|
ما أطبخ لك مثلا ؟؟
مساء الخير
بصراحة يا إخواني الحالة صعبببببببببة ’’ زوجي حاب يخفف أكل .. وزنه طبيعي لكنه متضايق وحاب يحافظ ع وزن معين ,, المهم ساعدته وتفهمت ,, يفطر بالدوام ونتغدى المغرب وأراعي أني أسوي أشياء خفيفة ,, شوربة وسلطة ,, صينية خضار ورز أبيض وهذي الشغلات ’’ مشكلته يعععععععععصب كل ماحطيت الأكل ’’ وش هذا .. وليش كذا كثير <<بس اسوي حق شخصين ودايم يخلص بس شي نفسي ’’ ويسوي سااااااااااالفو ويطفشني ويسد نفسي . واذا شبع ورفعت الأكل يكمل المحاضرة .. أنت تقهرين ,, أحيانا أحقد عليك ., أحس بطني مليان ,, قلت ماتحب اطبخ اي شي؟؟ قال لا ’’ (طبعا لازم اشاوره كل يوم ايش يحب ياكل ولا يتنرفز وهذي لحالها سالفة) طيب ,, انت تحب تخفف ,, كيف تجوع نفسك وبعدين تروح مطعم..قال عادي أكون ميت جوع ,, طيب كذا يضرك وكله كالوري.. وبعدين احساسه بالامتلاء لأنه لااااااااااااازم يشرب شي مع الأكل .. طبعا فهمته انو مضرّ ولا اهتم ,, عند الناس ياكل ,, وعندي يسوي قصص ولاتحطين اي شوكو مع القهوة ’’ طيب أنا ابغى !!! بصراااااااااااحه طفشت ,, تو قلت خلاااااااااااااص وجلست أبكي ,, مو فاهمته مو مرتب نفسه ومو متقبل مني شي ,, مو مصدقني ,, حتى الخضار اسويها بالفرن وبدون دهون ,, ولذيييييييييذة ,, يعني هذا المطلوب ,, بالله كيف. قررت أتركه ماعاد أطبخ ’’ المشكله قد سويتها ويجي فجأة يبغى قرصان باللحمة!! اللحمة كم يبي لها !! واذا سويت من نفسي لاااااااااااااااااااااااااا مين قال لك تسوين.. |
فعلا زوجك غريب
طيب انتي قبل تنامي اسئليه ايش تحب تاكل بكرة وهلي هو يختار وعلى اساسه اطبخي عشان لاتعبي نفسك عالفاضي |
ههههههههههههه نفس مشكلتي
لكن انا اعصب على امي لأن ماني متزوج في الحقيقة إن زيادة الوزن يشد الاعصاب انا اهاوش امي بانها ماتسوي اكل وإذا ماسوت اكل أروح اكل من السوق بس إذا هي سوت غداء اهاوشها واقلها انتي تبغين اصير دب وانتي حاقدة علي طبعاً امي ماتزعل مني عااارفة أنها نفسية فيني بسبب وزني زاد بشكل ملحوظ زوجك طبيعي مثل اي زوج حاس انه وزنه زااايد او مو عاجبه وزنه ..................... الحل هو تقبلي كلامه بصدر رحب مثل امي |
هههههههههههههههه..
مت ضحك.. عندي لك حل.. سوي اكل حق شخص واحد بس.. وإذا قام جوعان قولي له: والله بصراحة مدري انت شنو يرضيك.. يا انك تقولي بالظبط انت شنو تبي - ولا ترا خلاااااااص ماعاد اطبخ.. |
هههههههههههههههه
وسعي صدرككككككككككككككككككك <<<<<< ولا بتنجلطين اذن من عجين واذن من طين00 اصلا الرجيم هو ابو البلى كله !! والناس هات يارجيمااات00 والجسم بعدها بيزيد كيلوات بالهبل00 خفف00 وكل اكل صحي00 وبس بلا رجيمات بلا خرابيط00 |
تدرين لو انا بدالك ّ!!!
مابطبخ الين يعدل اسلوبه ... ولكن اسئليه وش تبي غداء بكره !!وهو يحدد وان حط عيوب بطني تعبى !! قولي انت كثرت !!! ليش كثرتي ؟؟! قولي انا ابيه جوعانه ! ليش وليش !!!هذا يبي يحط حرة قلبه فيك ؟؟!!!شكله معصب من شيء وجايك معصب وينتقد ..! وان انتقد بعد سوالك له وش تبي بكره وانتقد بعد مااكل !!! لاتسوووووووووين شيء ....!! واذا سئل وين الغداء فقولي انت تقول مايعجبك طبخي ....كل اكله ولا طبخه تحط عليها انتقاد ليه ؟؟! مو عاجبك ششيء .!! احترت وش يعجبك فقررت مااطبخ ! لهذا السبب وانتظر انت تعلمني وش تبي اطبخ لان عن جد ماادري وش يعجبك !! احترت معك . اقسم بالله ان زوجك يرفع الضغط. |
الصراحه وماتزعلي احس زوجك بخيييل وش معنى ياكل عند الناس عادي وفي بيته يسوي دايت؟؟؟؟؟؟؟
اذا قال ليش مكثره قولي جووووعااااانه باكله كله والباقي بخليه بعدين اذا حسيت جوووع وقولي لاتكثر لك ربع الاكل والباقي لي واذا انت تسوي دايت انا وش ذنبي مااكل مثلا؟ |
حبيبتي ماعليه خلي صدرج وسيع وتحملي زوجج بس انتي اعرفي طبعه قبل اي شي اساليه شنو يبي بالضبط بالنفصيل الممل بعد علشان مايقدر يحط الغلط عليج من يشبع
الله يسخره لج ويباركلكم ببعض |
وسعي صدرك ولاتتضايقي بس والله زوجك غريب انا احب اخفف بس مو الى هالدرجه يكون الواحد متنرفز عشان اكل الحياه الزوجيه حلوه وحلاااوتها بالتفاهم والاحترام وبالتوووفيق للجميع |
اسمعي ياقلبي’’,,
لاتطبخين له ولا تطبيخين اي شي بس انتي طبخي لك واذا قالك ليه تطبخين قوولي انا طبخت لنفسي لي مو لك على فكره هو جالس يتحكم فيك لا اونعم لاتهتمين بكلامه سوي لنفسك ولا تكلمينه علشان يعرف انك مولعبه |
عندي فكرة ان شاء الله ينصلح حالك ..
حطي صحن صغير واحد سلطه وصحن دويري وسط خضار ولا اي صنفين يطلب بس بنفس المقادير اللي ذكرتها ولاتحطين سماط حطي طفريه وملعقتين .. وسموا بسم الله وابدو وقولي والله ماله داعي البطرة الزايدة ويازين الرشاقه الحمدلله ان الله منعم علينا ولاقين شيء ناكله .. وانتي ما اوصيك اذا طلع كلي لك اندومي او اي شغله تحبينها .. بس خلينا نوصل الكذاب لبيته .. وشوفوا شنوا يقول اذا راضي ومبسوط اعرفي انه يحب التقشف واذا معصب ويقول شوي من بوكره سوي اللي تبين وهذا دليل على نفسيته يبي لك صبر وطولة بال وعطيه جوه يعني قولي اذا عصب والله الحق علي صح كلامك وكذا يعني واسيه يمكن من نفسيته صاير كلامه متناقض .. ربــي يسخره لك ويهديه ويفرحك فيه .. تكفين ادعي لي والاخوات والله ابي دعاااء فظهر الغيب.. |
من اساسيات الريجيم ان كل واحد ياكل بلحاااله
وبعدين اذا ماعجبه جيبي له صحن ياقلبي وحطي له ساندوتش بر باللبنه والطماطم مع زيتونه وخياره وعصير برتقال فريش وقولي له احبك وانت رشيق ياقلبي والغدا كل واحد ووجبته الي يبي الريجيم لازم يصبر والشوكولاته جيبي له مع الاكل شوكو دايت وبعدين باخر الاسبوع خليه يسويلك وجبه دايت على ذوقه قولي له علمني انت كيف تبي تاكل وانا ان شاء الله اتبع تعليمات حضرتكم ايها الشيف الموقر |
هو صح مو عاجبه وضع نفسه ,,
وممكن معصب من حاله ,, بس اللي مضايقني مو عارف يرتب نفسه ومو راضي ارتب اه ,, يعني يحب يتقهوى طول اليوم وعااااااادي ياكل تمر وطحينه كل ماحس بجوع ,, طييييييب ياعسل ,, الطحينة كالوري !!! مو تتقهوى مرتين ثلاث باليوم عليها !! وبالسيارة يشتري باور هاوس وسنكرس .. يعني تناااااااااااااااقض ,, واللي حكت طريقة انو أحط الأكل بصينية هذا الي أسويه ,, وكثييييير أسوي له لوحده وأنا آكل ع راحتي ’’ ذكرتوا لي فكرة الساندوتشات ,, مايحبها ’’ يحب الأكلات الايطالية والشامية ,, أنا اللي مضايقني ليش يعصب علي ؟؟ وبعدين يموت جوع ويقول جوووووعان من الفطور ما أكلت !! قلبي رحووووووووووووم ومايتوب ,, ما أحب أتركه بدون ما أسوي شي ,, بالنسبة اللي حكت أنو بخل ,, لا حبيبتي ,, أحمد ربي مو بخيل ,, كيف بخيل وهو يروح ياكل برا وبضعف الثمن ؟؟ عموما ماراح أطبخ بكرة ولاراح أشاوره لحد مايطلب بنفسه .. مع أني أحس مايصلح نظام فاشل,,حاولت اقنعه يتبع نظام معين,,مو مشكلة أكون معاه. وياااااااحبي لأميمتك ياسلطان ,, رحمتها ياقليبي ,, والله حرام قلبها حنون لاتقسى ولو ماتاكل هذا الشي بيدك .. أذا أحسسست بالشبع فأمسك ,, لاتصل حدّ التخمه وتشرب مع الأكل أو تتبع وجبتك بالفواكه ,, كان الله في عونكما أنت وزوجي .. **اضافة ,, كمان قلت له هو اللي يطبخ بآخر الأسبوع تعرفين ايش سوى ؟؟ لحم ع الصاج مع صوص المايونيز وطبعا خبز وسلطة وعصير !! |
فيه مثل يقول بالمعنى ..
أول ما تخسر في الريجيم هو حس الدعابة ... بمعنى أن الشخص المتبع للريجيم القاسي وخاصة اسلوب التجويع ... سيكون دائما في حالة عصبية ونفسية لا تطاق ... فالله يعينك .... لكن نبهيه لمسألة أن اسلوب التجويع وان أنقص من وزنه في البداية فإنه الوزن المفقود سيعود وزيادة ... لأن ما ذهب سريعا سيعود سريعا ... |
اسمحيلي
الي يسويه زوجك موب دايت ولا يقرب له باور هورس ومدري ايش اتوقع ان الدايت لك انتي يمكن حاااس انك سامنه شوي بصراحه وقفي دايت وقوليله ياتسوي دايت جااااد ياوقف لانك تتعبني كذا اذا شفتيه يمارس رياضه يومي وقتها على راسي ابدا انا معاه احلى دايت لاني احس انه جاااد موب بس يلعب باعصابي |
اللي يسوي دايت مو معناته مره وحده ماياكل شئ
خليه يمشي على ريجيم معين ويكون مكتوب بورقه وتسويله الاكل على حسب كل يوم |
بصراحة ما أدري سر تقلب نفسيته وتناقضه مع نفسه
هل لأنه خايف من انه يفشل داخل نفسه ولا ينزل وزنه عموما قولي له ايش رايط تبطل حميه لأنك مو ماشي عليها وإحساسك إنك فيها متعبك نفسيا عالفاضي شرايك تآكل اللي تبي يس تسوي رياضة وانت قللي الكمية شوي شوي وفي البداية خلوها مشي لو انتي معاه وخليه يكثر من السوائل يمكن تقلل احساسه بالجوع والله يعينك على أصحاب النفسيات الغريبة في الأكل |
| الساعة الآن 05:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©