أبي أعرف أحد جرب مستشفى التخصصي الطبي
 

السلام عليكم
أنا ودلاتي قريب وأبي أعرف أحد جرب مستشفى التخصصي الطبي بالرياض
والله أني محوسة وراح أولاد قيصري وأبقى دكتورة كويسة تولد قيصري
مين سبق ولاد عنده يا ليت أحد يفيدني لاني أول مرة أدخل هـذا المستشفى

انا قد ولدت عندهم من اربع سنوات ونصف تقريبا والحين اتابع عندهم وولادتي قريبه وطبعا زي حالتك اولد قيصري الله يسهل علي وعليك ويقومنا بالسلامه طبعا اللي ولدتني من اربع سنوات د لمياء السباعي لكن للاسف الشديد تركت المستشفى واللحين اراجع عند الدكتوره عزه عبدالسلام ماعليها عملت لي ربط لعنق الرحم لما كنت في الشهر الثالث اموري كويسه الحمد لله وفي بعد عندهم د ناديه الحامضه يقولوا عنها زينه ود منار الجبر عناية المستشفى ونظافته تمام وش بعد ياقلبي بس عندي لك سالفه دامنا في الهوى سوى انا دايم عملياتي تخدير كامل وهالمره ودي اجرب النصفي وش رايك في الموضوع

مرحبا*
كيفك أختي صمت الحنان الحمدالله لقيت أحد يفيدني عن المستشفى
وأشكرك *بس أنا سمعت بلمنتديات أن الدگتورة عزة تشرف على العملية ما تولدك
هـذا شي وأختي كانت تراجع عندهـا هـي كويسة بس لما جت والولادة ولدوهـا المناوبات
بس هـي والدة طبيعي وعن طريق التأمين
وأبي أ عرف أنتي مثلي تأمين ولا لا
وهـي قالتلك تولدك بنفسهـا
وأنتي كيف عرفتيهـا
كيف العمليه تسويهـا بليزر ?
علشان أدعس وأروحلهـا
وبعدين كثر مابحثت بلمنتديات *لقيت وحدة أنهـا ولدت تؤم قيصري*
عند الدگتورة ليلى ليان بنفس المستشفى*
تقول زينة بس أنا خايفة منها لآنهـا أخصائة مو أستشارية
ياليت ماطولين عليا لان أحس حالتي النفسية تعبانة مرة وأنا ادور دكتورة زينة
وأشكرك أختي

لا حبيبتي مو صحيح انها تشرف على العمليه بس هي اللي تسوي العمليه بنفسها يمكن الولاده الطبيعيه قصدك لانه فعلا المعروف عن المركز التخصصي انه مو شرط تولدك طبيبتك اي احد موجود في المناوبه يولدك اما القيصري لا لازم طبيبتك وانا ما جيتها عن سمعه انا جيت سألأت المستشفى من عندكم استشاريه قالوا عزه عبدالسلام ود جون شلهوب طبعا الثاني هو رئيس قسم النساء والولاده ويولد قيصري واخترت عزه على الله لانها حرمه والحمدلله الى الان ماشي الحال بس ما جاوبتي وش رايك بالبنج النصفي بالنسبه لسؤالك انا تأمين ايه تأمين سكيكو

مرحبا
ما أنصحك فية لأن وحدة من زميلاتي تقول تحمست وطلبت بنج نصفي
بس من المنظر الي شافتة دم وحوسة ولادة أغمى عليهـا
هـو مايضرك بس وش الي حادك أحس راح تنصدمين من الحوسة الي في بطنك
أنا عن نفسي أحب تنويم كامل لأني خوافة ومن الرعبة أقعد أرجع
مشكورة على مساعدتك لي الله يسهـل ولادتك
وأنا توكلت على الله وحطيت موعد عند الدكتورة عزة
يارب يسهـلك ويسهـلي قولي أمين

امين

مرحبا
مشكورة على مساعدتك لي أختي*miss

وأشكرك أختي رسيل الله يجزاكم خير

شوفي عاشقة حبيبتي اذا بتسوي زيي وتسألي كثير بتحتاري كثير عموما انا جربت المركز التخصصي والمملكه وبصراحه مافي مقارنه بالنسبه للرعايه الطبيه عموما اذا بالنسبه لكفاءة الدكاتره لاتشيلي هم لانك تقولي اخذت موعد عند عزه وبصراحه ماعليها كلام دكتوره شاطره وانا قلت لك جربتها بالربط من فتره سويت بحث كنت بحول لدله لكن استخرت وهونت كمان بالنسبه للحضانه مافي مقارنه والتسهيل والسلامه من عند ربي توكلي على الله علميني عن انطباعك عن عزه بعد اول زياره ومتى موعد الولاده عشان ندعي لبعض

رد
 

اهلين اختي انا كنت مثلك محتاره اولد عندهم والا في دله بس استخرت الله وبروح لهم وبنسبه لعزه اذا رحتي لها انتبهي خليها تسوي لك تحاليل كامله لانها مهمله وماتسوي انا وصلت الثامن وماسوت لي شي كل مااقول لها تقولي بتحسي بحاجه اقول لا ولا تسوي لحد ماجاني فقر دم شديد واصل سبعه واضطرت تعطيني ابر الحديد وطبعا مو هي الي مكتشفه انا رحت دكتوره ثانيه وسوت لي التحاليل. ....عموما الله يقومنا بسلامه ويفرحنا بشوفه اطفالنا في احضانا سليمين امين*

شيخة الزين صدقت لكن انا حريصه وموسوسه حبتين واحيانا اقول اني انا الدكتوره لانه كل شي لازم نذكرهم فيه الله يسهل عليك وعليننا جميع ويقومنا بالسلامه

هـلا وغلا صمت الحنان
أنا موعد ودلاتي *8-12 هجري*
بس أنا مارحت لهـا لحد الأن لان موعدي مطول
وأقول يابنات التسهـيل من ربي الله يوفقك

عادي مشكلة التحاليل ولا مشكلة فيا لولادة يبنت شيلي وقطي بالبحر
يعطك العافية أختي

انا بعد كانت محدده لي موعد الولاده في 8/12 هجري لكن قدمته الى 1/12 بما انه قيصري وقلت قبل العيد باسبوع افضل من يومين الله يسهل علينا جميع ويفرحنا بأجنتنا سالمين معافين

هـلا غلا
شرايك أخلي نفس الموعد وأعيد بطبيب
ولا أسوي مثلك وأعيد عند أولادي حتى لو أطلع 9-12
وأول يوم العيد يكون بيتي
ودي تعطيني رايك لان زوجي يقول أمشي على كلام الدكتورة
وأنا محتارة مدري أيش أسوي

انت اي دكتوره تقصدي لانك تقولي لسه مارحت لعزه واكيد عزه بتحدد لك اليوم اللي يناسبك ويناسبها انا حبيت اقدمه عشان العيد واهم شي هم يسوولك التراساون يطمنوا على وزن البيبي اذا زين يسووا العمليه انا توي بسوي الاشعه هذا الاسبوع وبالنسبه لموعد عمليتي اكون ما اخذت من التاسع الا 11 يوم وانت استخيري وشوفي الانسب لك ياقلبي ترى انا كان ماودي اولد وقت المدارس عشان عيالي بس قلت يومين ماتفرق ولا اتركهم بالعيد

مرحبا*
هـذا كلام الدكتورة الي *أنا أراجع عندهـا
وحددت الموعد على تاريخ الدورة والسونار
أنا حاطة موعد بلحمادي عند دكتورتي الي دائما تولدني
قيصري بولادي كلهـمو أبي أشوف أذا وافق التأمين بولد عندهـا
أذا رفضو بروح عند عزة وتوكل على الله
تعرفين مجربتهـا ممرة ممممممتازة أسمهـا سنق أستشارية