ضابط بالعسكرية يريد الزواج من اجنبية معها الجنسية السعودية
 

السلام عليكم ورحمة الله وبركاته

وضحت لكم كل شيئ بالعنوان يا أخوآن .. وأتمنى تفيدوني

علما بأن النظام لايسمح لرجال الامن بالزواج من اجنبيات .. هل اذا كانت معها الجنسية السعودية

يسمح للعسكري بالزواج منها

جنسيتها الحالية سعودية ..

وأتمنى مآتتدخل ببآقي الأمور أخوي

وليش تبي تزوج اجنبية ؟

طيب يا أختي عندها بطاقة احوآل سعودية

وابنائها سعوديين

اخوي انا مرة سمعت مجرد سماع من الاهل انة ممكن ولكن يكون حصولها عالجنسية من الوالد والجد
يعني جدها وابوها سعودين وهي تحصلت عليها منههم
والله يوفقك يارب ..
احساس

لا يا......
هي تحصلت على الجنسية من زوجها السابق

وهي مطلقة الان

بكل تأكيد اذا معها الجنسية السعودية راح تكون مثلها مثل اي سعودية وبامكانك الزواج منها

أكيد مادام معها الجنسية .. ادخل موقع وزارة الدخلية أو الأمارة تجد كل الشروط

طيب تقدر تقول من اي بلد تبغاها ونساعدك اكثر ؟
ونعلمك اذا هو متوفر او قليل؟

والله يا اخوي
ماعندي معلومه
بس انصحك اسئل لمعك في العمل
وتاكد اكثر
الله يوفقك ويسعدك وياها

السلام عليكم ورحمه الله وبركاته ياخي الكريم ترى يسمح لها بالزواج لانها اصبحت سعوديه والله يوفقك ويسدد خطاك

غريب طلبك { أجنية متسعوده } ؟؟؟؟!!!!!!!!


أكيد لك شروط وموصفات معينه ؟؟؟!!!!!!!!!!!!


بس أهم شيء كم لي وان شاء أدور لك العروسه الي تتمناها !!!!!!!!!!!! هععع

اكيد مثلها مثل اي سعودية مبروك الله يوفقكم

اخي ليست اجنبيه اذا معها جنسيه سعوديه بل هي سعوديه وبتوفيق لكم ان شاء الله

لالا مايقبلون العسكري لازم زوجته سعودية اباً عن جد وامها لازم تكون سعودية بعد انا متأكدة من هذي المعلومة الا لو عندك واسطة قوية اكيد الموضوع راح يمشي... قريبتي سعودية هي واهلها بالتجنس واوراقها تعلقت في الداخلية اكثر من 4سنوات مع انه عسكري في الجوازات...

اخوي وش فايدة الجنسيه اذا المواطن راح يعامل معاملة اجنبي !!! مادام معها جنسيه سعوديه فخلاص موضوعك انتهى هي مواطنه تقدر تتزوجها اليوم قبل بكرا

بالتوفيق

ملاحظة/ من الادب العام ان يكون الجواب على قد السؤال !! يعني اللقافه شينه ان شاء الله يتزوج من القطب الشمالي :d

ما بال أقوام لا يحترمون رغبة السائل الفاضل ويصرون على الدخول في الأمور الشخصية ؟ سؤال أخي الفاضل واضح ، ولا داعي للدخول في الأمور الشخصية خاصة إذا كان الدخول فيها بطريق غير مهذب .

بالنسبة لسؤالك أخي الكريم ، فأبشرك أمورك سهلة بإذن الله ؛ فالنظام الذي أصدر القيود ومنع الزواج من الأجانب إلا بالشروط لا يشمل زوجتك ؛ لأنها سعودية .. والنظام إذا نص على اشتراط الجنسية السعودية في أي أمر فإنه يشمل المتجنسين والسعوديين بالأصل ، وإذا كان يشترط الأصل فإنه ينص على ذلك ، والحمدلله النظام ما نص على اشتراط كونها سعودية أصل ، وأنا أعرف حالات كثير وقعت أعرفها شخصيا تزوج فيها سعوديون بالأصل من سعوديات بالتجنس بدون قيود ، فعقدك يكون عند المأذون مباشرة بدون ما تضطر للموافقة .

وفي الرابط التالي النظام كاملا بكل وضوح بإمكانك قراءته والاستفادة منه :
http://www.mathoun.com/anthmat-zoag.htm

أسأل الله أن ييسر لك أمور زواجك ويرزقك الذرية الصالحة ويسعدك في الدارين .