|
ناوي اطلق والسبب زوجتي لا تغض نظرها ((تـــم الطلاق))
السلام عليكم ورحمة الله بركاته تزوجت وصارلي خمس سنوات متزوج ويعلم الله من يوم تزوجت مافي يوم ارتحت فيه وماحس بالراحه الا يوم اطلع برا البيت المهم ياجماعه زوجتي مابيني وبينها اي تفاهم ولا عندها استعداد تام تفهمني وحاولت افهمها ماقدرت اخذتها اماكن رومنسيه على شان تكون النفس هاديه والامور طيبه ونفهم بعض مافي امل بعد اول سنه بدت المشاكل والسبب عيون زوجتي تبقق عيونها بالرجال مع اني والله ماني شين وفوق هذا ماني مقصر لا بصلاتي ولا امور الزوجيه ( هي تقطع بصلاتها) الين مره من المرات رحت السوق معها نشتري لها ملابس نتبادل الاراء في الفساتين والملابس الى اخره فكنت مشغول في ملابس المدام قالت لي بروح اشوف الجهه الثانيه قلت لها روحي المهم جيت اركض لها بوريها ذوقي الا يوم شفتها تقز برجال والرجال يقز ( اكره الاستغفال وياغافل لك الله ) المهم روحنا البيت وسويت لها مشكله والمصيبه تحلف بالله كذب ابد ماطالعت هذا الي غبني لو قالت اخر مره ومن الامور هذي اعطيها فرصه المهم اصرت على عنادها تركتها شهر ورجعت لها قلت يمكن ينصلح الحال صرت كل مانزل سوق ولا تمشيه ولا اي مكان عام اشوف عيونها على الرجال وقسم بالله جيتها بالين مانفع وجيتها بلعنة الخير ومانفع وسبق حذرتها من هالامور هذي وهددتها بالطلاق السنه الثالثه المهم هي من نفسها راحت جابت غطوه وتركت النقاب قلت لعل بداية خير يوم من الايام قالت بروح مع صاحباتي كوفي شوب قلت انا اوصلك وصلتها وجلست ابو ربع ساعه اخذت لي قهوه اشوف جو الوضع كيف المهم وضع تمام رحت ومادري ليه قلبي دقني رجعت بعد ربع ساعه الا زوجتي لقيتها لابسه نقاب واقفه عند الي يقدم طلبات سوالف قلت لها مشينا يوم ركت السيارة قلت عطيني الشنطه بشوف معها جوال ثاني ولا انا مادري الا واشوف الغطوه بدون نقاب موجود قلت هذا وشو ارتبكت وقالت لا هذا يوم اطلع برا البسه وليششش ماعلمتيني قامت تحلف بالله كذب وعلى طول تبكي واالحمدالله اني ماخلفت منهااااااااااااااااااااااااااااااا والحين والله ماصرت اطيقها وصرت انام بالمجلس وجالس افكر بالطلاق طبعا الموضوع مختصررررررررررررر ولا الكلام واجد رجاااااااااااااااااء خاص لاحد يهمل موضوووووووووووووع |
والله مدري صراحه زوجتك غريبه لاتفكر بطلاق جرب الهجران ودها بيت اهلها فتره يمكن تخاف وتبطل هلحركات وتتوب بس لاتفكر بطلاق ابدا
|
اخي
الله يهدي زوجتك موضوع والله العظيم لم اقرء مثله ان امراءه عينها زاااايغه ولا زوجها معها او حولها !!!لاتزعل لكن صدق لكن اخي سوال متى اخر مشكله بينكم ..؟يعني كم يوم لك اذا انتم الان متهاوشين ؟؟ و مشاكلكم دائما هل هي بسب نظراتها للرجال وانتم بلسوق ؟؟؟ كيف تعاملها معك ؟؟؟كيف عيشتها اليوميه معك ؟؟؟هل تحبك وتحترمك من وجهة نظرك؟ وش الطرق اللي فعلتها لتأديبها ؟؟وش تقول عندما تواجهها وبلاخص مشكلة نظرتها للرجال او عندما رائيتها وهي والرجال يتابادلون النظرات اكيد واجهتها وش قالت !!وللاسف اكثر من مره وش تكون ردة فعلها !!! |
اقتباس:
جزاك الله خير ولاكن للاسف مانفع |
اقتباس:
2- اغلب مشاكلنا بالموضوع هذا النظر بالرجال 3- تعاملها مادري وش اوصف لك بس مافي انسجام حتى لو كنا نتناقش مافي فهم للطرفين وبعض الاحيان تمشي على راي مو اقتناع منها بس خلاص تبي تمشي الوضع اما بخصوص الاحترام هذا كلام ثاني لو بقيسها على المشاكل ماحس في احترام اقصد بنظرتها للرجال لان شي يجرح ويتعب واحس نقص برجولتي بالمرات الاولى كان نقاش بدون انفعال او شتم مع اني عصبي اما بخصوص التوجيه وضحت لها ان عيب وحرام النظر لان العين تزني وجبت لها احاديث عن الرسول عليه الصلاة والسلام الى اخره بس المرات الحايه ستخدمت العنف بالكلام والسب والشتم والاهانه بس بدون ضرب ومستحيل اضرب بس للاسف مافي فايده انا مالظم حضها في امور كويسه فيها بس الموضوع هذا الي متعبني اشوف شي بعيني تحلف يمين انو ماصار وانا ماني كامل والكامل وجه الله بس انا مراعي بيتي واسرتي بما يرضي الله معلش على الاخطاء الاملائيه بس لاني مواصل يومين مانمت امي تقول مارح ترضي عني وابوي يقول مايربي الاولى الا الثانيه وحلفت يمين لو بطلق ماني متزوج متعقد من الزواج |
عمري ماسمعت ان البنت عيونها زايغة حتى لو زوجها مو حلوو
موضوعك لفت انتباهي كثير انت لازم تجلس وتتفاهم معها ليش هي تسوي كذا وبعدين انت كيف معاملتك معها تدلعها ؟؟ تشبعها حنان؟؟ تعطيها حقوقها كاملة بالفراش؟؟ لان كل هذي الامور تأثر على حياتكم . انا ما ابرر لك فعلتها بس في بنات الله يهديهم عندهم ضعف في الوازع الديني لدرجة انها تسوي مثل حركات زوجتك واعظم بعد. الله ييسر لكم اموركم ويفرج لك همك واستخير الله لان مافي احسن من الخيرة ممكن تاخذها وانت معها لدكتور جتماعي يعلمكم كيفية التعامل مع بعض |
نسيت اذكر نقطه ويعلم الله اني ماعيبها بالنقطه هذي لان مو بيدها وتم معالجة الموضوع بشكل مؤقت لان حسب علمي ماله علاج بس في بعض الاشياء تخليها تختفي رائحة الفم وكثير تاكل لبان وقت الجماع وبحثت لها عن بعض الاعشاب وجابت نتيجه بس مو بشكل دائم وفوق هذا متحمل
|
اقتباس:
اما بخصوص الدلع والله ماخليت وربي ماخليت شي الا سويته مادري وربي مادري وش اسوي كثر من كذا |
طيب اخوي انت تعرف زوجتك قبل ماتتزوجها بمعنى تعرف اخلاقها واخلاق عائلتها قبل ان تتقدم لخطبتها ام انها تغيرت تصرفاتها عليك بعد زواجك منها 0
حاول اخوي بنصحها وموعظتها وتفهيمها بان اللي تسويه خطاء ومعصيه لله سبحانه وتعالى ومعصية لزوجها وقل لها انتي ترضين تشوفيني اناظر في الحريم اللي رايحات وجايات وعيوني زايغه وكما تدين تدان وحاول تهديها كتب دينيه تبين لها بعض النصائح واذا وصلت معها الى طريق مسدود ماعندك حل الا تقول لاهلها بينك وبينهم لانها من الممكن تسمع لهم وكم عمر زوجتك لانها من الممكن ان تكون صغيره في العمر وتمر بفترة طيش ومراهقه وعسى الله ان يجمع بينكما بخير0 |
انت شكاك
والدليل انك تلاحقها وتستغفلها واللي يعمل كذا طبيعي يكون شكاك مافي زوجه عيونها زايغه ..حتى اللي بتخون تخون بطريقه ثانيه معليش اخوي خاف الله في زوجتك المشكله فيك وليست فيها |
اقتباس:
عمرها 25 عمري 30 |
اقتباس:
فاهم قصدك واطلب منك تقرا الموضوع بتمعن وانا مو شكاك مو مريض بالشك |
عموما يااخوان اطلب منكم مساعدتي بفكره جديده او بتاخذ قراري الصعب
|
اخوي اصبر شوي مش معناه انها تحب غيرك لا بعض الحريم فيهم شفاحه اذا اعرست تبدا تبقق عيونها برجاجيل وتقارن وتحسد نوع من انواع الفضول واستكشاف والله العظيم مرت اخوي ملتزمه وقفازات واذا راحت السوق مع اخوي مغير عيونها بتطلع من النقاب مناظر برجاجيل شفاحه وحسد مهب شي ثاني واكثر ماتناظر برجال الي معه حرمته تقارن وتحسد شفاحه واخوي مايقولها شي لانه واثق منها
انا احس فيك لان الشك دخل بقلبك بس ماعليه اخوي اصبر وعلمها انك تفكر بطلاق علشان تخاف وخلها تقول اذكار الصباح والمساء ويمكن فيها مس لان اغلب الممسوسات الي فيهم يخرب عليهم ويخليهم يناظرون قدام ازواجهم وهي بنفس الوقت كانت سرحانه بس يثبت نظرها على رجال عل شان زوجها يشك فيها |
اخوي الحرمة يوم عندها زوجها ما تشوف غيره حتى لو كان ناقص لانه اذا مو مالي عينها فالاكيد انها راح تطلب الطلاق و كذا راح تلقى الحرية التامة حتى دور على ريل غيره اما انك تقول ان عينها زايغة فما اعتقد هذا الشي صحيح و مثل ما قال (كل الاسامي) مع الاسف انت انسان شكاك و شكلك مليت من عيشتك وياها خاصة انكم بدون عيال و تبي تشوف لك وحدة نيو و فرش و راح تشوف انها هي بعد راح تعاني وياها نفس المشكل نصيحتي لك انك تعيش حياة بدون شك او وساوس الغيرة و الخيانة لانها صج هي بداية دمار البيوت ادعي لكم بالهداية و انشاالله يسعدكم يارب |
انا ما ادري ليش قلبي حاسسني لنك ظالمها بدون ماتدري والسبب شكك وغيرتك الزايده يمكن انت تبغاها ماتشيل عيونها من الارض وهي تطالع حواليها طبيعي في وحده من اخواتي صاير معاها نفس الشي وهي والله العظيم قمة في الذوق والاخلاق تقول اذا طلعنا للسوق زوجي يخنقني يقول طالعي بالارض واذا تجولت بنظري في الممرات معناها اني اطالع الرجال والله انها مرضت وجاها القولون العصبي وكرهته والحين تطلب الطلاق فكر زين ياخوي انته مالقيت عليها شي ثاني لاجوال ولا غيرة ولاتركز عالموضوع تناساه وترى كل ممنوع مرغوب
|
اوجه كلامي لكل من قالي اني شكاك انا مو شكاك ياجماعه وموضوع الخلفة متفق انا وياها ناخره شوي
اما شك؟؟؟ مستحيييييييييييييييييل |
اقتباس:
الين مره من المرات رحت السوق معها نشتري لها ملابس نتبادل الاراء في الفساتين والملابس الى اخره فكنت مشغول في ملابس المدام قالت لي بروح اشوف الجهه الثانيه قلت لها روحي المهم جيت اركض لها بوريها ذوقي الا يوم شفتها تقز برجال والرجال يقز ( اكره الاستغفال وياغافل لك الله ) هذا وش اسميه لاتقول شك لان شفته بعيني |
اقتباس:
|
يااعضاء الرجال طرح امر وقال انه مو شكاك واتوقع لو انه شكاك لكان شكى من غيرته الزائده ع زوجته مو طلب الحل !!!
وزوجته الله يهديها ليش انتم مستعجبين انا كنت مثلكم والله من 8 الصبح وانا افكر بهلموضوع !بقولكم مو في بعض الزوجات هدهم الله تخون زوجها وهو مو مقصر معها وحتى لو قصر مالها حق ان تخون لانه من الاساس مايجووووووووووووووز !!!!صح ولا لا ؟؟!في هلزمن لاتستغربون من شيء كل شيء عادي لايوجد خوف من الله والعياذ بالله الاهم نصيحتي لك ان باقي صار هذا الشيء فكلم حد من اهلها وتكون اعلم باخلاقه وتفاهمه لانصحهاو اذا اهلها من النوع اللي مو قد النصح لاتروح ولا تودي زوجتك الا وانت عايفها لانها مع هلاهل مابترجع معك مره 2 ... ... و احرمها من السوووووووق لمدة سنه تبي لبسه تقول لك وانت اشتر لها ...ماتبي بلطقاق لاجل تتأدب او ازعل منها ولا تقترب منها هجرها ...لاتمرر الامر كذا واتوقع انك فعلت امور ولم ينفع لكن ان انعاد وزاغت عيونها فعطول كلم امها ولا ع بيت اهلها وصارحهم بلامر !!!صدق ..... شيء يقهر ... |
يا جماعة الخير ، هناك من النساء من يعجبها أن تُعطي بعض الرجال نظرة لكي يتبعها ويحاول ترقيمها
وهذه نظرتها زايغة وتحب تتباهى بهذا الشيء لنقص ما فيها ، وقد رأيته كثيراً جداً وليس من فتيات صغيرات ولكن من نساء يظهر لي أنهن تعدين عمر زوجة صاحب المشكلة . يا أخي ، إذا أنت متأكد من هذا الكلام ، فو الله إن العيشة معها صعبة لكثرة الشك الذي تشعر به نتيجة تصرفاتها ، وحكمي هذا أطلقته على كلامك الذي شرحته لنا هنا . وخصوصاً موضوع المقهى وتغييرها للطرحة ولبسها للنقاب الذي خبأته ....!!!!!!؟؟؟؟ هناك أمور من الممكن أن تفعلها أنت لتتأكد منها 100% ولن أقولها لك لأنك بالتأكيد تعلمها ، طبعاً أقول هذا الكلام لكي تتأكد مرة واثنتان ، وبعدها يرجع الأمر لك من ناحية هجرها لمدة طويلة وعقابها بعدم الخروج ولو وصل الأمر لأبغض الحلال والعياذ بالله ، لأن الحياة مع وجود الخيانة ولو بالنظر وكذلك الشك في الزوجة تكون مستحيلة ومليئة بالمشاكل وعدم الإرتياح . فكر جيداً ، وتأكد أكثر من مرة واستخير الله ، ثم افعل ما يمليه عليك قلبك . |
بصراحه اخوي الله يكون في عوننا وعونك اذا كان اللي قلته صحيح وحاصل معك فصعب على الرجل ان لايثق بزوجته او حتى لايامنها ان تذهب لاي مكان لوحدها واللي الاحظه انك انسان طبيعي وعاقل فكل رجل يغار على محارمه اخته زوجته بنته قريبته فلو لم يغار على محارمه فما هي قيمته في الحياه ولكن لنفترض حسن النيه والظن في زوجتك فمن الممكن انها تحب التطفل والمشاهده في الرجال فقط وتاكد اخي الكريم ولاتستعجل في الحكم لكي لاتظلمها خصوصا انك تعرفها جيدا وتعرف ماضيها وقريبتك ومن عائله محترمه0
|
طلقها
السلام عليكم
أخي الكريم والله مررررررررررررررررررررررررة قوية اشهد بالله انك طيب وفيك صبر العالم كله الموضوع أول مرة في حياتي اسمع فيه بغض النظر عن عيوبك لو فيك كل عيوب الدنيا ما يحق لها تناظر لاي احد ثاني غيرك وهذي صارت فيها عادة والعادة والله ما تتغير بسهولة .....هذا لو قدرت تترك هالعادة انت رجال من ظهر رجال طلقههههههههههههههههههههههههههههههههههها الحرمة الي تطالع على غير رجلها هذي عينها فارغة ما يعبي عينيها الا التراب طلقهههههههههههههههههههههههههههههههههههههها ما تستاهل تجلس معاك دقيقة واحدة |
اعوذ بالله لاتطلق ولكن افعل امور تأدبها !!
واذكر امثله انت نصحتها تكلم طيب وبغضب فارط ولا نفع اهجرها ابتعد عنها لاتكلمها !!!حسسها بغضبك منها لاتنزلها السوق لاطلبت منك ....!واذا قالت ليش قول انتي ادرى !واطلع وتبي تزعل تزعل وهذا عذاب اغلب الحريم حرمان من السوق فره طويله !!وصدقني بتتعدل حول سنه او اكثر خلها تعرف تقز فيك انت مو لغيرك .... لاتاكل معها لاتعامل معها الا بشيء ضروري .... وان كنت تبي تنم معها فنام(وانت اكيد فهمت )ولكن مو دو نفس هذا ان قبلت ... اذا وصل الامر وزادت فطنش الامر وطنش افعالها !!!لاجل تهدء هي لانها لاتجد تجاوب و رد عليها وعلى كلامها فتبدء تحترم نفسها وتعرف ...... اذا تبي تحسسها بما تشعر ...فقول انا لو جيتي وانا كل نزلة سوق اقز واناظر بلبنات !!وش يكون شعورك وشكلي ابسوي لاجل احرق قلبك والفت نظر !! (مجرد تهديد )وهي بتتعدل. اعانك الله . |
اخي الكريم ،،
انصحك بالتروي و عدم التهور ، فقد يكون التبس اليك الامر ، فنظرة عن نظرة تختلف ، و ليس كل نظرة هي نظرة اعجاب ، فهنالك نظرة الفضول ، و النساء فضوليات بشكل كبير اكثر من الرجال بمراحل ،، كما انها لو كانت زائغة العين فعلا لاخفت الامر عنك و اصطنعت غض البصر ، فهي تعرف انك شديد الغيرة و انك تأخذ عليها هذا الامر فكيف تفعله امامك و في وجودك ؟؟ اما موضوع الغطوة و النقاب ، فقد تكون استغفلتك بهذا الجانب مراعاة لشعورك و نظرا لكون الغطوة غير مريحة و تصعب الرؤية بها ، لا اعتقد اطلاقا انها تستغل النقاب لامور سيئة ، فالموضوع لا يزيد عن كونها تبحث عن راحتها و في نفس الوقت لا تريد مضايقتك ، كما ان اغلب النساء يلبسن النقاب فهي لن تصبح مميزة بينهم او ملفتة للانظار ،،،، انصحك ان تجلس معها جلسة هادئة ودية و تقول لها انك تثق بها و انك تعلم ان نظراتها فضولية لكن الرجال المنحرفين يفسرونها على انها اعجاب كما فعل الرجل في ذلك المحل ، لذلك يجب عليها ان تبعد عن هذه النظرات الفضولية حتى لا تعطي صورة خاطئة و سيئة عنها ، اما الغطوة فتكلم معها بهدوء عن وجهة نظرك و انك لا تهدف الى التضييق عليها او تصعيب الرؤية عليها بل لحمايتها و حتى لا ينظر الاغراب الى عينها |
الأمر إليك فأنت أعلم إذا كنت شاك أو حقيقة فالمصلحة لك
و لكن ترى الظلم ظلمات يوم القيامة و احذر ثم احذر أن تظلم زوجتك إذا كانت هذه شكوك وعدم يقين أما إذا كنت متيق تمام اليقين فاسأل عالم تثق بعلمه و هو يفتيك لكن أنت عندك أخطاء عدم صرامتك في بعض الأمور ترك لباس الحشمة مثل العباءة الواسعة و القفازان و الغطوة الاسلامية ترك زوجتك تخاط صاحبات المقاهي و الكوفي شوب و تترك الحبل على الغارب هذا تسهيل منك لها سؤال لماذا لا تجعلها تخالط الخيرات مثل تحفيظ القران هل أقمت شرع الله في بيتك باجتناب القنوات الفضائية المحرمة وجلب القنوات الإسلامية؟ يا أخي تر لك دور كبير في بيتك اعرف من تخالط و احمد ربك إلى حد ألان لم ياتيك ولدٍِِ |
يااخي والله انت مكبر المشكله ترى الي مافيها خير ماتسوي هل حركات قدام زوجها ابد الاتحط مايعميه
عنها بس مايروح فيها ال شريفات العفيفات انا اقولك ان الشيطان دخل مدخل عليك انت حتى لو هي تابت وصارت تحط عيونها بالارض برضوا راح تشك امممم :29: طيب الحل : الحل يااخوي انك تلبسها نظارات شمسيه باسوق علشان ماتنقهر وتخليها تناظر على كيفها من غير محد يلمح عيونها او الحل الثاني تنخس عيونها وتجدعهم من الشباك كذا ترتاح ان صارت حرمتك عمياء ماتشوف احد انا عارفه ان ولاحل عجبك بس والله حرمتك فيها فضول وشفاحه مافيها شي غير كذا علمها واقعد معها وحاورها بعدين لاتدقق خلها تشتري النقاب الاسلامي والله اني احس فيهاالمسكينه يوم لبست غطوه علشانك انت تدري ان الغطوه جحيم تحس انك اعمي وانت تشوف معناها انها حست ان عندك مشكله انا انصحك انك تقراء قران وتحافظ على الاذكار هاذا شيطان بيخرب بينكم وترى زوجي كان مثلك والله العظيم انه يقول انتي تطالعين الرجال وانا منب يمهم بس يتخيل له اني اطالع ويبغاني دايم عيوني بالارض بسوق طيب انا ابغى اطالع الدنيا واطالع الاطفال والمحلات ماخلق ربي لي عيون الاعلشان اتمتع فيهم هذي نعمه من ربي وزادت حالته لحد ماكتشف ان فيه مس بس بعد ماكرهته وصار الفراق يعني لو انه راح تعالج واكل حبوب للوسواس وتعالج بالقران بس وش نقول وبعدين خلها تطالع مدام انك واثق من اخلاقها هاذ اخوي يخلي حرمته تطالع عادي واذا شاك فيها حط عليها جهاز تجسس وشف اخلاقها بس هاذا حل موقت مو دايم تجسس عليها اهم شي تكون اخلاق اما النضر مايودي ولايجب |
اقتباس:
|
اقتباس:
برد عليك في بعض النقاط الي ذكرتها زوجتي لبسها محتشم بس اللهم النقاب وعيونها المبققه اما بخصوص المقاهي واصحباتها ياخي انا رجل امسك العصا من الوسط ولا احب اكون ضاغط عليها ولا بنفس الوقت اكون مرخي الامور لها يعني مابين البين وهذا انا ادفع الثمن اما بخصوص شرع الله انا الحمدالله مراعي شرع الله ولو في قصور مني بس الحمدالله حاط الشي هذا بين عيوني اما بخصوص القنوات فهذا شي طبيعي تشوف ولا احب امنعها بس في نقطه سبق ان عملت بها وماطلعت باي نتيجه بحيث انها تحتك مع الخيرات على سبيل المثال امي مديرة مدرسه وبنفس الوقت داعيه خليتها مع الوالده فترة بس ماشفت اي تغير قلت يمكن ماتقبلت |
انا من رأيي تنبسط اذا شافتك غااااير وضايق من تصرفها تدري ليه؟؟
لأنه دليل على حبك لها .. طيب وش رايك انت اللي تلعب هالدور هالمرة خذ يدها وقولها تعالي يافلانه ماصار شيء وش رايك نروح الكوفي بعدين نتسوق:22: <<بتنبسط بتقز:30: اذا تقهويت وعدلت المزااج ادخل السوق واشتغل قز فالحريم انتبه تقز يعني من بعيد لأنه حراام ولاتدري انك قاصدها يعني العبها صح وقولها شوي وراااجع اقعد حوالي نص ساعه استغفر ربك والله المتزوجه تخاف مستحيييل ماتخاف عليك تدري بتدققق وبتدققق انت اسفها اسفها اذا برد قلبك عليها رد ... بتحرم انها تقز بتقول هذي عقوبتي:29: وانت عطها رساله مباشرة ان اللي يفعل منكر بالنسبه للزوجين على طول الثاني ربي يبلاه وانت اخوي وسع صدرك خلها تناظر يعني وش صار !! خلك واااثق عشان تمل من تصرفهاوترجع لك لأنك عااقل ورزين ومايحركك شيء من تصرفها .. الله يسخركم لبعض .. سؤال انت ماتحس انها مبسوطه اذا هزأتها ؟ |
اسمع يا أخي,, ربما كلامك صحيح % لكن هذا لا يعني إن عيونها زايغة,, ربما يكون حب استطلاع فقط لاغير,, ولو لاحظت تلاقيها تطالع كل شي وربما اسئلتها كثيرة,, فكر يا أخي,, وهذا لا يمنع إنك تحذرها مرات كثيرة,, وتؤكد إن هذا الأمر يزعجك,, وحاول إنك تثير غيرتها,, بأن توحي لها بأن لديك عيون أيضاً وممكن تناظر غيرها,,
الصبر طيب واحنا أهلك,, وبالنسبة لرائحة الفم عندك طبيبين,, الأسنان,, والجهاز الهضمي,, ممكن يساعدوها. روح الله يسعدك وين ما تلقي,, ملاحظة,, ماحسيت أبداً إنك شكاك.. |
اقتباس:
|
اقتباس:
ونعم االاهل |
اقتباس:
الله يوسع صدرك ضحكتيني والله عسى الله يفتحها عليك امين يارب بخصوص سؤالك تنبسط في وقت معين ان شاء الله تكوني فهمتي المقصد اما غير هالوقت هذا تقعد تبكي |
طيب سبق دخلت احد من اهلها بالموضوع ولالا؟
|
شوف ياخوي
ماشاء الله بما أن نفسك طويل وعطيت زوجتك قبل كده فرص فلا مانع أن تعطيها هذه المرة آخر فرصة وهي أن تقول لها : شوفي يابنت الناس أنا شاريك وأبغاك وأحبك لكن إللي بتسويه من النظر شئ لايمكن أن أحتمله سواء بقصد منك أو لا لذلك إن شفتك عدتي مرة أخرى فأعلمي أنها نهايتك معي . أعانك الله |
تفاهم معهاا وقفهاا عند حدهاا
ممكن احد قاص على عقلهاا لاتخليهاا تطلع ولاتجي احرمهاا وان كررتها ".. (( واضربوهن فإن أطعنكم فلا تبغوا عليهن سبيلا )) وهذا يعني أن نطبق على الضرب المثل العربي القائل : (آخر الدواء الكي ) وقد جعل الشارع الضرب آخر الحلول فبدأها بالموعظة الحسنة .. ثم بالهجر والذي حدد له آداب أيضاً بألا يتعدى حدود البيت .. ثم بالضرب الذي جعل له ضوابط تخفف من حدته وقسوته عند وجود الحاجه الملحه له : 1. أن يكون الضرب برفق .. 2. تجنب الوجه لما فيه من إخلال لكرامة الإنسان .. 3. لا يجوز الضرب إلا أن يأتين بفاحشة مبينة .. زوجتك تستحق الضرب بس اضربها بحدود لو كررتها وعن معاوية رضي الله عنه قال : قلت : يارسول الله ما حق زوجة أحدنا عليه ؟ فقال : (( أن تطعمها إذا طعمت , وتكسوها إذا اكتسيت , ولا تضرب الوجه ولا تقبح , ولا تهجر إلا في البيت )) |
اتوقع انه طبع فيها ...يعني بدون ما تقصد
وتلاقيها تطالع الرجل والمراة اذا لفتت نظرها ....لكن انت يلفت نظرك فقط النظر الى الرجال والا لو تدقق تلاقيها تقز حتى بالحريم اللي مثلا تكون عباتها ملفتها او حركاته ملفته للنظر هو طبع كرية ولكنه طبع وربي يعينك |
يا اخي متأكد انك انت مو شكاك .. ليكون تظلم زوجتك ...
|
اقتباس:
|
| الساعة الآن 06:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©