|
حطام فتاة تستنجد بكم
[FONT="Century Gothic"] مسى النور اعضاء منتدى عالم الاسرة والمجتمع .... انا عضوة جديدة وسجلت في المنتدى بصراحة لاني عندي مشكلة وحبيت اعرضها عليكم لان هاذي المشكلة مئرقتني كتير ..
انا فتاة جامعية من عائلة معروفة وعائلة محترمة ولله الحمد .. كنت مثل للدين والاخلاق والادب كنت اصوم كل اثنين وخمبس واصلي جميع الفروض ولااسمع الموسيقى بعدين مااعرف ايش الي صارلي .. تغيرت فجأءة وعند نزوة شيطانية تعرفت على شب لبناني عن طريق الشات وطلب ايميلي واعطيته ايميلي الي كنت مخصصته للدعوة عن طريق النت وصرني نحكي مع بعض عالمسن وحبيته كتير وتعلقت فيه لدرجة اني اعطيته رقم جوالي وصرنا نحكي عالجوال ووثقة فيه لدرجة ماتتصورونها وحسيته انه هو كمان حبني لدرجة ان كل البنات الي عنده في المسن حذفهم وصار مايدخل الشات المهم عند الحاحه انه يشوفني عن طريق الكام في البداية رفضت ومع الحاحه المستمر وانه مستحيل يأذيني وانه بيخاف عليه اكتر من نفسه فتحتله الكام بس مابينتله وجهي كنت حاطه ايدي على وجهي يعني ماشاف وجهي وبعدها سكرت الكام وحطيت عليها ستكر وخفت وندمت اني فتحتها وانا الحين كل ماتذكر اخاف كتير لاني كنت خايفة انه يكون صورني والله اني عارفه اني غبية .. ماابغى احد فيكم يئنبني لاني انا حاسه بتأنيب الضمير .. والله اني كل يوم ابكي لمل اتذكر وماني عارفه ايش الي غيرني ,, طمنوني الله يخليكم هل اذا مابنتله وجهي يقدر يصورني او فيه طريقة يقدر يشوف فيها وجهي وانا مابينته .. والله اني مقهورة من سوء تصرفي .. وحاسة اني انا احقر بنت في العالم لاني كسرت ثقة اهلي فيني .. وانا ماقدرت اقول هذا الكلام لاخواتي لانهم واثقين فيه ومستحيل يصدقون شي عليه عشان كذا ابغاكم تساعدوني وتريحوني .. [/FONT] |
الله يستر عليكي دنيا وأخره اظن أنه بعض برامج المسنجر توفر خدمه تسجيل فيديو او صور ثابته للويب الكام يعني يقدر يسوي تسجيل فيديو لك او يسوي صور ثابته لصورتك وكله من الويب الكام وطبعا يقدر يسوي تسجيل كتابي وصوتي للمحادثات اللي صارت وبعض الجوالات يقدر يسوي فيها كمان تسجيل صوتي للمكالمات يعني لو يبغى يأذيكي فهو يقدر وبعدة طرق كمان طيب هل أنتي عطيتيه معلومات صحيحيه عنك ؟؟؟ |
على فكره أنا ماني متأكده من موضوع التصوير وإن شاء الله يفيدوكي الأعضاء أكثر مني لكني أتذكر إني مره كنت مسافره عند أهلي وكنت اكلم زوجي على المسنجر وفاتحه له الويب الكام ولقيته سوى لي صور ثابته منها ووراني الصور بس كيف سواها ماأعرف !! لما يرجع من العمل بسأله واتأكد الله يستر عليكي |
اولا مشكورة اختي عفراء على الرد ..... لا انا ماعطيته ولا معلومة صحيحية عني حتى اسمي اعطيته اسم ثاني وانا لما فتحتله الكام مااخدت ربع ساعة وكنت حاطه ايدي على وجهي وهو حاول معي اني انزل ايدي عشان يشوفني مزبوط بس انا رفضت وعلى طول سكرت الكام ..
|
هو عايش معك بنفس البلد او المنطقة؟
|
ايه ياختي هو عايش بنفس البلد بس مو بنفس المنطقة
|
طيب حلوووو إنك ماعطيتيه معلومات عنك لكن ياحبيبتي ربع ساعه في الويب كام فتره كافيه عشان يلتقط صور أو يسوي تسجيل خلينا ننتظر بقية الاعضاء هنا ونشوف ردهم لأني ماأفهم كثير في الانترنت |
مشكورة اختي عفراء الله يعطيكي الف عافية .. بس انا مابنتله وجهي ولاحكيت معه مايك وكمان هوه حلفلي انه مستحيل يأذيني ومستحيل يدمر حياتي بس انا خايفة كثير .. الله يلعنك يالشيطان
|
اقتباس:
زين زين إنك ماكلمتيه مايك وبالنسبة لتغطية وجهك هذا شئ طيب أما بالنسبه إنه ماراح يأذيكي فهذا شئ مانقدر نتأكد منه لأنه ياما تلقين في اليوتيوب مثلا مقاطع فيديو لبنات على الويب الكام ينزلوها الشباب والبنات كاشفه وجيهها أو حتى مغطيه نصه وهذولي أكيد انضحك عليهم من الشباب وحلفولهم ايمان غليظه مثلك ولا ماكانوا فتحوا الويب كام ترى الشباب لئيمين وغدارين |
مشكورة اختي عفراء الله يسعدك .. اي والله الشباب غدارين وماينأمنون
|
لاحول ولاقوة الا بالله .. لله يصلح بالك .. وفعلن غرف الشات مفروض البنت ماتدخلها من الاساس سواء كداعيه او لا
لان كثير اسمع نفس قصصك فلانه تحاول تنصح ومدري ايش وفجأه تلقى شخص وتحبه واخرتها يستفزها !! انتى عموما خذلتى ربك قبل اهلك .. اقطعى علاقتك فيه نهائيا وبخصوص الصور اكيد عنده لانها بنسبة له فرصه ماراح تتكر .. غيري رقم جوالك اذا تسمعى نصيحتى كأخ لك واحذفيه وصدقنى ماراح تلقى خير دام بيكون معك لا ولبنانى بعد .. مااقول الا الله يهدى بنات المسلمين ويحفظهم |
نعم فيه طريقة تسجل المحادثة وتسحب الفديو من الايميل وهذا برنامج اكيد ومافي شك .
لكن انتي ايش الي حادك على هالانتكاسة ؟! ترا الشاب مادري عن حبك ولافكر فيك ويشوفك زي الزبالة و.....عنده لكن هذا اسلوب معسول يتبعه الشباب لكي يغرر بيك وانتي الخسران في النهاية انا ماادري البنات مايقرو الصحف كل يوم وكيف الابتزازات الي تحدث بشكل يومي ليش مايعتبرو وين تفكيرهم وعقلهم ! وانا من خلال معرفتي بالكثير من الشباب اؤكد لاي بنت تنجر ورى شاب بحجة انو يحبها (اقسم بالله مافي شاب يحب بنت تكلمه وتعرض نفسها وصورها له من ورى اهلها بل يعتبرها انسانه وسخة ودنيئه وخائنة بل هي مجرد تسليه لوقت محدد ). |
عزيزتي حطام لماذا كل هذا التشاؤم والتأنيب انت تحملين نفسك اكثر من اللازم كلنا مسلمون والحمدلله ولدينا عاداتنا وتقاليدنا والمسلمات اخواتنا ولكن نفرض انك أخطأت ألست من البشر وكل البشر خطاؤون المهم الاتكرري ذلك والله عز وجل بجلالة قدره فتح باب التوبة علما ان حالتك ليس بذلك الذنب العظيم وانك لو استمريت بهذا التأنيب فان ذلك سيؤثر على حالتك الحية كثيرا نفسيا وجسديا وانت بهذا التصور معرضة للاكتئاب وعواقبه والافضل اختي العزيزة أن تجعلي من ذلك درسا لك ولا تحملي نفسك اكثر مما تتحمليه وقراءة القران الكريم خير علاج وخير دواء لك
|
اتمنى ان تغيري لقبك للقب يدعو الى التفاؤل
|
لاااا تخافي حبيبتي, إن عملتيها مرة واحدة وندمتي ودعيتي الساتر أن يسترك وبكيتي وترجيتي فلا خوف
عليكي إن شاء الله... عليكي بدعاء من خاف قوما فعن تجربة فله مفعول عجيب... أدعوا الله العلي القدير الحنان المنان أن يسترك دنيا وأخرة وأن يستر أعراض المسلمين... آمين ياااااااارب... |
اقتباس:
آلمتيني كثير بهذا الكلام الله يسامحك لكن بقووولك شي انتي بايدك جرحتي نفسك تعرفين ان الشي اللي تسوينه غلط مااحد ضربك على يدك وقال صلحي الحاجه هذي اصاااابع يدك مو سوا انا اعرف شاب تعرف على بنت بس لاجل انه ينصحهااااااااا |
وبقولك شي مابني على باااطل فهو باااطل العلاقه الباطله باااطله مافيه شي اسمه صداقه الرسول صلى الله عليه وسلم نهى ان الرجل يصافح المرآه انا مادري كيف تجي للبنت او الشاب الجراه وانا اقول لاي بنت موجوده بالمنتدى او غير المنتدى احذري على نفسك ولا تتبعي خطوووات الشيطان وانتظري نصيبك بالحلالال وانا ماوجهت الكلام للبنت الا ان الشاب مستحيل انه يقترب من بنت ماتبيه صح راح يحاول معها بس هي لازم تحذر |
ممكن يكون مسجل الوضع ......... لكن ارجو ان يكون يخاف الله ولا يسمح له ضميره بتسجيل المقطع !!!
|
أختي اتكلي على الخالق ولا تخافي
طالما انتي مغطيه وجهك ماراح يعرفك أحد وحتى لو نزل الفيديو بالنت من بده يعرفك ياعزيزتي فقط ادعي الله ان يغفر لك وان يمحو كل مايخصك من هذا الشاب ولا تكرريها |
لكن وش الحكمه من النظر اليك هل لديه نيه للارتباط بك ام انها نزوه للفرجه ......... لا أعلم لماذا النظره !!
لا تحملي الموضوع اكثر مما يحتمل ففي أسوأ الاحتمالات لن يصلك آذى مبا شر ان شاء الله |
اقتباس:
|
ما أبغى أهون الأمر عليك لكن مو كل مره تسلم الجره
احذفي أي صله لك به عن طريق المسن وغيري رقم جوالك وانسي كل شي يتعلق بما حدث بينكم وان شاء الله مايكون بيده شئ لكن ليش تحطي شرفك وعفتك وسمعتك في يد غيرك؟ |
اقتباس:
مشكور اخي على هاذي الكلمات الجارحة لاني فعلا استحقها .. وانا عارفه انه مافيه شاب يحب فتاة تكلمه بس والله العظيم ماكنت حاسه بنفسي .. وانا من البداية كنت اراقب اختي الي اصغر مني وانصحها .. وماكنت اتوقع مجرد توقع انوا راح انتكس الانتكاسة هاذي .. |
اختي بس عندي سؤال لي فجأة خفتي منه وخفتي يأذيكي هل مثلا هو هددك ولا حسيتي انو تغير عليكي بعد مافتحتي كام؟
|
اقتباس:
واشكرك جزيل الشكر |
اقتباس:
|
[QUOTE=غفرانك يارب;2523974]
آلمتيني كثير بهذا الكلام [/QUOالله يسامحك لكن بقووولك شي انتي بايدك جرحتي نفسك تعرفين ان الشي اللي تسوينه غلط مااحد ضربك على يدك وقال صلحي الحاجه هذي اصاااابع يدك مو سوا انا اعرف شاب تعرف على بنت بس لاجل انه ينصحهااااااااا معليش اخوي انا ماقصدي كل الشباب انا قصدي بعضهم .. بعين ابن ادم خطأأ وانا عارفة انه انا اخطأت ومابنكر اني اخطأت لو ماكنت عارفة اني مخطأءة ماكنت كتبت مشكلتي بالتفصيل وكتبت انو انا كنت غبية وانو انا احقر بنت في الدنيا .. |
اقتباس:
مشكور اخي على الرد .. بس والله انو انا حسيت انه فعلا ماراح يأذيني .. بس كمان الواحد مايوثق فيهم |
اقتباس:
|
اقتباس:
مشكور اخي نمر .. وهوه كان طلبه انه بس يشوف شكلي.. رغم اني مانعت ووصفلتله شكلي وكان ملح انه يشوفني وبعد ماشافني حسيت انه متعلق فيه اكتر من قبل وحلفلي انه مستحيل يأذيني او يدمر حياتي.. |
[IMG]http://www8.0zz0.com/2010/11/27/01/296677671.png[/IMG]
هذا انا شغلت الكام وبضغطة زر ( برينت سكرين ) موجود بالكيبورد صورت كل الي موجود بالشاشه عندي ومن ضمنها صورة يدي وانا مشغل الكام ،،، وبعد ما اخذ الصوره انسخها على برنامج الرسام واقص صورة يدي (( او صورة وجهك )) واحطها بأي مكان عندي ،، سهل جداً . طبعاً انا صورت لك وقلت لك الي يقدر يسويه وبدون برنامج تسجيل ومدري اييش ،، فما بالك ببرنامج تسجيل حي للفيديو ،،، عموماً لو كان الجوال بأسمك الله يعينك لأنه شي سهل يطلع اسمك عن طريق رقم جوالك ، ولو غيرتي جوالك ، عادي يقدر يتصل بـ905 ويسألهم اذا فيه جوال بأسم فلانه ويعطونه اي رقم مسجل بأسمك ويرجع يتصل فيك ،،، بس لو كان جوالك بشريحه بدون اسم ،، انصحك غيريه فوووراً ،، لأن لو طولتي معاه بتتعلقين فيه اكثر ،، وبعد فتره بيحاول يدغدغ مشاعرك واحاسيسك الجنسيه ،، ويستدرجك للجنس عن طريق الهاتف ،، وبعدها بيطلب منك مقابله ،،، وبعدها ضياااااع . والله يستر عليك وعلى باقي بنات المسلمين . ادري كلامي خوفك ،،، بس معليش انتي محتاجة قرصة اذن شوي ،،، |
لاحول ولاقوة الابالله
اختي أسأل الله العظيم رب العرش الكريم أن يستر عليك يااااااااااااااااااارب عليك بالدعاء يالغالية ادعي ربك الستير ان يستر عليك ومثل ماقالت اختي ذكريات لاتغيب والأخ خالد الذابح تخلصي من كل شي يذكرك فيه الله يهدي شباب وبنات المسلمين |
اقتباس:
لا حول ولا قوة الا بالله العلي القدير اخي الكريم انا اول مرة اعرف الاشياء ذي في الكمبيوتر طيب يا اخي ممكن تساعدها وتقول لها عن الحل بما انو لديك معرفة كثيرة بالكمبيوتر. لك الاجر والثواب الله يستر عليك أختي ويستر على بناتنا وبنات المسلمين ياااااااااارب |
مشكور يااخي خالد بس ياريت تساعدني اكثر وتمد لي يد العون لاني للحين ماقطعت علاقتي نهائيا .. لاني ابغى اتحايل عليه واعرف هل هوه صورني فعلا او لا .. وابغاك تكون معي خطوة بخطوة وكيف اتعامل معه عشان ارتاح .. لاني سألته قبل صورتني حلف انه ماصورني اصلا انا ماكنت مبينه وجهي .. وقالي انا مجنون لخرب بيتك مابيعمل كذا الا بعض السعودين لنن وين ووين بيشوفوا النسوان .. وحسيت انه فعلا ماصورني .. بس لما كنت اتحادث معه عالمسنجر صلبت صورتي وقالي ليش صورتكي مصلبة .. ولما سألت قالولي اذا صلبت الصورة معناته ان التقطتلك صوره ... الله يفرج همك ساعدني والله اني بهم مايعلم بيه الا الله .. والله اني كنت صاحبة دين وفي لحظة ضعف تدهورت .. الله المستعان .. وبعدين الجوال بإسم الوالد بس ماحسيته مهتم كثير بالمكالمات .. ولايتصل الا اذا انا اتصلت فيه وبعض الاحيان مابيرد .. اكثر شي نتحادث عالمسن ..
|
انا اصلا ماقلتله اني سعودية ولا اعطيته ولامعلومة صحيحة عني بس رقم جوالي هو المعلومة الصحيحة الي اعطيتها اياه بس هو مو مهتم بالجوال بالمره .. بس خايفة انه يطلع اسمي ويعرف اني كذبت عليه وينتقم مني .. ساعدوني الله يخليكم الله يفرج همكم
|
شوفي ،، من سابع المستحيلات يعترف لك انه صورك ،، لأنه يدري انه راح يخسرك لو قالها ،،، ولازم يبين ان نيته حسنه وانه قد الثقه علشان تثقين فيه اكثر وتعطينه الي يبي وانتي متطمنه ،، الي ابيه منك انك تصيرين قويه ، وماتبينين خوفك وضعفك علشان مايستغل هالشي ضدك ، وبيني له انك مايهمك شي وعااادي الي تبي تسويه سوه ، ثانياً قولي له ان الي صار غلط ، وانك تماديتي ، وانك لازم تصححين هالغلط ، وقولي له هالعلاقه لازم تتوقف علشان ما اتمادى اكثر ، وان هالمكالمه اخر مكالمه بيني وبينك ، وسامحني لو تطورت المسأله بضطر اقول بأبوي واخوي عن كل شي ، ومن ناحية الصوره (( ترا كلها عيونك وجزء من انفك )) على ما اظن ، فاا ماراح تكون هالصوره بالنسبه له شي ثمين ،، ولا تشيلين هم الصوره اذا علقت او صلبت على قولتك ،، ماهو معناه انه صورك ،، هو مجرد الاتصال ضعيف او بطيء والكام دائماً يعلق عادي يعني . بالعربي لا تشيلين هم الصوره انسيها .
وغير كذا انتي كم عمرك وهو كم عمره ؟ |
قولى لابوك واحد مزعجنى وخليه يلعن خامسه او انسرق جوالك بلجامعه او شفلك حل
يعنى بقولك هذا لبنانى مدري ليه وش معجبكم فيه بس حبيت اعلمك واذا حبك وش بيصير يعنى بيتزوجك؟ واذا بيتزوجك تتوقعين اهل بيوافقون ؟ وحتى لو تزوجتيه مصدقه بيعيش عمره معك ؟ولو جبتم ولد بكره بيستغلك ويذات هالاجانب ماتعرفينهم صدقينى محد عرفهم الا حريمهم وشووفيهم ولله انهم يمسحون فيهم البلاط !!و يعنى بالله تارك بنات ديرته علشان عيونك ذى ؟ استخدمى عقلك لو مره ؟ بلعربي مايبيك الا لمصالح مجهوله وهو عارف هالشى !! ابعدي عنه شفلك حل وهذا وانتى بنت قبيلة واصول على قولتك صدقينى لا تذلين ابوك بكره وتجيبين له مصيبه الا هل بلغت اللهم فشهد .. زى ماقلتلك .. ارمي جوالك كله وكسريه .. وربي يعوضك جوال احلى منه وحياة حلو باذن لله موفقه |
اقتباس:
وفعلن غبي لو مو مهتم في شكلك ماكان طلب هالشي .. انتبهى منه لله يحفظك |
اقتباس:
وشو يعني لو ماقلتي له بلسانك إنك سعودية طيب هو ماراح يعرف هالمعلومه من لهجتك وأنتي قاعده تكلميه بالجوال ؟!! ماراح يعرفها من رقم جوالك اللي أعطيتيه ؟!! |
اقتباس:
ريحتني يااخ خالد الله يفرج همك .. وانا فعلا الليلة راح انهي كل شي بيني وبينه.. ومستحيل اني كررها مره ثانية بإذن الله لاني حسيت انو انا فعلا غبية ومابفهم .. وانا اصلا مابنتله حتى عيوني خليت الكامير على جسمي بس .. هو اكبر مني بخمس سنوات |
| الساعة الآن 03:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©