|
و نسينا كيف كنا نهتم ببعضنا
بداية احب اعيد على الجميع .. كل عام و انتم بألف خير :) الحمدلله انا و زوجي متفاهمين و علاقتنا جدا ممتازه ولكن بدأ الملل يدخل حياتنا بسبب مشاغل الحياه و الأطفال, بدأنا نبتعد عن بعضنا شيئا فشيئا لا نجد اي وقت لأنفسنا,, دائما انا و الأطفال, او هو و الأطفال, او هو و انا و الأطفال,, لا يوجد وقت لنا وحدنا زوجي بدأ دراسه و بطريقه للماجستير و هذه كانت فكرتي و اشجعه تماما :22: لدى كل منا نشاطاته الخاصه,, عند وجود زوجي يعتني هو بالأطفال و يأخذهم لنشاطاتهم من مكتبه او حضانه او حديقه الخ اذهب انا الى التحفيظ او النادي الرياضي او سباحه او السوق مع صديقه و عندما يكون زوجي في اجازته اعتني انا بالأطفال و نشاطاتهم و يذهب زوجي للمسجد لحظور المحاظرات الدينيه, او يدرس في المكتبه او يذهب مع اصدقائه للنادي او الكره او السباحه الخ امس في يوم العيد في السياره وفي طريق العوده للبيت بعد يوم طويل من 8 الصباح الى 5 العصر و كان الأطفال نائمون في المقعد الخلفي, كل واحد في كرسيه الخاص نضر الي زوجي و مسك يدي و قال هل تتذكرين اول عيد معا بدون الأطفال و كيف كنا فرحين و مرحين والآن اهتمامنا و وقتنا لهم فقط و نسينا انفسنا.. و نسينا كيف كنا نهتم ببعظنا دمعت عيناي و قبلت يده وقلت له من زمان و انا لدي نفس الأحساس ولكن لم أقل شيئا لكي لا اشغل بالك اكثر من ماهو مشغول قلت له لسنا وحدنا في هذا الوضع و هذه واحده من ضرائب الغربه موضوعي ليس فضفضه و حسب و لكن اريد ان تعطونا افكار لكي نستعيد انفسنا و كيف نبقي الملل بعيد عنا لا اريد افكار لليالي حمراء فزوجي يأتي متأخر و متعب,, و أنا انام باكرا لأن الأطفال يستيقظون الساعه 6 الصباح ليس لدينا اقارب في مدينتنا لكي نضع الأطفال عندهم اطفالنا اعمارهم: البنت 3 سنوات و كم شهر, و الولد 8 اشهر زوجي يعمل من الأثنين الى الجمعه من الساعه 16-24 و أحيانا حتى الويك إند اذا طلبوه يروح الجامعه الثلاثاء و الخميس من 10-15.. فالثلاثاء و الخميس ما نشوفه غير ساعه او ساعتين على ما يفطر و يحضر نفسه اتمنى فهمتوا وضعنا و ياريت تعطوني نصائح و أفكار تناسب ظروفنا |
والله يا أختي هذا الوضع عند الكل مش في الغربة وبس في كل مكان احمدي ربك أنك لست امرأة عاملة لأنك لو بتشتغلي ( زي حلاتنا ) كان شو سويتي وكمان الأولاد لسا مشاكلهم تعتبر بسيطة لان الابناء كل ما كبروا زادت المسؤولية وزادت المشاكل الحمد لله على الأقل أنت بتحصلي وقت تمارسي فيه نشاط أنتي بتحبيه غيرك يدور في دوااامه ولا عارف يستمتع هاذي هي الحياة لاااازم فيها التعب وفيها الملل وفيها الروتين وبرضو فيها العمل والسعادة والأمل بس لازم تعرفي كيف تستمتعي بالروتين !! وكيف تتعاملي مع الضغوط وكيف تحبي التعب وبذلك تحبي الحياة وتحسي أنها متجددة ما شاء الله تبارك الله دامك متفاهمة مع زوجك أفضل طريقة لإبعاد الملل هو عمل الجدول في الويك إند مرة غدوة في مطعم مرة عشوة على البحر مرة ريوق ع السرير مرة الأطفال في الحضانة وأنتو نهار كامل تتمشوا أو تتسوقوا ومن الأشياء إللي تعمل تجديد في الحياة مع أنها قد تكون بسييييطه لكن الزوج يحس بها مثلا تغيير ملاية السرير تغيير بعض الستائر إضافة بعض الشراشف على الكنب أبجورة جديدة برواز جديد لصور جديدة أو قديمة غيري ترتيب جلسة الصالة أو مكان التلفزيون غيري تريتب مكان السرير سجادة جديدة ولا تنسين .. التغيير في اللوك شعرك .. لبسك .. في كمان فكرة الرسائل القصيرة .. مثلاً .. لما يركب السيار يشوف ع المقود قصاصة صغيرة فيها كلمات حلوه أو لما يصحا من النوم ويدخل الحمام يلاقي على المراية قصاصة ملونه فيها كلمات حلوة ... اعتذر عن الإطالة بس تراج قلبتي فيني المواجع لأني أحس بنفس الملل إللي تحسي فيه بس لا تلوميني 14 سنه مب قليل بس والله أحاول أطبق بعض الأفكار إللي قلتلك عليها قدر المستطاع اعذريني ع الاطالة وأتمنى أكون أفدتك ولو بشيء بسيييييط تحياتي لك وأتمنى لكي حياة سعيدة ومتجددة |
وحشتييييني ياقمر ..
كلما قرات لك موضوع اكتشف انه حياتك مشابهه كثير لحياتي ... فكرت و فكرت .. مالقيت الا انه اذا تقدري اتفقي مع صديقتك المقربة تحطي اطفالك عندها في يوم ما و تطلعي مع زوجك لحالكم عشاء او لاي مكان لحالكم و بالمقابل تمسكي اطفالها يوم و تطلع هي مع زوجها .. تبادل منافع يعني :) شي ثاني .. وقت ما تنزلوا تشوفوا اهاليكم بارض الوطن .. اتركي اطفالك 3 ايام عند اهلك او اهل زوجك و قضي اجازة بسيطة مع زوجك لحالكم اما بالسفر لدولة قريبة او حتى النزول بفندق لحالكم 3 ايام هذا اتفاقنا انا وزوجي حاليا .. اتفقنا ان شاء الله بالكريسماس ياخذ اجازة و نحط ابني عند امي و نسافر اي مكان اسبوع .. ان شاء الله بس يلاقي اجازة دعواتك :) |
كل مجمع فيه مكان
creche حطو اطفالكم وقضو لكم كم ساعه بلسوق لحالكم او بلمطعم عن نفسي ما ائمن احد على اطفالي ولو لساعه وحده وهمه بهلعمر |
تقدرو تحطو ابنائكم بحضانه لساعات معينه وتطلعو لوحدكم
|
والله انا احب الحلول العملية جدا
اتفقي انتي وزوجك ان عالسرير قبل النوم لازم ساعة يوميا تقضوها سوا مجرداحكيلوا ويحكي لك عن يوموا تبادلوا الاحلام الامنيات هذا الحل احس كتير يناسب الناس المشغولين |
حاولي ترتيب نوم اطفالك قبلكم لو بساعة
وخلوها لكم جلسة خاصة هي يوميا صعبة خصوصا الاطفال أحيانا مايلتزمون وزوجك ممكن ينام قبلهم بس على الأقل السبت والاحد خصصي يوم منهم لسهرة حلوة لكم خصوصا انكم بغربة ماعندكم التزامات اجتماعية بهالايام طلعي كل الطاقة اللي باطفالك باللعب علشان اول ماترجعون ينامون الله يسعدكم يارب |
اختي الحياه كدا لما يصير الواحد عنده اولاد يحمدلله على هذي النعمه لانهم هم زينة الحياه حاولي تجلسي مع زوجك لما يكونوا اطفالك يلعبوا قدامك واذا جاء نهاية الاسبوع اطلعوا مع بعض وفي الليل اذا ناموا الاولاد اسهروا ونكتوا وتذكروا الايام الحلوه والله يهنيك بزوجك ويسعدكم ويسخرلك زوجك يارب
|
شكرا اختي على الطرح
واقول ان الاولاد زينة الحياة الدنيا فهم النور الساطع اما بالنسبة لكم انا اعتقد ان فية الوقت الكافي الانسان اذا اراد شي بسوية ويرتب الية والله يسغدكم |
يااختي انتي في نعمة شوفي الجوانب الايجابية يعني عندك ناطات وسباحة ونادي غيرك مايطلع ابد الا وعياله لازقين فيه حتى الزوج مايرضى يمسكهم نفسي يوم احد يمسك ولدي واطلع لحالي اشم هواء ماغير24 ساعة في صياح ونياح
|
التجديد في الحياه وعدم اهمال احد الطرفين للاخر لاي سبب من الاسباب سواء الاولاد او العمل ونسال الله ان يعيد ايامكم لما كانت |
اقتباس:
اشكرك عزيزتي ام سيف على المشاركه ما شاء الله 14 سنه,, الله يديم المحبه بينكم دائما :) والله نصائحك جدا رائعه بس كلها لفتره مؤقته يعني مثلا تغير شرشف السرير ولا تغير مكان الكنبه ولا تغير اللوك ماراح يعطيني غير اعجاب و انبهار لمده محدده وبعدين نرجع لروتيننا المعتاد وكل واحد لشغله و للملل بس والله جدا استفدت و بعض من افكارك جاري التطبيق عليها خاصة فكرة القصاصات,,, عجبتني الحمدلله لنا يوم في الأسبوع نطلع نتغدى برى و نقضي اليوم كله برى البيت ما بين الحدائق و الملاهي او حتى بس تمشيه بسيطه في اليوم هذا يا دوب نلاقي 10 دقايق على بعض نتكلم فيه,, الوقت كله للعيال اكلي هذي و جلس هذا وروحي الحمام(اكرمكم الله) و غسلي و نظفي و بكى و لعب و مشاغبه و تعب :23: بس مع انه متعب الا اننا نستمتع فيه و نضحك من قلبنا على العيال و حركاتهم البريئه اشكرك عزيزتي والله يحفظلك عيالك و زوجك |
اقتباس:
يا هلا بنورا حبيبة قلبي,, وحشتيني يا بنت كيفك ايش مسويه,, كيفه يوسفي وسط جدته و خالاته...شايفه الدلع من هنا يا حظه ما شاء الله :) ---------------------------------- والله يا نورا فكرتك حللللللللوه و مره مناسبه :22: عجبتني موت بس استحي اطلب من صديقتي هذا الطلب,, و احساسي يقول انه زوجي ماراح يوافق وحتى انا شخصيا مش مره ترى حتى خايفه من فكرة الحضانه لبنتي,,والله اسمع قصص كثيره و صرنا ما نثق بأحد كمان اني احط عيالي عند اهلي او اهله حلوه,, و ان شاء لله نسويها مره ناخذ اجازه معتبره لمده اسبوع لحالنا,, عجبتني الفكره :22: مشكوره يا عسل و الله يتمم لك حملك على خير و يحفضلك يوسف و ابوه |
اقتباس:
اهلين حبيبتي... لا مش موجود بكل مجمع,, يمكن عندكم,, بس هنا ما شوفت لو بالساعات حلو,, كنت خليتهم هناك لمدة نص ساعه او ساعه على ما اتسوق لما اكون لحالي كنت اتسوق للعيد لحالي مع الأثنين.. و الله لا يوريكي ايش صار,, البنت كانت راح تضيع مني الحمدلله الله ستر و لقيتها,, توبه اخذهم على السوق لحالي,, اول مره و اخر مره اشكرك عزيزتي |
اقتباس:
مافي حضانه بالساعات هنا اشكرك عزيزتي |
اقتباس:
فكرتك جيده و لكن صعبه بحكم عمل زوجي و دوامه المتأخر هو دوامه يخلص الساعه 12 بالليل و على ما يجي البيت بحدود الساعه وحده بالليل على ما يتعشى و يتحمم و يتفرج على الأخبار ينام مابين 2-3 بالليل و انا انام الساعه 10 بالليل لأني اقوم للعيال الساعه 6 او 7 الصباح بس بأيام الأجازه نروح السرير بدري و نضل نتكلم و نتكلم ساعتين او ثلاث و أحيانا بس نسهر على فلم و كده الين 12 بالليل اشكرك على المشاركه |
اقتباس:
الحمدلله عيالي من ناحية النوم مش متعبين يناموا الساعه 7 بالليل,, حتى الصغير ابو 8 اشهر ينام 7 و وقفت عنه قومة الليل فيناموا 11 او 12 ساعه متواصله,, طبعا غير غفوة الظهر...و انا انام 10 بالليل انام 8 ساعات متواصله و اقوم و انا كلي نشاط و شبعانه نوم الحمدلله ارتحت من ناحية النوم.. اشكرك عزيزتي |
اقتباس:
الحمدلله دائما اشكرك ربي على نعمه التي لا تحصى علي اشكرك عزيزتي |
اقتباس:
ياريت لو اعطيتينا افكار كيف نستغل وقتنا لمصلحتنا اشكرك على المشاركه |
اقتباس:
الحمدلله على نعمه زمان كنت اشتكي من الوحده و تعب العيال,, و بعدين تفاهمت مع زوجي و وصلنا لحل يرضي الطرفين الحين الحمدلله صار عندي نشاطات و صديقات و طلعات و عيالي معاي او مع ابوهم بس الحين اشتكي من عدم وجود وقت كافي لنا انا و زوجي صدق والله انه الأنسان ما يعجبه شي اشكرك عزيزتي على المشاركه |
اقتباس:
امين يا رب اشكرك اخي على المشاركه |
اردت ان افيدك ولكني وجدتني استفيد منك فهذا ما ابحث عنه ان يكون للزوجه نشاطات وانشغالات تقضي بها وقتها ولو كان لك مع زوجك الكثير من الاوقات منفردين لاصابكم الملل
فالاطفال يكسرون روتين الحياه ولكن انتهزي لحظات الانفراد بينك وبين زوجك في تجديد الحب والاشواق ولو اتيحت لكما فرصه لاجازه يومين سيكون ممتعا وستجددوا حياتكم في اي مكان او فندق حتي لو معكم اطفالكم |
انتي باي بلد ساكنه؟
اعرف انك بغربه بس وين؟ حطي فكرة البيبي ستر في بالك المشكله ماني عارفه باي بلد انتم عشان اعرف النظام كيف ماشي عموما لو كنتي باوروبا او امريكا او استراليا فيه نظام البيبي سيتر كل الاجانب ما شيين عليه بالبدايه جيبيها او جربي كذا وحده يفضل يكون من بنات الحي اللي ساكنين فيه مثلا قوليلها اقعدي 3 ساعات مع ابنائي اعطيكي بالساعه المبلغ الفلاني ... ولما تمسكيها عيالك خليكي قريبه من البيت يعني مثلا عند جارتك او بحديقة بيتكم يصير تطلي عليها من دون ما تحس ..ولما تثقي فيها خلاص مسكيها الاولاد ساعتين ثلاثه مرتين 3 بالشهر وروحو انتو وزوجك على عشاء او غداء رومانسي او اي نشاط حابين تعملوه مع بعض.. يفضل تكونو على اتصال بالهاتف الجوال معاها خلال تواجدها مع الاطفال ... اغلب الاجانب كذا بيعملو ولا الدنيا ما تمشي عندهم.. |
اسفه والله ما لاحظت ان احد رد اعذروني |
اقتباس:
صحيح عزيزتي انه بدأت لدي نشاطات عكس سابقا كنت اعاني من الوحده و اكتئاب الغربه زوجي فرحلي و مساعدني على قد ما يقدر اني اسوي نشاطاتي على ما هو يمسك العيال بس والله مهما كان اشتاق لزوجي بالرغم انه معي يوميا يعني اوقاتنا الخاصه الرومانسيه لوحدنا بدون العيال قلت :30: فبدأ الروتين و الملل اشكرك عزيزتي |
اقتباس:
ايه عزيزتي انا عايشه بأروبا من فتره طويله و صحيح في baby sitter و الأجانب كلهم يستخدموا الخدمه هذه يبغالهم شوية فلوس لأنه كل ما كان الأطفال اصغر كل ما كان المبلغ مرتفع على اساس انه مثلا يودوهم الحمام اكرمكم الله و يأكلوهم و كده فياخذوا مبلغ اكثر على الخدمات هذه و كمان و الله زوجي و اعرفه ما راح يوافق اذا صديقتي مو راضي فكيف بناس كفار اغراب فكرتك كانت اول شي خطر ببالي قبل ما اطرح الموضوع هنا و درستها من كل الجوانب و و اقتنعت انها ما تنفعنا اشكرك عزيزتي |
| الساعة الآن 10:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©