|
ماهو شعورك حين تقول خطيبتك أكرهك
السلام عليكم ورحمة الله وبركاته
عندي سؤال لكم يالرجال ابي اعرف لو خطيبتك وانتوا في فترة الملكه قالت لك اكرهك وش راح يكون شعورك ؟؟؟ احباط ولا تنجرح لا وش شعورك بالظبط ولا ماراح تتاثر عااادي ؟؟ |
|
اول شي هي مارح تقول هالكلمه بدون سبب
يعني والله جاي عبالها تحكي وبس لازم تذكري السبب بس بشكل عام هي كلمة قوية لها اثر بالنفس |
إذا كانت جاده في الكلمة أكيد بطلقها
|
نعيش فى زمن عجايب
بالطبع كلمة تجرح المشاعر وصدمة بحد ذاتها وتحبط ا |
عليكم السلام ورحمة الله وبركاته
صحيح بأن السؤال للرجال لكن حبيت أبيّن نقطة بعد اذنكم كلمة أكرهك تختلف عند البنات بإختلاف الطباع والمواقف البنت ممكن تقول أكرهك وهي تمزح ! وممكن تقولها وهي ناويه تقهرك ! وممكن تقولها وهي قاصدتها وهنا تتضح نيتها إذا فعلاً تقصدها أو لا لذلك لازم تكون على علم بطبع البنت وطريقة كلامها وتفكيرها ونظرتها للأحداث من حولها لو هي دائماً تكررها على أي موقف مايعجبها فهي ماتقصد وتعبيرها يخونها ولو كان غير ذلك والموقف يدل إنها تقصدها وكررتها فهي فعلاً تقصد وهذا شي يجرح بصراحة واللي مايبيني ماأبيه .. |
تدري اعرف بنات قلن مثل هالكلام للخطيب او الزوج المستقبلي
والآن ماشاء الله دستة عيال لا تنظر الى المرأة بنظرتك كرجل نحن الرجال اقوال لكن النساء لا غير فليس بالضرورة ان المرأة تعني وتعي كل ما تقول حاول ان تبحث عن العلة اظن هناك موقف جعلها تنطق بهالعبارة والغالب قد يكون تنفيس عن كبت داخلي بسبب غيرة او برود من قبلك و الله اعلم |
المرأة إذا قالت أكرهك و هي زعلاااااانة
فتقصد إني أحبك و أموت فيك و ياما قلتها لزوجي وقت الملكة وقت ما يبكيني ، بس كنت أقولها عشان أقهره لإنه يكون مزعلني من شئ بس ما عمره صغر عقله بعقلي :D |
اقتباس:
أما أنا فلازلت أقولها حتى الآن ;) .. وأنا في الحقيقة مطمئنة ولا أشعر أنني أجرحه لأنه فديته يعرف جيداً كم أحبه وأموت عليه. أحياناً يحدث موقف ما ولا ينتبه إلى أنه ضايقني .. فأقول له: أكرهك .. أو i hate you .. وغالباً يكون ذلك من خلال المسج ولا أقولها في وجهه. ورد فعله إما أن يتصل ويسألني عن زعلي .. وإما يرسل لي مسج: بس أنا احبج ;) .. وهذه الأخيرة طريقة غير مباشرة في الاعتذار وتطييب الخاطر. |
صدقني لو انت متاكدة من حبها لك بجنووووووون و بتموت عليك
معناها كانها قالتلك احبك ......... اعرف كثير يقولو هالكلمة بس انا طبعا مو وحدة منهم علي الاقل للحين ...... |
اقتباس:
مو بس تقصد أحبك لااا تقصد أحبك واموت عليك , وأريد اتدلل واتدلع عليك و أبيك تآخذني بحضنك , وتحن علي ترى المرأة لها قاموس خاص غيــــــــــــــــــر عن الرجل ,, لانها تقول مالا تعنيه !! :d وعني أنا قلتها بفتره الملكه لين شبعت خخخخخ يعني تدللت وتدلعت كثير :21: .. ولازلت أقولها ( آآي هيت يوو ) :d |
اوما اكرهك يعني احبك !!!!
صراحة الكلمة تجرح بكل ماتعنيه هـ الكلمة من معنى بس كل ما تقول لك اكرهك قول وانا احبك واذا كررتها قول حتى انا اكرهك < خربها والله الخبرة ماش بس لو قالت لي كذا 99% اسوي مثل ما قلت لك بعدين غيروا اسلوبكم وش اللي وحدة تقول لزوجها أكرهك !!!! لا وتقول اقصد اني احبك !!! ماتترقع ذي يعني لو زوجك قال لك أكرهكي وش يكون وضعك !!! من جد . . أحس الله خلقنا بدون مشاعر < عصب هع |
مدري ليه احس اذا قالتها لي بابتسم ومستحيل اصدق
او راح ارد عليها بضحكه سبحان الله نفس الشعور |
ههههههههههه
انا قلتها لمن شبعت يااااااما قلتها وحنا مخطوبين وبصراحه كنت اعنيها لاني بفتره كرهته فعلا وكان مرات يسكت ومرات يرد علي بس انا احبك وياما طلبت الطلاق اقوله ما ابيك يقولي بس انا ابيك بس الحين لمن يقهرني اقولها بس بدلع يرد علي احلفي ولى يعطيني بوسه وقولي احبك وليد ردك قوي بصراحه الله يعين زوجتك هههه احس رد يجرح ولو احنا الي ابتدينا :25: |
| الساعة الآن 01:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©