كيف أعبر لزوجي عن حاجتي
 

السلااام عليكم
أتمنى الجميع بخير ...
امم بدخل في الموضوع عل طول لأن أول مرة اتجرأ اكتب في المنتديات عن أمور من هالنووع
انا متزوجة صار لي 4 سنوات وعندي ولد عمره سنتين ...علاقتي مع زوجي كثير طيبة ومتفاهمين ولله الحمد ...
بالنسبة للعلاقة الحميمية يشهد زوجي إنه مرتاح جداً وكل مرة يعبر لي عن ارتياحه معي ...بس في الأونة الاخيرة قل معدل الممارسة إلى يومين فقط في الاسبوع إلا هو في اجازة نهاية الاسبوع بعد ماكان 3-4 مرات اسبوعيا ...وخاصة بعد ارتباطي بالعمل الفترة المسائية ويكون ولدي مع زوجي فلما ارجع البيت الساعة 9 يكون زوجي تعبان وبس يسلمني ولدي وبعدها يتعشى ويرقد لدوام اليوم التالي

فالي ابي اقوله اني احس هاليومين مايكفوني شلون اعبر لزوجي عن هاي الشي ...وهل عادي الزوجة تطلب ذا الشي من زوجها وشلون الطريقة لأن تعودت ان هو الا يبدأ وبصراحة اخاف اضغط عليه لما اطلب منه وهو يكون تعبان وعليه دوام يوم ثاني

وعليكم السلام ورحمة الله
حبيبتي صعب تطلبينه لانه يومكم مضغوط مررة
ويومين حلو لانه يكون بوقت فراغكم
فإذا أنت حابة أكثر شوفي لك حاضنة لولدك في غيابك حتى يكون زوجك مستعد للمعاشرة
وأنت تعرفين الاطفال أصلحهم الله يهدون الحيل فإذا طلبتيه من وجهة نظري بتكونين أنانينة يتعب وتعبينه زيادة
الا إذا ممكن يكون قبل أوقات الدوام في النهار مثلا وعبري له عن هذا الشئ ولا تستحين من طلب حقك لكن تقديرظروف الطرف الآخر واجبة علينا
وفقكم الله

انا ارى انو شي طبيعي جدا تطلبي من زوجك حتى لو بطريقة غير مباشرة

لو عندك حدا من اهلك او اهله ممكن تخلي ابنك عندهم عشان يرتاح زوجك شوي
وانا احس مافيها شي تطلبي من زوجك بس لما مايكون تعبان وكمان بطريقة غير مباشرة

شكراً لكم أخواتي والله أفدتووني ربي يجازيكم كل خييير
يمكن الحين اتجرأ وأطلبه لما عرفت انه شي عادي أو بالأحرى انا ادري انه شي عادي بس مو عارفة شلون أبادر وبصراحة اتذكر انه اوقات يفهمني بسرعة يعني ماجربت ابين له بشكل صريح ابد بس هالفترة على ماانيم ولدي مااروح الا هو مستغرق في النوم فأعذره وماأحب اضغط عليييه

اطلبي منه بدون مقدمات هذا حقك الطبيعي ياحبيبتي

بصراحه انا اخالف اللي قالو اطلبي ؟
عمري ماقد طلبت زوجي بصريح العباره
الرجل مايحب المرأه تقول بصريح العباره ابي حقي لانه بيحسه واجب عليه اول مايصحى الصباح قبل العمل صحيه بفتره كافيه لعلاقتكم قولي له وحشتني واثيريه افضل وقت يستجيب لانه كان نايم ومرتاح وانتي بيني له بحركات انك مشتاقه لك مو اعطني الحين عشان اذا ردك مايطيح وجهك

تزيني وبالغي في التزين

البسي ملابس فاتنة

البسي قمصان مغرية

الكلام الجميل

العطور

اسبقية لغرفة النوم وخلك كالعروس

عزيزتي .. محدثتك لها تجارب فاسمعي مني ..

الكلام الي مايُختلف فيه ..

أن الرجال يختلفون في هذا ( الجانب طلب العلاقة الحميمة من الزوج )

منهم من تعجبه ومنهم من لا يتقبلها >> وإنت وفهمك لزوجك ( هذه نقطة مهمة )

وحتى الذين يتقبلونها بالتأكيد ليس لدرجة أنك تكونين المبادرة دائما وإنما بعض الأحيان الأقل ..

وأحذرك فيه نوع من الرجال ( الي ما يحبون المرأة تطلب منهم ) >>> إذا طلبت منهم تخف شهوتهم مع الوقت لشعوره أن زوجته أقوى منه جنسيا !!

والمتفق عليه أيضا أنك حتى لو بادرت بالطلب حتما لا زم يكون صاحي مو مستغرق بالنوم مثل ما ذكرت >> حاولي تنومين الولد مبكر عشان تلحقين عليه ... ما يصلح تقومينه من النوم عشان العلاقة ..

وإذا كان زوجك من الفئة الأولى ( الي يعجبه أن المرأة تطلب العلاقة ) فممكن تطلبين منه عن طريق اللمس وغيره كما تعرفين >> بلطف و براءة لين يفهمها ..

والله ينولك الي في بالك ..

أنا عندي لك فكره وياليت كل وحده تبغى حقها من زوجها تطبقها وتراها مجربه لوشفتيه نايم ومستغرق في النوم أول شئ ولعي الضوء كله في البيت وثاني شئ شيلي جوالك ودقي علاجواله وخليك مواصله دق علاجواله وشغلي المكنسه الكهربائيه في غرفة النوم وخذي عصا وطقي الباب بقوه و واصلي دق علا جواله حتى يصحى وبشري نفسك بليله رومنسيه من أجمل اليالي في حياتك هههههههههه طريقه ولاأروع
لا لا لا لا لا تسوينها أمزح معك بس أنا عندي لك حل بسيط وطريقه تاخذي حقك منه بطريقه حلوه وتسعده ومجربه حتى بدون ماتطلبيه شئ سوي له مساج حتى لوكان علا وشك نوم دلكيه وشويه شويه دلكيه مع لمسات حركات بوسات
تجيب نتائج مذهله وخلي لك جدول للمساج مثلا في الإسبوع يومين في غير الإجازه مثلا الأحد والثلاثاء ومو ضروري باليل سوي له مساج بأي وقت خلي الزيت دافي علشان يلسع ظهره ويصحصح ماينام وركزي في التدليك علا الأماكن اللي تحرك المشاعروخليها آخر مرحله لك في التدليك هذا الحل إللي عندي أنتي إستخدمي طريقة المساج وإنتبهى ما تدلكينه حتى ينام بكذا ما أستفدتي شئ لوشفتيه إبتدأ يغفي بينام دلكي جسمه بشده وكأنك تقرصينه مو ذاك القرص يعني إمسكي الجلد بالذات الظهر بيدك وشدي عليه شوي وسولفي عليه وحبه حبه حتى توصل للي تحبه
وسلامتك يالغاليه أتمنا إني أفدتك وأعطيتك حل ويارب يزبط معاك لوشفتيه مازبط مالك إلا ا لحل الأول أنت والأخوات إللي مستحين آخر شئ
الله يسعدك في حياتك ويسعد كل زوجه بهذا المنتدى في حياتها يارب ياكريم .

احسها بدون طلب انتي قربي له ودوخيه بالعطورات والحركات

حبيبتي انتي ادرى بنوعية زوجج هل هو من النوع اللي لا طلبتي منه صراحة يتقبل والا لا
لان في نوعية لا طلبت الزوجة يتضايق يحب يكون اهو المبادر
بس انتي كوني ذكية واخذي حقج بدون طلب... بالحركات والذي منوووووو..
ربي يوفقج للخير...

انتي جربي تتقربي منه بدون طلب ..!

وصدقيني هو بيستانس اكثر منك .. انتو مشكلتكم ان مافيه وقت تقضوه مع بعض
وطبعاً اذا وراه دوام من الصبح ماراح ينتظرك الين ينام ولدك .. ومامعاه فرصة الا العطله الاسبوعيه
لانه بيسهر وبينام اليوم الثاني على راحته ..
وصدقيني هو لو يلاقي وقت بتلاقية لازق فيك مثل ايام الزواج الاولى واكثر ..

يمكن يكون بيتعب اكتر من مرتين بالاسبوع او يمكن يكون عبيجهد حالوا بالشغل انصحك ان تساليه عن السبب اولا ومن ثم تطلبين .

لاتعليق جبتيها ع الجررررح خيتووو لما حاولت اطلبه مره صرت انتظره مره ثانيه وطلبته المره الثانيه لكن حسيت انه فعلا بدأ ينتظرها مني ... ويقول لي انتبهي للصغار انا عاذرك ابيك تهتمين فيهم انا اقدر اصبر ...اه تعبت من هالموضوع وماعاد اطلبه خلاص ..

الله يكون بعوننا حبيبتي

ارسلي رسالة حلوة ع العشاء
واكتبي تحت مشتاقة لك حيييل
وانتي خليك متكشخه بالدوام عشان تستقبليه وبكري شوي في الجيه
وربي يوفقكــم..

وأنا اقرا.. طلعت عيوني:eek:

وكل ما أوصل لنقطة الجوال أرجع اعيد من اول ابي استوعب اللي تقولينه..

أبي أحس بشي ممكن يدفعه ويفهم .. ما لقيت..

قلت وش جاها بنت الحكمي منجدها ولا تتطنز؟!!:25:

بعدييييييييييين فهمت اني ماأفهم الغشمره:d.

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ


بالنسبة لصاحبة الموضوع..

ممكن تتدلعين على زوجك .. وتقولين له..بصراحة أنا شكلي راح أقدم أستقالتي:25:

إذا قال لك:ليش؟

قولي له: ياخي بديت احس بغلاك.. وصرت أفقدك واشتاق لك..
وراح أضحي بوظيفتي كرمال ما أفقدك.. خاصة الـ (.................):25:

شوف لي حل .. يا أستقيل ..ولا شوف لي دبرة.. وأرضى بـ3 مرات.. عادا نتي تنازلي عن الرابعة..:23:

الله يوفقك إذا كان زوجك شهواني بادريه

اسهل طريقه الاغراء

حبيبتي انتي وشطارتك دلعي نفسك البسي لبس مغري واتعطري واتكشخي وروحي له صدقيني ما تلاقينه الا وهو ذايب فيك وراح يطير النوم من عينه وابكذا تكوني كسبتيه.