|
ماذا ستهدي (زوجتك /زوجك ) ليله العيد... موضوع تفاعلي
السلام عليكم ... كيف الحال :d:d كل عام وانتم بخيررر وربي يعيده علينا عليكم وانتم بالف خير :17::17: فكره موضوووعي اننا نطلع من المشاكل الزوجيه الى وش تهدي لزوجتك / زوجك يوم العيد او ليله العيد:22::22: نبي الموضوع تفاعلي ...:17::17::17::17::17: محبكم سمو المشاعر |
أنا فكرت فكرة غريبة
لأنه كل الهدايا استهلكناها وزوجي راعي بر ويموت بالبر والشتاء ع الابواب فناوية أجهز له شنطة(عزبة)بر شرايكم؟ وإذا مو حلوة انا مجهزة عود بعلبة حلوة كنت بهديها له بمناسبة قبل شهر بس تهاوشنا وخليتها :) ممكن اخليها للعيد |
زوجي الله يسامحه عسل معي في كل ايام السنه بس كل عيد يهديني مشكله لنا ثلاث سنوات متزوجين شايله هم السنه ذي وش بتكون المشكله ؟ وخلاص تقريبا انسدت نفسي عن الاعياد
|
اقتباس:
لأن طبيعة زوجي نكدي يعني غالب ايام السنة نكدي وبالاعياد يزيد>>أحيانا المهم بالعام الماضي بعد ماسد ابو نفسي مع اني كنت مجهزة حركات لنا ولبناتنا فجأة قررت اكمل وناستي لمتى اربط عيدي بعيده هو طفشان متنكد كيفه بس ينكد علي لااا وتشوفيني ذاك العيد مرررة انبسطت ولعبت بناتي واستناسنا وهو معبس بالصالة بالاخير استحى وراح للغرفة وانسدح وقلت لبنتي قوليه بابا شاركنا ويعني سحب عمره علشان بنته المهم ياحلوة لاتنتظرين منه نفسية حلوة والا عيدية بس مو من حق اي احد ينكد عليك عيدك هذا حبيبتي هبة من رب العالمين للمسلمين فليش نزعل علشان والله حضرته زعلان والهدية مو تعبير للحب هي طريق الحب الرسول صلى الله عليه وسلم قال: (تهادوا تحابوا) احتسبي الاخر عند الله وافرحي وانبسطي ولو نكد على عمره انبسطي انتي وبسطي عيالك وشوفينا كم اعمارنا مازلنا نحتفظ بلذة فرحة العيد عند اهالينا الله يسعدك يارب ويبعد عنكم الشيطان |
والله مو عآآرفه شنو أهدي له..
ودي أهدي له هديه غررررريبه وحلووه وتكون بعد مانخلص صلاة العيـد لكن أعجبتني فكرة أختي نبض الدان لأن زووجي نفس زووجها يحب البر بالشتاء والهديه أحسهآ منآآسبه مع الوقت لكن ودي بهديه ثانيه مع هديه الشنطه إن شاء الله أستفيد من هداياكم لأزواجكم |
اقتباس:
فكره روووووعه بيستانس كثيررررررررررررررررررررررررررررر :17::17::17::17::17::17: |
اقتباس:
س/ هل انتم بعيدين عن بعض قبل العيد (( اذا جاء وقت العيد تروحون لمدينتكم او قريتكم وكل واحد لحاله)) وذي السنه اهديه حب اهديه باللي يبي وحاولي انك تكونين متسامحه معه حتى لو عصب ولا تحطيمها براسك انه بيزعل ... ربي يوفقكم في هذا اليوم الكريم يوم عرفه ادعي ربك ولكي مني الدعاء محبكم سمو المشاعر |
اقتباس:
ربي يفرج همك وييسر امرك بس اهم شي الواحد يستانس ** ترا الموضوع مهب للمشاكل ... |
هذي افكار هدايا لزوجاتنا :-
** عطر ** ورد **كيكه وهي عند اهلها مفاجاه :) **جهاز جديد كمبيوتر او جوال **من زهور الريف مجموعه عطور للجسم **انا اللي سويتها جبت قسيمه تبرع (اضحيه) باسمها لوالدها المتوفي الله يرحمه لاننا في العيد الاضحى محبكم سمو المشاعر |
يجب ان لاترتبط الهديه بالعيد
لكي لاتكون هم كل عيد هذه الهديه بل الهدايا المفاجئه احلااا بكثير اما عن نفسي فقد اهديتها قبل ايام جوال اي فون وطارت من الفرحه لانها كانت تمني نفسها بهذا الجهاز اسعد الله حياة جمع المتزوجين |
اقتباس:
حياك الله نايف ...الهدايا المفاجئه رائعه:22::22::22::22: بس قلنا جاي العيد وودنا وش الافكار اللي بيسونها الاعضاء ... وحبيت اذكر الاعضاء بالمحبه باللي بين الزوجين اكبر من الهدايا ... بس كنوع من التغيير..:17::17::17::17::17: محبكم سمو المشاعر |
ولاشئ..
لانه الهدايا من طرف واحد مملة فمن زواجي وانا في السنة الرابعه الآن لم يهديني سوى جوال لان بعض الازواج مجرد أني لم أقصر في حقك في النفقه يعتبره هدية بالرغم من انني موظفه وأنا أنفق على نفسي في أموري الخاصة لكن تكفيني منه (واتوقع كل إمرأة تفكر هذا التفكير ) المعاملة الحسنة والكلمة الطيبة فما فائدة الهدايا السنوية والدورية ولسانه سليط او خائن او او ..الخ لذا ياااااخواتي لا تدققين بثانويات الحياة فهناك أمور يقدمها لنا أزواجنا أفضل بكثيير من تقديم هدية لا أنكر أن الهدية لها مفعولها السحري في تجديد المحبة لكن إذا فقدت لم تنتهي الحياة بها أسأل الله في هذا اليوم الفضيل أن يرزقنا وياكم كل مانتمناه وأن يصلح شأننا ويهدينا الى سواء السبيل |
انا وزوجي سبقنا الناس كلها... هدينا بعض "بوز" طوله شبر وقابل للزياده
..صارلنا ٤ أيام على هالحال... اللهم ياكافي.. |
اقتباس:
وانا اللي كنت فاكره انه مافي احد مثلي :) الله يعين """لكن تكفيني منه (واتوقع كل إمرأة تفكر هذا التفكير ) المعاملة الحسنة والكلمة الطيبة فما فائدة الهدايا السنوية والدورية ولسانه سليط او خائن او او ..الخ"""" واللي ما يطلع منه لا كلمة طيبة ولا هدية ؟؟؟؟ يغتبر انه اذا جاب أغراض البيت وكأنه أعطاكي هدية ...واذا ما شتمك كأنه قال كلمة حلوة :) الصغار لا زالوا يفرحوا بالعيد والحمد لله بس ليش موسم العيد يثقل كاهل الكبار ويصير زائر ثقيل كل سنة ؟؟ |
انا هديتي هالعيد احلا من اي عيد
هديه رباااانيه شغالتي اسلمت ليلة عرفه واليوم عرفه صامت من نفسها وصلت كل الصلوااااات الله يثبتها ويكتب لي الاجر يارب |
اقتباس:
وربي يفرج همكم ويسعدكم اتمنى لك التوفيق محبكم سمو المشاعر |
اقتباس:
ماتوووووصل ادعي اللي ماتنام عينه... ربنا كريم ... محبكم سمو المشاعر |
اقتباس:
قول الرسول صلى الله عليه وسلم " لئن يهدي بك رجل واحد خير لك من حمر النعم" فــ والله العظيم انك ربحت وربي يثبتها ... |
اقتباس:
كميرا صغيره قيمتها ماتتعدى 700 ريال ..سوني .. يصور فيها كل شي وربي حلوووه :17::17::17::17: حتى لو عندكم تصير له خاصه |
أعطيها عيوني
|
على قولة بعض الاخوات اذا مافيه مشاكل ولا خيانه هذي احلى هديه من رب العالمين ...
الله يوفقنا ويسعدنا ويبعد عنا الزعل ... |
أحسن الهدايا إلي محتاج له وناقصه الطرف الثاني
|
ولا شئ لأنه مسافر الله يرده بالسلامة وانا بعيد لوحدي بين الجدران الأربع
جهزت هدية لبنتي علشان ما احرمها فرحة العيد يكفي ان ابوها بعيد عنا ..http://www.66n.com/forums/images/icons/cry3.gif |
هديتي له مسج .......جميل من القلب وهديته لي رد على المسج .....واااااو هو الآن بالشاليه مع عياله عند ابوه ( عمي ) .. الله يحفظهم == |
اقتباس:
الله مستعان ....كل عام وانتم بخير |
اقتباس:
شكرا على مرووورك ...كثير من الاشياء تحتاجها الزوجه او الزوج ... بس ربي يوفقنا لما يحبويرضى ..اكرر شكري لك |
اقتباس:
ربي يرجعه سالم ومعافا يارب...:17::17: |
اقتباس:
ربي يوفقكم ...وكل عام وانتم على الخير دايم ... |
شكرا لكل من شارك معي في هذا الموضوووع ورحم الله والدينا واقرنا بشوفتهم في جنات عدن ... اللهم اني فتحت هذا الموضوع لتقرب بيننا وبين زوجاتنا اللهم اكتب لنا الاجر وعافنا واعفو عنا وارزقنا ولا تحرمنا واجعلنا ممن رضيت عنهم وارضيتهم .. اللهم ارزقنا الذريه الصالحه واقر اعيننا ببرهم لنا .. اللهم لك اسلمنا وبك امنا فا اكتبنا مع الشاهدين ..ربنا انك عفو تحب العفو فاعفوا عنا .. اللهم اغفر للمسلمين والمسلمات والمؤمنين والمؤمنات الاحياء منهم والاموات محبكم سمو المشاعر |
| الساعة الآن 08:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©