|
كيف أتخلص من هؤلاء البنات ((مستجدات بالرد 22))
السلام عليكم ورحمة الله وبركاته أنـا متزوجه من شهرين تقريبا عمري 17 وعمر زوجي 23 زوجي ولله الحمـد محافظ على الصلاوات الخمس والسنن الرواتب وصلاة الليل بإختصـار متدين المهم أن زوجي وسيم جداجداجدا ماشاء الله لكن المشكله عندما نخرج للسووق او لنزهه او لأي مكـان عـام وتأتي نظرات وكلامات البنات الساقطات راح اذكر لكم موقف مرهـ كنا طالعين للسوق وفيه وحدهـ تطالع زوجي وما نزلت عينها عنه حتى إني جلست أشاور زوجي عن لبس يعني أفهمي إنه متزوج وإني زوجته ولاحياة لمن تنادي زوجي انتبه لها بعدين نزل رأسه ولا عطاها وجه ابدا بعدين قال لي وش رأيك نشوف الملابس اللي هنـاك وراحت البنت ورانا..!! ومرهـ وحده قالت لزوجي لبى هالعيوون والجسم :( قالتها بصووت عالي انا عصبت وزوجي ماطالعها وسوا نفسه ماسمعها بعدين مسكت يد زوجي وفهمها زوجي إني ودي اطلع ولما ركبنا السيارة بكييييت بشكل فضيع والله غصب علي قال لي لايهمونك انا لك وترا البنات اللي زي كذا أعتبرهم حشره مو بنـآآت ودايم إذا حس إني متضايقه يقول انا لك وانتي لي ولايهمونك الحسـآآد قسم بالله شيء يقههههر أنـا عارفه إن زوجي ماراح يعطيهم وجه بس غصب أنقههههههر تكفون قولوا لي كيف أتخلص من البنات اللي زي كذا والله تعبت |
(( تجاهليهم ))
دام أن زوجك يحبك ومتمسك بك .. لا تخافين من أحد فتح هذا الموضوع أمام زوجك عدة مرات سوف يشعر زوجك بالملل وقد تصل الأمور إلى أن لا يخرج معك لذلك تجاهليهم قبل أن تصبح مشكلة بينك وبين زوجك واحمدي ربك على هذه النعمة واكثري من الذكر والدعاء والرقية ففي هذا المنتدى الكثير من الفتيات العازبات |
حبيبتي --- لا تنقهري ولا شي ..
اهو الحمدالله ملتزم , و هذي امتحانات من رب العالمين .. بعدين ما ممكن انك تتخلصي من هالبنات - لانهم ما يخلصوا ههههه .. بعدك صغيره .. بكره تزيد ثقتك بنفسك و ما راح تهتمين هالكثر .. ارفعي راسك فوق .. انتي اللي كسبتيه ,, انتي زوجته ... لو حطت وحده منهم عينها في عينك , ابتسمي بأعرض ابتسامه . و اهي راح تستحي من نفسها .. |
لن تستطيعي تكميم أفواه المتطفلات
ولكن ... تستطيعي صم أذنيك عن كلامهن |
صار معي هالموقف مرتين لما كنت طالعه مع خطيبي(زوجي)
تخيلي وحده ترقمه قدامي بغيت انجلللللللللللللللللط وهو يقول خلاص خليها وحده تافهه بعدين قربت عليه مرة احزري ايش سويت:$ هي ومارة وجالسه تتكلم بصوت عالي حطيت رجلي وهي ماشية وطاحت وتفشلللللللللت وانا سويت اني البريئة وهو صار يضحك اختي صعب جدا تمنعي هالاشكال تتكلم فعلا زمن غريب صارت البنت تغازل اهم شي انتي لاتتكلمي بالموضوع كثير قدامه لانه مع الفتره ممكن يقول انك مو واثقه في اهم شي انو هو الحمدللهما يعطيهم وجه لاتنقهري ولاعلى بالك ياغاليه الله يسعدك |
لا تروحي السوق مع زوجك ، روحي مع أختك أو أمك
ليييييه تدخلي زوجك معك السوق ؟؟؟؟ أي وحدة تبغى تعاكس ، بتروح السوق و لا الملاهي و بالعكسسسس ،، ما يعجبهم غير المتزوج ، صايرة موضة عندهم حافظي على زوجك و لا تخرجي السوق معه و لو بتخرجوا فللضرورة |
( واثق الخطوة يمشي ملكا ) لا تفكرين كيف تتخلصين من هذه العينة من الفتيات بل فكري كيف تحافظين على زوجك و تسعديه ليسعدك و لا تضعي يوما أي إنثى في الكون في مقارنة معك و زوجك متدين ( فلا تخافي على من يخاف الله ) أسأل الله أن يحفظكما لبعض و اسأل الله لكما عيش السعداء في الدنيا و الآخرة |
السلام عليكم ...
ما قصروا الأخوان ...وانتبهي تكثرين من ضيقة الصدر بسبب هذا الموضوع وتهزين صورتك في عين زوجك ... ويكتشف انك فاقدة للثقة بنفسك ويمكن يسأل نفسه : ليه هي كذا ؟ فيه شي عند البنات موب عندها ؟؟؟ وأنتي أكيد كاملة مكملة - والكامل وجه الله - بس يبيلك تزيدين جرعة الثقة بنفسك حبتين شوي ... موفقة اختي وخلا لك زوجك ما يشوف غيرك في عينه عروس ،،، |
الله يعينك
والله بصراحة أستغرب من مثل هذه الفئة , خصوصاً مع المتزوجين . والله حصلت معي , وحصلت مع غيري كثير وأزيدك بعد, مرة كنت بملابس إحرام , وتونا ما اخذينا عمرة , ورحت للاسواق تحت أبراج مكة لشراء العشاء , إلا ووحدة ترمي كلام , ثم ثانية نفس الطريقة ؟!!!!!!!!!!! لكن ما دامك واثقة من زوجك فلن يضرك شيئاً التغافل طيب .. أعانك الله ووفقك , |
اقتباس:
اولا:أشكرك على نصيحتك والله استفدت منك اشياء مهمة ثانيا:بالنسبه لـ ملل هذا اللي انا خايفه منه خاصه وإنه قال لي إن البنات كانوا يسون كذا قبل مااتزوجك ولو اني ابيهم كان تزوجتهم وقال تدرين إني قبل ما اتقدم لك سألت عنك مليوون مرهـ يقول اخاف اخذ وحده مثل هذولا البنات وقال من حقك تغارين ولو انك ماتغارين كان انا ازعل بس مو لهدرجه تغارين إن شاء الله بحـاول أترك الغيره عني ثالثا:بالنسبه للرقيه والاذكار الحمدلله محافظه عليها والله يرزق البنات العازبات الازواج الصالحين وجزاك الله خير |
اقتباس:
اولا:مشكوورة اختي ام وقاص والله انك ريحتيني كثيييير وبالنسبه للإبتسامه امممم صعب إني ببتسم لكن إن شاء الله بسوي مثل ماقال الاخ المستشار الصغير بتجاهلهم ولا كأنها تكلمت اصلا او سوت شيء وبالنسبه إني بعدي صغيره اممممم تكفين لاتقولين كذا لأني تعقدت من هذي الكلمه لما عرفوا الناس إني بتزوج قالوا يؤ توهـا صغيره ومانقدر نتخيل شكلها و....و...و......إلخ والكل يقول صغيييرهـ وتعقدت من هالكلمه ومنورهـ حبيبتي بطلتك الحلووهـ |
اقتباس:
إن شاء الله بحـاول إني أعتبرهم تحت رجولي لأني فعلا إذا بدوم على هذا الحـال بتعب وأخـاف يتطور الامر ويجي يوم ويقول لي زوجي انتي ماتوثقين فيني>>الله لايقوله ومشكور اخ ابو حكيم على مرورك |
اقتباس:
الله يكون بعوني وعونك واما إنك حطيتي رجلك هههههههه حركتك حلووه :22: وبصراحه أختي حمستيني إني اصبر وأتركهم ومشكورهـ اختي عاشقه الغالي على نصيحتك الرائعه.. |
عادي حبيبتي طنشي ... انا كنت مثلك في البدايه لكن لاحظت اني جايبه الهم وعوار القلب والراس لنفسي وحسيت كأني مو واثقه من نفسي ... لكن تعلمت طريقه تخليها تموت من الغيض .... يعني زوجي ما شاء الله جميل لما تقعد وحده تخز فيه ... امسك ايده والا الصق فيه ... واعطيها ابتسامه خبيثه ونظره قويه ... والله تنقهر كأني صافعتنها :d مرة كنا على ابحر نمشي للرياضة ... وشفنا بنات .. لما مرينا من عندهم قالت وحده : فديت هالمزيون .. رديت عليها وقلت لها : حـــامض على بوزك :d.. وقفت تطالعني كأني صبيت عليها ماء بارد ...:24: حاولي حبيبتي تتغلبين على هالتصرف لانه بيتعبك انت اولا واخيرا .. وترا الكبر والصغر مو بالعمر ... بالمخ تذكري ...:) والله يحفظ لك زوجك ويسعدكم يارب |
اقتباس:
طيب إذا صاروا اهلي بمنطقه وانا بمنطقه اخرى..؟؟ وبعدين لازم احتاج إني اروح معه ومستحيييل بحرم نفسي علشانهم واما عن المووضه حتى المغازل ماسلم من المووضه ومشكوورهـ اختي على مرورك العطر.. |
اقتباس:
آمين يـارب والله يااخ معدن الرجوله أستفدت من كلامك الشيء الكثير جزاك الله خير |
اقتباس:
اممممم والله الثقه بالنفس الحمدلله عندي ثقه بنفسي وخصوصا بعد ماتزوجت وجاني هـذاك المدح اللي ماعمري شفته>>بلاش فضآآيح:d لكن الغيرهـ شيء والثقه بالنفس شيء ثاني وإن شاء الله بحاول اترك عني الغيره وأخذ من كلام الاعضاء وجزاك الله خير حبيبتي رسييل على نصيحتك وإهتمامك |
اقتباس:
يووووهـ يعني الحمدلله أرتـآآح كل الناس مثلنا الله يستر يـارب انا ودي اعرف وين أهالي هذولا البنات..؟؟ وين دور الاب..؟؟ وين دور الاخ..؟؟ والام..؟؟ والاخت..؟؟ وين الحياء والانوثه..؟؟ والله شيء عجييييب الله يكون بعونك اخ الموحدلله وجزاك الله خير على مرورك والله أرتحت لما عرفت إنه فيه احد يعاني بمثل ما انا اعانيه |
السلام عليكم انا بنت عزبــــآ
والله لووني مكاانك كااان اكشش لها من بعييد ... وانااظرهاا نظراات حقققد وادعي عليهاا قداام زوووجك والله بتخاااف بتشووفييين غباارهاا من الخوووف=) وعندددي لك راااي مرررره كوييييييس =) شووفي يااحبيبتي رووحي للسوووق اوقاات يكوون ماافيهااا احد مثلا الظهههر او الخميييس الصبااح اصلا الخمييس الصبااح كل الاسوااق تكووون مفتوووحه وفليهاا انتي الا وزوجك انا اكره الاسوااق عشاان داايم يكونووون فيهاا شباااب ويستهبلوون ويعلقوون علي ومدرري ايييش...الخ صررت خلاااص ماارووح السوووق الا الظهر او صبااح الخمييس=) |
اقتباس:
اما بكش عليهآآ صراحه قوووويه لو إنه مافيه احد ممكن وبعدين بجلس على كل وحدهـ اكش عليها..؟!! والدعاء عليهآ..والله اخاف ادعي على احد اخاف الدعوه ترجع علي..!! رغم إني ماظلمتها بس مدري واما إني أروح الصبـآآح صعبه شووي لكن بحاول إن شاء الله والله يرزقك يارب الزوج الصالح عاجلا غير أجل وكل بنات المسلمين ومشكوره اختي على إهتمـآآمك |
لايهمونك حبيبتي دام زوجك يحبك ومتمسك فيك وغير كذا متدين الحمدلله
بس مدري ليه تاخذون أزواجكم للسوق انا أشوف تروحي مع اختك او أخوك أوامك يكون أحسنا وأفضل |
اقتباس:
الله يكون بالعون والله يااختي انابمدينه وأهلي بمدينه بس احس مدري لازم أروح مع زوجي حتى لو أهلي معي بنفس المنطقه لا حبيت أبشرك وأبشر الاعضاء الكرام أمس طلعت انا ويـآآه للسوبر ماركت قلت هالمره بسكت وأمسك نفسي وأسوي مثل ماقالوا الاعضاء وكالعادة جت وحده وقالت كلمة وقحه مثل وجهها وانا على الصامت ولا كأنه فيه احد تكلم وزوجي ماطالعها ولما خلصنا وركبنا السيارة قال زوجي ليتك دايم كذا مايهمونك قلت مادام هذا الشيء يريحك إن شاء الله راح اكون دايم كذا والله احسه فررررح وماصدق خبر:d |
انا لو منتس امسك يده واتحضنها
واقوول لهم هذا لي انا حقي انــــــــا وانتي مبتسسسمه بس انتي الله يهديتس زعوووله اقهرريهننننننننننننننن سوويها وعلميني بس وش صار معتسسس |
والله انا مارديت عليك ما ادري شنو اقول شيء يقهر بصراحه..
بس الحمدلله شبه انحلت مشكلتك :17:الحمدلله بالتوفيق ان شاء الله يالغاليه ودايم ادعي ربي انه يحفظ لك زوجك ولايشوف غيرك:22:.. والله يسخر لك يارب العالمين.. |
الحمدلله
اهم شي شفتي زوجك كيف انو يرتاح لما مايشوفك مدايقة الله يوفقكم ويسعدكم يارب |
| الساعة الآن 04:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©