|
بنت اختي الله يهديها .. اريد الحل المناسب منكم
السلام عليكم
واجهتني مشكله واتمنا اجد الحل المناسب عندكم. اختي وزوجها مسافرين لأمر طارئ جدا مدة شهر واختي تركت عيالها عندنا وهم الحمدلله كبار مو اطفال تقولون لي ليش تركتهم شهر..يعني اكبرهم بنت 18 سنه واصغرهم ولد 9 سنين المهم في يوم جاتني بنت اختي قالت لي ممكن اروح بيت بنت عمتي انا ماوافقت. بعد شوي جايتني امي تتوسط لها برضوا ماوافقت بحكم اني خايف عليها ياتروح معك يا مافي طلعه وقلت لأمي انتي على العين والراس وكذا يعني..وهي نفسي غيرت رايها ولا وافقت بعد طلعة الروح وافقت لها ووصلتها انا...بس بشرط 11 ارجع آخذها.. طلعت اجيبها 11 اتصلت عليها ماترد بعدها نزلت ارن الجرس قالت لي عمتها ان فلانه مو موجوده راحت مع بناتها واخوهم المطعم...جن جنوني اتصلت عليها وينك قالت توني داخه البيت قلت وين انقلعتي فيه؟ قالت كذا وكذا ومع النقاش قالت مالك شغل وسكرت بوجهي طيران رحت البيت عسى ماشر ان شاء الله خير..من متى طوالة اللسان وصلت ورحت لها عصبت وجلست اهزئ فيها غسلت شراعها غسل وضربتها بعد انا ماكنت بمد يدي نهائيا كنت بس بهزئ لكن وش اسوي عصبت هي اللي عصبتني خاصة يوم سكرت بوجهي ومالك شغل بعد؟؟؟؟؟ ماعمر وحده من بنات خواتي او اخواني طولت لسانها علي وانا مااقول اني شديد معهم لا بالعكس امازحهم وادلعهم وامشيهم ويحبوني كلهم المهم ولو كان تبي تروح كان على الأقل تستأذن حتى ولو الحين صار على السالفه اسبوع وانا مااكلمها ولا التفت لها..ارسلت لي اخوها جايني يقول فلانه اسفه ماكانت تقصد...جاتنب الضحكه مارديت عليه وطلعت وهي حابسه نفسها ماتاكل ولا تشرب امي كل شوي رايحه جايه عليها ...واخواني نفس الشي ومو هاين علي اشوفها كذا صرت ماانام زين..لدرجة كل ليله اطل عليها اشوفها تبكي ولاني عارف شلون اتصرف اول شي مو المفروض هي بنفسها تجي تعتذر انا ماابيها تعتذر لي..انا ابيها تعرف حدودها معي ولاتطول لسانها مره ثانيه علي.. ماادري اروح لها اكلمها؟ او ؟؟؟ يعني الموضوع عادي بس هي مكبره الموضوع وحابسه نفسها ليش مدري ابي رايكم خاصة البنات اكيد عندكم خبره بهالأمور :30: |
احنا البنات حساسات شوية ويمكن حستها صعبة انك ضربتها وانت لك مكانة عزيزة عندها و في نفس الوقت انا ما اقولك هي مو غلطانة بس المفروض كنت تحاورت معاها قبل لا تمد ايدك و بعدين بقولك شي و الله الباين انها حبوبة و طيبة و الله لو وحدة تانية و انا اعرف كتير لو انحطو في نفس موقفها ما بتفكر تعتدرلك و بتقعد بس تستني امتي ترجع والدتها عشان تعلمها الي صار بس الباين من تصرفها انها تعزك و حاز بخاطرها انك ضربتها يعني سبب زعلها و ماترضي تاكل و تبكي هدا يدل علي انها حاسة بنفسها غلطانة انا رايي انك تدخل عليها و تطبطب عليها وقولها انا ما سويت كدا الا لاني خايف عليك و ما ارضي فيك نغزة الشوكة وانت بنت اختي يعني انا اعتبرك بنتي و ابغي احطك بعيوني واحافظ عليك لانك امانة عندي و بعدين الخال لاه الحق انه يصارخ علي عيال اخته في اي شي فيه مصلحتهم و مو فق يا اخي ان شاء الله |
علمي امها بلسالفه اذا جت من السفر
بلتفاصيل وتكون امك موجوده لاني ابتوقع البنت بتطلع اكشنات لاامها اللي هي اختك !!وبيجيء بينكم مشاكل او اشياء بنفس اختك عليك ّ فتكون امك موجوده افضل بلحوار مع اختك وهي اتركيها الى ان تاتي امها لانها مخطئه!!100% |
البنت راحت بيت عمتها ، مو بيت أحد غريب
يعني بيت أخت أبوها هي يوم خرجت مع بنات عمتها و أخوهم ، فأتوقع إنه البنات + أمهم و اللي تصير عمتها جلسوا فوق راسها ، تعالي معنا و هي تحمست تروح معهم و يمكن أمها و أبوها ما يمنعوها ، فمتعودين ؟ و وقتها هي خافت تكلمك و ترفض ، لإنها ما راحت لبيت عمتها إلا بطلوعة الروح فهي تدري إنها لو استأذنت منك ، راح ترفض هي قفلت السماعة عليك و يمكن إنت شتمتها ؟ مهما حصل و صار ، مالك حق أخوي إنك تضربها عمرهم أعمامي أو أخوالي ، ما مدوا يدهم علي و لا على أخواني و خواتي ما يحق لك تمد يدك مهما صار ،. أبوها عايش و أمها و الله يخليهم لها ، ما يحق لك تضربها هي اعتذرت بما فيه الكفاية ،. يكفي لحد هنا لا تكبر الموضوع روح أجلس معها و فهمها فين غلطها و اعتذر إنت كمان لإنك مديت يدك أنا مستحيل أسمح لأحد من أخواني أو أخواتي يمدوا يدهم على ولدي إذا ولدي غلط ، أنا أأدبه ، مو هم .. |
اقتباس:
الله يجزيك خير ان شاءالله وانا مو متعود على هالاسلوب اني امد يدي او ماشابه لكن غصب عني بذاك الموقف ماكان ودي ابدا وانا ندمان اشد الندم اشكرك اختي |
اقتباس:
لا ان شاءالله الموضوع ماراح يكون بهالشكل وبنت اختي الحمدلله انها مو من هذا النوع الله يسعدك وييسر امورك يالفاضله شكرا |
اقتباس:
صدقتي البنت ماراحت بيت احد غريب لكن ايش اسوي اذا امهم امنتني عليهم قبل لا تروح قالت لي حط عينك على عيالي امانه عندك لايروحون ولا يجون الا مع امي (جدتهم ) ثم ان بيت عمتها ماشاءالله كله شباب ,, وابوهم الله يحفظه دايم موجود بالبيت, يعني انا مالي دخل راحت والا جات ولا اتدخل فيهم او ماشابه فقط شددت شوي لأنها امانه عندي امهم كل يوم تتصل تحرص علينا كل ساعه وانا معك اني غلطت يوم مديت يدي عليها.. لكن اسلوبها استفزني لأني اساسا سألتها قلت لها متى طلعتي كان دقيتي على الأقل قامت تطول لسانها وتعلي صوتها ومالك شغل وسكرت بوجهي الخط وفوق هذا حرقت جوالها فوق 20 مره ولا ترد علي..قبل لا اوصل بالنسبه لأمها وابوها لا امها حريصه بزياده صدق تخليها تروح وتجي لكن البيت اللي كله شباب ماتخليها تروح كثير ماشاءالله 7 شباب..والبيت صغير مره . وانا ان شاء الله راح انهي الموضوع اليوم باللي يسرها ويسعدها ان شاءالله الأمانه كبيره فوق طاقتي خصوصا اني عندي التزامات كثيره وشغل الله يحفظهم ويستر عليهم انا مااعتبرهم الا مثل عيالي وبس..وهم عارفين هذا الشي كويس اشكر حضورك الكريم |
الكلام اللي كتبته هنا ، قوله لها و اشرحه لها :)
حتى لو هي ما فهمت الكلام دحين ، راح يجلس في بالها احتمال كانوا بنات عمتها جنبها و كل وحدة تعبي راسها ططنشيه يا شيخة ،، ماله كلمة عليك .. ردي علييه و هو مو أبوك .. إلخ ( ما أبغى أسيئ الظن لا سمح الله ) باين إنها ندمت دحين على غلطها عليك |
هي فهمت الدرس أكيييد.. ناديها ع العشاء.. ولا جات وسع لها جنبك وطبطب عليها وضمها لقلبك.. وخلي الكلام بعدين,, وربي راح يكون تأثير الأمر عليا جداً إيجابي,,
وأهم شي فهمتها درس راح ينفعها العمر كله.. كان لازم تلتزم بوعدها لك,, ثم إن البنت لو تم التساهل معها في أمر الخروج لن يوقفها أحد,, هي قالت بيت عمتها وعلى الراس والعين العمة.. أما مطعمّّّ! ,, ولا ننسى إنها أمانة عندك وهي عارفة إنها ماراحت إلا بطلوع الروح.. عموما هي صغيرة وكان لازم تتعلم درس,, ووصلها,, |
اقتباس:
وليش لاء احتمال بنات عمتها وسوسوا براسها الله اعلم مانبي نسيئ الظن.. والكلام ان شاءالله بنظم الكلام واجلس معها افهمها واشرح لها مشكوره على تواجدك اختي الكريمه |
اسفه يااخي الكريم
انا مع كلام روح الطير دام المساله فيها مد يد هذا مافهمت من ردودك ع الاعضاء ومن كلام روح الطير فاانت اخطئت انا ع بالي كلام وانتهى الامر والبنت تتدلع ! اثر السلفه عكس كذا انا مع كلام روح الطير. |
اقتباس:
ولكن اقولك نبتعد شوي عن المثاليه وندخل بالواقع شوي ياليتك تقرئين ردي على روح الطير الأخت الفاضله بإن المسأله امانه الآن لو هي صار لها شي بالطريق لا سمح الله حادث مين بيكون المسؤؤل اكيد انا؟؟ لأن اختي امنتني عليهم وكل شوي تتصل وينهم فيه؟وش صار عليهم المسأله امانه ثم امانه ثم امانه ,lومسألة انها موطل لسانها وسكرت بوجهي وانا مو صغير انا كبير وعمري 29 وهي 18 سنه وتطلع المطعم بدون اذن وثانيا طوالة لسان :11: بغض النظر. عن العمر....الخال له احترامه وتقديره لك جزيل الشكر |
صراحة ذكرتني بنفسي اخوي
اخواني وخواتي اي احد منهم يسافر وعيالهم عندنا ومافيه ألا انا وامي مافيها شدة تركض وراهم والله حاسه فيك هم مسؤلية وماامد يدي لأنهم بيتمادون ماعليه اخي الكريم تحمل ولك أجر طيب خاطر البنت وقلها أنا خايف عليك وطوالة الصوت علي انا مثل ابوك ترضينها لي واتوقع انها مستحيه منك وحاسة بغلطتها الله يعينك ياااارب الله يصلح احوالكم يااااااااارب |
مشكورة هموسة ،،
بس تعرفي ؟ بعد رد الأخ هنا .. فكرت و تخيلت الوضع .. و حسيت إنها تستحق اللي حصل لها من خالها .. ;) حسبت بس إنها عشان راحت مطعم مع بنات عمتها ، مع إنها في بيت عمتها .. فهو دق يخاصمها و يشتمها .. و مادري ؟ أظنها لقيت جزاءها و ندمت و خلاص العقاب اللي جاها من خالها كفاية و الله يكثر من أمثاله :) :) اقتباس:
|
سبحان الله .. موضوع مشابه حصل بين أخي وابنة أختي .. وطبعاً الجميع يسكنون في بيت واحد.
في شهر رمضان الماضي حدث سوء تفاهم بينهما .. وظنت ابنة أختي أن أخي زعلان منها فانكمشت على نفسها ولم تعد تحادثه لأنها اعتقدت أنه لن يقبل الرد عليها بسبب ذاك الموقف .. مع العلم أنها تحبه وتموووووت فيه لدرجة كبيرة جداً. ويخبرني أنها منذ عشرة أيام فقط ذهبت إليه وكسرت الحاجز واعتذرت .. وانتهى الموقف. لذلك ربما يكون عدم اعتذار ابنة أختك سببه خوفها من عدم قبولك اعتذارها. الأمر الأهم .. ربما .. أقول ربما لم يكن يجب بالفعل أن تمد يدك عليها .. ولكن في نفس الوقت لا يجب أن تتجاهل إساءة أدبها في كلامها معك على الهاتف ثم إغلاقه في وجهك .. فهذه والله كبيرة ولا أرى أنها يجب أن تمر مرور الكرام .. فأنت خالها واحترامك واجب عليها .. وهي ليست صغيرة حتى لا تدرك هذا. رأيي أن تتركها قليلاً بعد .. وغالب ظني أنها سترسل لك أخاها مرة أخرى أو أي شخص آخر .. وعندها اطلب من المرسال أن يقول لها أنها هي من عليها أن تأتي بنفسها إليك وعندها يمكنكما التفاهم وإنهاء الموقف. |
اقتباس:
الله يوفقك اختي,, وصدقتي بإحساسك الوضع صعب شوي لأن الأمانه لازم تنرد لأصحابه مثل ما كانت انا لو اهملت بنت اختي ونفترض بسم الله عليها انو صار لها مكروه في هالطلعه هذي..الحوادث تخوف مين راح ينحط اللوم عليه اكيد آنـــا لأني كنت اهملتها ولا حافظت على الأمانه رفع الله قدركم جميعا وانا بإسلوبي هذا وتشديدي حبيت اعطيها درس كبير عن الأمانه اولا وأخيرا |
اقتباس:
حياك الله اختي, ويمكن ليش لاء. يمكن انها خايفه اني ارد اعتذارها لكن استحاله لو جات اعتذرت راح اسامحها بعد محاضره اكيد وبالنسبه بإني المفروض ما امد يدي عليها انتي صادقـه انا اصلا مااعرف كيف رفعت يدي وضربتها لكن حصل وصـار اسلوبها استفزني بالمستقبل لو بنتي فعلت نفس الشي راح يكون تصرفي نفس ما صار لأنه الا الإحترام... وانا محتار اتركها بعد كم يوم او اروح لها... اليوم ارسلت لها اخوها يقول لها يقول خالي تعالي تعشي معنا وفعلا سبحان الله جات لأول مره بعد اللي صار لأني اول مره اناديها بعد اللي صـار الكل كان يناديها وهي ماتستجيب لهم المهم انها جات تتعشى وحسيت انها ارتاحت شوي لكن انا دست على قلبي شوي ولا تكلمت معها ولا شي قلت بخليها يوم يومين لين تجي بنفسها تعتذر...وبعدها اكلمها بس بعد العشى حسيت انها متردده ومتوتره يمكن لأنها ماتوقعت اني ماراح اكلمها ومشى الوقت الى الآن مافيه جديد انا بس انتظرها تعتذر لإني استحاله اروح اكلمها بحسسها اني انا الغلطان بس يالله ان شاءالله يكون درس قاسي تتعلمه لأنه الحياه قدامها ان شاءالله وقدامها زوج لو طولت لسانها عليه ماراح يسكت لها فقلت اخليها تتأدب وتاخذ هذا الدرس لها مدى الحياه تتعلم منه الله يوفقكم جميعا |
اخوي انا اشوفك قلقك وزعلك في محله لانه مثل ماذكرت البيت مليان شباب
وممكن امها عشان كدا طلبت انه بنتها ماتطلع من غير جدتها لانها تعرف انها تروح عندهم والام دايما تحب تكون حريصه بس المشكله كانت في انك مديت يدك عليها حتى لو غلطت عليك من الغلط انك تضربها كان ممكن انك تحتويها بس الي صار صار انااقترح عليك انك تشتريلها هدية او تطلع مشوار معاها |
اختي الفاضله اسأل الله ان يحفظ الله لك اولادك ويقر اعينك بهم
--- اختي الكريمه نعم صدقتي فيما قلتي خاصة ان المنزل مليئ بالشباب, ولو كان اننا تهاوونا بإن نخليها تروح بسهوله اختي ماراح تسامحنا لأنها اعطتنا امانه وبالنسبة بإني ضربتها انا ذاك الوقت كنت فاقد اعصابي ومخي طالع مني والحمدلله ماصار شي اكبر من الضرب....لو لا الله ثم اخواني والا كان صار مصيبه وش اقول غير الله المستعان .. اللي حصل حصل وان شاءالله ماينعاد بجد كانت ليله فضيعه ذاك اليوم جزاك الله خير |
لو كان ولد الي بمكانها وما سمع كلامك وراددك >> هل كنت بتضربه؟
ادري انها غلطانه واسلوبها معاك يبغى له حزم من جهتك بس ضربك لها هل هو جائز شرعاً ام جائز عرفاً؟ هل تستطيع ان ترد لها حقها والله يا أخي لا ألومك لخوفك عليها وأدري انها استفزتك بس انا متأكده لو كان ولد وغلط ما ضربته لكن البنت تضرب عادي ثقافة مجتمع هي لم ترتكب كبيره ولا اثم لكن لأنها بنت تتحمل نرفزة أي أحد من أهلها بالتلطيش |
اخوي تبي نصيحتي لاتطول وتتركها المسكينه على اعصابها وحاسه بالذنب
صار لي موقف قريب له لما كنت صغيره مع اعز خوالي على قلببي بس ماضربني هاوشني بس بس اوووف وقع كلامه علي جدا مؤثر ونفس الشيء كان خايف علينا كنا مسافرين مكه وكل شوي طالعين للبقاله وراجعين وبما اني الكبيره مسكني وهزئني بس لانه غالي علي كان عندي اهون تهاوشني امي ولاهو :) خلاص رح كلما بس لاتسوي نفسك راضي مررره لا ابداء معها قل هالمره جت على كيذا وانتم امانه عندى وترى من خوفي عليك سويت هالشيء وماتوقعتها منك تطولين لسانك علي مهما كان خالك واخر شي قل لاتكررينها ووبس رجع الامور طبيعه يكفي الي صار له مسكينه ماتسوى عليها هالطلعه |
.. كل ما قمت به ينم عن خوفك عليها وحرصك عليها , ولأنها امانه عندك ..
.. والذي جعلك تخاف عليها أكثر هو حرص والدتها عليها , وخوفها عليها , وتوصياتها الكثيره , وخصوصا انها تتصل كثيرا وتوصيك كثيرا , وهذا زاد من خوفك عليها .. .. أنتظرها قليلا , ستأتي وتعتذر , وعليك ان تفهمها انها امانه عندك ,وانك فعلا خائف عليها , وان امها توصيك عليها خيرا .. .. هي أكيد ستتفهم ذلك .. .. وضربك لها سيبقى في ذاكرتها , وستفكر كثيرا قبل أن تعلي صوتها على أحد , أو تتطاول على احد بكلمه , لانه صار عندها رادع , وخوفا من ان تضرب مرة أخرى .. .. واخبرها ان عليها أن تستأذن قبل ان تفعل اي شيء , وانك ستأخذها للمطعم لو هي احبت ذلك , ولن تحرمها من الطلعات , لكن بشروط .. ..الله يخليك لها , فانت نعم الخال .. |
اهم شي انها عرفت نفسها مخطئة
انا عن نفسي اخوي لما اغلط صدقني اعرف اني غلطانه بس استحي اعتذر يمكن هي نفس الشي انت روح قولها انا لو مااخاف عليكي ماكان همني شي بس عشان انا احبك وتهميني عصبت وصار هالشي وهي اكيد بعدها بتنطلق بالكلام وتتصالحو ان شاء الله الله يخلكم لبعض |
بما انها كبيرة و واعية
قل لها انك تغضب و تتوتر لأنها أمانة برقبتك هي و اخواتها و انك المذنب اذا صار لهم شي و هي ستتفهم سبب منعك لها من الخروج و سبب ضربك لها و بالتالي هي لن تعيد الخطأ و لا انت ستضطر للضرب مرة أخرى افتح لها قلبك ابنك إذا كبر خاويه !! تعامل معها على انها واعية و كبيرة و بعمرك لأنه ما في فرق بينك و بينها بالعمر (هي من جيلك ) |
اخي الفاضل أحييك على حرصك واهتمامك بأولاد أختك وحفاظك على الامانة
فالامانة وما ادراك ما الامانة قال تعالى : {إِنا عرضنا الأمانة على السماواتِ والأرضِ والجبال فأبين أن يحملنها وأشفقن منها وحملها الإِنسان إِنه كان ظلوماً جهولًا} السماوات والارض والجبال أبين حمل الامانة ولم يطقنها . ما عليك فعله هو اكمال ما بدأته لتصل الرسالة كاملة لهذه الفتاة هداها الله هي الان منعزلة وتبكي لان خيالها يحدثها ويصور لها المشهد الدرامي ويصوره لها في اعتم صوره بانها مظلومة ووحيدة ولا يوجد احد يفهمها وربما تقمصت شخصية احدى بطلات قصصها او حكاياتها تلك الاميرة الباكية التي ظلمها اقرب الاناس لها وهي وحيدة ولا يوجد احد بجانبها . ماعليك فعله اخي الفاضل هو ان تقول لوالدتك ان تذهب لها لا لكي تواسيها وتطيب خاطرها او تدعوها لتناول الطعام بل لتخبرها ان ما فعلته خطأ وخطأ كبير فهي امانة تركها والداها عندكم وليس عند عمتها وكان عليها الاستئذان قبل الذهاب للخارج حتى لو كانت مع عمتها نفسها فهي الان فتاة غدا ستصبح زوجة ولها بيت ورجل يجب ان تتعلم الاسئذان من ولي امرها والقائم عليها خاصة وانك اوصلتها بنفسك وعدت لارجاعها ولم تقصر معها .... المهم تخبرها الوالدة بخطأ صنيعها وانه لا طائل من انعزالها وبكائها بل عليها ان تعلم خطأها وتصلحه فهذا هو صنيع الفتيات البارات بأهلهن الاتي يتعلمن من أخطائهن وتطلب منها ان تذهب بنفسها لتعتذر منك ولا تخرج من عندها الا وهي تسير امامها لكي تعتذر منك شخصياً ....... وبذلك تكون قد حفظت موقفك امامها وبهكذا تكون قد علمتها درساً ان لا تنتظر مستقبلا من زوجها ان تخطئ ومن ثم تجلس تنتظر اعتذاره منها فهناك فرق بين ان نتعاطف مع بكاء شخص وبين ان نعلمه خطأه الذي بدر منه حتى لو كان مضرب عن الطعام وعن كل مظاهر الحياة فهي أخطأت ويجب ان تعتذر عن خطأها لمن احسن اليها فأنت والدها في غياب الوالد . وعند مجيئها لتعتذر منك استغل الفرصة لتقول لها لماذا فعلت ذلك واين هي أخطات وكيف يجب ان تتحدث من هم اكبر منها وان تستأذن مستقبلا وان ما قمت به لمصلحتها اولا واخيرا وان فعلها لو كان مع زوجها لربما وصل لمالا يحمد عقباه فهذا درس لتتعلم منه وتستفيد منه ولا تكرره .... طبعا باللين والهدوء وبعيدا عن العصبية لكي تصل لها الرسالة ويجب كما نعاقب على الخطأ ان نثيب على الفعل الحسن اي انه بعد هذا الكلام يمكنك ان تشتري لها اي نوع طعام تحبه او حلويات او اي شئ مكافأة لها لانها اعتذرت وعرفت خطأها ... وجزاك الله خيراً اخي الفاضل |
اقتباس:
طبعا لو كان ولد ما راح اضربه راح اكسر راسه..الا الغلط مااحد يرضى فيه.. ولا تتأكدي ولا شي.. وانا متأكد لو انك بمكاني كان سويتي نفس الشي؟؟؟ انا من جهتي لو ابن اختي طول لسانه علي وسكر بوجهي التليفون راح يكون اللي صار ببنت اختي نفس اللي يصير له ويمكن اشد المسأله احترام مو اي كلام ابوها لو هي سوت له نفس التصرف يمكن يقطع لسانها جزاك الله خير |
اقتباس:
الله يجزيك خر. انا ماودي اني اخليها كذا تتألم لكن انا اللي ابيه ان الدرس يرسخ في بالها مثل ماقلت بكره تتـزوج وتطول لسانها على زوجها وتسكر بوجهه الله لا يقوله توصل للطلاق... عشان كذا ودي تعلم من هالدرس اللي يكون مابعده درس وكل ماجات بتطول لسانها على زوجها تتذكر اللي جاها وبيجي اليوم اللي تشكرني فيه على هذا الدرس,, واشكرك اختي الكريمه وبنت اختي ان شاءالله ان الأمور بتزين بشكل ممتاز... انا مو حارمهم من الطلعه كل مااخذت وديتهم مطعم .. او مجمع..او ملاهي..او السوق اشتري لهم اللي يبون لكن يااختي الحدود تبقى حدود والخال له احترامه كمان.. انا اذا هي على الطلعه بجي اهزئها واطلع لكن ماصار اللي صار الا عشان طوالة اللسان وتسكيره بالوجه اشكر تواجدك الكريم |
اقتباس:
حياك الله اختي وانا متـأكد ترليون بالميه ان اللي صــار لها راح يبقى بذاكرتها للأبد..وراح تذكرني وتدعي لي فـأكيد صار عندها رادع قوي .. واهم شي بكرى عندها الحياه الزوجيه وان شاءالله قريب جدا تتصلح الأمور وبكلمها بهدوء اشكر لك هذا التواجد العطر.. |
اقتباس:
واكيد وانا متأكد انها مستحيه تجي تعتذر,, صراحه ودي اروح لها وبنفس الوقت اغير رأيي واقول لازم هي تجي تعتذر..وش رايك؟ ان رحت كلمتها بتفهم اني انها بريئه..؟؟ البارح مسويه اضراب عن الطعام يوم جاء الفجر جاي من الصلاه اسمع حس بالمطبخ وطليت بشويش الإخت قاعده تشيل علب جبن كرافت واكياس خبز وتحطهم بشنطتها وتاكل اللي يتناثر بكل شرااهه..؟؟؟؟؟؟؟؟ اشكر لك تواجدك الكريم,, |
اقتباس:
وجزاك الله خير على التواجد الكريم.. وهذا اللي يقهر..انها كبيره وفاهمه ماهي طفله لو هي طفله كان رحت بسرعه كلمتها وعطيتها محاضره وان هذا غلط وانا ان شاءالله بكلمها قريب يارب تتسر بس وان شاءالله مانضطر للضرب مره ثانيه الله يهديها ماكان ودي توصل للضـرب بس اللي صار صار عاد الله يهديها |
اقتباس:
|
بارك الله فيكم والله يجزيكم الجنه
اشكركم جميعا.. |
ماشاء الله عليها من جد مؤدبة ومتربية صح الله يحفظها لاهلها ويقر عينهم فيها
يا اخي هي ماراح تحس انك انت الغلطان اذا رحت لها بالعكس بتحس بقربك منها صدقني يصعب علينا احنا البنات نعتذر حتى لو كنا غلطانين وبنفس الوقت نحس بتأنيب الضمير وتتأزم حياتنا ونتمنى نغمض عين ونفتحها ونلقى المشكلة انحلت بمعجزة مثلا :d الله يسعدك ويوفقك يارب موضوعك جميل حسسني انه الدنيا لسه بخير |
إن شاء الله أموركم تعدلت الحين ؟ :)
|
اقتباس:
آمـين يارب اشكرك على هذا الدعاء لي ولإبنة اختي حفظهما الله ولكي بالمثل ان شاءالله,, بالنسبه لهذه الصفه انا اشوفها مغروسه بأغلبية الناس وخاصة الإناث...صدقتي.. والله يجزيك خير واشكرك على تواجدك الكريم |
صح اخوي يمكن خووفك عليهااا وان اختك امنتك عليها واخواانهاا
لكن الصفح والتسااامح زين حااااول تكلم والدتك انك راح تااخذ بنت اختك لوحدكم تعزمهاااع عشااء او طلعه تمشيه وتبين لهاا انك كل اللي سويته خووف عليهاا وانهاا لو دقت عليك كان ماصار اللي صار حاااول تبين لها احترااامك وثقتك فيهاااا لكن لازم يكوون في الصوره صدقني عناادك يمكن يسبب مشااكل اكثر معهاا خاصه انها بعمر مراااهقه بالتوفيق لك خيووو |
اقتباس:
الحمدلله الأمور تعدلت...:24: اذا تبون تعرفون اللي صار راح اقوله , كنت يائس تماما انها تجي تعتذر وكنت لو مااعتذرت راح اخليها حتى لو سنه اكون رسمي..لين تجي تعترف بخطأها... ولكن الحمدلله .. ارسلت لي ورقه فيها كلام طويل : تعتذر وتبرر لي موقفها كامل وانا اسفه يا خالي ومن هالكلام عاد طويله الرسالـه وبعدها انا رحت لها وجلست معها كلمتها واني ماصربتها وقسيت الا لمصلحتها الآن وبالمستقبل ولأنها امانه نفس الكلام اللي كاتبينه هنا قلت لها مع كلام طويل نصايح عاد هي فتحت صنبور المياه غرقتنا بهالدموع ماشاءالله وانا بلطف الجو خليتها تبكي ورحت غرفتي طلعت مظلتي وجيتها وحطيتها على راسي :) ووعدتني انها ماراح تتكرر معي او مع غيري سواء الان او بالمستقبل قلت لها لو زوجك اللي طالعه من وراه رافعه صوتك عليه ومسكره بوجهه..ان يذبحك يقطك بيت اهلك ... ووديتها مطعم واشتريت لها هديه ومشيتها . والحمدلله .. بصراحه كابوس مزعج لها ولي اولا وآخيرا وطاح الحطب و الحياه حلوه وشكرا جزيلا لكم واسأل الله لكم التوفيق والسداد في الدارين |
اقتباس:
حياك الله اختي الكريمه والله يجزيك الجنه على تواجدك هنا.. الأمور الحمدلله طابت وهي على مايرام تقديري وشكري لتواجدك |
الحمد لله
طاح الحطب طاح ... طاح الحطب طاح. |
الحمدلله
تصدق اخوي اني جالسه على اعصابي وكاني انا الي صاير لي الموقف:) لاني حاسه بهالموقف وحاسه بشعور التشتت والذنب الي تحس فيه بس طريقتك جدا حلووه والحمدلله اهم شي عرفت الدرس وااكد لك انه راسخ ببالها مثل مارسخ الموقف ببالي |
| الساعة الآن 01:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©