|
انصحوني اسافر مع زوجي او لا
السلام عليكم ورحمة الله وبركاته
انا متزوجه وعندي ثلاثة اولاد 7 سنوات و 4 سنوات والصغير توه كمل 5 شهور وساكنه في الرياض واهل زوجي بيتهم قريب من بيتي بيننا شارع والحمد لله علاقتي فيهم ممتازه واعتبرهم مثل اهلي زوجي بعد 3 شهور عنده دوره في خميس مشيط مدتها 4 شهور والدوره هذي ممكن يرفضها لكنها تعتبر فرصة ماتتكرر لانه يحتاجها في عمله علشان الترقيه وراح تجيه مكافئه ماديه مغريه بعد انتهائها راح تحل مشاكل كثيرة لنا لاننا ساكنين بايجار وعلينا ديون وليلة البارحه عرض علي موضوع الدورة وانا شجعته كثير عليها لانها فرصة العمر لكن فيه مشكلة ان ولدي يدرس ومايقدر ياخذنا معاه خصوصا ان مقر اقامته هناك بيكون بعيد عن المدارس ومانبغى ننقل الولد لان هذا ممكن يأثر على دراسته فهو خيرني بين خيارين : اما اني اجلس في بيتي واهل زوجي قريبين مني يعني اذا احتجت شي ماراح يقصرون ان شاء الله مع العلم اهلي بعيدين عني وساكنين في منطقه ثانيه ومااقدر اروح لهم بسبب ظروف خاصه وزوجي في كل شهر راح يزورنا مرتين ويقعد معانا يومين .. او اني اسافر معه لخميس مشيط انا وعيالي الصغار وولدي الكبير يجلس مع اهل زوجي خصوصا انه متعلق في جدته ام زوجي كثير وهي طيبه وحنونه معه .. انا محتارة الصراحه لكن قلبي مايطاوعني اسافر واترك ولدي رغم اني متأكده ان جدته ماراح تقصر معه وولدي يحبها كثير وغير كذا عنده عمات واعمام وكلهم طيبين وانا متأكده انهم بيحطونه في عيونهم .. انا افكر اني اقعد في بيتي واتحمل وكلها 4 شهور راح تطير بسرعه ان شاء الله لاني ماني متخيله نفسي اسافر واترك ولدي يعني تقريبا هذا قراري المبدأي ومرتاحه له .. ابغى نصايحكم تأيدوني على قراري او اسافر مع زوجي واترك ولدي يدرس عند اهل زوجي ؟ |
عليكم السلام ورحمة الله وبركاته
مدة السفر 4 شهور يعني بتكون تقريباً تيرم واحد اعتقد ولدك راح يكون صف أول لو كان كذا سافري مع زوجك وأولادك وخليه يبدأ بتيرم يعني بنصف العام أو إذا ماضبطت عادي أجلي دراسته سنة ماراح تفرق لو تأخر سنة خصوصاً بأنه بالبداية لأني لو بمكانك ماراح أرتاح لو خليت ولدي حتى عند أهلي 4 شهور طويلة ومو طويلة : ) طويلة لو مو معي ولدي وقصيرة لو كانوا معي تحت ناظري استخيري وربي ييسرها بإذن الله .. |
انا اول مشاركه لي في المنتدى وجت على موضعكك
الموهييم انا حطيت نفسي مكانك وقلت اقعد مع اولادي كلهم احسسسن وكلها 4شهوور وابو العيال عندي ومنها تشتاقوون الى بعض وانتي قلتي انه يقدر ينزل كل ما بين فتره يعني اهوون الموضوع عليك وكل ليله تقدري تشبكي وتكلميه في المسن صوت وصوره خخخخ ولا تخليين ولدشش حتى لو جدته حنونه بس الام غييييييييييير |
حبيبتي ..
اولا - كلها 4 شهور و بس .. ثانيا - زوجك رايح كورس على قولتك مهم جدا بالنسبه لعمله , و فرصه ما تتعوض , و راح تحل مشاكلكم الماليه اشوي - معناته راح يحتاج كل التركيز اللي يتطلبه .. و ما شاء الله عندك ولد عمره 5 شهور ( يتطلب رعايه تامه فالصبح و فالليل ) و 4 سنوات ( يحتاج عنايه و ركض وراه و صياح و غيره ) .. يعني بذهابكم هناك راح بصراحه تزعجوه .. لان شكلها الدورة مكثفه , و اهو راح يحتاج تركيز , و مو ناقص يساعدك في امور العيال .. ثالثا - اهل زوجك جمبك , لو احتجتي اي شي راح يساعدوكي باذن الله .. رابعا - و اللي هو اهم شي , ولدك المسكين .. لا تاجلي دراسته و يتغيب عن العيال اللي في سنه , و لااااا تخليه مع اي احد , حتى لو اهو متعلق بجدته .. الام غير مهما كان .. بعدين يحتاجك في جمبه خصوصا في هالفتره .. من راح يساعده في دروسه وواجباته , و يشجعه .. انا لو مكانك - اجلس مع ولدي و اهتم فيه , لان بحاجه لي اكثر من زوجي , اللي اصلا راح يحتاج يكون مركز في دراسته و مو بالامور الثانيه .. تحياتي =)) |
اجلسي ببيتك على عيالك
وهو بيجيكم كل فتره وممكن انتي تغيبين ولدك اسبوع وتروحين زيارة او تخلينه عند جدته كم يوم وتروحين لزوجك لكن ترم كامل لاتتركينه وبتمشي الأيام اصلا روحتكم معاه مكلفه شقة ومصاريف زياده واهل زوجك جنبك ..يعني مو لوحدكم |
عن نفسي بجلس مع اولادي اذا كان هالشي مارح يزعل زوجي مني
وفرصة نشتاق لبعض لانه ابنك يمكن تتأثر نفسيته ببعدكم عنه قد ماكانت جدته حنونة مافي مثل الام |
يسافر زوجك لوحده
وابق مع الأطفال في منزلكم |
أبقي في منزلك مع أبناءك أفضل
لأن إيجابيات البقاء أكثر من السلبيات ففي سفرك مع زوجك لن تستفيدي شيء ويكون الضحية ولدك قد يصبر في الأيام الأولى لكن سوف يتعب في الأخير فالبقاء أفضل وفترة أربعة أشهر قصيرة جدا ناقشي الموضوع مع زوجك وأخرجوا بأفضل الحلول لكما |
عزيزتي الله يخلي لك زوجك و عيالك و اهلك ان شاء الله و يسعدج في حياتك و نصيحتي المتواضعة لك ان الموضوع سهل انتي تمي ويا عيالك ابرك لك و مثل ما قلي زوجك بييكم مرتين في الشهر و كلها 4 شهور و تجتمعو ان شاء الله فلا تفكرين وايد خلي اليومين اللي بييكم فيها زوجك اسعد يومين لكم و اهتمي فيه و عوضيه عن الايام اللي ماكان فيها وياكم و توتة توتة خلصت الحدوثة الله يسعدك ان شاء الله |
لو انا مكانك ما اسافر واترك ولدي
لان ولدي بذمتي لو صار له اي شي انا مسئوله عنه ولاماكان الشرع جعل الام تصوم شهرين متتابعين في حالة تعرض طفلها للخطر من اهمالها له هذا رأيي |
السلام عليكم ...
وضعي كان مثل وضعك وبقيت في الرياض في منزلي القريب من منزل أهله بسبب مدارس ابنائي ايضا .. ولكن ليس لمدة 4 اشهر ...بل 3 سنوات ... صحيح فترة صعبة لكن الحمدلله عدت على خير بحلوها ومرها ... فأرى ان 4 شهور شيء يمكن احتماله وراح تعدي بغمضة عين الله يخليه لكم ويرده لكم بالسلامة ،،، |
ايه بعدين اذا تزوج هناك او خانها حطينا عليها اللوم ليش تتركينه !!
والله من رايي عشان تحافظين على زوجك روحي واكشخي وتدلعي اجواءها الجنوب روعه والولد خلوه عند جدته دامها حنونه معه واذا بغاكم وصوا عمانه يجيبونه كم يوم ويردونه لو كلهم يزورونكم ربوع وخميس ويجيبونه معهم .. مافي اي مشكله بالعكس بيعتمد على نفسه اكثر .. .......... |
روحي معاه وخذي كل عيالك معاكي
واللي يدرس سجليه باقرب مدرسه حتى لو بعيده معليش اهون من انه تخليه عند جدته واهون من انه تخلي زوجك لحالك . |
اقتباس:
أنا رايي كذا.. صح شوي صعبة على الولد .. لكن ممكن تخيرينه.. بين أنه يعد مع جدته.. أو ينقل لمدرسة جديدة.. |
أختي ROSE55 ولدك الله يبارك فيه عمره 7 سنوات يعني فاهم إللي يصير حواليه لو تركتيه راح تتركي في نفسيته أثر ما راح ينسى أنك تركتيه فتره ورحتي ( أنتي وأخوانه ) وتركتيه أحس قوية على نفسية الولد خاصه أن أخوانه مو معاه يعني راح يقول في خاطره أنك تحبي اخوانه أكثر منه تمي في بيتك وذاكري له دروسه ترى محد يعرف يدرس الولد غير أمه ولا حد يباريه ويتحمل عليه كثر أمه أصلا أنتي ما راح تكوني مرتااااحه هناك وراح تحسين بتأنيب الضمير 4 شهور ولا شي الشهر يمر كأنه أسبوع توكلي على الله واجلسي في بيتك مع عيالك |
روحي معاه مدام انتي ما عندك دوام بيربطك
وولدك و زوجك تحت عيونك وحتمر عليكي الاربعة شهور من غير ما تحسي وحترجعوا سالمين غانمين بإذن الله وولدك لسه صغير ما راح تتأثر دراسته مرررة (انا حطيت نفسي مكانك بس مشكلتي ان عندي دوام يربطني لو فاضية بروح معاه طيران) الله لا يحرمك من اللي تحبيهم |
بعد السلام....اذا قلتي انه يستطيع ان يطل عليكم كل فتره فلا مشكله ابدا يا اختي..كلها 4 شهور و ان شالله بيرجعلكم سالم غانم و كما قالت الاخوات سلبيات سفرك معه اكثر من الايجابيات....
لكن احذري من ان تنغصي عليه سفره و تشغليه بكم طيله فتره غيابه...اقول لك عن تجربه..فنحن النساء عندما نشتاق نبدأ بالازعاج و عمل المستحيل ليعود غائبنا...و توقعي انشغاله عنك فهو في كورس و ليس في عطله فمن الطبيعي ان لا يملك و قتا كافيا ليكون على اتصال معكم طيل الوقت...لا تجعلي الشيطان يوسوس لك و اشعري زوجك بشوقك اليه و لا تنكدي عليه بالبكاء(خاصه اذا كانت سفرته الاولى) و سترين كيف يعود اليك بشوق و يقدر لك صبرك و حبك....موفقين حبيبتي |
نصيحه محب لكما خليه يروووح بالعكس تحتاجون انكم تبتعدون عن بعض فتره قصير 4 شهووور بس ..يعني بتصير جيته للرياض كل 3 اسابيع يصير حلووووه لكم ... اتمنى من الله عزوجل ان يقضي دينكم وييسر اموركم محبكم سمو المشاعر |
أنا أشوف إن تجلسين في بيتك أحسن مع ولدك وتقدري تجيبي عندك وحده من خواته تونسك بالبيت في غياب زوجك بعدين المسافه بين الرياض وخميس مشيط أتوقع حدود 700 أو600 كيلولوقدر الله وفيه ظروف يقدر يجي خميس وجمعه لكم ولو سافرتي معاه المكافأه بتطير بعدين في إيجارالبيت ومستلزماته من تأثيث ثاني شئ إبنك لاتخلينه عند جدته مهما كان حبهاله والله لوأتصلت جدته وقالت لك ولدك مسخن
لقدر الله إنك ماعاد تذوقي طعم الراحه وإنك لتسوين حالة إستنفار وتقلبين الدنيا وماترتاحي حتى تشوفينه فأفضل شئ خليك في بيتك وخلي ولدك يدرس ويواصل دراسته مع زملائه وأعمامك قريبين منك وطيبين وما أحد بيقصر معك منهم إن شاءالله وزوجك بيجيكم بالشهر مرتين شئ حلو وطيب بعدين يجيكم مشتاق لكم وأنتم بعد مثله شكلك زوجك أول مره يبعد عنكم بعدين زوجك دورته داخل السعوديه ماهي خارجها لأن الدراسه والدوره برى تحتاج الواحد يكون مع زوجته علشان يحصن نفسه من اللي يشوفه قدامه من فتن وبلاوي ما أنكر إن عندنا فتن وبلاوي بس شئ عن شئ وأنا أختك يفرق وأتوقع إنه يعطون الواحد يوم طالب إذا كان بالدوره يعطوه بالشهر مرتين يكون الثلاثاء شامل الأربعاء والخميس والجمعه يعني لوسافر من الخميس يوم الإثنين بيقضي معكم ثلاثة أيام ومايسافر إلا الجمعه من عندكم وكلها أيام وتخلص دورته ويجيكم إن شاء الله وتنبسطون أنت وياه وعيالك وأيام وتعدي وتنسيها أنت الحين خليه يتوكل على الله يسافر والجوال والماسنجر اليوم قرب البعيد الله ييسرلزوجك ويوفقه إلى طريق الخير والنجاح ويسعدكم ربنا ويوفقكم لمايحبه ويرضاه. |
| الساعة الآن 07:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©