|
مسج من عمة أطفالي تسبني
مسج من عمة أطفال تسبني
إخواني ..خواتي سلام عليكم في البداية أرسلت لي عمتهم مسج هل جاهزين البنات ..؟؟ طبعا ما رديت عليها لأن رصيدي منتهي فذهبت واشتريت رصيد وعبيته علشان آعتذر لها وبنتي كانت متضايقة ما تبي تروح لهم فقلت لها : ابنتي ما تبي تروح لأنها تعبانة فطولت ألسانها علي فاستغربت منها فقلت لها : وش هذا القلة الأدب يا اختي ( كنت هادئة وباحترام ) ما اتوقع منج تقولين هالكلام واغلقت الجوال ( والله العظيم قلبي لا يحمل الحقد أو الكراهية ) فأرسلت لي مسج تسبني وتقول : يا الحقيرة يا الفاجرة أنتي القليلة الأدب أنتي ضيعتي عيالنا يا الخايسة يا بنت الكلب ووالله يا اخواتي الحبيبات لم أرد عليها الله يسامحها وبعدين وصل عمهم ليأخذهم لكن البنات يصيحون وما يريدون وطلب من اخي اخذ جوالي ليرى مسج أخته فمسحها وأنا كنت محتفظة بالمسج لأذهب به بالشرطة لا حول ولا قوة إلا بالله |
لاحول ولاقوة الا بالله
زين انج مارحتي للشرطة..مهما صار بتظل هي عمة عيالج صلة رحم اختي تأكدي ان ربي سبحانه بياخذ حقج منها عاجلا ام اجلا..وكلي امورج له هو فقط واحرصي ان عيالج مايعرفون اللي صار من عمتهم..واطلبي العون من الله في تربيتهم التربية الصالحة ويبارك لج فيهم |
أختي
لا تردي عليها أبدا ، و قلة أدبها يرجع لها هي ، لإنه الكلام اللي قالته ما يجي إلا من انسانة مستواها دنيئ فلا تنزلي مستواك لمستواها قولي الحمد لله إنه ربي أنعم علي بأخلاق أفضل من أخلاقها و أكتمي غيظك و خليك أحسن منها لازم تحزني عليها و من نفسها على نفسها |
من صفات عباد الرحمن (وإذا خاطبهم الجاهلون قالوا سلاماً)
ولقد أمر على السفيه يسبني ... فمشيت ثمت قلت لا يعنيني وقال بعضهم: إذا نطق السفيه فلا تجبه .... فخير من إجابته السكوت |
اختي ماعليك من كلامها ولاتغلطين وتودينها للشرطه تراها بتحقد على بناتك وتنتقم منهم او تحرض ابوهم عليهم ومو من صالحك هالشي وحلو اللي سواه اخوها لانه عارف اخته وخايف تصير مشاكل انهى الموضوع واكيد انه أدبها ولاتردين عليها عشان ماتكبر السالفه وتراها رساله امسحيها وانتهى الموضوع واذا ضايقك هالشي خليها تمسح رقمك من جوالها ولاتنسين تقابلين السيئه بالحسنه ابتغاء للاجر-
|
.. اختي .. لا تردي عليها أبد , حتى لا يكبر الموضوع اكثر ,,
.. لانها بالاول والاخير عمة اطفالك , ولها الاحترام , وانتي ماشاء الله , عاقلة وفاهمه .. ..والمرة الجاية , خلي التفاهم على الزيارة مع أبوهم أفضل , واذا بنتك رافضة تروح , عطيهم خبر قبل بساعه على الاقل , .. وأتصلي وسلمي , وقولي لهم ( البنت مادري أشفيها تعبانه , ومريضه .. وراح نأجل الزياره لمن تصير أحسن ) .. .. ولازم تجلسي مع بنتك , وتتفاهمي معها , وتحببيها باهل ابوها , ولااازم تفهمي منها ( ليش ما تبي تروح ) .. اكيد في سبب كبير يخليها ما تحب تروح , يمكن احد يضايقها ؟ فالافضل انك تاخذيها بحضنك وتفهمي منها السبب .. .. لكن اذا السبب دلع بنات , فلازم تفهميها انها لازم تزور ابوها , وكفايه دلع .. .. واذا ما تقدري تتفاهمي مع الاب , ياريت يكون تفاهمك مع عمة اخرى , غير الا تعدت عليك بالكلام .. ..ومو من مصلحة اطفالك , انك تعادي عمتهم , لانها ممكن تضايقهم وقت زيارتهم لهم .. |
اقتباس:
جزاك الله خيرا انا ساكتة عنها .. واعيالي يعرفون انها سبتني ومع هذا انا انصحهم بزيارتهم مهما كان |
اقتباس:
ما رديت عليها .. والحمدلله على كل حال جزاكم الله خيرا |
اقتباس:
جزاكم الله خيرا على النصيحة القيمة |
اقتباس:
مرحبا بالحبيبة .. نعم .. انا ما علي منها جزاج الله خير .. |
اقتباس:
جزاج الله خير نصيحة جميلة تسلمين الغالية |
شوفي اختي الكريمة انتي اكبر من ان توتري الاوضاع وهي حست بغلتها وارسلت
اخيها علشان يمسح المسج ودائما اختي لا تحاسبي الناس في رب عادل يأخذ بحقك ودعي الخلق للخالق ودائما نامي مظلومة ولا تنامي ظالمة والله يوفقك دوم |
اقتباس:
الله اكبر ما اجمل كلماتكم جزاكم الله خيرا وتقبل الله طاعتكم يا رب |
مع احترامي لك هذه الانسانه مافيها خير يعني اسحبي عليها سيفون ولاتعبريها وتتعبين نفسك معاها |
مجنووووووووووووووووووووووووووونه مش متربية وربنا يستر اذا تزوجت من الي بيتخنبق معاها
دام دي اخت طلقيك معناه انه كان وحش مثل اخته ربنا يعينك عليهم وعلى تربيتهم كلنا بنعرف نسب ونشتم هو السب بطولة ؟ |
اقتباس:
جزاكم الله خيرا انا ما علي منها والله يسامحها |
اقتباس:
الله اكبر لقد قلت عن طليقي نعم انه متوحش .. والله الشاهد اني ما عاملته إلا بحسن الخلق ولو جبت لكم سيرته لتتعجبوا بالفعل الله يسامحه |
تربية وحده بحضيرة وحوش
انتو ليه ما سالتو عنهن قبل الزواج ؟ وايش سيرتو كان بيعمل ايش ؟ الطبيبات للطيبين والمتوحشات للمتوحشين |
انا اعتقد انها انقهرت لما اتاخرت عليها في الرد وكان انه ما بيروحون
وقالت اكيد هاذي ما تبي عيالها ايون عندنا ما ادري ليش احس انه في شي متراكم اكيد غلط اللي سوته يعني عيب صراحة شو الي خربتي عيالنا ومن الناحيه الثانيه انتي اهنتيها لما قلتليها وش قلة الادب يعني بعد هاذي الكلمه فيها قسوة رأي من راي الاخ اللي قال اسحبي عليها السيفون واتركيها في حالها ولا تمنعين عيالك يروحن هناك لان احس انها تحبهم والدليل من كلامها |
اقرب محل جوال يرجع لك المسج وتقدري تادبيها هي واخوها
كلمة فاجرة يعني قذف لك |
اقتباس:
قصتي طويلة وزوجة اخي هي التي تخلصت مني بالزواج فالحمدلله على كل حال هذا قدري وانا راضية بقضاء الله وقدره تسلمين الغالية |
اقتباس:
انا دائما اكلمها بلطف وبهدوء انا لم أهنها بل هي صارخت علي في البداية فقلت لها ليش تصرخين وش هذا القلة الادب ..؟؟ لم اقل لها انتي قليلة الأدب حاشا لله وشكرا على مرورج يا الحبيبة |
اقتباس:
جزاكم الله خيرا خلاص سنكون أفضل منها ولكن سانتبه للمرة الجاية |
للشرطة مرة وحدة ؟؟؟
عذرا اختي الكريمة لكن انتي ما قصرتي ، و قلت لها اقتباس:
على كل حال واضح انها امرأة ما عندها ذوق و ادب لكن المفروض انتِ ما تكبري المشكلة و تقولي (قلة أدب ) و تسكري الخط بوجهها .... ! الله يعينك على التعامل معها و يعينك على تربية أطفالك أمر مو سهل لكن عليك بالتحلّم خليكي صابرة و حكيمة و حليمة الله يهديها اتركيها بحالها و لا تكبري المشكلة |
الله يجبر بخاطرك يارب
لا توصلينها للشرطه لانها عمة بناتك تحسبي عليها |
احتسبي الاجر وحاولي ماتتكلمي معها او تجتمعي فيها
الله يعينك ويسعدك |
آمين جزاج الله خير يا الحبيبة مشكورة على الدعاء الطيب |
اقتباس:
إن شاء الله جزاج الله خير يا الغالية ويسعدج في الدنيا والآخرة تسلمين |
اهم ما عليك عيالك00
فالأطفال00 ضروري يتعاملوا بلطف 00 وأن نحاول دائما تنبيههم للمخاطر من حولهم 00 وكوني صديقتهم00 ومن يرجعون من اهلهم 00خليهم يكلمونك عن كل ما يحدث لهم هناك 00وحاول توجيههم وتعليمهم وتحذيرهم00 الله يحفظهم لك00 اما من ناحية عمتهم00 فالله يهديها00 ويحنن قلبها عليهم لا تكبري السالفه00 واجعل علاقتك بها جدا حذره00 وعساك تسلمين وعيالك |
خيرا فعلت ...
|
| الساعة الآن 01:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©