|
اكثر اداة استفهام تستخدمينها مع زوجك؟؟
ماهي اكثر اداة استفهام تستخدمينها مع زوجك ؟؟
بالنسبه لي اداتين لاثالث لهما!! اين؟؟ .. و.. متى؟؟ بالعامي وينك؟؟ .. متى تجي؟؟ ..!!! انتوا مثلي والا انا بس بروحي!! |
انا بصراااااحه اووووول مثلك الحين لا اهو مايحب هذي الاسئلة ويعصب منها
والحين اطنش الين يفضى ويدق احلى شيء |
أكثر كلمة استخدمها وبنفس الوقت تعصبه جدا..
وينك؟ ولا تهون ... "ليش" عموماً اكتشفت انه أي سؤال تسألينه حتى على سبيل الاطمئنان عليه يعتبره تحقيق |
يالله يا ناني ....
ذكرتيني ببداية زواجي ... ويمكن للحين شوي .... فيني الدقة الزائدة في سرد القصص .. وبالمقابل اتوقع المثل من الطرف الآخر عندما يروي قصة او موقف ... طففففشششششته أقاطعه في رواية القصة مليون مرة ... وليه ؟ لأتحرى الدقة في الوصف والطرح ... :11: مين قال بالضبط ؟ انت كيف رديت ؟ كيف كانت تعابير وجهه ؟ كيف كانت تعابير وجهك ؟؟ كيف كانت نبرة الصوت بالضبط ؟ معصب ؟ زعلان ؟ متضايق بس ... ولا وشلون ؟ تقدر توريني بالضبط كييييف ؟؟؟ بس الحمدلله تطورت الحين وحسيت على دمي .. صرت اجمع أسئلتي كلها مرة واحدة وأسأله بعد ما يخلص سالفته <<<< مجرد تأجيل للمحتوم .. :25: وحدة تحب الصورة تكوووون كاملة متكاملة :30: ملاحظة : معاه بس كذا لأني أكون ماخذة راحتي ...ولا عندي أحد ثاني أمون عليه |
هههههههه سؤال حلو :) عمري ما فكرت فيه
أظن اني استخدم كل الادوات ههههههه براقب نفسي اليوم وارجع لك بجواب :22: |
والله بصراحه أنا أحس الكلمتين إللي قلتيها يا أختي توأم روحي حاولت ماقدرت أتركها أحسها عاده عندي ويمكن علشان زوجي معطيني مجال أسأله على طول يجاوب وعنده عادي تصدقين حتى بالجوال لودق عليه وهوبرى الرجل يقولي السلام عليكم تبغون شئ ناقصكم بالبيت أنا أسبقه حتى قبل السلام وينك الحين ومتى بتجي بعدين أتذكر إنه سلم وأردعليه لا وأبشرك أختمها سوا بالجوال وإلا حزت طلعته من البيت شوف ترى لاتتأخر منتظراك بس ماعنده رد غير إبشري إن شاءالله تامرين
جعل عمري فداه طيب ومايدقق بأسئلتي مره رغم إني أحيانايطلع من البيت وأنا عارفه وين هو رايح فيه وبس يتصل أبدأ اللقافه وينك و متى تجي أحسها خلاص هاذي الكلمتين ماقدرت اتجنبها أحاول بس غصب عني ماقدرت أتركها جزاك الله خير أختي علا الموضوع هاذا الطيب . |
لكل مقام مقال :)
زمان كنت اسأل .. أما ألحين سلمت الخفارة لبنتي :) من أول ما يدخل تستلمه اسئله وين رحت؟؟ ومع مين ؟؟ ومنهم أصحابك ؟؟ إيش اسمائهم ؟؟ وطبعاً انا استمع وبإنصااااات وتجيني الإجابات من غير ما اتعب نفسي ..وياااويله لو ما يجاوب لها على سؤال تزن حتى تحصل على الإجابة .. ساعات يقولي احس انك ملقنتها الأسئلة .. او انها زوجتي وانت بنتي ;) قلت لا حبيبي رضعتها مني من البداية :) |
أكثر أداة استفهام استخدمها وطفشت أبو الشباب منها مثل ماذكروا الأعضــاء سابقا { وين , ليه ,
متى , وباقي الأدوات يمكن تطلع في المستقبل } ههههههههههههههههه ومشكور ياناني على المواضيع الحلووووووووووه وايد |
ماشاء الله عليــكم , شنو يقرب لكم ( المحقق كونان ) ؟؟
.. .. حاولت اعصر مخي , و أشوف شنو أكثر علامه أستفهام استخدمها !! .. طلعت بنتيجة .. انها مو أداة استفهام .. لا طلعت سؤال .. .. يعني يقول لي أنا طالع شوي .. انا أسئله ( بتتاخر ؟ ) .. ما قط سئلته .. أين ستذهب ؟ او متى ستعود ؟ ومع من ستخرج ؟ ولماذا ستخرج ؟ وكيف ستقضي وقتك ؟ ومع من ستقضي وقتك ؟ .. .. تظنون اني طبيعيه ؟ .. شكيت بنفسي لأني شفت معظم الاجابات تنحصر في أين ومتى ؟ وانا ما أسئل أين ومتى ؟؟ .. |
انا كنت استحي اسأله ... بس فديته هو بنفسه يقول لي وين رايح وليش ومتى بيرجع ... والحين ما احتاج أسأله لأنه هو يخبرني بنفسه ... واغلب طلعاته مع اخواني ... موضوعك حلو مثلك يا ناااني ... الله يسعدك ويهنيك ويوفقك يا عسووووله |
ماأحتاج اسأل زوجي .. لأنه يقول بنفسه عن كل مشاويره قبل لايروحها وبمجرد يوصل البيت يبدء يحكي عن أحداث يومه وعن مشاكل الشغل حقه وعن زملائه عن العمل .. مع أنه كان يقول لي أيام الملكه أنا من النوع الصامت وماأحب أحكي عن مشاكلي والضغوطات اللي عندي !! الحين هو صار يبربر أكثر مني .. وأنا اللي محتاجه يترك لي فرصه عشان أتكلم .. مشكووووووره حبيبتي على الموضوع الحلو |
بما اني من النوع اللي اقلق واحب اعرف نتيجة كل شي ممكن يصير لنا اكثر سؤال اسأله اياه " وش بنسوي لو.. وش بنسوي اذا.. وش بنسوي في حال..."
احب اتوقع كل شي واجهز نفسي لكل طارئ وزوجي يعتبرني متشائمة وموسوسة :( بالنسبه لوين ومتى ما استخدمها كثير لان زوجي دايما يعطيني خبر اذا عنده مشاوير او سهرة او عزيمة واكون مرتبه اموري على اساسها بس اكثر شي اسأله " بتتأخر؟؟ متى جاي بالضبط؟" اذا كنت بسوي اكل او بجلس معاه وهو بيطلع مشوار فلازم اعرف بالضبط متى جاي عشان الاكل ما يبرد ويجهز على الوقت.. |
زوجي مستحيل يتصل بدون ما يسألني (وين انتي) وآنا مستحيل اتصل له ما اسأله (متى بتجي) :25: احسسه جاب لي العدوى ,, واوقات اسأله وين انت ! :30: |
أدوات الاستفهام لا تأتي بنتيجة مع زوجي الحبيب .. لأنه يشعر بالحصار فيتحفز: هاااا بتشتغل حركات المحققين؟!!!
وأنا والله لا أريد التحقيق بقدر ما أريد الاطمئنان. ما ينفع مع زوجي هو الصمت وعدم السؤال .. وعندها قد يتحدث هو من نفسه .. أحياناً ;) |
أكثر أداة أستخدمها هي متى فزوجي بيتوتي ووجهاته معروفة إما العمل في الصباح أوجلب إحتياجات البيت في المساء
لذا لا أضطر لإستخدام أين مطلقا موفقة |
طلعت استخدم أداة ايش ؟ بمعنى ماذا ( شنو :))
شنو أسوي لك تشرب ؟؟ هذي أسألها يمكن 20 مرة باليوم :30: شنو تحب تتغدا ؟؟ شنو تحتاج ؟؟ السبب لانه عندي بالبيت 24 ساعة ويشتغل من البيت ..يعني لازم أراعي طلباته وهو يشتغل موضوع لطيف خفيف :) مثل مواضيع أخونا الرسمي الله يسهل أمره وأمرك عزيزتي |
عن نفسي اول سؤال وينك لان دايما اسمع صوته بالسيارة
بس مو عشان التحقيق ابدا لان اخر اليوم يقول الموجز ونشرة المساء عن يومهبس انا دايما اسئله لما نتكلم عن موضوع تخيل لو مثلا صار هالشي ايش اسوي طيب لو صار هالشي وهو يقول خلي كل شي لوقته بس انا مصرة افترض وتخيل وتتوقع :D |
هههههه موضوع حلو والله انا بستخدم التنتين متى تيجي وليش ووين واكثر شي يكره لما نكون نتناقش واقعد ابررله بكلمة (بس) |
أنا دايما أسأله ..
جوعان ؟ تبغى تاكل شئ ؟ يقول لي ، إنت ناوية تضحي بيا في عيد الحج ؟ :D و ماشاء الله وزنه ضعف وزني .. لإني إذا حطيت له الأكل من غير ما أسأله ، يقولي ما أبغى أكل شبعان .. و إذا جهزت أكل لنفسي ، لإنه بيعمل ريجيم .. يجي ياكل أكلي و يخلصه لي :29: يقول تنفتح نفسي يوم أشوفك تاكلي :d عشان كذا كل مالي أنحف و هو يزيد ماشاء الله :24: |
موضوع حلو
انا اكثر شيء يمكن وين و وش تحب تاكل والا تشرب والا تلبس خخخخخ رسولة أسلوبك مثل زوجي أول زواجنا استغربت دقته حتى أحيانا اخواني يتنحون معه بس يقاطع لدرجة مرة قلت له بنت خالتي جتها جلطة برجلها قال ايهم اليمين والا اليسار ههههههه |
اول مااكلمه قبل السلااام وينك؟؟؟؟؟
وبعدها اسلم واسولف وفي نهايه المحادثه متى تجي؟؟؟؟؟؟ |
كلامنا كله بلتليفون
الاولاد جالسين بحلوقنا الله يحفظهم يا رب بس في نقطه من انقل له كلام او لقاء تلفزيوني او مقاله يناقشني فيها كاني متبنيه وجهه النظر فقمت اقول له قبل و بعد المواضيع وابرامج ،،، الخ التي تطرح لا تعبر عن رأيي بل آراء كتابها ،،، الخ |
استغربت شئ يوم كنت جالسة مع زميلتي
ردت على زوجها على طووول فينك ؟ متى جاي ؟ من قبل كل شئ ، و قالت لي تعودت كذا قلت لها الرجال ما يحب الأسلوب هذا ، إنت من باب إنك تتطمني عليه بس هو راح يفهمها غلط ، و يفسرها تحقيق و استجواب و الرجال يكره الأسلوب هذا تقولي من جد ، هو يتضايق مني يوم كذا أسأله يوم أدق على زوجي ، أول شئ .. السلام عليكم .. بعدين كيفك ؟ و أقول له الشئ اللي أبغى أقوله |
روووووح نففففس الشي يصير معاي
صاير يقول لي عندك مشروع تسمين :) نااني ياحلو مواضيعيك .. خفيفة و تبعد الملل مافي اداة معينة استخدمها .. لكل مقام مقال بس الاداة المعتادة يوميييا .. لما يتصل من الشغل بعد السلام و الاطمئنان مع كم كلمة حلوة كم كيلو باقي معك للبيت :) لانه شغله بعيد شوي فا عشان اعرف متى احضر السفرة بس |
انا بستخدم ليش؟؟
وين انتا؟ متى مروح؟ |
اكتر كلمة قولها وينك
ولو سافر مكان بضل على اعصابي واشتغل فيه ازعاج بالمسج (ايمتى تصل )لغاية مايصل (موسوسة ) لأنا الشوارع ثلج طول الوقت وخطيرة السواقة فيها ويقلي مافيني ارد عليكي كل شوي وانا سايق هلاء مابسأله هو يقول لوحده بس طنشته:22: موضوعك نايس بتشكرك |
الله يسعدك يااختي ناني اكثر كلمه استخدمها متى تجي لما يكون زوجي بالعمل وليش ومتى لما يكون بالبيت
|
أكثر أداة أستخدمها هى هل
و نادرا ما أسأله بأسلوب مباشر. شكرا على الموضوع الجميل. |
انا زوجي هو الي يسألني وينك لأنه بالعاده يطلع بدري في الصباح او العصريه عشان شغله فاطلع مع العيال يا على المكتبه يا على الحديقه يا على الملعب يا على السوق يا على المطعم او بس في البيت و لأنه ما يسألني قبل ما يطلع على وين نحنا رايحين و لا انا اقله من نفسي. فلما يتصل يسأل نحنا وين حاولت افتكر ايش اكثر سؤال استخدمه.. و أعتقد (ليش) مثلا لما يقولي راح اتأخر اليوم.. ليش يقولي لا تستنيني على الغدا.. ليش سوي العشى بدري شوي.. ليش لا تنامي بدري استنيني-- ليش :25: ارتاحي اليوم و كملي نوم انا اقوم للعيال..في هذه انا ما أسأله ليش,, اقوله شكرا حبيبي و قفل الباب معاك :17: موضوع خفيف :) |
تسلمين أخت ناني على الموضوع : بصراحة اللحين أعرف على قولتهم "وش انا من حرمة":27:
انا والعياذ بالله من كلمة انا استخدم كل الادوات من (وينك،، متى،،كيف،،) وتطورت الى أسئلة : س/وش قاعد تسوي ؟ س/وش قلتو؟ س/وش تحس؟ وتطوورت الحالة الى انو اذا قالي سالفة بينة بين زميلة اسأل و جاب طاري السالفة ؟!!!! اقصد ايش السالفة اللي قبلها!!:18: |
:11:وينك؟
متى بتجي؟ اشبك تاخرت؟ ((من جد نشبت له)) |
انا اصلا يطلع مايشاورني
وكثيرررررررر استخدم معه ليييييييييييييييييه |
اكثر اداه اسألها ابو الشباب
" اشفيك" والباقي مثل وينك ليش شو سويت فالدوام بس اكثر شي اشفيك لانه دوم ساكت وتحسيه مهموم واخر شي يطلع مافيه شي |
الموضوع أربع صفحات وقرأته كله وتكدر خاطري من الأسئلة وتثاقلتها .... الله يصبر الرجال عليكم ويصبركم عليهم (تعادل) :d عزوبي بس رجل |
اقتباس:
مرات بيحصل خلاف بينا على شيء يحكيه لي فيضل يصرخ ويقول ( الصوج مني انا احكيلك كل شي ولازم ابطل هذه العادة المو زينة واصير مثل الرياجيل اللي لو سألتهم زوجاتهم وين رايحين يقولون في شغل وخلاص ):29: بس تلاقيه يرجع لوحده ثاني يوم يحكيلي من طأطأ للسلام عليكم بدون حتى ما اسأله :d |
هههههههه
ياحليلنا احنا النسوان اغلبنا نفس الطبع انا لمن اكلمه طبعا بعد السلام والسؤال عن الاخبار اقوله الاسئلة المعتادة وينك ؟ بتتأخر ؟ متى بتجي ؟ موضوع لطيف مثلك ياعسل |
صار لي أيام وأنا انظر لعنوان المواضع واتجاهله لاني لا أحب هذه المواضيع ، واليوم رأيت اربع صفحات فقلت لما لا ادخل وأرى توقعت أن تكون الاسئلة تنصب حول العاطفة والاسئلة التي تدغدغ المشاعر هل تحبني ؟ هل تتذكرني في عملك ؟ هل تحن علي ؟ ما مقدار محبتك لي ؟ خابت آمالي من الاسئلة التي شاهدتها :( الله يساعدنا عليكم :( المشكلة ما لنا غنى عنكم :d |
اقتباس:
نفس سؤالي !! وماشاء الله يسولف لي عن كل شي يصير مايخلي شي ماشاء الله عليه :( وسواليفه هذي جابت له مشاكل كثيره لأنه كان يسولف لي عن أصحابه وحركاتهم فكنت لما اعرف أن فيهم واحد من اللي قاللي عنهم مو كويسين أحط عليهم أكس أحمر واسوي له سالفه أذا عرفت أنه طلع معاهم وكان يقولي الشرهه على اللي يقولك كل شي لكن أنا أوريك لكن عقلت الحمد لله كنت متهوره جداً:d زوجي ماشاء الله يقولي قبل لايطلع وين بيروح بس أحياناً اسأله بتتأخر مو عن شي بس عشان أعرف متى أجهز العشاء أو أكون مخططه على شي يكون قصدي أخلصه قبل لايجي :d وببداية زواجي كنت :30: وين بتروح؟ ومع مين ؟وليش؟ وتحقيق ومره بجلسة تصارح بيني وبينه كل واحد يقول أللي يضايقه بالثاني وقالي أن هالأسلوب يضايقه جداً ويحسسه أنه بسجن وكأنه طفل صغير والحمد لله من يومها تغيرت ماصرت أضغط عليه حتى أحاول أتجنب الأتصال عليه لما يكون برى بالذات لما يكون مع أصحابه عشان ماأحرجه لانه البعض عليهم تعليقاااات :29: يعني لازم الزوج يصارح زوجته باللي يضايقه ؟؟!! يعني تغيرت كثييييير عن بدايةزواجي ^ ^ ^ ^ ^ قرقر كثيييييير:d مشكوره يانونه على موضوك الحلو مثلك :) |
كناري البحرين
الاسئله اللي انت تتكلم عنهاا مو بهالزمان او بالاصح ماتمشي مع كل الرجال (عشان ماكون ظالمه ) لاني مره سألت زوجي عنها تخيل شو رده ؟ شو مناسبة هالاسئله او يرد رد يقهرني وهذا دايم يقوله (شو تحبين ارد عليج) تحياتي لكم ام سالم |
هذه الأدوات كنت استخدمها كثيرا في بداية حياتنا اما الآن فخفت كثيرا
وجاء من يستخدمها أنهم ابناءئي هداهم الله اسعدك الله على موضوعك الممتع |
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©