا رافض انه يكون عندي ماسنجر بس مايدري عن شي... ماادري ليش هو كذا معقد ابي الحل معاه |
وعليكم السلام ورحمة الله أختي الحمد لله من كلامك انت عارفه ان النت سيسبب لك خسارة كبيرة لا تعوض وهي دراسة الجامعة أختي الكريمة ضعي حد لهذا الادمان وضعي وقت محدد للنت ساعتين لا أكثر وقولي ان لم التزم بهذا الوقت سأعاقب نفسي بعد الدخول يوم كامل ، وهذا يضمن لك نجاحة في دراسة وكذلك مواصلتك للمنتديات المفضلة لك الله يوفقك أختي |
مع كلام كناري البحرين
اصلا مايسوا علشان صحتك اشغلي نفسك قسمي وقتك لاتخلي حياتك كلها محصورة عليه وبعدين ممكن تطلعي منو اكلات واطباق وتسويها وكذا تكوني ابتعدتي شوي عنو والتهيتي ربي يوفقك |
دخول المنتديات مافيها شي .. الثقافة حلوة
لكن إنتي ياأختي واضح انك ماتعرفين مصلحتك وممكن إختك هاذي توديكم بداهية شلون تشوفيها تلعب بلياردو وتكلم رجال وتسولف معاه وانتي ساكته !!!! لو اني أعرف أمك كان اتصلت عليها عشان تخليه يقطع النت عنكم حالاً ... استخدامكم له جداً جداً سيء .. واضح ان اهلك متساهلين مرررررررة وماعليكم رقابة |
طالما انك شايفه الغلط ليه ساكته
واذا قطع النت سوف يحفظك ويحفظ عرض اختك فأنتي اقطعيه ولا تنتظري اخوك فالساكت عن الحق شيطان اخرس الله المستعان لما الله يعطينا نعمه ونتصرف فيها غلط |
اقتباس:
اي والله ... هذي المشكلة فعلاً .. الانترنت نعمة كبرى من الله لكن الاستخدام السيء له من قبل السفهاء .... هو اللي يشوه سمعته .. وكثير من الآباء يحرم بناته من الانترنت بسبب القصص اللي يسمعها .... مع ان بناته محترمات ومتدينات .... لكن خربوا علينا المراهقات .... حتى اني مرة دخلت بنات عمي لغرفتي أوريهم اللاب توب والصور والمقاطع اللي فيه ... ومرررررة عجبهم ... واليوم الثاني اتصلت امهم على امي تقول : بناتكم خربو بناتنا شلون تعطونهن انترنت هذا كله بلاوي وهذا كله رجالن مايخافون الله وهذا مادري ايش وايش < ومن بعدها بطلت اوري جهازي لاحد .... ناس تفكيرهم تحت ... |
احيانا كثيره كرهت النت
وتمنيت اني مااعرفه الحمدالله صحيح اشغل وقتي بالطيب لكن مرررره مدمنه انا وعلى فكره النت يسببلي ارق اول مااطنشه وابعد انااااام نوم مريح البلياردو يادي اللعبه تصدقي عاد ولد خالي عمره 6سنوات ماشاءالله ويلعبها انا مادخلت مخي مره اصلا ماعرف العبها لاواقع ولا الكتروني ومره تضيع الوقت ومن كلام بعض الناس لما تلعبي لازم لازم تتعرفي على الشص اللي تلعبي معاه ومره على مره يكتر الكلام وومكن البعض من البنات توصله للحب يعني احذري بقوه واختك مره تصرفها غلط يعني الحقيها والحقي نفسك قبل مااخوانك يفصلوه |
مجرد اقتراح افضل انك تغيرين كود الدخول للمسنجر بتاعك من اجل ان لا تعرفه اختك ولا تتكلم مع الرجال فهي صغيرة عنك ولا تعرف الصح من الغلط وتبقى المسؤولية على عاتقك فانت تعرفيين كل هذه التجاوزات وساكتة ويستطيع ان يعاقبك الله باعز شيئ ان كان اخت او الدراسة او او او .....انت ادرى بمصلحتكما.
|
لا انا صرت اراقبها بس مشكلتها عنيده ام بالنسبه لاخوي صعب اكلمه واختي تقولي مجرد استهبال وانا قلتلها اللعبي بس لاتكلمين احد والا ماراح اخليك تدخلين اللعبه
وبالنسبه للكمبيوتر مهم احتاجه في دراستي وشكرا لكم |
وعليكم السلام ورحمة الله وبركاته وفقك الله أختي لكن أتمنى منك ان تناصحي أختك لان الشباب في هذا الزمن لا يرحمون وكثير من الشباب الموجودين في البلياردو هم ذئاب بشرية يلعبون على البنات لكن حاولي الا تغصبيها على شئ لانها ممكن تطلب رقم جواله ثم تتطور العلاقة وحاولي إنك تجلسي معها كثير أكثر من جلوسها على النت وكمان تعليق على ردك الاخر هذي الامور لا يوجد بها استهبال لان الشباب لديهم بعض من الكلمات الي ممكن توقع البنت ضعيفة النفس في حبه وممكن تعمل كل الي يريده مودتي |
انا صراحه رئيي من رئي اخوكي انو يفصل الانترنت
لان بصراحه من كلامك تبين انكم ما تستفيدون من الانترنت فقط مشاركة في منتديات ولعب ,, ويمكن هذه الاشياء تدمر حياتكم وراح تسوي مشاكل بينك وبين اخوتك الافضل انكم تفصلون الانترنت حتى ولو لفترة مؤقته شهر شهرين اما اذا تبين تستمري على الانترنت الافضل تضعي جهاز الكمبيوتر بغرفه مفتوحة في الصالة او اي مكان ويكون هذا الجهاز خاص با الجميع ما يكون لكل شخص جهاز لحاله هذا افضل رئي ,, لان الانترنت سلاح ذو حدين اذا ما ضبطتناه راح ينقلب ضدنا اتمنى لك التوفيق اختي ^_^ |
اختي الفاضلة
النت نعمه عظيمه يعرفهاا من يستخدمه بكل ماهو خير ومفييد صحيح سلبيااته طغت على الايجابيات لذلك لازالت بعض العواائل لاتفضله في بيووتهاا لهذا السبب لو ان اخييك قطع النت فانا وبوجهه نظري لا الوووومه واتمنى يسووي هالشئ لان حتى انتي تعرفي بخطاا اختك وبااقي سااكته غير انه رااح يضرك بدرااستك المشكله انك لاتعرفي مصلحتك ومصلحه اختك واهلك وانتي شفتي انها اخبرته بكل شئ عن عائلتكم وتقوول اثق فيه لاحوووول لهذه الدرجه وصلت الدلاخه (واعتذر على هذه الكلمه) للبنااات الم يتعظووو من القصص التي ليل نهاار تسرد في الاخبار والجراائد اتمنى اختي تعرفي مصلحتك ومصلحه بيتكم الطااهر ان شاء الله واذا تقوولي انهاا عصبيه وماراح تسمع منك اطلبي من اخييك يفصله بدون ماتوضحي الاسبااب وقولي انه راح يأثر بنتاائجكم قبل ان يوصل الحاال لاختك ان تعطييه رقمها او رقم بيتكم لما تعرف انه راح ينفصل النت حتى تصلح الاموور والاحواال ومن ترك شئ لله عوضه الله خير فيه اشياااء اهم من النت والجلوس امااامه بساعاات طويله الله يستر عليكم وعلى حالكم وجميع المسلمين |
طالما وأنتن لاتستفدن منه الاستفادة المرجوه بل تعدى ذلك إلى ضرر محقق وهو محادثة الرجال فالافضل قطعه
|
اقتباس:
وتقوولين معقد ..؟!!!! هداكِ الله يا اختي انتي انسانة واعية وعاقلة المفروض لما تشوفي اختكِ المراهقة على خطأ انتي تفصلي النت او تهدديها بفصله .. لازم تمسكي بيد اختك لأنها باقي بالبداية لكن لو تطورت العلاقة الله يعلم اش ممكن يصير ..!! فكري بعقل يا اختي .. يا اما تستغني عن النت وما تدخليه الا للضرورة او تشوفي اختك على خطأ وتتركيها وممكن تشوه سمعة اهلها _ لا قدر الله _ وصدقيني الخيار الثاني ماهو سهل ولو صاار لا سمح الله راح تندمين اشد الندم لكن وقتها ما ينفع الندم هي بعد الحين ما تعرف مصلحة نفسها لكن لا صارت واعية راح تعاتبكِ لأنك كنت تشوفينها على غلط وما منعتيها ..!! انتبهي لأختك ولنفسك بعد قبل لا يطيح الفأس بالرأس وصدقيني البلياردو ما منه فايدة والله والله والله كله ضياع وقت وتفاهة وناس _ صايعة _ واعذريني على الكلمة .. صدقيني يا اختي الهدف منه التعارف والعلاقات الغير شرعية ولكن بطريقة غير مباشرة .. وانا والله ما اعتبره الا فخ والله يستر على الضحايا اللي وقعوا فيه .. يا اختي بس بقوة الارادة تقدري تمنعي نفسك من اي شيء .. لا تخلي الشيطان ينتصر عليكِ على شيء اتفه من التافه .. حكمي عقلك وصدقيني فيه منتديات نسائية راااقية بكل ما تحمله الكلمة من معاني .. ولو سجلتي فيها يكون لكِ الفخر انك احد اعضائها ..لكن لو استمريتي على منتديات تافهة وبلياردو وكلام فاضي تكوني انتي قلبتي النعمة لنقمة والله المستعان طمنينا عنكِ اختي دعواتي لكِ |
اختي انتي كذا ماسببتي اذى لنفسك حتى اختك سببتي لها الاذى اختي خافي الله واتقيه وتحمدي لله انه عطاك عمر ابعدي اختك عن النت كاملا لاحول ولا قوة الا بالله |
انصحكي يا اختي برجع اختكي عن هذ الطريق بي اسلوب ممكن ليس من الغلظ المسن او المنتد اااالكن اهمك وسكوتك عن اختكي على القل هداادية بخبر اخيك افضل من تركة بعدين والله من صغري وهلي ناس محفظين والان في بيت زواجي هو لايعلم عن خبرتي في المنتديات والتسجيل فية والا المسن وجميعة شغلة علية بكل احترم والله الحمد لله==========
|
| الساعة الآن 12:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©