احترت كيف أعامل خطيبي (زوجي)
 

السلام عليكم ورحمة الله وبركاته
الله يخليكم انا محتاجه لمساعدتي كيف أتعامل مع خطيبي
أنا من يوم ملكت مايسأل عني ولا كأنه مرتبط بوحده مايدق علي إلا في الأسبوع مره كيفكم وش أخباركم نفس المواضيع في كل مكالمه حتى كلمة حبيبتي بخل فيها علي والله ماقال حبيبتي إلا في أول مكالمتين بعدها ماعاد سمعتها منه هذي السالفه مشيناها وقلنا يمكن الرجال مشغول بعدين كلمني يقولي ليش ماأكلمه ولا أرسله قلتله أخاف أزعجك وضغطت على نفسي وصرت أرسله بس مايرد فتركته ماعاد أرسلتله موكذا وبس بعد فتره أكتشفت أنه يدخن والله بغيت أنجن لانا بصراحه عايشين في بيئه محافضه وقلتله ليش ما قلتلي قال ماتعودنا على بعض عشان أقولك ساعديني أتركه وقمت أرسله رسايل أدعيله فيها وأحثه على التوسل لله والاستغفار ومايرد علي فتركته وأدق ومايرد إلا اليوم الثاني وكأنه بس يجاملني أنا ابغاه يترك الدخان ومهمومه أكثر شئ منه أنا مادقيت عليه وراسلته إلا لما طلب مني ليش يحسسني إني قطة وجه مع أني ماأرسله إلا رساله وحده تقريبا بالأسبو ع وماأزعجه بالمكالمات ماأدق عليه إلا لما يكون تعبان أوموضوع ضروري ومو كذا بس كل يوم يقول بجي عندك ومايجي وأتجهز وبالأخير وربي حتى مايعتذر عن جيته يتركني ولافكر له شهر وهو يأجل في جيته مع العلم لي شهرين مملكه ولازارني ولامره مع أن بيتهم قريبه من بيتنا والله تعبت وش مستقبلي مع هالبارد مافيه إحساس المملكين ولا حتى يحن أن البنت تبغى أحد يجاريها حتى تتجرى عليه وأنا آستحي ماأقدر أتكلم معاه لأنه مايكلمني كثير والله يوم الملكه أني أرتجف من الحياء
الله يسعدكم وش أسوي تعبت وماأدري وش الحل معاه اااااااااه ليتني ماملكت وأرتحت من وجع الراس

اختي يوم الملكة لما شفتو بعض حيتي متلهف مبسوط ؟ ولا كان مبين في شي مدايقه
هل من عادتهم هم يكلمو خطيباتهم ولالا لان في ناس ماتؤيد المكالمات وقت الخطبة
اذا اخواته انتي صحبة معهم كلميهم وافهمي منهم يمكن يفيدوكي

هل شافك قبل الملكه؟ يعني رؤوية شرعية

يقربلك وإلا لا؟

كم عمرك وكم عمره؟

أختي عاشقة الغالي
كان مبسوط والنظره الشرعية لما دخلت يقول ماشاء الله ويكررها ويقول لأبوي الله يخليها لكم وبحفضها وفي التحاليل كان عنده مرض بسيط بس رضيت فيه عن إستخاره وقناعه وكان متكدر يوم الملكة وتقول امه انه انصدم بالمرض وخاف ارفضه بس حبيبتي لما سوينا عشاء للملكه بقاعه كان حيل مبسوط حتى يراكض لين وصل غرفتي كلن لاحض فيه وفي التصوير يقول حبيبتي لاتخافين ولاتستحين أنازوجك
بس ماأدري عن سالفة فكرتهم عن المكالمات وكل أخواته ماأعرفهم أكبرمني ومتزوجات

أما عن أسئلة أختي ذكريات لاتغيب
شافني بس مايقرب لي من جماعتنا أما فارق السن هو أكبر مني ب6سنوات

حبيبتي جمال الروح ماأتوقع أن المرض يخليه يسوي كذا طيب رضيت فيه وأنتهت السالفه وواضح من كلامه معاي انه عايش حياته ومو شاغله شئ أحس فيه برود
بصراحه حزنت لما قراءة توقيعك لأني دايم أحس أن الله مابيخيب ظني جزاك الله خيرا يالغاليه

ياحبيبتي بعد عشاء الملكة باسبوعين فكر يكلمني وقالي ليش ماأكلمه يعني من البدايه ماكان في أهتمام مش أنه كان يكلم وبعدين ثقل ومره قلتله ليش قلتلي بتجي وماجيت كنت أنتظرك وقام يتعذر أعذار مالها داعي ولما قالي مره ثانيه بأجيك قال اللحين قلتلك عشان ماتقولين انتظرتك وكأنه يعاتبني ليش أقوله وعدتني وماجيت إنسان غريب وربي تعبت من تصرفاته حتى ماعاد اشتهي أكل شئ من الههم من اسلوبه الجاف والبارد

والله ياأختي موضوعك مره حساس لكن!
بدعي من كل قلبي ان ربي يوفقك ويهدية آآمين

مساء الخيرات
وش أخباركم حبايبي
مشكلتي مستمرة مع خطيبي طفشت منة ومن أفعاله تخيلوا واخيرا جاني البيت وقام بنصايح مالها داعي يقول لازم تحترمين أمي وتساعدينها في الأكلات الصعبة وانا احب الاكله هذي واكره هذي ولازم اجي من العمل والاكل جاهز كل هذا الكلام ماعندي مشكلة منة لاني الحمد لله اعرف اطبخ بس ماحسب حساب لدراستي مع إنه من شروطي بيت مستقله وتكميل دراستي بعدين انا ماخذت حقوقي من السؤال عني والله مايكلمني ولايرسلي إلا لما بيجي دق قال بجي وكل ماله يبخل علي بالمكالمات والرسايل من يوم ملكتي ماجاني منه إلا ثلاث رسايل ويعتبر نفسه مايسوي شئ وإني انا المقصره معاه والطامه الكبرى إنه حجز القاعة للزواج ولاأخذ رايي وانا عندي امتحانات وتعرفون النفسية امتحان وزواج هو يحجز اللي يبغى بس الوقت ليش مااخذ رأيي فيه صحيح كان مناسب بس والله احس مالي اي اعتبار عنده ولماقلتله ليش ماتأخذ رايي يضحك ويصرف الموضوع ويعترف إنه مايرد على رسايلي ويعتذر إعتذارات مالها داعي طيب تقولون اصارحه ولمااصارحه بس يضحك اناوش اسوي فيه انا شوي وانجن من حركاته التافهه

اختي مالي الا الدعاء لك والله يسخره لك
الله يسعدك دنيا واخره

لا تلتفتي لوسواس الشيطان فهو حريص في التفرقه بين الزوجين

ياحبيبتي أول ماقلت لأخوي الكبير استغرب وقال احسن شئ صارحيه ولما قلت لأمي تقول أنتي حساسه وهي تعرف أنه غلطان بس ماتبغى تزيد النار حطب...أدعولي أن الله يسخره لي ويحنن قلبه علي

مساء الخيرات
وش أخباركم
احترت في مشكلتي وتقفلت في وجهي الأبواب اناسمعت نصايحكم الله يجزاكم خير وصارحت خطيبي برساله ووضحت له اللي بخاطري فمن كلامي له مثلا انا زوجتك ليش ماتهتم برسايلي وليش تطنشني ماعاد أقدر ارسلك بعد مالقيت منك التطنيش وقلت له حبيبي إذا تفكر في شئ ومضايقك صارحني وإذا في شئ موعاجبك قولي انا قمت أخاف منك وطلبت منه إذا بيرد يرد برساله آستحي أكلمه ورد علي يقول أنت حبيبتي وحبك مو برساله لوأني بعبر عن حبك بالرسايل كان كل دقيقه ارسلك ..وصدق يابنات المثل اسمع كلامك يعجبني اشوف افعالك أتعجب بعد ماردعلي إلى اللحين ماحاول يراضيني برساله ولايكلمني ويجبر بخاطري الرجال وكائن شئ لم يكن مستمر في هجره لي...انا ماأدق عليه ولاارسله وإذا دق مابرد عليه حتى يحس مثل مايطنشني اطنشه هذا رأيي وانا في حاجه لأرائكم توافقوني الرأي ولا عندكم حل ثاني وربي تعبت منه...

مساء الخيرات
وش أخباركم
احترت في مشكلتي وتقفلت في وجهي الأبواب اناسمعت نصايحكم الله يجزاكم خير وصارحت خطيبي برساله ووضحت له اللي بخاطري فمن كلامي له مثلا ليش ماتهتم برسايلي وليش تطنشني ماعاد أقدر ارسلك بعد مالقيت منك التطنيش وقلت له إذا تفكر في شئ ومضايقك صارحني وإذا في شئ موعاجبك قولي انا قمت أخاف منك وطلبت منه إذا بيرد يرد برساله آستحي أكلمه ورد علي يقول أنت حبيبتي وجبك مو برساله لوأني بعبر عن حبك بالرسايل كان كل دقيقه ارسلك ..وصدق يابنات المثل اسمع كلامك يعجبني اشوف افعالك أتعجب بعد ماردعلي إلى اللحين ماحاول يراضيني برساله ولايكلمني ويجبر بخاطري الرجال وكائن شئ لم يكن مستمر في هجره لي...انا ماأدق عليه ولاارسله وإذا دق مابرد عليه حتى يحس مثل مايطنشني اطنشه هذا رأيي وانا في حاجه لأرائكم توافقوني الرأي ولا عندكم حل ثاني وربي تعبت منه...