|
انا في يوم العيد ... عيدٌ بأيّةِ حالٍ عُدتَ يا عيدُ
السلام عليكم
كل عام وانتم بخير من العايدين من الفايزين عيدٌ بأيّةِ حالٍ عُدتَ يا عيدُ, بمَا مَضَى أمْ بأمْرٍ فيكَ تجْديدُ صحيت صباح العيد لبست ولبست اطفالي بنروح نعيد عند الاهل مافي احلى من لمة الاهل والوالدين في العيد المهم بعد ما لبست وخلصت جيت اصحي زوجي عشان نروح قال انه مو رايح لانه مريض وبصراحه كانت حرارته مرتفعه واسمع صوت انينه وهو نايم ما طاوعني قلبي اروح ماكسرت بخاطر اطفالي تركتهم يروحوا لاهلي وانا لاااا مارحت جلست بجنب زوجي ما جاء لي قلب اروح افرح وانبسط وهو مريض ولوحده اتصلت بالوالده شرحت لها الوضع عشان تعذرني قالت حاولوا تجون وهو يغير جو قلت لاااا مايقدر وعذرتني واتصلوا اخواني الكبار على زوجي بيتطمنوا عليه ويعايدوه وماعرف ليش كل مايشوف ارقامهم ع الجوال يطفش ومايرد عليهم رجعوا يكلموني انا ويسألوني عنه وعن ان كان محتاج يودوه المستشفى وهو رفض لان عنده علاج بالبيت بس ما استفاد منه شي لانه على طول نايم ومريض حاولت اقنعه يروح الطبيب رااافض قلت له خلااااص انا موجوده عندك ما راح اروح لاهلي وانت في هالوضع وسكت ما رد علي المهم احتسبت الاجر وتركت اهلي واحبابي وجلست في بيتي عند زوجي ولما صحي زوجي قلت له والله ما طاوعني قلبي اروح اتعيد مع اهلي واتركك طالعني بنظره ماعجبتني وقال وليه ما رحتي لأهلك !!!!!!!!!!!!!!!!!!!!!!!!!!!!!! والله بعد هالكلمه حزنت على حالي وخنقتني العبره ماعرف ليش تضايقت مرررا متضااايقه يمكن لاني حسيت انه مو مقدر اللي اسويه عشانه اويمكن لانه على طول معصب ومكشررر بوجهي والتمس له العذر واقول مريض ,, يعني بعد ماخلص العيد تقول ليه مار حتي لأهلك ..!! وانا عندك طول الوت ليه ماقلت لي روحي .. مايضيع شي عند رب العباد .. الله يشفيه يارب ومرضى المسلمين .. آآآمين حبيت افضفض لكم لان هالمنتدى بيتي الثاني ... |
كل عام وانتي بخير
اعتقد هو قالك كان رحتي لبيت اهلك عشانك انتي يبيك تطلعي تغيري جو وتوسعي صدرك ولا يبي يخرب عيدك ويعطلك عن اهلك بيوم مثل هذا بس اظن داخله يقول ابقي جنبي واحتاجك |
معليش اقبليها منه بس عشانه مريض الرجال ما ادري ايش صاير فيهم على كل شئ يزعلون
|
حبيبتى انت على الاقل متزوجة وعندك اولاد تشوفين فرحة العيد فيهم
احمدى ربك بدل ماتكونى وحيدة ووحزينة |
وانتي والاعضاء عالم الاسره والمجتمع
بخير وبصحه وسلامه,’, زوجك جالس يتغلى عليك المفروض يحمد ربه عنده زوجه مثلك عسوله عسى ربي يخليكم لبعض ويسعدكم وتدوم المحبه بينكم للابد,,’’:) انا خطيبي تخيلي مادق علي ولا كلمني له شهر واشوي برغم هو غلطان ادعيلي ياقلبي:d |
اقتباس:
إذا تبين الصدق ياحبيبتي جملتك بصيغتها هذه كأن فيها شوية من على زوجك وكأنك تحمليه جميل مايتنسى بعدم روحتك لأهلك مع إنه شئ طبيعي جدا جدا جدا إنك ماتروحين لأهلك طالما زوجك مريض لو كنتي صغتي الجملة بطريقه ثانيه كان أفضل يعني كان لازم تبيني له إنك أنتي والاولاد ماتبغوا تعيدوا بدونه ولا بعيد عنه وإن العيد اصلا ماله طعم وهو مريض وتعبان وإن القصد من أرسالك الأولاد لأهلك كان عشان ينام هو براحته ويرتاح من دوشتهم ومو عشان العيد عشان مايحس إنه مقصر معاكم في شئ |
وانا بعد رأيي من رأي عفراء
إذا فعلا قلتي لزوجك الجملة هذه كذا مرة و بينت انك جلست و تركت فرحة العيد و جالسة معاك ...والخ فيمكن فيها بعض المن ..يعني كأنك تقولي له احمد ربك اني جالسة معاك اتمنى ما تزعلي مني , احتمال يكون كلامي صح و احتمال خطأ إذا ما بينتي له ذلك طيب عزيزتي هو بعد ما قال هالجملة كيف كان تعامله معك!؟ كل عام و انت بألف خير |
اشكركم جميعا وكل عام وانتم بخير ينعاد عليكم
عفراء والمسداني اشكركم خواتي لتفاعلكم وانا قلت هذه العباره ولم اقصد فيها المن ابدا اللي قصدته انه شوف كيف انت عندي اهم من اي شيء آخر وان كان هو فهم ان كلامي فيه منه فالشكوى لله وحده .. المسداني .. تعامله معي فيه من القسوه والتهميش كثيرررر الحمدلله على كل حال ان حكينا ندمنا وان سكتنا قهررر .. |
ربما هذا بسبب مشكلة البطاقة و مو من حقه يكون زعلان
لكن عزيزتي احس المشكلة الأكبر هي ضياع الحوار و الود بينك و بين زوجك يعني ما شكله ارتاح او فرح لوجودك و ابتسم ابتسامة رضا و هذا يعني عدم الراحوالنفسية بينكما خليك يا اختي مبادرة لأنك المرأة تواقة اكثر لحل المشاكل العاطفية بينها و بين زوجها و البحث عن حل لها فتشي عن مفاتيح زوجك و ما هو الأسلوب الذي يحبه منك و ما السبب الحقيقي وراء تذمره و تكشيرته مو معقولة كذا على طول مكشر , فيه سبب ,,حاوريه دلعيه بيني غلاته عندك و ان شاء الله تعرفي تتعاملي معه |
اقتباس:
اختي التمسي لزوجك العذر هو تعبان وحراره واكيد قل شيهه وعور راس ...يعني بالعربي مو فاضي لاحد ...نفيسه :( جميل كل ما ذكره الاخ الفاضل .....المسداني .... بالنسبه لتكشيرته وتذمره ...عندي لك طريقه ما ادري هل تعجبك و تتبعينها ...ام لا... المهم تقدرين اتسوين نفسك عبيطه وتتجاهلين التكشيره مالت خشته و ما تسمعين تذمره .... يعني اذن من طين واذن من عجيب ...حتى يمل هو من نفسه من هذه الطريقه ..... والا راح يغثك في كل مره اذا بغى شي كرر هذه الحركه ...التكشيره والتذمر... خليه يدرك ان التكشيره والتذمر ما تجيب نتيجه مع وحده ...عبيطه ...( مع احترامي لك )) وحذاري يا اختي ان تقصري بحق زوجك ...ولو بنتفه صغيروووونه من حقه ...بالعكس ... زيدي عيار الدلع والغنج وكلام العسل .... راح اتشوفينه ان شاء الله انفقعت مرارته من تكشيرته....وسكر حلقه من التذمر ... راح يقوول بينه وبين نفسه هذي مافي فايده فيها ...عبيطه مو فاهمه اني ابي اغثها ... راح يغث نفسه فقط ... الله يقومه بالسلامه ويهديه لك = |
اختي معليش يمكن هو كان قصده كان رحتي عادي
بس ماعرف يقولها بطريقة كويسة اعذريه يمكن عشان مريض بس اكيد من داخله مقدر |
الله يخليه لكم ويشفيه يارب
أعتقد انه فعلا على باله انك تحملينه رد الجميل وهو حب يأكد لك انه كانت لك فرصة تروحي ليه مارحتي إذا كنت حابة وممكن يتغلى عليك ويبغاك تقولين عيدي جنبك هو العيد الله يخليك لنا يارب>>ترا احيانا الرجل يحب يطلع هالعبارات من زوجته عموما انتي ابلعيها واحتسبيها عند ربك وبيني له ان هالعيد ماينقصه الا انه يقوم بالعافية |
زوجك زعل لأنه شعر انك متذرمة من الوضع .. وكأنك تقولين هذا وقت المرض ..
يعني يعتقد أنك جالسه معه مغصوبه أو مجامله مو من اهميته .. المفروض ما تقولين هذا الكلام (والله ما طاوعني قلبي اروح اتعيد مع اهلي واتركك ) هذا الشي يفهم من جلستك معه ولا ينطق به .. لأن لو نطقتي به حمل على انه تذمر او تمنن .. |
لا تتضايقي عزيزتي لما نفسر سبب زعله بأنه أحس انك تمني عليه ,,,,,احنا قاعدين نوضح لك اللي نظن انه جا بباله وعارفين انه ما كان قصدك المن انما كان قصدك تقومي بواجبه وكان ودك تسمعي منه كلمة مدح رد على وقفتك معاه :) ....
ممكن بسبب انه مريض ويمكن هو بطبعه نكدي شوي وممكن ما يوصله منك رسائل كافيه تفيد حبك وعشقك له وممكن كل هذي الاسباب مع بعض تخليه يكون جاف معاكي وما يفهمك صح. هو يعرف ومقدر تضحيتك له لكنه يحب يتاكد سبب تضحيتك ..لما سأل وليه ما رحتي وكأنه يسألك ما رحتي لانك تحبيني وللا بس واجب قمتي فيه وغصب عنك مكرهه ؟؟؟ هو يحاول يسحب منك كلام يفيد غلاته عندك وحبك له ..مثل ما كنتي تحاولي تسحبي منه الكلمة الحلوة ...كل المسأله تغلي من الطرفين :) وهذا التغلي ما يصير الا بين الاحبة ...لكن احبة تواصلهم وتوصليهم لحبهم لبعض ضعيف شوي :) ربي يسخركم لبعض ويرقق ويحنن قلوبكم على بعض ويجعلكما قرة أعين :) روحي دلعيه ودلليه شوي ...ارسلي له رسالة العيد وقولي له فيها انه هو دنياتك واهلك واخوانك وعشيرتك كلها وليت الحرارة كانت فيني ولا فيك يا عمري :) |
نفسيات الله يعينك عديها أختي ، ترى أختنا في الله ب تكلمت عن حزنها في العيد فقد يكون لديه نفس الحالة مع آعتذاري الشديد إن أقحمتها في الموضوع
(واتصلوا اخواني الكبار على زوجي بيتطمنوا عليه ويعايدوه وماعرف ليش كل مايشوف ارقامهم ع الجوال يطفش ومايرد عليهم )هذا كلامك يمكن هو حاسس أنك مرتبطة بهم كثيرا ترى بعض الرجال يغارون من أهل الزوجة خصوصا إذا كانت تتحدث عليهم كثيرا لا تضايقين نفسك والدنيا قصيرة لايحتاج نعيشها في مشاكل ونكد حفظ الله لك أسرتك وعيد سعيد |
الف سلامات لزوجك
يقوم بالسلامة ان شاء الله والرجال يا اختي معروف عنهم انهم يتدلعوا ويحبوا يتغلوا بالذات وقت المرض مالك الا تطولي بالك وتطنشي عشن ماتتعبي وبيني وبينك اهم شي ان اطفالك عاشوا فرحة العيد ما انحرموا الله يديم عليكم النعمة يارب سلام (: |
اكتفشت غلط كلنا نسويه يالحريم
وهو لو سوينا شي للزوج رحنا نقول له طيب هو عارف ليه نقول اجل وش اللي جلسك مارحتي الا علشانه لو ماتكلمت كان كبرتي في عين زوجك يعني لو سويت الموضوع عادي جدا واكيد هو راح يسأل لك ليه مارحتي هنا تقولين له مستحيل اروح وانت مريض صديقني والله ليعوضك احلى عيد لانه يحس انك سويتي كذا مو متثاقله او ودك تروحين لا سويته من رغبه داخليه اولا تعلمينه شلون يتصرف معك لو كنت محتاجته ثانيا مايشعر انك تمنين عليه كلامي هذا من وحده استشاريه حضرت عندها دورة تقول قدمي لزوجك اللي محتاجة من دون مايطله وذكرت اللي صار لك كمثال وقالت ايضا لو كان زوجك مثلا عنده عادة معينه اول مايقوم حاولي تجهزين له الوضع وتروحين من غير ماتقولين له انك سويتي ولاحظي شلون رده فعله يعني لو كان يتروش لمن يقوم جهزي له كل شي وروحي اهتمي بشي ثاني وانسي انك سويتي له لو كان يحب يجلس بمكان معين جهزي له المكان وروحي وخليه هو يكتشف اهتمامك من غير ماتقولين له اشعريه انك مبرمجه على الحرص على راحته صدقيني انا سمعت هالكلام حتى من اقاربي ولاحظت ان هذا سر تعلق بعض الرجال بحريمهم وانت جربي ووصدقيني راح تلقين نتيجه ماتتوقعينها وانت تخيلي نفسك ان زوجك جلس معك وانت مريضة ولمن قمتي سوا الموضوع عادي جدا ولاقالك شي ولمن سألتيه قال كلمة وحده انت مريضة شلون استانس حتى لو اني رحت ماراح استانس واسكت ماقال غير هالكلمة ولاحظتي انه الموضوع عادي جدا عنده اكيد راح يكبر في عينك صح ؟؟؟؟؟؟؟؟؟؟؟ |
اقتباس:
فعلا نفتقد الى ثقافة الحوار بيننا واعتقد ان هذا جزء كبير من اسباب الجفا بيننا |
وعليكم السلام ورحمة الله وبركاته عساك من عوادة اختي الكريمة أختي لا أخفيك أني أشعر من خلال ما تبوحي بما يختلج في قلبك في هذا المنتدى انك تحملي قلب مرهف وعاطفة جياشة وطيبة النفس وعلى نياتك والله يديم عليك هذه الروحية الطيبة ، واظنها وراثه من احد ابويك . أن طيب قلبك هو جوهرة ثمينة ورأس مال لا تفرطي فيه وحافظي على هذه النظافة القلبية بالدعاء والتوجة لله بأن يجعلك طاهرة ومسددة الخطا ، ما هو المقصود من مسددة الخطا ؟ أعطيك مثال اختي العزيزة الطيبة ، لو أن شخص حصل على شهادات ومناصب وذكاء وزوجات ومال غير انه ليس مسدد من قبل الله سبحانه في خطاه فالربما يخسر كل ممتلكاته وماله ونسائه لان الله سبحانه سلب منه التوفيق في الحياة الدنيا . ( وما رميت اذ رميت ولكن الله رمى ) هذا هو التسديد الرباني الالهي .واطلبي من الله ان يبارك لك بكل خطوات حياتك . أختي انت عندك آليات النجاح في الحياة الزوجية وهو الطيب والعاطفة الكبيرة والصفاء ولكن احرصي على استعمالها بأحسن صورة وفي التوقيت المناسب ولفرصة المواتية وتحلي بالصبر ان الله مع الصابرين والتفكر بعاقبة الامور . أنظري على سبيل المثال أختي الكريمة لهذا الموقف الاخير ، انت اردتي توصلي رسالة لزوجك انك تضحي بالذة العيد لاجله وهو لم يفهم الرسالة واسقبلها بشكل معكوس ، فلو انك صبرتي ولزمتي الصمت ، واحتسبتي الاجر على الله لكان الافضل والان حصل ما حصل . ما احب قوله اننا نحن في بعض الاحيان نجر لانفسنا الضجر البؤس من غير ان نشعر ، فلو انك قمتي بالرد على زوجك برد طيب وحنيه حينما قال لك لماذا لم تذهبي ؟ فبدل الاحباط تدارك الموقف بكلمة رومانسية وقولي له وكيف اذهب يا بعد قلبي وانا قلبي معاك ما اقدر افارقك واروح لحالي وانت مريض ؟ أليس هذا الرد يجعله في موقف محرج؟ لو شعرتي انه سكت وانحرج اليس هذا توفيق من الله ان انطق لسانك بكلام يحببك لقلبه ؟ أرجو من الله لي ولك ولكل المؤمنين التوفيق لصالح الاعمال والطاعات ودمتي في رعاية الله أختي |
ما عليه شر الف سلامه يا رب
والله ما انتبهت اسم كاتب الموضوع لذلك اعذريني اقرا العنوان وليس عندي متسع من الوقت لارد ولم انتبه للاسم حبيبتي زوجك يغار من اخوتك واهلك واهلك يغارون من زوجك وانتي الللي ىكلتيها بالنص كف من هنا وكف من هناك ما حد مقدر تضحيتك لا امك ولا زوجك وانتي من طيبة قلبك تحسي وتنجرحي وهم مش حاسين انو يجرحوكي ومن ثم وقت يمرض الرجل يزيد دلال وقلبت خلق وعبسه وكلام قاسي حمليها خفيف ولازم يروح للطبيب ليه العناد يمكن يكون لازم له مضاد حيوي ثم زوجك الله اعلم مرضه نفسي يفكر بالبطاقه ووقت تكتشفي انو المال انصرف او ما حافظ لك عليه شو رح يكون موقفك منه ثم موضوعك الثاني كتبتي انو المال وسخ الدنيا وانا اقول لك :المال والبنون زينة الحياة الدنيا واولادكم واموالكم اعداء لكم اعدلي بتعاملك وافصلي بين الواجب والحق وقوفك قرب زوجك بمرضه واجب عليكي وبطاقتك حق لك لنفكر للمستقبل البعيد وليس لليوم فقط او الغد الله يشفيه يا رب وينظف قلبو ويبطل غيره من اهلك واخوتك قومي دلعيه ولو كان ناسف معك اعملي له شوربه واسقيه بيديك واعملي له اكل خفيف واطعميه ثم الماء لازم يكون مغلي ويبرد ومن ثم يشرب منه لان احيانا من كثر اليخونه تقلب المعده ويتقيئ الشخص ل1لك انا اغلي الماء واضعها على جنب واشرب منها المرضى قصدي اما زوجي او اولادي ثم همسه يأذنك ما تحملي ضميرك وتقولي انا السبب بمرض زوجي المرض والشفاء من عند الله سبحانه وتعالى انتي زوجه صالحه وطيبه وحنونه وصاحبة حق ان شاء الله يشفى قريبا وتفرحي وتنحل كل امورك قادر كريم على كل شي ثم هو حاقد على اخوتك يحسب انهم هم السبب بلفت نظرك للبطاقه لذلك يرفض يرد عليهم ثم لن يغير شيئ بقلبه تجاه اخوتك ولو فضلت البطاقه معه سيفضل يحدث نفسو انو اهلك يعلموكي عليه وانك تفضليهم عليه هناك بعض الرجال نفس تفكير زوجك |
هذه هي الايام000 نداولها بين الناس يوم لك ويوم عليك00
في هذا اليوم00 تشكي لي إنسانه من ضيق حالها ومن مرضها وأن زوجها بسببه تزوج عليها00 واخرى تشكي أنها طردت من بيتها وابنائها الايتام00 لأنها لم تدفع الإيجار 00 الدنيا عندهم كانت اضيق من سم الخياط00 الله يفرج لهم وغير ها الكثير00 فهناك من تعيد في المستشفى00 وهناك من تعيد في السجن وهو مظلوم00 وغيرهم الكثير من لا يعلم بحالهم إلا خالقهم00 المواقف هي ما تملي علينا ما نفعله 00وتغير الحال 00هو الذي يفرض علينا حل او فعل نجبر عليه ولكن ملزمين يتنفيذه00 وهكذا كان حالك هذا العام00 اكبر من كل كلمة او قول00 ولا ارى في مقولة زوجك شئ مستنكر00 فلو استأذنت منه وذهبت ولو ساعه واحده سلمت فيها على اهلك وعايدتهم00 لأختصرت على نفسك الكثير00 الله يشفي زوجك00 ولكن ما قلتي ماذا يشكي ؟! |
اقتباس:
مشكلتي حساسه واشيل هم اي شي ويبين علي ياليتني بدون احساس كان ارتحت وريحت اشيل هم الكل وماحد شايل همي ولاحاس فيني |
اقتباس:
|
اقتباس:
الله المستعان |
دلوعة مودي اختي طنشي والله الرجال مدري اش صار فيهم الله يهديهم زوجي كمان مايقدر تركي للاعياد كلها وجلوسي معاه تدري كل عيد يطنشني ويجلس يومين ثلاثه مايكلمني عمري ماحسيت بفرحة العيد من يوم تزوجت
الله يفرح قلوبنا اختي وسامحيني لاني حبيت افضفض شوي الله يسعدك اختي وينورلك طريقك ويفتح لك ابواب السعاده يارب |
اقتباس:
اشكرك اخي لابداء وجهة نظرك حول الموضوع ربي يسعدك |
اقتباس:
مشكوره حبيبتي |
اقتباس:
وارتباطي بأهلي لانه مو محسسني بانتمائي له كل ما اقرب منه يبعد |
اقتباس:
الف شكر |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©