زيت دابر أملا
 

مساء الخير ..

بنات من جربت زيت دابر املا الاخضر ،،

من فتره رحت للمشغل قصيت شعري والكوافيره الله يهديه خربت علي القصه وقصته اقصر مما طلبت:( وضاق صدري ورحت اشري من الحبوب والزيوت المهم وحده نصحتني في هالزيت وتقول حيل يطول الشعر تحمست اجربه وقريت عنه تجارب بالانترنت وتحمست ازود وازود عشان كذا بغيت افيدكم واذا احد بييدا معي ونشووف النتيجه عن نفسي بابدا فيه من يوم السبت 3 ساعات يوميا لمدة 10 ايام ثم نبدا نحطه كل يومين الزيت سعره حيل رخيص العلبه الصغيره ب5 ريال والكبيره يمكن تطلع ب9 او 10 ،،

بالتوفيق للجميع .

أنا جربته يطول ويكثر

بس مشكلته يغمق الشششششعر ؟؟؟






0

صراحة انا اسمع عنو بس ماجربتو بس والله تحمست
بجيبيه وبجربه ومارح اخسر شي

انا جربته
مره حلو

يطوول

انا جربته وساقط شعري بالاضافة لرائحته القوية بس خواتي ناسبهم جداً وفيه زيت مرة نصحني به واحد هندي بسوق حقهم كنت استعمله ثلاث مرات اسبوعياًاسمه رام تريتا وكنت اجربه قبال زواج اختي مع خلطة البيض والزبادي والعسل وزيت سمسم وزيت اكليل الجبل ملعقة من كل واحد وفعلاً مضى تقريباً 3شهور وطال لتحت اكتافي استعملت 3قوارير الحجم الوسط... يومين خلطة البيض و3ايام الزيت رام تريتا وانوي تجربة زيت قرات في بنات بداية بنات يمدحونه اسمه زيت ارت بالفيتامينات..

بنات الي اعرفه ان زيت دابر أملا ريحتة قوية
\
استخدمته مرة وتوبة :d
اتوقع لون الكرتون اصفر الله اعلم


الله يعين الجميع

الصراحه انا شخصيا جربته الزيييييت رووووووووووووووووووووعه بس داومي عليه بس اذا تركتيه راح يطيح شعرج وريحة قوووويه زوجي مايحبهااا فتركته وطاح شعري تقبلي مروري

انتظار انا سمعت نفس الحكي و خلك معنا وان شاء الله بتلقين نتائج حلوه وبتدعين لنا :) والله يسعدك ويوفقك يارب .

رسيل يالغلا مع احترامي انا شعري نوعه دهني واستخدم الزيوت وبالعكس مناسبه لي وماشيه معي خاصه بعد الحناء تعطي الشعر لمعان وملمس حلوو وممكن تكثر بعد بس بالمداومه عليه ،،

لمني يسلموو على المعلومات وان شاء الله بنجربه ونشوف نتائج حيل حلوه ++ متفائلهـ حيل :) ،،

دمتم بحفظ المولى .

:) رسيل جربي الحناء جداً يخفف من الدهون اللي تطلع من الشعر ..

وبعد الصبغه من تجربة بنت اختي تخفف من الزيوت اللي يصدرها الشعر .

لم أستخدم دابر أملا شخصيا لكن زوجة أخي استخدمته وكانت له نتائج رائعة جدا كثف وطول

شعرها ماشاء الله , لكن في يوم من الأيام ذهبت للكوافير وذكرت لي إحدى العاملات هناك عن

زيت يكثف ويطول الشعر ألا وهو زيت عافيه تفاجأت وضحكت وقلت معقوله !!!!!! :25: قالت لي

إستخدميه ولا تستعجل النتيجة ؟؟؟؟

ماأدري ياأخوات هل كلامها صحيح أم غير ذلك ؟ لأني ماحاولت أستخدمه إلا فترة بسيطة وطفشت


عذراٌ أختي صاحبة الموضوع . . دخلت بموضوعك عرض الله يطول شعري وشعرك . . :d

.. أحسنتي ورحم الله والدينك على التوضيح .. بس أحنا في البحرين صعب نلاقي ( الحنه اليمنيه ) ..

.. لكني بجرب الكثيرا .. وهالاسبوع ان شاء الله بحاول أشتريها ..

بديت استعمله من امس ورح صير احطه كل يوم 3 ساعات وان شاء الله نشوف النتايج

ما رأيكم في كريم دابر أملا ،،

ما الفرق بين الزيت و الكريم؟

الجميع حياكم الله ،،

عن نفسي مااستخدمت الزيت الا مرتين الصراحه ريحته قويه:23: تروشت في اليوم 4 مرات والريحه ماسكه في الشعر اللي تعرف شي يوخر ريحته تدلنا الله يجزاه خير ،،،

رسيل ،، لمني بشوق حبيباتي الموضوع للجميع بالعكس اسعدتني مشاركاتكم والعذر من الجميع لان ماعندي دي سي ال ومااتوقع باركب حالياً والحين شابكه على شبكة جيرانا بس من متى لمتى تنفتح :24:

دمتم بخير :)

صدق يا لمنى بشوق وأنا فرحانه بالكريم أشتريته من الصيدلية وأفتكرت كلامكم عنه على بالي أنه يعطي نفس نتيجة الزيت

لأني ما أطيق الزيوت وجالسة أمدح في نفسي وأقول الله علي وعلى أفكاري شكلهم مايدرون عن الكريم

ولا كان تركوا الزيت وكنت جاية ببشركم عشان اللي مايحبوا الزيت مثلي

خساراة طلع يرطب فقط ):

يعني الزيت ورانا ورانا


مشكورة يالمني على المعلومة (:

بالتوفيق والله يجعل شعوركم طويلة وكثيرة على طول

حلو بصراحه
ناسب بنت خالتي وبديت استخدمه
إن شاء الله يفيدك

أختي المتفائله أنا كنت أستخدمه أنا وأخواتي ثنتين وأنا وواحده من أخواتي تركناه ورحنا نخبص ونخلط ومابقينا شئ إلا جبناه وحطيناه في شعورنا حتى شجرة الصبار أرسلنا أخوي منطقه جبليه جابه لنا وحطيناه طازج ومباشرمن الشجره إلى شعورنا مباشره ومانفع معانا تساقط بشكل كثيب وتقصف أحنا تركناه قلنا بنجرب غيره نبغى شئ حنا نخترعه عزالله دمرنا شعرنا أنا وأختي إللي معي ورجعنا لزيت دابر أملا الأخضر لاكن بعد إيش خلاص شعرنا أنتهى وأختي ماشاء الله تبارك الله إللي إستمرت ماغيرته والله إنها يوم تنثر شعرها إنها تجلس عليه صار شعرها طويل وأسود وكثيب ماشاء الله تنارك الله ولحد الآن مستمره عليه ماغيرته ولاعمرها أشتكت من تساقط أو تقصف
وكل ما أروح الديره زياره أحصلها ماتغير شئ في شعرها وأنا وأختي إللي معي
أهل الإختراعات رحنا فيها بس الحمدالله أنا الحين أستخدمه وأستخدم كريم دابر أملا وصار فيه تحسن وكمان بنتي عمرها أربع سنوات حصل معاها تقصف وتساقط في شعرهاوأستعملته لها بصراحه والله إنه وقف التساقط والتقصف خلال أسبوع والحمدالله شعرها اليوم حلو وصرت أستخدمه لي ولبنتي وزيت دابر أملا الأخضر علبته خضراء صراحه ماعليه كلام أستخدميه والله يبارك لك في شعرك ويكثره إن شاء الله أنت والأخوات وكمان الثوم لما تنقي الفصوص وتطحنيها وتحطين معها قارورة ماء أبو ريال وتخلطينه في القاروره وتخلينه لمدة يومين بالثلاجه وبعدها تصفينه زين وترمين قشور الطحين وتاخذين الماء إللي صفيتيه وتحطينه في قارورة الماء وتحطين منه في شعرك باليل وتغطين شعرك تكتمينه
بكيس بلاستيك طبعا من اليل حتى الصباح وتغسلينه وباقي الماء خليه في الثلاجه وأعملي هاذي الطريقه في أي وقت تبغينها بس إللي متزوجه الله الله لاتقرب سرير النوم والرجل فيه هههههه
هاذي طريقه توقف التساقط وتنبت الشعربسرعه أتمنا أكون أفدتكم وأنا صراحه أول مره أدخل هاذا القسم وشكلي بصير ضيفه عندكم من اليوم ورايح .