|
غلطت مع زوجتي بالكلام ولست نادم <<مستجدات بالرد 12>>
السلام عليكم
عارف العنوان عنيف شوية .. بس اسمعو المشكلة واعطوني رأيكم انا نزلت قبل كدا موضوعين عن خطيبتي ومشكلتي معاها .. وهي المبادرة فالكلام والافعال وكل شي .. اني انا دايما اللي ابادر واسوي .. ولو انا ما سويت هيا ابدا ما تسوي شي وانا اتطنش بالايام والاسابيع .. وانا للاسف لما تسير مشكلة انا اللي ارجع اصالح ولو كنت غلطان ونفس الموال عارفينو سارت مشكلة قبل فترة اني كنت بافهمها اني ابغاها تبادر .. مشكلة كبيرة .. بس اتصالحنا بعدها .. ورجعنا نتكلم طبيعي .. اول ما كلمتها بالجوال .. حاولت تغيظني شوية .. فانا رديتها وغظتها اكتر .. يعني انو بنمزح وانو زي ما تسوي كدا حتى انا اسوي :18: المهم كان اخر اليل وقتها .. بعد ما غظتها قالتلي يلا ننام خلاص تصبح على خير .. يعني شغل تصريف قلتلها طيب وانتي من اهلو .. مع السلامة بعدها ارسلتلها رسالة قلتلها فيها : اكره لما تسوي كدا ردت عليا الصباح : تكره ايش ؟ انا هنا قلت خليني اشوف حاردلها رد اني اخلي الموضوع في يدها .. انو تهتم وتسأل وتبادر ولا لا ؟ المهم ارسلتلها : لا ولا شي خلاص طيب تخيلو يا جماعة الكلام دا سار يوم الاثنين اللي فات .. امس السبت اللي اتصلت عليا لأول مرة ! يعني ولا فكرت مرة طوال الكم يوم الي راحت تسأل تشوف تتكلم ترسل اي شي ! انا هنا مرة عصبت صراحة .. و للاسف ما قدرت اكتمها فنفسي لما اتصلت حطيت كل حري فيها .. وقلت كلام شوية يجرح قلتلها انو لاول مرة اغار من المتزوجين اللي زوجاتهم يجرو عليهم وهما مطنشين .. وانو لاول مرة احس اتمنى بوحدة زي كدا .. لانو للاسف مني لاقي دا الشي منك .. قلتلها اني زمان ما كنت اشوف الا غيرك لانك كنتي تعطيني كل شي .. دحين سرت اشوف بنات كتير ويمكن احسن منك كمان لانو بيهتمو ويسألو عن ازواجهم وقلتلها للاسف اكتشفت انو فقلبي في حاجات زايدة ليكي وانو لازم اشيلها عشان توصل لمعاملتك ويسير عادي بالنسبالي اللي تسويه وبعدها مافتكر ايش قالت وقلتلها يلا حانام تصبحي على خير .. وقفلت دحين مني داري .. هل تصرفي صحيح ؟ انا عارف الكلام شوية يجرح .. بس ما قدرت اتمالك نفسي وانو كنت ابغاها تحس بيا .. انا مضغوط في عملي وابغا ارتاح مابغا وجع دماغ زيادة ارشدوني ايش اسوي عشان اقدر ارجع كل شي تمام ؟ |
اخوي انا مثلك بس لي 4 أيام فقط معها
ومع الأسئلة اكتشفت ان صديقاتها واختها يقولون لها خليك ثقيلة على زوجك.. بس نصيحتي لك لاتصير ثقيل بالعكس خليك على طبيعتك وصدقني بتتغير البنت مع الوقت ووبتتعود عليك وتقوم تزعجك بالاتصالات انا جربت قبل الزواج وصدقني بتستفيد..اهم شي لاتكون ثقيل معها |
وعليكم السلام والرحمه ..~
آسمح لي أقول إنك غلطآن وبشده .! (الرجل الذكي) يعرف كيف يتصرف مع شريكة حياته بالأسلوب والتصرف اللي يجذبها تجآهه .. والكلام اللي قلته حسستها بأن مالها قيمه و هذا خطأ .. أنا أشوف إنك تعتذر لها بأن كل اللي صار مجرد "ردة فعل" من تصرفآتها .. وإنك لازلت تحبها وتقدرها ولكن تريد منها الإهتمام فقط .. بآلتوفيق :) |
ماني شايفتك غلطان
كلامك في محله ، و هي لو عاقلة .. فتلحق تصلح من حالها و تعتذر لإنها سببت لك الألم هذا وحدة مكانها ، تتصل و تصر إنها تعرف إيش اللي يضايقك ؟ و لييييش ؟ و كيف ؟ أما التطنيش هذا ما ينفع أبدا و خاصة إنك قبل كذا ناقشتها و تفاهمتوا حاليا إنت ، لا تكلمها و خليها تجلس مع نفسها تفكر |
يا جماعة افهموني .. والله حاولت معاها بكل الطرق !
حاولت امزح معاها .. حاولت استحمل واقول يمكن لما تشوفني دايم مهتم ممكن تبدأ تسوي شي .. حاولت انتظرها اقول يلا شوية وحترد حاولت بكل الطرق .. ما فاد ولا شي .. فالنهاية انا برضو لازم اتكلم واسوي عشان ترد وانا ما كدبت بصراحة يعني من جد لما ادخل هنا المنتدى واشوف المواضيع انقهر بصراحة لاني والله بحاول اسعدها قد ما اقدر .. بس هيا ما بتحاول قدي .. او بالاصح ما بتحاول مرة الا لو انا جريتها .. وما ينفع كل مرة اجرها معايا ! الشي دا فعلا يضايق الواحد .. وانا والله مو ناقصني هموم وضغوط .. لانو كمان الشغلى بتأثر على عملي عشان كدا قلت اقول كدا يمكن تحسسس شوية ! في شي يتحرك جوتها مادري لو صح ولا غلط بس طلع من القهر والله لاني بهتم وهيا ولا على بالها ارشدوني للطرق الصحيحة الله يسعدكم ؟! |
الحين صار اللي صار ولا تحاول تتصل او تكلمها .....واذا كلمتها راح اتخرب كل اللي سويته .... خلها تجلس مع حالها وتحس بتقصيرها معاك ..... احتمال انها تستشير ناس مو قد الثقة .....وهم اللي مخربينها عليك .... راح يبين بعدين ....وانت اذا حاولت واتصلت عليك فهمها اذا في احد تسمحيله انه يتدخل بينا فهذا خطأ.. قبل لا تقولها حاول ان تستدرجها بالكلام ... من تجلس معه دايما من تحب من بنات صديقاتها خواتها حريم اخوانها احتمال امها .... احتمال كبير في احد يأثر على تعاملها معك ... انت وشطارتك .... ==== |
الله يعينك والله يسخرها لك وترى الحياه جميله التمس لها الف عذر وكذلك صارحها بحنيه مو بعنف والله يسعدك دنيا واخره
|
انا لااارى انك غلطت
خليها تفكر بالكلام شوي وتراجع نفسها والله جيبلك الي فيه الخير |
انا عكسك :(
كل يوم ادور مسجات شي اصبحه وشي امسيه وشي شوق لنا اسبوع وانا اللي ارسل وادق وهو مرتين بس ارسل ومره دق ولما ادق عليه عشان اسمع صوته يرد علي ناقصك شي يعني مايصير ادق الا لما يكون ناقصني شي :25: صرت احس اني ثقيله عليه وقررت ماارسل الا فين وفين وماحدق غير لما هوا يتصل بصراحه هالمعامله اللي زي كذا تحبطك وتحسسك انك غير مرغوب او صفر ع الشمال :( |
قصايد
من جد .. شي يجيب الاحباط .. يا ريتك تعطي من اللي عندك شوية لخطيبتي :d انا للاسف من مكالمتي ليها ما سوت شي لين دحين والله يستر لـ متى راح انتظر ! |
السلام عليكم اخوي
والله قصتك قصه / احس خطيبتك مررررررره عنيده صح؟؟ شوف اخوي ... المفروض دايما البنت الي تبادر في مصالحة زوجها او حبيـبها ... انا احس ان الواحد لمايخطب او يتزوج .. يعامل زوجته كأنها حبيبته عشيقته ... بس صعب صعب لما مايحس انو في تبادل مشاعر مافي نفس الاحساس كتير صعب...:( وجربت هالاشي فتره مع خطيـبي السابق ... وبالاخير ماقدرت خلص .... وبصراحه 3 سنين من السكوت والرضا وانا اللي ابادر ... وانا الي اتصل بعدين بالاخير مليت وزهقت خخخخخخ اخر شئ انفتحت فيه وقال ايه بتعلي صوتك عليا؟؟؟ وراح نهى العلاقه... وماني ندمانه .. هو الخسران خخخخخخخخخ:P / نرجع للموضوع اخوي شوف..... بسالك مامره سالتها بصراحه انتي ليه ماتبادري زيي انا ماتكفيني كلمة احبك... انا بجد بدي احس انو احنا حبايب مخطوبين احس انو في بينا اشياء كتير .... لو مو عارفا تعبري بالكلام ... عبري برساله باي شئ ... فهمها انك ماتحب الطنااشش .. ولاتخليها وسيله تلوي دراعك فيها .... يعني لا تترجى فيها قولها حطي نفسك في مكاني انتي بس تهتمي وانا اااااااااخر همي؟؟ بس يعني يكون النقاش هادئ اسفه طولت عليك^^ / بانتظااارك |
اخر المستجدات :
من يوم ما اتكلمنا .. قلت اعطيها مجال تعيد التفكير .. وكمان دريت ان عيلتها حيطلعو كباين ( شاليهات ) من الثلاثاء للخميس .. قلت كويس تفرفشها شوية .. وان شاء الله تكون هديت بعدها .. ويسير لما ترجع حتتصل عليا بالجمعة بس للاسف وكالعادة ما بادرت بشي ! وانا انتظرها من يوم السبت الماضي ( يوم ما اتكلمنا ) سارلي اسبوع كامل دحين بصراحة مقهور يعني اعطيتها مجال كبير والوضع ما يحتاج انها تزود فيه ! ما حست بشي ناقص من جد قرفت والله من الوضع دا حاس لو اتصلت عليا بعدها ممكن اعصب عليها واغلط بالكلام اكثر واكثر نصايحكم ؟ :( |
اخي الكريم
ارسل لها رساله واكتب فيها اللي تبي بس بدون غلط خلاص يكفي اللي راح ولاتبادر بالاتصال لانها هي المتثيقله وايضا لانك معصب اخاف بعد تزيد الطين بله وايضا اخبرها برساله ان الثقل مايزيدك في قلبي الا بعد وا الحب مثل الورده يموت لو مااسقيناه وهي راح تفهم |
احس الرسالة ما حتوصلها اللي ابغاه
وبصراحة مادري كيف حاكلمها .. لانو هنا بتقولو خليك هادئ وانا مقهور شوية ومحا اعرف اخليه جواتي .. يعني لازم اطلعو عشان تحس كمان بس مادري هل صح ولا لا اني اعاتبها ولا ايش ؟ والله مني عارف .. ارشدوني =( |
انت ماغلطت ولا اخطيت !!!!!
وما جاها منك هو جزء لاافعلها معك ! |
بالعكس الرساله راح تطلع فيها كل اللي بخاطرك من دون تعصيب
وارتفاع ضغط ولا مقاطعه من احد بس لااوصيك بين السطور بين انك تحبها مثال""حبي انا احتاج قربك مني اريد اشعر انك تحبيني تلهفي علي مثل لهفتي عليك الثقل مو زين واذا ضميرك املى عليك ان الثقل يكبرك بعيني او احد قالك تثيقلي علي الرجال فهذا الشئ غلط"غلط"غلط اريد ان اجد منك تفاعل معي بالكلام الحلو وعمر الكلام الحلو ماكان عيب ولاخطا لما تسئلي عني برساله او مكالمه يزداد حبك بقلبي وتكبري بعيني والتطنيش يخنق الحب الين يموت مع الايام وانا لااريد ذلك فكري فيما كتبت وارجو منك التفاعل والرد علي"" ا(((((رسلها هالكلام ان اعجبك)))) وان ردت عليك وتجاوبت ياسلام واحلى خبر وان هي لم ترد وهنا اعطيها مهله كم يوم"""""اصبر الله في عونك""""""" طنشها وهي مع الايام راح تعرف قيمتك واعتبر الرساله فرصه لك منها لتعدل من اسلوبها واما الرساله اذا ماجابت نتيجه ارسل لها وحده قريبه منك اختك خالتك عمتك توضح لها سوء الوضع اللي هي فيه وباذن الله ترجعوا لبعض احسن من اول وبالله التوفيق |
أنا برأيي إنكم في مرحلة تحطوا النقاط فيها على الحروف
مو مرحلة مجاملة إذا شئ مو عاجبك فيها ، من دحين صلحه و تكلم معها و لا تقول بعد الزواج راح تتغير |
الله يعينك بس كأنو صرت قاسي شوووي؟؟ اممم لاتدق عليها خلها فتره تفكر
|
ممكن تكون أنشغلت .. ألتمس لها ألف عذر
.. أخوي أرى إنك تبادر بالإتصال عليها .. وأسألها عن الحال و خلك رسمي معها علشان تشعر فيما تفعله تجاهك .. ولاتنسى تمسك نفسك و ماتنفعل وتعصب ... إن شاءالله يلين قلبها ... |
نسيم الوسم
يا اختي انا ابغاها هيا اللي ترد .. لانو انا كل مرة يسير الكلام دا وانا اللي ارجع اصالح ابغاها هيا تبادر .. تسوي شي يصلح اللي بيننا ! وللأسف لين دحين ما سار شي روح الطير والله كم مرة احاول افهمها .. اقولها ما سار حب اللي بيننا .. خربتيه بالتقل والطناش بس محا اشحتها واقولها الله يخليكي اهتمي ! ما صارت يعني لازم اسويلها سحر يعني اخليها تهتم ولا كيف ؟ :D استغفر الله بس روحي بريئة كيف ما تبغيني اكون قاسي لما اتطنش واقعد انتظرها اسبوع ونص كملنا دحين وما الاقي منها شي ولما اسال عنها الاقهيا عاااادي مافي شي بيسرلها عايشة مبسوطة وعادي عندها الوضع كدا ؟! البرنسيسة يا اختي انا سائل عنها الاسبوع والنص اللي راحت كلها .. كانت في شالهيات من الثلاثاء للخميس .. وفقط الباقي فالبيت ! ليه ما تفكر هيا تبادر وتسأل ؟ .. ليه انا اللي لازم اسال واسوي كل شي لا حول ولا قوة الا بالله الواحد اعصابو تلفت والله .. ماني عارف كيف حتصرف معاها لما تتصل .. هذا لو اتصلت كمان الله يعلم الفترة اللي حتمر اكتر من كدا |
اقتباس:
...اخي... انت ما غلطت معها و لا شوي... كمان اضم صوتي لصوتك,... هذه الحركات من البنات صرنا عارفينها تماما... اخي لا تحكي معها و لا شئ... حين ما تتصل هي احكيها بحزم انها لو طنشت مرة ثانية فسيكون لها عواقب هي تتحملها... لازم تحط النقاط على الحروف و انت تقود معاملتها لك... ان ما عجبك تصرف منها.... غيره و بحزم شديد... لازم اخي و الا رح تعودك على كيفها... امنع عنها التطنيش من البداية.... منعا بااااتا..... |
يمكن لانها اكبر منك في العمر خايفه ماهي حاسة بالامان
خايفة انه اي تصرف يقولوا لها انت الكبيرة وانت العاقلة يمكن تربت على انها ماتعبر عن مشاعرها للزوج إلا إذا كانت في بيته يمكن خايفة لو اخذت راحتها معاك من فرحتك تخبر الناس لانه بعض الشباب هداهم الله يتفاخر قدام أهله بأن خطيبته رامية نفسها عليه وماتخليه يرتاح من كثرة الإتصالات ويتمادى بأن يقرأ رسائلها عليهم وصدقني بعد الزواج حتخنقك بحبها ولفتها عليك اسأل الله أن يجعلها قدم خير عليك وأن يرزقك منها الذرية الصالحة |
اخي الكريم
من جد حزنت عليك قرات الموضوعين اللي كتبتهم في خطيبتك ويبدو لي انها *عنيده *لاتعترف بخطئها *وصبوره وطويلة بال *وتحبك ايضا كتبت في احد الموضوعين انك تحبها بجنون بس يااخي الحب يجي لما تكون الاخلاق حلوه لما يكون فيه عطاء وحنان ووقفات علمني وش السبب اللي يخليك تحبها بجنون وهي لم تصلح من تقصيرها لم تبادرك الا قليل يااخي الحب يجي لما يكون فيه مواقف حلوه بين الطرفين لما يكون فيه تضحيات لما يكون فيه شوق ووله مادام ان حل الرساله لم يعجبك زورهم واجلس معها وخليك حازم مو (((((تعصب))))))) وتغلط بالكلام انتبه قول انا ماخطبت الا ودي ارتاح وانبسط واتونس والاقي اهتمام وملاطفه منك مواتعذب وانتي كذا بتعذبيني وهذا عيبك واذكر العيوب التي لاتعجبك بها قول لها تنازلي عنها فهذه الصفات لاتزيدك محبه في قلبي الا نفور وضح لها وقول انا احبك واريد الاستمرار معك واريدك لي حبيبه وزوجه لكن لابد لابد من التنازل ولا الحياه كذا بتصير مستحيله ماصارت حياه ذي عناد ومكابره وعدم اهتمام قول اذا تبيني اعطيني مااريد ولا باشوف نصيبي مع اخرى .......................................... اخي الكريم هيه قاعده تشوفك دائما مشتاق لها ولاتستطيع الاستغناء عنها لذلك هي لازالت مصره لكن لو وجدت منك الحزم واتخاذ قرار جدي باذن الله راح تتغير بس لابد من الصبر وعدم(العصبيه) واتخاذكافة الطرق مافادت الطرق بما فيها من قسوه او لين وقتها اسال الله ان يختار لك الخيره وبالتوفيق ونتمنى جميعا ان نقرا عنك اخبار حلوه |
زيتون
ان شاء الله مستنيها تتصل بس وحاتفاهم معاها طالبة الخير ياختي ماعتقد والله .. لاني من يوم ما عرفتها وهي نفس الوضع .. انا ابادر وهي تكمل .. ونفس الحكاية انا كان ماشي معايا دا النظام لاني كنت بنبسط لما اكلمها .. بس بعدها بفترة لقيت اني انا اللي بحاول وابذل مجهود للعلاقة وهيا لا ودا الشي اللي غاظني وخلاني اكتب موضوع هنا نسيم الوسم الله يديكي العافية ومشكورة عالمتابعة والاهتمام بس انا ياختي ما اقدر ازورهم لاني في مدينة اخرى وصعب السفر في هذا الوقت وانا بس مستني اتصالها عشان افهمها كل اللي قلتيه بس متى حتتصل ! الله اعلم |
مالك الا تطنش وتقوي قلبك وتطول بالك
لان السالفه يبيلها وقت وادع ربك يسخرها لك وان يبصرها بعيوبها والله الموفق وان شاء الله نقرا عنك اخبار حلوه |
الله يكون في عونك انت خلهاكذاي وم وشوف ايش بتتسوي لانك مثل ماقلت الرجال يحتاج الحب والحنان بأسلوبها هذا بيأثر عليك
|
الى الآن ما اتصلت ..
صارلنا نصف شهر ما اتكلمنا انا بصراحة بدأت احس بـ برود .. وكدا احساسي ليها اتغير .. سرت ما بافكر فيها حتى .. ودا احساس خطير جدا الى الآن مطنشة المشكلة اني رجعت لاهلي وبيسألوني عنها وبقولهم كلو تمام التمام وانا فقلبي اقول حسبي الله ونعم الوكيل بس خايف لو تركت الموضوع على ما هو عليه تكبر المشكلة اكثر واكثر .. وتصير غير قابلة للاصلاح < مع انو يقهرني اني افكر في كدا وهي والله اعلم لو فكرت في دا الشي ولا لا .. لاني احس افكر لوحدي فدي العلاقة وكل شي مع نفسي وانا عارف انها تنتظرني اتصل عليها .. لانها بتحس انها انتصرت كدا .. واني انا اللي جيتها يعني مو هي .. اكيد عارفين الشغل حق الامخاخ الناشفة وما ودي اكلم اهلها لاني ما احب تدخل الاهل فالمشاكل فـ بصراحة محتار والله .. اموري كلها متيسرة الحمد لله مع اهلي وفي بيتي .. بس هي المشكلة الوحيدة اللي في حياتي ايش الحل معاها يا اخوان ؟ نصايحكم |
نصيحتي لك اخوي
انك تصبر زياده وتشوف وين راح توصل الامور اذا طالت المده من الممكن انك تكلمها او ترسل لها رساله قويه وذا مانفع فالبنت يبدو انها مو متحمسه لك المهم انت الان اشغل نفسك بأي شي وشوف وين راح توصل الامور |
بس يعني اصبر اكثر من كدا ؟ نصف شهر ؟ واحنا ما اتعودنا يعني يوم يومين بالكثير لازم يكون بيننا وسيلة اتصال
واحس لو زادت المدة حيكون الموضوع اتعقد اكثر .. والجفاف زاد من الناحيتين .. وبكدا محا تكون في نتايج طيبة انا متمسك بالعلاقة ومتمسك بيها .. وما اتخيل ان علاقتنا تنتهي .. عشان كدا ابغا اصلح قبل ما يطيح الفاس بالراس بس الله يهديها مادري ايش نظامها هيا ؟ ليه الطناش دا ؟ وليه مرة مستغنية كدا ؟ ايش ممكن اسوي عشان اصلح ؟ |
وانا عارف انها تنتظرني اتصل عليها .. لانها بتحس انها انتصرت كدا .. واني انا اللي جيتها يعني مو هي .. اكيد عارفين الشغل حق الامخاخ الناشفة
|
أخي الفاضل ان شاء الله راح اتشوف نتيجه حلوه من تطنيشك .... اصبر ...اصبر ....اصبر .... لا تعودها على انك انت المبادر دائما ... ترى هي مثلك تحترق وتنتظر ...... بس هي تراهن نفسها على انها هي المنتصره ..... ورها انك قوي وقادر على البعد ...ولا تفرق معاك ...لو ما كلمتك ..... اشغل نفسك ... اتعب الحين ....راح اتعرف زوجتك انك قوي وترفض المساومه .... اخي العزيز لنفرض انك انت من اخطأ .....فرضا...فرضا.... اليس من واجبها ان تسأل عنك حتى لو برساله .... لكسر الحاجز بينك وبينها .... اكرر .... اصبر ....طنش ....اثقل .... وعندي فكرة .... اذا عرسك قريب ... اجل موعد العرس....وتعذر باعذار انت اصنعها ... راح تفهم انه انذار احمر ...اصفر ...المهم راح يدوشها هذا الانذار .... اذا ما انصلح حالها الحين ...راح تتعب معها كثيييييييير ... العنيده ...توقع منها كل شي .... == |
الله يعطيك العافية سافر معي
عرسنا باقيله 7 شهور اخرى المشكلة انا خايف كل ما كبرت المدة .. كل ما زاد العناد والجفاف .. ونوصل مرحلة تختفي فيها مشاعرنا لـ بعض ! انا بصراحة لا اؤمن بان الطناش حل لأي شي .. لانه بيكبر الموضوع .. وهذا اللي ما احبه والآن محتار .. انت تقولي اطنش .. وانا مو مقتنع بالطناش كـ حل .. اتوكل على الله واطنش يعني ولا اكلمها ؟ |
الله يهديك انت قلت بنفسك اذا كلمتها راح تفتكر انها هي المنتصره .... لا تخاف من اختفاء المشاعر ... اولا : انت ما اخطأت ... ثانيا : المشاعر ... أأكد لك عند اللقاء ... راح تعود مثل قبل واحسن .... لان التعامل مع وحده عنيد ...متعب جداا... جداا... لازم تتعلم منها العناد .... وانت لازلت بالبر .... اطبخها على نار هادئه ...كما تفل هي بك... اخي الفاضل هذا ليس حقد ..او كره لزوجتك... لا والله ...يعلم الله اني اكره طبع العناد ..وخاصه للمرأه ....لانه يجردها من كل صفات الانوثة... ويزرع الكره فيقلب الزوج...ويزيد من المسافة ما بينهم ... لكن لمصلحتك ... لازم اتعرف كيف تتعامل معها من اللحين ..... قبل وقوع الفاس بالراس ...ويكون بينكم اطفال .... زالخسران الاول والاخير انت مع عقليه زي هذي ... الله يحنن قلبها ويسخرها لك .... اكثر من الدعاء والاستغفار ..... == |
فقط توضيح اخوي
انت ارسلت لها رساله وقلت لها انك مو مرتاح وبعده ردت عليك تستفسر ونت قلت لا خلاص ولا شي وهي مشت الموضوع ونسته وبعدها بكم يوم عصبت عليها وتكلمت وحاولت تفهمها والى الان مطنشه يا اخي لو اتصلت الان انت تكون خلاص كتبت على نفسك انك تعيش بالطريقه هذي ونت بنفسك تقول انها بعض الاحيان تصرفك هذا ان دل على شي دل على انك لازق فيها ^__^ ياخوي البنات مايحبوا كذا انت رجال مايعجبك وضع زوجتك ووضحت لها وش اللي مايعجبك وخلاص الحين الكوره بملعبها لازم هي تتعوذ من ابليس وتتصل عليك وتوعدك انها راح تهتم فيك هذا رأيي ونت تقول لك نص شهر انا اقول انتظر اكثر من شهر لو حصل تنتظر الى موعد زواجك ولكن لا تبادر خلاص انت سويت اللي عليك اكثر من كذا انت تحكم نفسك بطريقة حياة ماراح تعجبك واشغل وقت فراغك بأي شي وانسى هالموضوع |
سافر معي
امم حاحاول اطنش .. والله يستر بس اهلي ما يدرو الله يسعدك ما قصرت يا غالي مجرد انسان9 انت فهمتني غلط .. اول شي سارتلي مشكلة معاها بسبب المبادرة وانحلت .. ولما حليناها كلمتني كانت بتقهرني فـ رديتها وقهرتها وبعدها صرفتني .. ارسلتلها رسالة قلتلها اكره لما تسوي كدا .. وبعدها ماردت وصدقني حركتها انها صرفتني عشان قهرتها بس يعني دلع .. قالتلي ابغا انام وانا قلتلها تصبحي على خير < قلت كدا عشان اشوف تغير رأيها وتبادر ولا لا صدقني اعرف كيف اكون متوازن .. لا لزقة ولا شي .. لانها بتتجاوب معايا دائما وما لقيت اي اعتراض منها بالعكس كانت تحب الشي دا يريت تكون وضحك الصورة .. ويعطيك العافية عالاهتمام |
اخر المستجدات :
بالامس اتصلت علي اخييييرا ! بس للاسف ما اكتملت المكالمة قالتلي كيفك وانا قلتلها كيف حالك .. بعدها قالتلي انتا مرتاح كدا ؟ للاسف انا كنت مشغوووول جدا وقتها مع الوالد قلتلها طيب استني شوية انا حخلص من اللي فيدي وحاتصل عليكي عشان نتكلم براحتنا .. بعدها بـ نصف ساعة اتصلت مرة وحدة بس ما ردت والى الآن ما رجعت اتصلت من امس المهم يا اخوان لو رجعت اتصلت ايش تنصحوني اقولها ؟ |
هي بدأت تحس بتغيرك عليها ،. و إنت رجعت دقيت عليها و ما قصرت ..
أرسل لها رسالة و قول ( ما فهمت سؤالك ، و كنت مشغول مع الوالد ، وقت ما تفضي دقي علي ) |
اوك ارسلتلها ..
بس قصدي ايش اقولها يعني عشان ما يتكرر الشي اللي صار ثاني ؟ |
اخوي خلك هادي بكلامك وبنفس الوقت خلها تحس بجديتك يعني قل اللي تبي بس رتب افكارك قبل ماتتصل عليك
حسسها انك متمسك فيها لكن بنفس الوقت متردد قل لها الحب مو كل شي الواحد اذا ماحس بالاهتمام ليه يتزوج؟؟ كل الرجال يتزوجون لسبب واحد عشان يلقون الاهتمام من زوجاتهم بهدوء وتذكر المره الاخيره يوم حاولت انك توضح عدم اهتمامها ارتفع صوتك وبالاخير طلعت انت الغلطان وعتذرت لها الان لازم تصير اذكى وتتعلم من اخطائك خلك هادي وعازم وخلك غامض شوي يعني قل جمل مثل "الفتره الاخيره انا كنت افكر كثير وبصراحه احس اننا مو فاهمين بعض" وزي كذا هالنوعيه من الجمل تخلي الطرف الاخر يفسر الامر بطريقه ثانيه وبنفس الوقت مايكون وقع الكلام قوي عليها فماتزعل وترفع صوتها فهمت قصدي بالتوفيق |
ممتاز ....طناشك جاب نتيجه ... خلك طبيعي معها ..... قولها :اناسويت اللي يريحك ... وقولها بكل هدوء: انا عن نفسي احب يكون بيني وبين زوجتي تواصل وتسأل عني وأسأل عنها ....ترسلي وارسلها ...لكن واضح انك ما تحبي هذي الطريق ....وهذا الاسلوب ...فغيرت من اسلوبي وطريقتي علشان ارضيك .... راح تفهم المقصد ... الله يوفقك ويسخر لك زوجتك .. == |
| الساعة الآن 01:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©